ߘߎ߰ ߦߙߍߦߙߍ߫ ߝߊ߲߬ߞߊ߬ߡߊ ߟߋ߬ ߞߍߣߍ߲߫ ߊߝߑߜ߭ߊߣߌߛߑߕߊ߲߫߸ ߡߍ߲ ߞߛߊߞߊ ߦߋ߫ ߆،߀ ߘߐ߫، ߏ߬ ߞߍ߫ ߘߊ߫ ߞߎߣߊߙ ߞߊ߬ߝߏ ߟߋ߬ ߞߣߐ߫߸ ߡߐ߰ ߗߡߍ߬ ߦߙߌߞߊ߫ ߟߋ߬ ߓߣߐ߬ ߘߴߊ߬ ߣߌ ߘߐ߫߸ ߞߊ߬ ߡߐ߰ ߥߊ߯ ߦߙߌߞߊ߫ ߟߊ߫ ߢߣߊߡߦߊ ߓߌ߬ߟߊ߫ ߖߐ߬ߘߐ ߘߐ߫، ߊ߬ ߘߏ߲߬ ߞߍߣߍ߲߫ ߖߡߊ߬ߣߊ ߓߟߏߞߏߟߏ߲ߧߊ߫ ߘߌ߲ߞߌߙߓߊ߫ ߟߋ߬ ߘߐ߫߸ ߛߎ߲ߞߎ߲ ߠߊ߫ ߞߊ߬ߛߙߊ ߓߘߊ߫ ߛߌ߰ ߡߍ߲ ߠߎ߬ ߘߐ߫ ߞߏߛߓߍ߫.
ߘߎ߰ ߦߙߍߦߙߍ߫ ߘߊ߲߬ߠߊߕߊ߬ߡߌ߲߬ߣߍ߲ ߠߋ߬ ߞߍߣߍ߲߫ ߊߝߎߜ߭ߊ߲߫ ߕߟߋ߬ߓߐ ߘߐ߫ ߞߊ߯ߙߌ ߛߎ߸ ߞߵߊ߬ ߘߎ߰ߛߊ ߜߍ߫ ߞߐ߬ߓߊ߬ߟߏ߲ ߠߊ߫߸ ߡߍ߲ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߡߐ߰ ߈߀߀ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߂ ߅߀߀ ߖߐߞߌ߫߸ ߏ߬ ߡߍ߲ ߖߊ߬ߕߋ߫ ߞߎ߲߬ߝߟߐ ߟߎ߬ ߝߐ߫ ߘߊ߫ ߖߡߊ߬ߣߊ ߝߊ߬ߡߊ ߟߎ߬ ߓߟߏ߫.
ߦߙߍߦߙߍ ߝߊ߲߬ߞߊ ߕߘߍ߬ ߆،߀ ߠߋ߬ ߘߐ߫߸ ߡߍ߲ ߘߎ߲߬ߧߊ ߕߘߍ߬ ߞߎߘߍ߫ ߛߌߦߌ߲߫ ߢߐ߲߰ ߘߐ߫߸ ߊ߬ ߥߊ߲߬ߥߊ߲ ߥߊ߫ ߘߊ߫ ߟߋ߬ ߝߏ߯ ߞߎߘߍ߫ ߂߇ ߢߐ߲߰߸ ߞߵߊ߬ ߕߊ߬ ߖߟߊߟߊߓߊߘ ߡߊ߬߸ ߞߵߊ߬ ߛߌ߰ ߣߊ߲ߜ߭ߊߙߙߊߙ ߟߊ߫، ߞߎߡߊߕߍ߫ ߞߙߎ߬ߞߊ߲߬ߠߊ߫ ߞߎߎߣߊߙ ߡߊ߬߸ ߕߌߢߍߟߌߓߊ ߞߍߣߍ߲߫ ߦߋ߲߬ ߡߍ߲ ߘߐ߫ ߓߊߞߍ߭ ߞߊ߬ߣߌ߲߬.
ߞߎߣߊߙ ߡߙߊ߬ߓߏߟߏ߲ ߞߣߐ߫߸ ߘߎ߰ߣߍ߲ ߏ߬ ߡߊ߬ߞߏߛߊ߬ߣߍ߲߫ ߠߋ߬ ߝߋߝߋ߫، ߛߙߋ߫ ߛߌߦߊߡߊ߲߫ ߠߋ߬ ߞߎߡߊ߫ ߘߊ߫ ߞߣߐ߬ߘߐ߬ߝߟߌ ߣߌ߫ ߖߐ߬ߘߐ ߞߊ߲߬ ߦߋ߲߬߸ ߊ߬ ߣߌ߫ ߘߌߡߌ߲، ߢߡߊ߫ ߎ߬ߟߟߊ߬ ߡߍ߲ ߦߋ߫ ߕߌ߲߬ߞߎߘߎ߲ ߏ߬ ߛߌ߰ߓߊ߯ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߘߋ߲߫ ߥߐߙߐ߲ߝߌ߬ߟߊ߫ ߟߋ߬ ߕߏߣߴߊ߬ ߘߐ߫߸ ߊ߬ ߣߴߊ߬ ߟߊ߫ ߡߐ߰ ߛߌߦߊߡߊ߲߫، ߊ߬ ߞߵߊ߬ ߝߐ߫ ߞߏ߫ ߡߐ߰ ߘߴߊ߬ ߝߐ߫ ߝߊߦߌߘߊ߫ ߡߐ߰ ߂߀߀ ߤߊ߲߯ ߡߐ߰ ߂߅߀ ߟߋ߬ ߝߊ߰ ߘߊ߫ ߦߋ߲߬ ߞߋߟߋ߲߫ ߘߐ߫.
