ߓߙߎߞߌߣߊ߫ ߝߊ߬ߛߏ߫ ߖߡߊ߬ߣߊ ߞߊ߲߬߸ ߛߍ߬ߘߏ߲߬ߠߊ߬ ߛߌߦߊߡߊ߲߫ ߠߋ߬ ߓߐ߫ ߘߊ߫ ߞߎߣߎ߲߬ ߞߐ߬ߟߏ߲ ߡߊ߬߸ ߕߐ߲߫ ߓߟߏߡߊ ߟߎ߬ ߞߏ߬ߣߌ߲ ߞߊ߬ ߛߍ߬ߘߏ߲߬ߠߊ ߟߎ߬ ߖߍ߲ߛߍ߲߫ ߠߋ߬߸ ߊ߬ ߣߌ߫ ߞߊ߬ ߟߊ߬ߛߏ߬ߓߟߌ߬ ߞߍ߫ ߡߏ߬ߙߌ߬ߝߊ߬ ߡߊ߲ߞߊ߲ ߠߎ߬ ߟߊ߫߸ ߛߍ߬ߘߏ߲߬ߠߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ ߘߏ߫ ߝߙߊ߬ ߣߊ߲߬ߕߌ߮ ߟߎ߬ ߓߙߍ߬ߦߊ ߞߊ߲߬ ߊ߬ߟߎ߬ ߟߊ߫ ߘߎ߱ ߟߊ߫، ߘߎ߱ ߣߌ߲߬ ߦߋ߫ ߣߎߣߊ߫ ߡߊ߬ߙߊ ߟߋ߬ ߞߣߐ߫߸ ߡߊ߬ߟߌ ߓߐߕߏ߲ ߞߍ߬ߙߍߝߍ߬.
ߊ߬ ߓߘߊ߫ ߛߊ߲߭ ߛߊ߬ߓߊ߫ ߢߐ߲߰ ߓߐ߫߸ ߕߋ߰ߙߋ ߟߎ߬ ߞߊ߬ ߓߋ߬ߒ߬ߞߊ߲߬ߠߌ߲ ߘߏ߫ ߞߍ߫ ߞߟߍ߬ߡߐ߯ ߛߊ߬ߓߊ߫ ߣߌ ߕߏ߫ ߘߴߊ߬ ߘߐ߫ ߏ߬ ߡߍ߲ ߛߋ߲߭ߝߍ߬ ߓߙߊߣߌ߫߸ ߕߐ߲߫ ߓߟߏߡߊ ߟߎ߬ ߟߊ߫ ߘߊ߮ ߘߏ߫ ߞߊ߲߬، ߏ߬ ߥߊ߯ߕߌ߫ ߟߋ߬ ߟߊ߫ ߞߎ߲߬ߠߊ߬ߛߌ߮ ߟߎ߬ ߞߊ߬ ߟߊ߬ߥߊ߲߬ߞߊ߲߬ߠߌ߲ ߘߏ߫ ߞߍ߫ ߕߋ߰ߙߋ߬ ߁߃ ߟߋ߬ ߝߊ߰ ߞߏ ߞߊ߲߬ ߓߋ߬ߒ߬ߞߊ߲߬ߠߌ߲ ߏ߬ ߛߋ߲߭ߝߍ߬߸ ߊ߬ ߘߏ߲߬ ߞߊ߬ ߞߐ߲߰ ߏ߬ ߢߍ߫ ߓߋ߬ߒ߬ߞߊ߲߬ߠߌ߲߬ ߜߘߍ߫ ߕߘߍ߬ ߓߘߊ߫ ߢߍߛߌ߲߫ ߓߙߊߣߌ߫ ߕߐ߲߫ ߓߟߏߡߊ ߟߎ߬ ߟߊ߫ ߘߊ߮ ߣߌ߲߬ ߡߊ߬ ߛߋ߲߬ߧߊ߫ ߝߌ߬ߟߊ߫ ߞߘߐ߬ߡߊ߲߫߸ ߛߍ߬ߘߏ߲ ߣߌ߲߬ ߞߏ߬ߣߌ߲ ߡߊ߫ ߟߊߓߊ߲߫ ߞߏߢߌ߬ߡߊ߬߸ ߓߊߏ߬߸ ߕߐ߲߫ ߓߟߏߡߊ ߟߎ߫ ߞߊ߬ ߛߍ߬ߘߏ߲߬ߠߊ ߟߎ߬ ߖߍ߲ߛߍ߲߫ ߡߏ߬ߙߌ߬ߝߊ߬ ߡߊ߲ߞߊ߲ ߠߎ߬ ߟߋ߬ ߟߊ߫߸ ߝߏ߫ ߞߊ߬ ߡߊ߬ߘߌ߬ߡߌ߲߬ߣߌ߲ ߓߐ߫ ߊ߬ ߘߐ߫.
