ߓߍ߯ߦߊ߫ ߞߏ߲߬ߞߏ߫ ߖߡߊ߬ߣߊ ߞߊ߲߬߸ ߕߋߟߋ߲ߓߊ߯ߦߊ߫ ߞߏߕߌ߯ ߞߘߐ ߞߐ߲ߛߑߕߊ߲ ߡߎߕߊ߲ߓߊ߫ ߟߊ߫ ߞߕߌ ߡߍ߲ ߕߎ߲߬ ߦߋ߫ ߛߋ߲߬ߠߊ߫߸ ߊ߬ ߞߵߊ߬ ߓߋ߭ ߣߴߊ߬ ߥߌ߬ߟߌ ߟߐ߲߫ ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߂߀߂߅ ߕߎߟߊߝߌ߲ ߕߋ߬ߟߋ߫ ߂، ߞߐ߲ߛߑߕߊ߲ ߡߎߕߊ߲ߓߊ߫ ߟߊ߫ ߞߕߌ ߕߍ߰ߣߍ߲߫ ߞߵߊ߬ ߓߌ߬ߟߊ߫ ߛߊ߲߭ ߛߓߊ߬ ߘߌߦߊߜߏߦߊ߫ ߓߊ߯ߙߊ߫ ߟߋ߬ ߟߊ߫.
ߞߕߌ ߣߌ߲߬ ߕߎ߲߬ ߓߘߊ߫ ߟߐ߯ߟߊ߫ ߞߵߊ߬ ߓߐ߫ ߊ߬ ߡߊ߬ ߛߋ߲߬ߢߊ߬ ߛߌߦߊߡߊ߲߫ ߠߋ߬߸ ߏ߬ ߟߋ ߕߍ߰ߣߍ߲߫ ߓߌ߬ ߛߊ߫߸ ߓߍ߯ ߟߊߘߍ߬ߣߍ߲ ߕߘߍ߬ ߡߍ߲ ߡߊߞߐ߬ߣߐ߲ ߛߌ߱ ߘߐ߫، ߊ߬ ߟߊ߫ ߛߊ߲߭ ߛߓߊ߬ ߘߌߦߊߜߏߦߊ߫ ߓߊ߯ߙߊ߫ ߞߏ ߣߌ߲߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߊ߬ ߓߘߊ߫ ߦߌ߬ߘߊ߫ ߞߌ߲߬ߛߊߛߊ߬ ߞߕߌ߫ ߥߦߊߘߊ ߓߟߏ߫߸ ߞߏ߫ ߛߊ߲߬ ߟߏ߯ߟߎ߫ ߞߘߐ߫߸ ߊ߬ ߦߋ߫ ߡߊ߬ߡߌ߬ߘߊ߬ߟߌ߬ߓߊߟߌ߫ ߛߎߥߊ߲ߘߌߓߊߟߌ ߟߋ߬ ߘߌ߫، ߊ߬ ߕߴߛߋ߫ ߡߊ߬ߡߌ߬ߘߊ߬ߟߌ߬ ߞߍ߫ ߟߴߏ߬ ߞߘߐ߫߸ ߊ߬ ߕߴߛߋ߫ ߢߣߊߕߊߟߌ߫ ߝߣߊ߫ ߞߍ߫ ߟߊ߫.
ߓߌ߬ߟߊ߬ ߞߍߣߴߊ߬ ߞߐ߫ ߟߋ߬߸ ߞߏ߫ ߊ߬ ߓߘߊ߫ ߘߟߊ ߞߋ߲߬ߥߟߎ߫ ߂߀ ߞߎ߲߬ߡߙߎ߫߸ ߏ߬ ߡߍ߲ ߘߌ߫ ߘߊ߫ ߞߌߛߊ߲ߜ߭ߊߣߌ߫ ߥߛߎ߫ ߞߎߘߊ ߟߐ߬ ߞߊ߲ߡߊ߬، ߊ߬ ߞߏ߬ߣߌ߲߸ ߞߕߌ ߘߊߡߌ߬ߣߊ߬ߣߍ߲߫ ߠߋ߬ ߤߊ߲߯ ߓߌ߬߸ ߡߎߕߊ߲ߓߊ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ ߛߐ߲߬ ߕߴߊ߬ ߘߐ߫، ߊ߬ ߖߍ߬ߘߍ߸ ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߓߟߏ߫ ߞߊ߫ ߞߊ߲߫ ߞߊ߬ ߓߐ߫ ߟߋ߬ ߊ߬ߟߎ߬ ߟߊ߫ ߟߊ߬ߝߛߊ߬ߕߊ ߘߐ߫ ߝߋߎ߫، ߓߊ߬ߙߌ߬߸ ߝߘߏ߬ߓߊ߬ ߞߏߕߌ߯ߘߊ ߞߵߊ߬ ߦߌ߬ߘߊ߬ ߞߏ߫ ߛߊ߲߬ ߁߀ ߘߌߦߊߜߏߦߊ߫ ߓߊ߯ߙߊ߫ ߟߋ߬ ߞߊ߫ ߞߊ߲߫ ߞߊ߬ ߟߴߊ߬ ߞߎ߲߬.
