ߞߐ߰ߦߊ߬ ߸ߞߕߌߘߊ ߦߟߌߡߊ߫ ߝߟߐ ߓߘߊ߫ ߢߊߢߌߣߌ߲ ߘߏ߫ ߛߌ߰ ߛߋ߲߭ߞߊ߲߬ ߡߏ߬ߤߊ߲߬ߡߍ߬ߘ ߟߊ߬ߡߌߣ ߕߙߊߏߙߋ߫ ߟߊ߫ ߛߦߊ߬ߞߏ ߞߍߢߊ ߟߊߒߞߣߍߡߦߊ߫ ߞߊ߲ߡߊ߬

ߓߊߘߋ߲߫ ߓߘߍ ߟߎ߬߸ ߊ߲ ߞߊ߬ ߖߌ߬ߦߊ ߘߏ߫ ߟߋ߬ ߦߋ߫ ߝߌߙߌ߲ߝߌߙߌ߲ߠߊ߫ ߓߟߐߟߐ߫ ߞߊ߲߬ ߞߊ߯ߙߌ߫ ߕߊ߬ߡߌ߲߬ߣߍ߲ ߥߎ߬ߙߊ ߝߍ߬ ߘߓߊ߬ߓߌߟߊ ߕߋ߬ߟߋ߫ ߂߈ /߂߀߂߅ ߁߇ߠߋ߲ ߕߎ߬ߡߊ ߟߊ߫ ،ߣߴߊ߬ ߦߋ߫ ߡߏ߬ߤߊ߲߬ߡߍߘ ߕߙߊߏߙߋ߫ ߟߊ߫ ߛߦߊ߬ߞߏ ߘߌ߫ ߸ߏ߬ ߡߍ߲ ߛߌ߰ ߞߛߊߓߌ ߦߋ߫ ߛߊ߲߬ ߓߌߥߐ߯ߙߐ߫ ߣߌ߫ ߝߌ߬ߟߊ߬ ߘߐ߫ ߞߐ߰ߦߊ߫ ߕߏߜ߭ߎߙߏ߲߫ ߝߏ߲߬ߘߏ߬ߓߊ ߞߊ߲߬ ،ߒ߬ߓߊ߬ ߸ߖߌ߬ߣߍ߫ ߘߐ߲߬ߞߟߌ߬ ߟߊ߬ ߟߊ߫ ߘߏ߫ ߟߋ߬ ߡߊߝߌ߲߬ߣߍ߲߫ ߗߍ߭ ߏ߬ ߟߊߜߊ߬ߛߌ߬ ߞߏ ߘߐ߫ ߡߐ߲ߓߟߌ ߟߊ߫ ߣߴߊ߬ ߦߋ߫ ߛߊ߬ߦߌ߬ߘߎ߬ߓߊ ߓߊ߲߬ߜߎߙߊ ߘߌ߫ ߏ߬ ߡߍ߲ ߡߊߟߐ߲߫ ߕߐ߮ ߦߋ߫ (ߛߍ߲ߜ߭ߑߟߋߕߐ߲ߣ) ߘߌ߫. ߒ߬ߞߊ߬ ߸ߛߊ߬ߓߊ߰ߕߐ ߘߐ߯ߞߍ߫ ߡߏ߬ߤߊ߲߬ߡߍߘ ߕߙߊߏߙߋ߫ ߕߊ߫ ߝߐߟߌ߫ ߘߐ߫ « ߞߏ߫ ߛߍ߲ߜ߭ߑߟߋߕߐ߲ߣ ߞߵߊ߬ ߞߘߐ߬ߞߍ߬ ߟߊߜߊ߬ߛߌ߬ ߡߍ߲ ߞߍ߫ ߞߏ߫ ߤߊߟߴߊ߬ ߡߊߖߌ߰ ߊ߬ ߟߊ߫ ߞߐ߲߬ߛߏ ߞߣߐ߫ ߞߵߊ߬ ߟߐ߲߫ ߊ߬ ߞߘߐ߬ߞߍ߫ ߦߋ߫ ߢߊ ߡߍ߲ ،ߊ߬ ߞߏ߬ߣߌ߲ ߞߵߊ߬ ߝߊ߬ߘߌ߬ߞߣߐ߬ߜߍ߲߬ߘߋ߲ ߘߏ߫ ߟߎ߫ ߕߏ߫ ߊ߬ ߞߘߐ߬ߞߍ߫ ߛߎ߭ ߘߊߝߍ߬ ߦߋ߲߬ ߸ߞߵߊ߬ ߓߐ߫ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߟߏ߲ ߡߴߊ߬ ߓߟߏ߫ ߤߊ߯ ߞߊ߬ ߛߋ߫ ߓߌ߬ ߡߊ߬ ߊ߬ ߡߊ߫ ߛߋ߫ ߟߎ߫ ߡߊ߬ ߝߏ߬ߟߌ߬ ߦߌߟߊ ߒ ߕߍߣߊ߬ ߞߎߡߊ߫ ߞߟߌߟߌ߫ ߞߏ ߡߊ߬ ߸ߞߏ߫ ߊ߬ߟߎ߬ ߝߣߊ߫ ߕߊ߯ ߢߊ ߟߋ߬ ߞߍ߫ ߘߴߏ߬ ߘߌ߫ ߞߐ߰ߦߊ߫ ߞߕߌߘߊ ߡߊߛߎ߬ߘߎ߲߬ߡߊ߲ ߘߏ߫ ߞߕߌߞߊ߲ߘߊ ߛߐ߬ߘߐ߲߬ ߠߊ߫ ߏ߬ ߝߣߊ߫ ߞߵߊ߬ߟߎ߫ ߟߐ߬ ߕߊ߯ ߟߴߊ߬ ߞߘߐ߬ߞߍ߫ ߟߊ߫ ߛߊ߬ߦߊ ߟߊߛߙߋߦߊ߫ ߛߓߍ ߕߊ߬ ߟߊ߫ ߘߊ߲ߘߊߛߏ ߟߊ߫ ߸ߞߊ߬ ߓߊ߲߫ ߞߊ߬ ߕߐ߲ߓߟߏߡߊ߫ ߞߍ ߘߏ߫ ߟߊ߫ ߝߙߍߕߍ ߘߌ߫ ߊ߬ߟߎ߬ ߡߊ߬ ߡߍ߲ ߘߐ߰ߘߏ߲߬ߠߌ߲ ߡߊ߬ߛߙߋ߬ߦߊ߬ߟߌ ߟߊ߫ ߓߌ߬ߟߊ߬ߒ߬ߘߐ߬ߖߎ߰ ߞߍ ߦߙߐ ߟߎ߬ ߘߐ߫߸ߏ߬ ߞߊ߬ ߛߍ߲ߜ߭ߑߟߋߕߐ߲ߣ ߞߟߌ߫ ߒ߬ߞߊ߬ ߊ߬ ߡߊ߫ ߘߎߡߊ߲߫ ߝߐ ߏ߬ ߦߋ߫ ߊ߬ߟߎ߬ ߟߊ߫ ߞߎߡߊߢߐ߲߯ߦߊ ߘߐ߫ ߸ߓߊ،ߊ߬ ߞߊ߲߫ ߞߏ߫ « ߕߎ߬ߡߊ߬ ߕߴߊ߬ ߓߟߏ߫ ߞߴߊ߬ ߟߊ߫ ߞߐߙߍ ߓߍߣߊ߬ ߞߐߟߊ߫ » ߒ߬ߓߊ߬ ߸ߊ߬ ߟߊ߫ ߘߊߘߐߜߏߦߊ߫ ߞߊ߲ ߏ߬ ߟߋ ߞߊ߬ ߞߐߙߍ ߟߐ߬ ߊ߬ߟߎ߬ ߡߊߞߊ߬ߛߌ߬ ߟߴߊ߬ ߞߊ߲߬ ߞߏ߫ ߓߊ ߡߐ߰ ߛߌ߫ ߕߍ߫ ߞߎ߬ߙߎ߲߬ߘߎ ߛߊ߲ߝߍ߬ ߓߍ߯ ߦߴߊ߬ ߞߘߐ߫ ߟߋ߬.