ߓߏ߲ ߡߍ߲ ߠߎ߬ ߟߐ߬ߣߍ߲߫ ߓߐ߰ ߕߏߝߊ ߟߎ߬ ߟߊ߫߸ ߊ߬ ߣߌ߫ ߦߙߌ ߟߎ߬ ߟߊ߫߸ ߏ߬ ߟߎ߬ ߡߊ߫ ߛߋ߫ ߘߎ߰ ߦߙߍߦߙߍ ߣߌ߲߬ ߞߘߐ ߟߋ߬ ߤߊߟߌ߬ ߞߋߟߋ߲߫، ߡߞߊ߬ߘߊ߲߬ߠߌ߲߬ߠߊ ߟߎ߬ ߥߊ߫ ߘߊ߫߸ ߘߏ߫ ߟߎ߫ ߕߘߍ߬ ߛߊ߲ߡߊߞߎߟߎ߲ ߞߣߐ߫߸ ߕߊߟߌߓߊ߲ ߠߎ߬ ߟߊ߫ ߞߎ߲߬ߠߊ߬ߛߌ߮ ߟߎ߬ ߞߊ߬ ߡߍ߲ ߠߎ߬ ߟߊߕߊ߯ ߡߐ߱ ߟߎ߬ ߡߞߊߘߊ߲߫ ߞߊ߲ߡߊ߬، ߓߊ߬ߙߌ߬߸ ߦߙߐ ߘߏ߫ ߟߎ߫ ߟߊߛߐ߬ߘߐ߲ ߜߟߍ߬ߦߊ߬ ߘߊ߫ ߛߊ߲ߡߊߞߎߟߎ߲ ߏ߬ ߟߎ߬ ߓߟߏ߫߸ ߞߵߏ ߞߎ߲߭ ߞߍ߫ ߘߎ߰ ߜߊߟߊ߲ߞߌ ߝߊ߲߬ߞߊ ߥߊ߬ߙߊ ߘߌ߫ ߦߋ߲߬ ߠߎ߬ ߘߐ߫߸ ߛߌߟߊ ߟߎ߬ ߕߍ߰ ߘߊ߫ ߦߙߐ ߘߏ߫ ߟߎ߫ ߘߐ߫߸ ߡߍ߲ ߠߎ߬ ߡߊߛߐ߬ߘߐ߲߬ ߜߏߡߊ߲߫ ߕߍ߬ߘߍ߫ ߡߞߊ߬ߘߊ߲߬ߠߌ߲߬ߠߊ ߟߎ߬ ߓߟߏ߫.
ߞߣߐߟߊ ߞߏߕߌ߮ ߊߓߘߎߟ ߡߊߕߋ߲߫ ߞߊ߬ߣߌ߬߸ ߏ߬ ߞߵߊ߬ ߔߘߋߔߘߋߟߊߕߍ߰ ߟߋ߬ ߞߏ߫ <<ߝߊ߰ߓߊ߰ߕߐ ߦߋ߫ ߡߐ߰ ߈߀߀ ߠߋ߬ ߘߐ߫ ߡߎߣߎ߲߬߸ ߖߐߞߌߓߊ߯ߕߐ ߦߋ߫ ߂ ߅߀߀ ߘߐ߫ ߞߎߣߊߙ ߡߙߊ߬ߓߏߟߏ߲ ߞߣߐ߫>> ߞߵߊ߬ ߟߴߊ߬ ߞߊ߲߬߸ ߡߐ߰ ߁߂ ߟߋ߬ ߝߊ߰ ߘߊ߫ ߣߊ߲ߜ߭ߊߙߙߊߙ߸ ߞߊ߬ ߡߐ߰ ߂߅߅ ߖߐߞߌ߫.>> ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߖߊ߬ߕߋ ߘߌ߫ ߛߋ߫ ߕߊ߬ߡߌ߲߬ ߠߊ߫ ߢߌ߲߬ ߠߊ߫߸ ߓߊߏ߬ ߊ߬ߟߎ߬ ߦߋ߫ ߢߊߢߌߣߌ߲ߠߌ߲ ߠߎ߬ ߞߊ߲߬.
