ߡߐ߰ ߕߊ߲ ߣߌ߫ ߟߏ߯ߟߎ߫ ߟߋ߬ ߓߣߐ߬ߣߴߊ߬ ߣߌ ߘߐ߫ ߘߎ߰ ߜߊߟߊ߲ߞߌ ߘߐ߫ ߡߊ߬ߣߍ߬ߦߊ߫߸ ߞߐ߰ߦߊ߫ ߡߙߊ߬ߓߊ߰ߘߊ ߞߣߐ߫ (ߞߌ߲ߘߌߦߊ߫ ߕߌ߲߬ߞߎߘߎ߲ ߘߐ߫)، ߏ߬ ߞߍ߫ ߘߊ߫ ߛߎ߫ ߕߊ߬ߡߌ߲߬ߣߍ߲ ߢߌ߲߬ ߠߋ߬ ߡߊ߬ ߌߞߘߐ߫߸ ߞߵߊ߬ ߘߎ߰ߛߊ ߜߍ߫ ߓߌ߬ ߓߌߟߏ߲ ߢߌ߲߬ ߠߊ߫، ߡߐ߰ߦߊ ߞߊ߬ߛߙߊ߬ߞߏ ߟߎ߬ ߣߌ߫ ߞߟߊߡߊ߲ߞߏ ߟߎ߬ ߡߊߡߊ߬ߙߊ ߖߋ߬ߕߌ߰ߘߊ߫ ߝߊ߬ߛߏ߬ߟߊ߬ߞߊ ߟߊ߫ ߖߊ߬ߕߋ߬ ߟߊߓߐߣߍ߲ ߠߋ߬ ߞߊ߬ ߡߐ߰ ߁߅ ߞߏ ߏ߬ ߝߐ߫߸ ߡߍ߲ ߠߊߖߍ߲ߛߍ߲߫ ߘߴߊ߬ߟߎ߬ ߓߟߏ߫ ߞߵߊ߬ ߓߍ߲߬ ߁߄ߙߋ߲߀߀ ߡߊ߬، ߝߎ߯ߘߌ߫ ߘߐߥߎ߯ߙߌ ߘߏ߲߬ ߡߊ߫ ߞߎ߲߭ߘߏ߲߬ ߡߎߣߎ߲߬ ߤߊߟߌ߬ߛߊ߫.
<<߂߀߂߅ ߘߓߊ߬ߓߌߟߊ ߂߁ ߣߌ߲߬ ߡߊ߬ ߡߊ߬ߣߍ߬ߦߊ߫/ߞߊ߬ߛߙߊ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫، ߡߐ߰ ߁߅ ߓߘߊ߫ ߛߊ߬߸ ߡߐ߰ ߁߀ ߖߐߞߌߣߍ߲ ߦߋ߫، ߛߌߦߊߡߊ߲߫ ߝߣߊ߫ ߓߍ߫߸ ߏ߬ ߟߎ߬ ߦߋߣߍ߲߫ ߕߍ߫ ߡߎߣߎ߲߬.>> ߊ߬ߟߎ߫ ߞߵߏ߬ ߟߋ ߟߊߖߍ߲ߛߍ߲߫ ߊ߬ߟߎ߬ ߟߊ߫ ߞߐߜߍ ߞߊ߲߬ ߁߄ߙߋ߲ ߡߊ߬.
ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߐ߰ ߁߅ ߏ߬ ߟߎ߬ ߘߐ߫߸ ߊ߬ߟߎ߫ ߞߊ߬ ߡߐ߰ ߁߀ ߕߐ߮ ߣߴߊ߬ߟߎ߫ ߖߊ߬ߡߎ߲ ߟߐ߲߫߸ ߓߊ߬ߙߌ߬ ߡߐ߰ ߅ ߛߊ߫߸ ߏ߬ ߟߎ߬ ߡߊ߫ ߛߋ߫ ߡߊߟߐ߲߫ ߠߊ߫ ߡߎߣߎ߲߬.
ߘߎ߰ ߜߊߟߊ߲ߞߌ ߣߌ߲߬ ߛߓߊߓߎ ߞߍߣߍ߲߫ ߛߊ߲ߖߌ߫ ߥߎ߬ߣߊ߲߬ߞߏߙߏ߲ ߠߋ߬ ߘߌ߫߸ ߡߍ߲ ߞߊ߬ ߓߏ߲߫ ߛߌߦߊߡߊ߲߫ ߠߊߥߎ߬ߦߊ߬߸ ߓߏ߲ ߡߍ߲ ߠߎ߬ ߟߐ߬ߣߍ߲߫ ߕߍ߬ߘߍ߫ ߞߙߎ߬ ߘߊߜߟߏ ߟߎ߬ ߟߊ߫ ߞߊ߬ߣߌ߲߬߸ ߞߎ߬ߙߎ ߏ߬ ߘߏ߫ ߟߎ߫ ߟߋ߬ ߖߍ߬ߘߍ ߝߣߊ߫ ߥߎ߬ߦߊ߬ߣߍ߲߫ ߓߏ߲ ߘߏ߫ ߟߎ߫ ߞߊ߲߬.
