ߞߊ߬ߦߌ߯ ߞߊ߯ߙߌ߬ ߕߊ߬ߡߌ߲߬ߣߍ߲߸ ߂߀߂߅ ߘߓߊ߬ߓߌߟߊ ߕߟߋ߬ ߃߁߸ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߟߎ߬ ߟߊ߫ ߖߌߟߊߝߍ ߞߟߏߞߕߏߦߊ߫ ߕߊ߲ߠߌ߲ ߛߌ߰ ߘߊ߫ ߛߋ߲߬ߠߊ߫ ߖߌ߬ߣߍ߬ ߛߏߓߊ ߝߌߟߊߣߊ߲ ߞߣߐ߫߸ ߣߊߟߌ߬ߡߎ߲߬ ߞߊ߲ߞߊ߲߫ ߘߌ߫߸ ߒߓߊ߯ߟߎ߫ ߡߊ߯ߘߌ߫ ߖߊ߬ߞߌ߬ߕߋ߫ ߕߏ߬ߟߊ߲߬ߕߊ߲߬ ߓߙߊ ߘߐ߫، ߒ߬ߓߊ߬߸ ߊ߬ߟߎ߬ ߟߊ߫ ߕߏ߬ߟߊ߲߬ߕߊ߲ ߣߌ߲߬ ߘߊߡߌߣߊ ߘߐ߫߸ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߦߴߊ߬ ߘߐ߫߸ ߞߊ߬ ߝߘߊ߫ ߓߙߎߞߌߣߊ߫ ߝߊ߬ߛߏ߬ ߟߊ߫߸ ߡߊ߬ߟߌ߸ ߟߌߓߋߙߌߦߊ߫߸ ߊ߬ ߣߌ߫ ߖߌ߬ߣߍ߬ ߞߊ߲ߓߍ߲.
ߢߐ߲߯ߓߍ߲߫ ߛߊ߬ߓߊ߫ ߟߋ߬ ߞߍ߫ ߘߴߊ߬ ߟߏ߲߫ ߝߟߐ ߡߊ߬߸ ߖߌ߬ߣߍ߬ߞߊ ߟߎ߬ ߟߊ߫ ߊߝߌߦߊ߸ ߊ߬ ߣߌ߫ ߡߊ߬ߟߌ߬ߞߊ ߟߎ߬ ߟߊ߫ ߖߏ߬ߟߌߓߊ߬ ߟߋ߬ ߞߊ߬ ߢߐ߲߯ߓߍ߲ ߝߟߐߡߊ ߞߍ߫߸ ߣߌ߫ ߖߏ߬ߟߌߓߊ߬ ߞߊ߬ ߊߝߌߦߊ ߘߊ߬ߘߌ߫ ߕߎ߬ ߁ ߠߊ߫، ߢߐ߲߯ߓߍ߲ ߝߌߟߊߣߊ߲ ߘߐ߫߸ ߛߑߕߊߘ ߡߊߟߌߦߍ߲ ߣߌ߫ ߓߙߎߞߌߣߊ߬ ߝߊ߬ߛߏ߬ ߙߊߦߌߡߐ߲ ߠߋ߬ ߞߊ߬ ߢߐ߲߯ߓߍ߲߬߸ ߙߊߦߌߡߐ߲ ߞߊ߬ ߛߑߕߊߘ ߡߊߟߌߦߍ߲ ߘߊ߬ߘߌ߫ ߕߎ߬ ߂-߁ ߞߊ߲߬، ߢߐ߲߯ߓߍ߲ ߛߓߊߣߊ߲ ߛߊ߫߸ ߖߌ߬ߣߍ߬ ߤߙߐߦߊ ߣߌ߫ ߟߌߓߋߙߌߦߊ߫ ߟߌߛߑߞߍߙ ߞߵߊ߬ ߟߊ߫ ߢߐ߲߮ ߕߍ߯߸ ߏ߬ ߟߎ߫ ߞߊ߬ ߞߊߚߊߕߊߕߊ ߟߋ߬ ߞߍ߫ ߀-߀ ߞߊ߲߬.
