ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߞߍ߫ ߘߊ߫ ߘߝߌߕߊ߫ ߘߎ߰ߣߍ߲ ߞߣߐ߫ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߂߄ ߛߎ ߞߵߊ߬ ߘߎ߰ߛߊ ߜߍ߫ ߂߅ ߟߊ߫߸ ߓߙߎߞߌߣߊ߫ ߝߊ߬ߛߏ߬ ߓߐߕߏ߲ ߠߊ߫، ߖߊ߬ߕߋ߬ߓߐ ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߐ߰ ߣߊ߯ߣߌ߲߫ ߠߋ߬ ߝߊ߰ ߘߊ߫߸ ߞߊ߬ ߓߟߏߝߋ߲߫ ߛߌߦߊߡߊ߲߫ ߕߌߢߍ߫.
ߘߝߌߕߊ߫ ߘߎ߰ߣߍ߲ ߡߍ߲ ߦߋ߫ ߕߋߤߣߌ߫ ߡߊ߬ߙߊ ߘߐ߫ ߜߋ߲ߞߐ߰ߖߌ߬ߘߊ ߟߊ߫߸ ߡߙߊ߬ߒ߬ߡߊ߬ߝߋ߲߬ߕߌ߯ ߡߊߟߐ߲ߓߊߟߌ ߘߏ߫ ߟߎ߫ ߟߋ߬ ߕߊ߯ ߘߴߊ߬ߟߎ߬ ߞߍ߫ ߘߎ߰ߣߍ߲ ߏ߬ ߞߊ߲߬ ߞߊ߯ߙߌߟߏ߲ ߛߎ ߘߐ߫ ߞߵߊ߬ ߘߎ߰ߛߊ ߜߍ߫ ߞߐ߬ߓߊ߬ߟߏ߲ ߠߊ߫، ߜߋ߲ߞߐ߰ߖߌ߬ߘߊ ߣߊ߲߬ߕߌ߰ ߘߊ߯ߘߐ ߟߊ߫ ߝߐߟߌ߫ ߘߐ߫߸ ߞߏ߫ ߗߍߒߞߊ߲ߠߌ߲ ߣߌ߲߬ ߞߍ߫ ߘߊ߫ ߂ߙߋ߲ ߝߊ߲߭ ߝߍ߬ ߟߋ߬߸ ߛߣߍ߬ߞߍ߬ ߕߏ߯ߘߊ ߘߏ߫ ߟߊ߫߸ ߞߎߘߍ߫ ߝߌ߬ߟߊ߬ ߦߋ߫ ߡߍ߲ ߣߌ߫ ߓߙߎߞߌߣߊ߫ ߓߐߕߏ߲ ߕߍ߫.
ߝߊ߲߬ߞߊ߬ߕߌ߮ ߡߍ߲ ߠߎ߬ ߕߘߍ߬ ߞߣߍ ߏ߬ ߞߊ߲߬ ߦߙߍߞߍߟߌ ߟߊ߫ ߦߋ߲߬߸ ߏ߬ ߟߎ߬ ߟߊߟߐ߲ߠߌ߲ ߢߊ ߡߍ߲ ߌߞߘߐ߫߸ ߏ߬ ߟߎ߫ ߘߎ߰ߡߊ߬ߕߊ ߣߴߊ߬ ߛߊ߲ߡߕߊ ߟߎ߬ ߓߍ߯ ߞߵߊ߬ߟߎ߫ ߞߎ߲߬ߛߌ߲߫ ߦߋ߲߬ ߠߊ߫ ߞߊߟߌߦߊ߫ ߓߟߏ ߡߊ߬، ߏ߬ ߓߍ߯ ߣߴߊ߬߬ ߕߊ߫߸ ߊ߬ߟߋ߬ ߞߍߒߞߊ߲ߠߌ߲ߠߊ ߟߎ߬ ߛߋ߫ ߘߴߊ߬ߟߎ߫ ߓߏ߬ߙߌ߬ ߟߊ߫ ߞߊ߬ ߞߐ߲߰ ߣߊ߲߬ߕߌ߮ ߟߎ߫ ߣߊ߭ ߢߍ߫ ߞߣߍ ߞߊ߲߬ ߦߋ߲߬، ߡߊ߬ߙߌ߬ߝߊ߬ ߕߋ ߡߍ߲ ߞߍ߫ ߘߴߊ߬ߟߎ߬ ߓߟߏ߫߸ ߏ߬ ߖߊ߬ߕߊ߬ߓߐ ߞߊ߬ ߡߐ߰ ߣߊ߯ߣߌ߲߫ ߠߋ߬ ߝߊ߰ ߞߏ ߝߐ߫߸ ߏ߬ ߓߍ߯ ߦߋ߫ ߛߣߍ߬ߞߍ߬ߟߊ ߟߎ߫ ߟߋ߬ ߘߌ߫߸ ߡߐ߰ ߞߋߟߋ߲߫ ߕߎߣߎ߲߫ ߘߊ߫߸ ߏ߬ ߡߊ߫ ߦߋ߫ ߝߟߐ߫߸ ߡߛߏ߬ ߞߋߟߋ߲߫ ߜߘߍ߫ ߝߣߊ߫ ߖߐߞߌ߫ ߞߏߖߎ߯ߦߊ ߞߍ߫ ߘߊ߫ ߣߌ߲߬ ߞߏ ߘߐ߫߸ ߏ߬ ߡߍ߲ ߓߘߊ߫ ߘߌ߫ ߘߊ߲ߘߊߟߌߟߊ ߟߎ߫ ߡߊ߬ ߕߋ߲߬ ߞߊ߬ ߘߐ߰ߘߏ߲߬ ߞߍ߫ ߊ߬ ߟߊ߫، ߊ߬ߟߎ߬ ߥߊߕߐߟߊ ߞߊ߬ ߕߊ ߛߎ߫ ߟߋ߬ ߓߏ߲߫ ߛߌߦߊߡߊ߲߫ ߝߣߊ߫ ߟߊ߫߸ ߞߊ߬ ߓߌߦߊ߲ ߘߏ߫ ߟߎ߫ ߝߣߊ߫ ߕߊ߬߸ ߊ߬ ߣߌ߫ ߓߏ߬ߙߌ߬ߝߋ߲ ߘߏ߫ ߟߎ߫߸ ߞߵߏ߬ ߟߎ߫ ߕߊ߬ ߞߊ߬ ߥߴߊ߬ߟߎ߬ ߦߋ߫.