ߟߊ߲߬ߛߋߦߌ߫ ߕߎ߬ߙߋ߬ ߣߴߊ߬ ߟߊ߫ ߖߊ߬ߡߊ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߦߋ߫ ߡߞߊ߬ߘߊ߲߬ߠߌ߲ ߠߎ߬ ߣߌ߫ ߞߏ߫ ߢߊߢߌߣߌ߲ ߠߎ߬ ߞߊ߲߬߸ ߞߵߊ߬ ߕߊ߬ ߛߎ ߡߊ߬ ߤߊ߲߯ ߒ߬ ߧߋ߫ ߘߊߞߎ߲ ߡߍ߲ ߘߐ߫ ߕߋ߲߬.
ߊߟߎ߫ ߦߴߊ߬ ߟߐ߲߫߸ ߣߌ߲߬ ߛߎ߮ ߘߏ߫ ߝߣߊ߫ ߞߍ߫ ߘߊ߫ ߟߋ߬ ߘߎ߬ߓߙߋߞߊ߬ ߞߎߣߎ߲߬߸ ߞߊ߬ ߡߐ߰ ߂ ߓߐ߬ߣߐ߫ ߊ߬ ߣߌ ߘߐ߫ ߦߋ߲߬߸ ߞߊ߬ ߡߐ߰ ߣߊ߯ߣߌ߲߫ ߖߐߞߌ߫، ߖߐߞߌߓߊ߯ߕߐ ߏ߬ ߟߎ߬ ߘߐ߫، ߡߛߏ߬ ߞߣߐߡߊ߫ ߞߊߙߏ߫ ߥߐߙߐ߲ߝߌ߬ߟߊ ߘߏ߫ ߦߴߏ߬ ߘߐ߫، ߞߎߡߊ ߏ߬ ߝߘߊ߫ ߘߊ߫ ߡߐ߰ߦߊ ߞߊ߬ߛߙߊ߬ߞߏ ߟߎ߬ ߣߌ߫ ߞߟߊߡߊ߲ߞߏ ߟߎ߬ ߡߊߡߊ߬ߙߊ ߖߋ߬ߕߌ߰ߘߊ߫ ߝߊ߬ߛߏ߬ߟߊ߬ߞߊ ߖߍ߬ߘߍ ߟߋ߬ ߟߊ߫، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߕߋ߬ߟߋ߫ ߝߌ߬ߟߊ ߣߌ߲߬ ߞߣߐ߫߸ ߡߐ߰ ߁߇ ߟߋ߬ ߓߘߊ߫ ߓߣߐ߬ ߊ߬ ߣߌ ߘߐ߫ ߘߎ߰ ߜߊߟߊ߲ߞߌ ߓߟߏ߫ ߡߎߣߎ߲߬.
ߛߊ߲ߖߌ ߟߊ߫ ߣߊ߬ߟߌ ߣߌ߲߬ ߓߘߊ߫ ߞߊ߬ߛߙߊ ߟߊߛߋ߫ ߖߌ߬ߣߍ߬ ߦߙߐ߫ ߛߌߦߊߡߊ߲߫ ߠߋ߬ ߡߊ߬ ߕߋ߲߬߸ ߞߐ߰ߖߌ߬ߘߊ ߓߘߍߓߘߍ߫ ߏ߬ ߞߏ ߘߐ߫ ߞߏߛߓߍ߫.
ߥߊ߬ߛߌ߬ߥߙߊ ߕߋ߬ߟߋ߫ ߂߈ ߣߌ߫ ߘߓߊ߬ߓߌߟߊ ߕߟߋ߬ ߅ ߕߍߟߊ ߘߐ߫߸ ߡߐ߰ ߃߈ ߠߋ߬ ߓߣߐ߬ ߘߴߊ߬ ߣߌ ߘߐ߫ ߖߌߓߐ ߓߟߏ߫߸ ߞߊ߬ ߡߊ߲߬ߕߙߐ ߟߊߛߋ߫ ߟߎ߫ ߅ ߆߂߄ ߡߊ߬߸ ߏ߬ ߝߣߊ߫ ߞߎߡߊ ߝߐ߫ ߘߊ߫ ߡߐ߰ߦߊ ߞߊ߬ߛߙߊ߬ߞߏ ߟߎ߬ ߣߌ߫ ߞߟߊߡߊ߲ߞߏ ߟߎ߬ ߡߊߡߊ߬ߙߊ ߖߋ߬ߕߌ߰ߘߊ߫ ߝߊ߬ߛߏ߬ߟߊ߬ߞߊ ߟߋ߬ ߓߟߏ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
