ߋߙߐߔ ߖߡߊߣߊ ߡߍ߲ ߠߎ߬ ߦߴߊ߬ ߞߊ߲߬ ߞߊ߬ ߌߞߍߙߍ߲ߣߌ߲߬ ߞߐߡߊߓߌ߲ߓߌ߲߫߸ ߏ߬ ߟߎ߫ ߞߊ߬ ߟߊ߬ߘߍ߬ߓߊ ߘߏ߫ ߟߋ߬ ߘߊߡߌ߬ߣߊ߫ ߓߌ߬߸ ߝߊ߬ߙߊ߲߬ߛߌ߬ ߖߡߊߣߊ ߞߣߐ߫، ߟߊ߬ߢߌߣߌ߲ ߦߋ߫ ߡߍ߲ ߘߌ߫߸ ߏ߬ ߟߋ߬ ߦߋ߫ ߌߞߍߙߍ߲ߣߌ߲߬ ߠߊ߫ ߟߊ߬ߞߊ߲߬ߘߊ߬ߟߌ ߝߍ߬ߙߍ ߟߎ߬ ߛߌ߰ ߘߌ߫ ߛߋ߲߬ ߠߊ߫߸ ߞߊ߬ߦߌ߯ ߞߎߣߎ߲߬ ߥߎ߬ߙߊ ߟߋ߬ ߝߍ߬߸ ߌߞߍߙߍ߲ߣߌ߲߬ ߞߊ߲ߕߌ߮ ߝ߭ߏߟߏߘߡߌߙߌ߫ ߖ߭ߋߟߍ߲ߛߑߞߌ߫ ߛߣߍ߫ ߘߊ߫ ߝߊ߬ߙߊ߲߬ߛߌ߫ ߞߊ߲ߕߌ߯ ߞߎߓߋ ߟߊ߫߸ ߊ߬ߟߋ ߓߐ ߞߐ߫ ߊ߬ ߘߐ߫߸ ߝߘߊ߬ߜߍ߬ߟߊ߫ ߖߡߊ߬ߣߊ߬ ߢߍߡߐ߮ ߊ߬ ߣߌ߫ ߞߎ߲߬ߠߊ߬ߛߌ߰ ߘߍߞߙߎ߫ ߢߍߡߐ߯ ߇ ߟߋ߬ ߦߋ߫ ߊߟߌߖ߭ߋߙߌ߫ ߞߣߐ߫ ߓߌ߬ ߟߊ߬ߘߍ ߟߊ߫.
ߊߡߙߌߞߌ߬ ߞߊ߲ߕߌ߮ ߟߊ߫ ߗߋߘߋ߲ ߝߣߊ߫ ߦߋ߫ ߟߊ߬ߘߍ ߢߌ߲߬ ߞߣߍ ߞߊ߲߬߸ ߞߊ߬ ߞߐ߲߰ ߟߊ߬ߘߍ ߣߌ߲߬ ߢߍ߫ ߋߡߊߣߎ߳ߦߍߟ ߡߊߞߑߙߐ߲߫ ߞߵߊ߬ ߝߐ߫ ߟߋ߬ ߞߏ߫ ߊ߬ߟߎ߬ ߟߊ߫ ߣߊ߲߬ߕߌ߰ ߢߍߡߐ߮ ߟߎ߬ ߕߍ߬ߘߍ߫ ߓߍ߲߬ ߘߊ߫ ߟߊ߬ߞߊ߲߬ߘߊ߬ߟߌ ߝߊ߲߬ߝߘߊ ߡߍ߲ ߠߎ߫ ߡߊ߬߸ ߏ߬ ߟߎ߫ ߟߋ߬ ߓߍߣߊ߬ ߘߌ߫ ߌߞߍߙߍ߲ߣߌ߲߬ ߡߊ߬߸ ߣߌ߫ ߞߍ߬ߟߍ ߓߊ߲߫ ߘߊ߫ ߞߏ߬ߣߌ߲߬߸ ߊ߬ߟߎ߬ ߟߊ߫ ߓߌ߬ ߟߊ߬ߘߍ ߓߎ߲ߓߎ߲ߣߍ߲߫ ߕߍ߫ ߘߏ߫ ߜߘߍ߫ ߡߊ߬ ߣߌ߫ ߌߞߍߙߍ߲ߣߌ߲߬ ߟߊ߫ ߟߊ߬ߞߊ߲߬ߘߊ߬ߟߌ߬ ߞߏ ߕߍ߫߸ ߊ߬ߟߎ߫ ߓߘߍ߬ߓߘߍ߬ߟߌ߬ ߡߐ߮ ߜߊ߲ߛߊ߲ ߓߍߣߊ߬ ߞߎߡߊ߫ ߏ߬ ߟߎ߫ ߟߋ߬ ߞߊ߲߬߸ ߣߌ߫ ߝߘߊ߫ ߞߍ߫ ߘߊ߫ ߡߍ߲ ߡߊ߬ ߏ߬ ߘߐ߫ ߛߊ߫߸ ߊ߬ߟߎ ߘߌ߫ ߏ߬ ߟߊߛߋ߫ ߘߏߣߊߟ ߕߑߙߐ߲ߔ ߡߊ߬.