ߌ߬ߖ߭ߊߖ߭ ߎ߬ߟߑߤߊߞ ߦߊ߬ߊߘ ߡߍ߲ ߦߋ߫ ߣߎߙߑߜ߭ߊߟ ߗߋߘߊߕߌ߯ ߛߊ߲ߘߐ ߘߏ߫ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߣߌ߲߬ ߢߐ߲߰ ߡߊ߬ߛߎ߬ߓߊ߬ ߞߏ߫ ߕߎ߲߬ ߡߴߊ߲ ߛߐ߬ߘߐ߲߬ ߡߎߣߎ߲߬ ߡߎ߰ߡߍ߫، ߊ߬ ߞߏ ߡߊߞߓߊߣߍ߲߫߸ ߘߋ߲ߣߍ߲ ߠߎ߬ ߣߌ߫ ߡߏ߬ߛߏ ߟߎ߬߸ ߓߍ߯ ߞߎߟߋ߫ ߞߊ߲ ߦߋ߫ ߕߎ߲߫.>> ߊ߬ߟߋ ߝߍ߬߸ ߛߏ߫ ߓߟߋߓߟߋ߫ ߛߓߊ߬ ߦߋ߫ ߦߋ߲߬߸ ߏ߬ ߟߎ߬ ߞߍߣߍ߲߫ ߠߋ߬ ߞߎ߲߫߸ ߝߏߦߌ߬ ߡߊ߫ ߓߐ߫ ߊ߬ ߘߐ߫.
ߞߊ߬ߛߙߊ ߣߐ߬ ߦߙߐ ߡߍ߲ ߠ߬ߎ ߛߐ߬ߘߐ߲߬ ߠߊ߫ ߓߊߞߍ߬߸ ߏ߬ ߟߎ߬ ߛߌߦߊߡߊ߲ ߝߣߊ߫ ߝߊߣߍ߲߫ ߕߘߍ߬ ߡߐ߰ ߟߎ߫ ߟߋ߬ ߟߊ߫߸ ߡߍ߲ ߠߎ߬ ߕߘߍ߬ ߢߊߣߌ߲ߡߊߓߏߙߌ ߘߐ߫ ߞߊ߬ ߓߐ߫ ߔߊߞߌߛߑߕߊ߲߫߸ ߊ߬ ߣߌ߫ ߌߙߊ߲߫، ߏ߬ ߟߎ߬ ߣߌ߫ ߞߣߐ߬ߘߐ߬ߝߟߌ ߡߍ߲ ߞߵߊ߬ߟߎ߬ ߞߐߛߊ߬ߦߌ߲߬߸ ߞߊ߬ ߓߏ߲߫ ߡߊߞߌ߬ߣߌ߲߬ߞߌ߬ߣߌ߲߬ߣߍ߲ ߠߎ߬ ߟߐ߬߸ ߊ߬ߟߎ߬ ߦߙߌߞߊ ߘߌ߫ ߡߐ߰ ߂ ߀߀߀ ߢߐ߲߰ ߓߐ߫، ߒ߬ߓߊ߬߸ ߘߎ߰ ߦߙߍߦߙߍ ߣߊ߬ߣߍ߲߫ ߘߏ߲߬ ߠߊ߫ ߏ߬ ߟߎ߫ ߟߋ߬ ߕߎ߫ ߘߐ߫ ߣߌ߲߬ ߝߣߊ߫߸ ߞߊ߬ ߡߊ߬ߞߏ߬ߛߊ ߟߊߛߴߊ߬ߟߎ߫ ߡߊ߬ ߖߡߊ߬ߣߊ ߓߐߕߏ߲߫ ߝߊ߲ ߝߍ߬.
ߘߎ߰ ߦߙߍߦߙߍ ߣߌ߲߬ ߟߊߞߏߟߐ߲߫ ߘߊ߫ ߟߋ߬ ߤߊߟߌ߬ ߞߊߓߎߟ߸ ߊ߬ ߣߌ߫ ߌߛߑߟߊߡߓߊߘ߸ ߔߊߞߌߛߑߕߊ߲߫ ߞߎߓߋߘߊ ߟߵߏ߬ ߘߌ߫߸ ߞߎߘߊ߫ ߃߇߀ ߢߐ߲߰ ߠߊ߫، ߊ߬ ߞߍ߫ ߘߊ߫ ߛߋ߲߬ߢߊ߬ ߟߏ߯ߟߎ߫ ߢߐ߲߰ ߠߋ߬߸ ߞߋߟߋ߲߫ ߕߍ߬ߘߍ߫ ߊ߬ ߘߐ߫߸ ߡߍ߲ ߞߛߊߞߊ ߕߘߍ߬ ߅،߂ ߘߌ߫.
ߘߎ߰ ߦߙߍߦߙߍ ߘߏ߫ ߞߍ߫ ߘߊ߫ ߊߝߑߜ߭ߊߣߌߛߑߕߊ߲߫ ߂߀߂߃ ߞߏ߲ߓߌߕߌ߮ ߟߊ߫߸ ߞߊ߬ ߡߐ߰ ߁ ߅߀߀ ߓߐ߬ߣߐ߫ ߊ߬ ߣߌ ߘߐ߫߸ ߏ߬ ߞߛߊߞߊ ߕߘߍ߬ ߆،߃ ߟߋ߬ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