ߤߙߐߦߊ ߞߍߙߍ߲ߘߊ ߟߞߊ߬ߙߊ߲߬ߧߊ߬ߟߌ߬ߟߊ ߣߎߤߎ߲߬ ߖߊ߰ߣߍ ߞߵߊ߬ ߦߌ߬ߘߊ߬߸ ߞߏ߫ ߕߏ߬ߟߊ߲߬ߕߊ߲ ߣߌ߲߬ ߘߌ߫ ߞߍ߫ ߛߊߓߎ߫ ߘߌ߫ ߞߵߊ߬ߟߎ߫ ߟߐ߬ ߓߟߏߘߐߓߍ߲߫ ߖߐ߲ߖߐ߲߫ ߞߍ߫ ߟߊ߫، <<ߕߎ߬ߢߊ ߟߋ߬߸ ߊ߲ ߧߋ߫ ߞߟߏߞߕߏߦߊ߫ ߕߊ߲ߠߌ߲ ߓߟߏߘߐߓߍ߲߫ ߢߐ߲߯ߓߍ߲ ߠߎ߬ ߟߋ߬ ߞߊ߲߬ ߕߋ߲߬، ߊ߬ߟߋ߬ ߢߐ߲߯ߓߍ߲ ߘߏ߲߬ ߦߋ߫ ߞߎ߲߬ߠߊ߬ߦߋߙߋ߲ ߠߋ߬ ߘߌ߫߸ ߣߴߊ߬ ߡߊ߫ ߢߊ߬ ߞߏ߫ ߤߙߐߦߊ ߟߋ߬ ߖߌ߬ߣߍ߬ ߞߟߏߞߕߏ ߘߌ߫߸ ߊ߬ ߦߋ߫ ߖߌ߬ߣߍ߫ ߞߎ߲߬ߠߊ߬ߦߋߙߋ߲ ߠߋ߬ ߘߴߏ߬ ߘߐ߫ ߞߍ߬، ߏ߬ ߟߋ ߘߐ߫߸ ߊ߲ ߧߴߊ߬ ߞߊ߲߬ ߞߵߊ߲ ߞߊߘߊ߲߫ ߞߊ߬ ߛߋ߫ ߕߏ߬ߟߊ߲ ߕߊ߲߫ ߠߴߊ߬ ߢߌ߬ߡߊ ߟߊ߫.>>
ߓߙߎߞߌߣߊ߫ ߝߊ߬ߛߏ߬ ߙߊߦߌߡߐ߲ ߍߝ.ߛߋ ߛߋ߫ ߘߊ߫ ߞߊ߬ ߛߑߕߊߘ ߡߊߟߌߦߍ߲ ߘߊ߬ߘߌ߫ ߕߎ߬ ߂-߁ ߞߊ߲߬، ߙߊߦߌߡߐ߲ ߞߍߙߍ߲ߘߊ ߟߞߊ߬ߙߊ߲߬ߧߊ߬ߟߌ߬ߟߊ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߞߏ ߡߊ߫ ߓߊ߬ߙߴߊ߬ ߘߐ߫، <<ߣߌ߲߬ ߡߊ߫ ߓߙߊ߬ ߒߠߋ ߘߐ߫، ߊ߬ ߘߌ߫ ߛߋ߫ ߞߍ߫ ߟߊ߫߸ ߊߟߎ߫ ߡߊ߫ ߙߊߦߌߡߐ߲ ߕߐ߮ ߡߍ߲߫ ߡߎߣߎ߲߬، ߓߊ߬ߙߌ߬ ߞߍߙߍ߲ߘߊ߫ ߟߋ߬߸ ߒ ߞߊ߬ ߡߍ߲ ߟߐ߲߫ ߞߏߛߓߍ߫، ߒߠߋ ߟߋ߬ ߞߵߊ߬ߟߎ߬ ߟߊߞߊ߬ߙߊ߲߬ߧߊ߫ ߛߊ߲߭ ߕߊ߬ߡߌ߲߬ߣߍ߲߸ ߒߠߋ ߟߋ߬ ߞߟߏߞߕߏߦߊ߫ ߕߊ߲ߠߌ߲߫ ߕߊ߬ߡߌ߲߬ߣߍ߲ ߖߌߟߊߝߍ ߕߊ߬߸ ߞߊ߬ ߓߊ߲߫ ߞߊ߬ ߝߊ߬ߛߏ ߖߌߟߊߝߍ ߕߊ߬، ߏ߬ ߘߐ߫߸ ߙߊߦߌߡߐ߲ ߦߋ߫ ߕߏ߬ߟߊ߲߬ߕߊ߲߬ ߞߙߎ߬ ߓߘߍ߫ ߟߋ߬ ߘߌ߫߸ ߡߍ߲ ߠߎ߬ ߟߊ߫ ߓߌ߬ߟߊ߬ߢߐ߲߰ߠߊ ߕߍ߫ ߞߏߣߍ߲߫ ߘߌ߫، ߕߏ߬ߟߊ߲߬ߕߊ߲߬ߠߊ߫ ߟߎ߫ ߦߴߊ߬ߟߎ߬ ߘߐ߫߸ ߡߍ߲ ߠߎ߬ ߕߎ߲߬ ߞߵߊ߬ߟߎ߬ ߢߐ߲߮ ߛߋ߲߭ ߟߐ߲߫ ߞߘߐ߬ߡߊ߲߬، ߏ߬ ߟߋ ߘߐ߫ ߣߴߊߟߎ߫ ߞߵߊ߬ ߟߊߞߙߐ߬ߛߌ߬߸ ߒ ߠߊ߫ ߘߋ߲ߣߍ߲ ߠߎ߫ ߕߍ߬ߘߴߊ߬ߟߎ߫ ߞߎ߲߬ ߢߌߣߌ߲ ߠߋ߬ ߞߊ߲߬، ߢߐ߲߯ߓߍ߲ ߣߌ߲߬ ߞߏ߬ߣߌ߲ ߓߍ߲߬ߣߍ߲߬ߓߊ ߟߋ߬، ߓߊߏ߬߸ ߊ߬ ߘߌ߫ ߞߍ߫ ߛߊߓߎ߫ ߘߌ߫߸ ߞߊ߬ ߒ ߘߍ߬ߡߍ߲߫ ߞߊ߬ ߞߙߎ߫ ߢߣߊߡߊ߫ ߛߌ߰ ߛߋ߲߬ߠߊ߫߸ ߡߍ߲ ߣߌ߫ ߝߘߊ߬ߝߌ߲߬ߠߊ߫ ߞߍߙߍ߲ߘߊ ߟߎ߬ ߘߴߊ߬ߟߎ߬ ߢߊ ߥߟߏ߫ ߢߐ߲߮ ߢߊ ߘߐ߫.>>
ߕߏ߬ߟߊ߲߬ߕߊ߲߬ ߢߐ߲߯ߓߍ߲ ߣߌ߲߬ ߞߎ߲߬ߝߊ߮ ߞߍߕߐ߫ ߕߎߟߊߝߌ߲ ߕߟߋ߬ ߆ ߟߋ߬ ߡߊ߬ ߞߊ߲ߞߊ߲߫ ߞߣߐ߫.
ߛߌߕߊ߲߬ ߞߊ߬ߓߊ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