ߟߊ߬ߘߍ ߣߌ߲߬ ߓߍߣߊ߬ ߞߎ߲߭ ߘߏ߲߬ ߦߊ߬ߣߌ߫ ߕߎ߬ߡߊ߬ߙߋ߲߬ ߘߊ߲ߘߐ߫ ߞߘߐ߫߸ ߓߊ߬ߙߌ߫߸ ߦߊ߬ߣߌ߫ ߊ߬ ߦߋ߫ ߞߎ߲߭ ߘߏ߲߬ ߘߏߣߊߟ ߕߑߙߐ߲ߔ ߞߊ߫ ߞߊ߲߫ ߞߊ߬ ߘߏ߲߬ ߊ߬ ߟߊ߫ ߓߟߐߟߐ߫ ߛߌߟߊ ߟߎ߬ ߞߊ߲߬߸ ߊ߬ ߣߌ߫ ߌߞߍߙߍ߲ߣߌ߲߬ ߞߐߡߊߓߌ߲ߓߌ߲߫ ߖߡߊߣߊ ߕߐ߭ ߟߎ߬ ߢߍߡߐ߮ ߟߎ߬ ߦߊ߫ ߞߊ߲߫ ߞߊ߬ ߤߊߞߟߌ߫ ߟߊߝߌߙߌ߲ߝߌߙߌ߲ ߘߏ߫ ߟߎ߫ ߞߍ߫ ߦߋ߲߬ ߘߐ߫، ߟߊ߬ߘߍ ߓߊ߯ ߞߎ߲߭ ߘߏ߲߬ ߕߎ߬ߡߊ߬ߣߊ ߡߍ߲ ߠߊ߫߸ ߋߡߊߣߎ߳ߦߍߟ ߡߊߞߑߙߐ߲߫ ߣߌ߫ ߝ߭ߏߟߏߘߌߡߙߌ߫ ߖ߭ߋߟߍ߲ߛߑߞߌ ߓߍߣߊ߬ ߟߋ߬ߛߋ߬ߟߌ ߟߊߕߊ߬ߡߌ߲߬ ߝߐ߰ߓߍ߬ߦߊ߬ߟߊ ߟߎ߬ ߦߋ߫߸ ߌߞߍߙߍ߲ߣߌ߲߬ ߟߊ߬ߞߊ߲߬ߘߊ߬ߟߌ ߟߎ߬ ߞߊ߲߬، ߘߏߣߊߟ ߕߑߙߐ߲ߔ ߞߏ߬ߣߌ߲ ߞߐ߲߰ ߘߴߊ߬ ߝߐ߫ ߡߊ߬߸ ߞߏ߫ ߊ߬ߟߋ ߖߌ߰ ߡߊ߫ ߝߊ߫߸ ߝ߭ߌߟߊߘߌߡߙߌ߫ ߔߍߕߍ߲߫ ߠߊ߫ ߞߍߕߊ ߟߎ߬ ߟߊ߫߸ ߓߊߏ߬߸ ߞߏ߫ ߊ߬ߟߎ߬ ߕߍ߫ ߞߊ߬ ߞߎ߲߬ߠߊ߬ߝߎ߬ߟߋ߲߬ ߘߌ߫ ߓߍ߲߬ߒ߬ߡߊ߬ߞߊ߲ ߠߎ߬ ߞߊ߲߬ ߝߟߐ߫߸ ߊ߬ ߘߏ߲߬ ߞߏ߫ ߣߌ߫ ߝ߭ߟߊߘߌߡߙߌ߫ ߔߎߕߍ߲߫ ߡߊ߫ ߞߎߡߊ߫߸ ߞߏ ߘߏ߫ ߓߍߣߊ߬ ߓߐ߫ ߊ߬ ߘߐ߫.
