ߝߐߢߐ߲߯ߞߐ ߦߋ߫ ߟߊߝߛߊ߬ߟߌ߬ߟߊ ߟߎ߬ ߣߌ߫ ߞߎ߲߬ߠߊ߬ߛߌ߮ ߟߎ߬ ߣߌ߫ ߢߐ߲߯ ߕߍ߫߸ ߖߋ߬ߟߌ߬ߓߊ߬ߘߎ߯ ߘߐ߬ߕߊߡߌ߲ ߞߏߟߊߕߍ߮ ߟߎ߬ ߞߵߊ߬ ߟߊߕߍ߰ ߟߋ߬ ߞߎߣߎ߲߬ ߞߊ߬ ߞߕߌߘߊ ߛߣߊߡ ߞߊ߲ߕߌ߮ ߓߟߏ ߓߐ߫ ߊ߬ ߟߊ߫ ߓߊ߯ߙߊ ߟߎ߬ ߟߊ߫߸ ߣߌ߲߬ ߦߋ߫ ߜߟߍ߬ߦߊ߬ ߜߘߍ߫ ߟߋ߬ ߘߌ߫ ߞߎ߲߬ߠߊ߬ߛߌ߮ ߟߎ߬ ߣߌ߫ ߞߕߌߕߍ߯ߟߊ ߟߎ߬ ߣߌ߫ ߢߐ߲߯ ߕߍ߫، ߓߊߏ߬߸ ߝߊ߲߭ ߝߌ߬ߟߊ߫ ߡߍ߲߬ ߠߎ߬ ߕߍ߫ ߢߐ߲߮ ߝߊ߰ߡߎ߲߬ ߠߊ߫ ߥߊ߯ߕߌ߫ ߡߍ߲߬ ߠߎ߬ ߟߊ߫، ߞߊ߬ ߓߍ߲߬ ߞߕߌߘߊ ߟߎ߬ ߟߊ߫ ߟߊߝߛߊ߬ߟߌ߬ ߞߙߎ߫ ߟߏ߯ߟߎ߫ ߕߋ߬ߟߌ߬ߞߏ ߡߊ߬߸ ߝߐߢߐ߲߯ߞߐ߫ ߡߍ߲߬ ߠߎ߬ ߓߘߊ߫ ߞߍ߫ ߛߊߓߎ߫ ߘߌ߫߸ ߝߏ߫ ߛߣߊߡ ߓߘߊ߫ ߥߊ߫ ߥߊ߯ߕߌߟߊߕߊߡߌ߲߫ ߝߎߙߎ߲ߞߎߟߌ ߟߊ߫.
ߊ߬ߟߎ߬ ߟߊ߫ ߝߐߟߌ߫ ߘߐ߫ ߞߏ߫ ߞߊ߬ ߞߊ߲ߕߌ߮ ߟߊߛߊ߬ߦߌ߲߬ ߊ߬ ߣߐ߭ ߘߐ߫߸ ߣߴߏ߬ ߕߍ߫ ߞߵߊ߬ ߕߊ߬ ߓߌ߬ ߂߀߂߅ ߘߓߊ߬ߓߌߟߊ ߕߟߋ߬ ߁߅ ߣߌ߲߬ ߡߊ߬߸ ߞߏ߫ ߓߊ߯ߙߊ߫ ߕߍ߫ ߦߋ߲߬߸ ߊ߬ߟߎ߫ ߞߊ߬ ߣߌ߲߬ ߝߐ߫ ߊ߬ߟߎ߬ ߟߊ߫ ߘߊ߲߬ߕߍ߰ߟߌ߬ ߛߓߍ ߘߏ߫ ߟߋ߬ ߞߣߐ߫߸ ߏ߬ ߡߍ߲ ߠߊߥߊ߲߬ߞߊ߬ ߘߊ߫ ߞߎߣߎ߲߬، ߊ߬ ߘߏ߲߬߸ ߞߎߣߎ߲߬ ߠߋ߬ ߝߣߊ߫ ߗߍ߭ ߜߍ߲߫ ߘߊ߫ ߞߊ߬ ߓߐ߫ ߊ߬ ߟߊ߫ ߓߊ߯ߙߊ ߟߊ߫، ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߝߋ߲߫ ߝߐ߫ ߊ߬ ߜߍ߲ߞߏ ߞߊ߲߬߸ ߓߊ߬ߙߌ߫߸ ߟߊ߬ߝߛߊ߬ߟߌ߬ߟߊ ߟߎ߬ ߞߊ߬ ߞߎ߲߬ ߛߐ߬ߘߐ߲߬ ߊ߬ ߟߊ߫߸ ߓߊߏ߬߸ ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߞߎ߲߬ߠߊ߬ߛߌ߮ ߟߎ߬ ߕߍ߬ߘߍ߫ ߞߊ߬ ߡߍ߲ ߝߐ߫ ߟߊ߬ߝߛߊ߬ߟߌ߬ ߞߙߎ ߡߍ߲߬ ߠߎ߫ ߕߋ߬ߞߏ ߘߐ߫ ߞߴߏ߬ ߕߍ߫ ߕߎ߬ߢߊ߬ ߘߌ߫߸ ߊ߬ ߓߍ߯ ߦߋ߫ ߞߎ߲߬ߘߐ߬ߕߍ߰ ߞߎߡߊ ߟߎ߬ ߟߋ߬ ߘߌ߫߸ ߡߍ߲ ߠߎ߬ ߕߍ߫ ߕߎ߬ߢߊ߬ ߘߌ߫ ߝߋߎ߫.
ߊ߬ ߟߊ߫ ߛߌ߲߬ߝߏ߲ ߠߎ߬ ߟߊ߫ ߖߋ߬ߟߌ߬ߞߊ߲ ߡߍ߲߬ ߠߎ߫ ߟߋ߬ ߞߏߛߐ߲߬߸ ߊ߬ ߜߍ߲߫ ߘߊ߫ ߞߊ߬ ߓߐ߫ ߊ߬ ߟߊ߫ ߓߊ߯ߙߊ ߘߊߞߘߐ߫، ߏ߬ ߟߋ߬ ߘߐ߫߸ ߊ߬ ߟߊ߫ ߛߙߍߞߍ ߡߎߛߊ߫ ߡߤߊߡߊߘߎ߬ ߞߵߊ߬ ߞߊ߲ߕߏ߫ ߘߊ߲߬ߕߍ߰ߟߌ߬ ߛߓߍ ߞߣߐ߫߸ ߞߏ߫ ߟߊ߬ߝߛߊ߬ߟߌ߬ߟߊ ߟߎ߬ ߦߋ߫ ߕߏ߲ߕߊߟߊ߲ ߓߌ߬ߟߊ߬ ߞߊ߬ ߓߊ߯ߙߊ ߟߎ߬ ߟߊߟߐ߬ ߝߏ߫ ߊ߬ߟߎ߬ ߟߊ߫ ߟߊ߬ߢߌߣߌ߲ ߦߋ߫ ߓߐ߫ ߜߍ߫ ߟߊ߫ ߕߎ߬ߡߊ ߡߍ߲؛ ߟߊ߬ߝߛߊ߬ߟߌ߬ߟߊ ߟߎ߬ ߣߌ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߢߐ߲߯ߞߐ ߣߌ߲߬ ߕߟߋ߬ ߛߋߦߌ߲߫ ߠߋ߬ ߦߋ߫ ߓߌ߬ ߘߌ߫߸ ߞߊ߬ߦߌ߯ ߘߓߊ߬ߓߌߟߊ ߕߟߋ߬ ߥߐߙߐ߲ߝߌ߬ߟߊ߫ ߟߋ߬ ߟߊ߫.