ߝߘߏ߬ߓߊ߬ ߞߏߕߌ߯ߘߊ ߞߊ߬ ߡߊ߬ߝߌ߲߬ߠߌ߲߬ߞߊ߲߬ߠߊ ߘߏ߫ ߟߎ߫ ߝߐ߫ ߞߐ߲ߛߑߕߊ߲ ߡߎߕߊ߲ߓߊ߫ ߣߐ߬ ߘߊ߫߸ ߞߏ߫ ߊ߬ ߥߊߘߌ߫ ߟߊߕߊ߮ ߘߏ߫ ߟߎ߫ ߞߍ߫߸ ߊ߬ ߡߊ߫ ߛߋ߫ ߟߕߊ߬ߡߌ߲߬ߡߊ߬ߟߌ ߛߙߊߕߌ ߟߎ߬ ߡߊߓߏ߲߬ߧߊ߬ ߟߊ߫ ߡߍ߲ ߠߎ߬ ߘߐ߫، ߞߊ߬ ߞߎߡߊ ߏ߬ ߛߐ߫ ߖߌ߫ ߟߊ߫ ߝߘߏ߬ߓߊ߬ ߞߏߕߌ߯ߘߊ ߓߟߏ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߎߕߊ߲ߓߊ߫ ߞߊ߬ ߥߊߘߌ ߘߏ߫ ߕߊ߬ ߓߍ߯ߦߊ߫ ߞߏ߲߬ߞߏ߬ ߣߌ߫ ߎߜ߭ߊ߲ߘߊ߫ ߛߊ߬ߙߌ߬ߦߊ߬ ߛߐ߬ߛߐ߬ ߓߊ߯ߙߊ ߟߎ߬ ߞߏߕߐ ߟߎ߬ ߓߟߏߢߐ߲߯ߠߛߊߦߌ ߣߌ߫ ߣߘߐ߬ߓߍ߲ ߞߏ߲߬ߘߏ ߟߊ߫߸ ߞߵߏ߬ ߟߊߕߊ߯ ߞߏ߲߬ߘߏ߬ ߜߘߍ߫ ߟߊ߫ ߖ߭ߌߦߐ߲ ߞߐߛߑߕߙߎ߳ߞߑߛߌߦߐ߲ ߕߐ߯ ߘߐ߫߸ ߏ߬ ߟߋ߫ ߦߋ߫ ߟߐ߬ߟߌ߬ ߥߊߟߌߘߊ ߘߏ߫ ߟߋ߬ ߘߌ߫، ߞߕߌߞߊ߲ߘߊ ߞߵߊ߬ ߦߌ߬ߘߊ߬ ߞߏ߫ ߞߏ߫ ߟߋ߬ ߘߏ߲߬ ߦߴߏ߬ ߘߌ߫߸ ߡߍ߲ ߦߋ߫ ߘߎ߰ߡߟߊ߬ߡߌߘߊ ߘߌ߫ ߞߊߡߊ߬ ߓߍ߯ ߘߏ߫ ߘߐ߫.
ߞߕߌ ߣߌ߲߬ ߕߍ߰ߕߐ߬ߟߊ߸ ߞߕߌߕߍ߯ߟߊ ߞߵߊ߬ ߓߊ߲ߓߊ߲߫ ߡߊ߬ߝߌ߲߬ߠߌ߲߬ ߞߎߡߊ ߏ߬ ߟߎ߫ ߟߋ߬ ߞߊ߲߬، ߞߵߊ߬ ߦߌ߬ߘߊ߬ ߞߏ߫: <<ߞߕߌߖߌ߲ ߓߘߴߊ߬ ߦߋ߫ ߞߏ߫ ߛߊ߬ߙߌ߬ߦߊ߬ ߛߐߛߐ ߡߊߛߊ߬ߦߌ߲ߛߊ߬ߦߌ߲߬ ߘߊ߫ ߟߋ߬ ߞߏ ߟߎ߬ ߟߊߕߊ߯ߡߊ߫ ߢߊ ߛߙߊߕߌ ߘߐ߫߸ ߊ߬ ߣߌ߫ ߞߙߐߕߐ߫ ߞߏߖߎ߯ߦߊ ߞߊ߬ ߥߊߘߌ ߟߊߓߐ߫ ߖߡߊ߬ߣߊ ߞߎ߲߬߸ ߞߵߊ߬ ߘߌ߫ ߖ߭ߌߦߐ߲ ߟߐ߬ߟߌ߬ ߞߏߟߊߘߍ ߡߊ߬ ߦߙߎ߬ߞߎ߬ߦߙߎ߬ߞߎ߬ ߓߟߏ ߡߊ߬.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