ߒ߬ߓߊ߬ ߞߎߣߎ߲߬ ߥߎ߬ߙߊ ߝߍ߬ ߸ߕߍ߯ ߞߍ߫ ߘߊ߫ ߛߍ߲ߜ߭ߑߟߋߕߐ߲ߣ ߘߐ߫ ߔߊߡߋߟߊߔ ،ߖߌ߬ߣߍ߬ ߣߌ߫ ߖߘߊ߬-ߞߙߎ߫ ߓߐߕߏ߲ ߠߊ߫ ߞߊ߬ ߣߵߊ߬ ߘߌ߫ ߞߐ߰ߦߊ߫ ߞߕߌߘߊ ߦߟߌߡߊ߫ ߝߟߐ ߟߊ߫ ߓߌ߬ ߛߐ߱ ߣߌ߲߬ ߡߊ߬ ߸ߊ߬ ߦߋ߫ ߥߛߎ ߟߊ߫ ߕߋ߲߬ ߡߎߣߎ߲߬ ߞߐ߰ߦߊ߫ ߞߵߊ߬ ߟߊ߫ ߞߕߌ ߟߏ߲ ߡߊߞߐ߬ߣߐ߲߬ ߣߴߊ߬ ߦߋ߫ ߞߎߣߎ߲ߟߏ߲߫ ߣߊ߬ߕߐ ߘߌ߫ ߂߀߂߅ ߕߎߟߊߝߌ߲ ߕߟߋ߬ ߃ ߞߐ߰ߦߊ߫ ߞߕߌߘߊ ߟߋ߬ ߞߊ߬ ߟߊ߬ߛߋ߬ߟߌ ߏ߬ ߞߍ߫ ߓߌ߬ ߥߎ߬ߙߊ ߢߌ߲߬ ߝߍ߬.

ߊ߬ ߞߏ ߞߏ߬ߣߌ߲ ߜߊ߬ߣߍ߲߬ ߡߎߣߎ߲߬ ߞߘߏߞߘߏ߫ ߸ߣߴߊ߬ ߕߐ߭ ߞߎ߲߭ߘߏ߲߰ ߘߊ߫ ߢߊ ߡߍ߲ ߊ߬ ߘߴߏ߬ ߞߌ߬ߦߊ߫ ߊߟߎ߫ ߡߊ߬.

ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫ ߸ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߘߏ߫.