ߣߊ߲߬ߕߌ߰ ߘߊ߯ߘߐ ߞߊ߲߫ ߞߏ߫ ߊ߬ ߟߊ߫ ߛߦߊ߬ ߝߏߟߌ ߦߋ߫ ߛߊߓߊ߰ߕߐ ߟߎ߬ ߦߋ߫߸ ߊ߬ ߣߴߊ߬ ߟߊ߫ ߘߎ߬ߥߊ߬ߥߎ ߦߋ߫ ߖߐߞߌߓߊ߯ߕߐ ߟߎ߬ ߦߋ߫، ߊ߬ ߓߊ߲߫ ߘߊ߫ ߞߊ߬ ߖߡߊ߬ߣߊ߬ߘߋ߲ ߠߎ߬ ߞߟߌ߫ ߓߊߛߌ߮ ߟߋ߬ ߡߊ߬߸ ߊ߬ ߣߌ߫ ߞߏ߫ ߊ߬ߟߎ߬ ߦߴߊ߬ߟߎ߬ ߞߊߘߊ߲߫ ߞߊ߬ ߛߋ߫ ߞߎߡߊ߫ ߟߊ߫ ߣߊ߲߬ߕߌ߮ ߟߎ߬ ߦߋ߫ ߞߵߊ߬ߟߎ߬ ߟߊߟߐ߲ߠߌ߲߫ ߟߌ߬ߤߟߊ ߟߎ߬ ߟߊ߫، ߊ߬ ߓߊ߲߫ ߘߊ߫ ߞߊ߬ ߟߊ߬ߤߘߌ ߕߊ߬ ߞߏ߫ ߊ߬ ߘߌ߫ ߞߊߘߊ߲ ߓߍ߯ ߞߍ߫ ߞߊ߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬ ߘߌ߲߬ߞߌߙߊ ߏ߬ ߘߐ߫ ߦߋ߲߬.
ߤߊ߲߯ ߊ߲ ߧߋ߫ ߦߙߐ߲ ߡߍ߲ ߘߐ߫ ߕߋ߲߬߸ ߊ߬ ߞߍߓߊ߯ ߡߊ߫ ߟߐ߲߫ ߝߟߐ߫، ߊ߬ ߞߏ߬ߣߌ߲߸ ߞߵߊ߬ ߓߍ߲߬ ߊ߬ ߦߙߐ ߣߌ߫ ߓߙߎߞߌߣߊ߫ ߕߍߟߊ ߛߎ߬ߘߎ߲߬ߧߊ ߡߊ߬߸ ߊ߬ ߣߌ߫ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߠߋ߬ ߝߣߊ߫ ߦߋ߫ ߘߌ߲߬ߞߌߙߊ ߏ߬ ߟߎ߬ ߘߐ߫ ߦߋ߲߬߸ ߏ߬ ߟߋ ߣߐ߬ ߊ߬ ߞߏ ߟߊ߫ ߟߊ߫ ߓߊ߬ߓߊ߰ߟߌ߬ߟߊ ߟߎ߫ ߞߎ߲߬ ߡߎߣߎ߲߬߸ ߞߵߊ߬ ߞߍ߫ ߏ߬ ߟߎ߫ ߣߐ߭ ߘߌ߫. ߣߌ߲߬ ߘߏ߲߬ ߢߐ߲߰ ߜߘߍ߫ ߞߍ߫ ߘߊ߫ ߜߋ߲ߞߐ߰ߖߌ߬ߘߊ ߟߊ߫ ߂߀߁߆ ߟߊ߫߸ ߜ߭ߊ߬ߙߊ߲ ߓߛߊߡ߸ ߊߟߑߞߊߦߌߘߊ ߓߏߟߏ߲ ߡߍ߲ ߦߋ߫ ߡߊߜ߭ߙߍߓ߸ ߏ߬ ߟߎ߫ ߟߋ߬ ߞߵߊ߬ ߦߌ߬ߘߊ߫ ߏ߬ ߘߐ߫ ߞߏ߫ ߊ߬ߟߎ ߟߋ߬ ߞߵߏ߬ ߞߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
