ߡߊ߬ߟߌ ߞߎ߲߬ߠߊ߬ߛߌ߮ ߓߘߊ߫ ߣߊ߲߬ߕߌ߰ ߞߙߎ ߘߏ߫ ߟߎ߫ ߡߌ߬ߘߊ߬ ߞߏ ߝߐ߫߸ ߊ߬ ߣߌ߫ ߣߊ߲߬ߒ߬ߕߊ߲ ߘߏ߫ ߟߎ߫߸ ߡߍ߲ ߠߎ߬ ߡߊߝߌ߲߬ߣߍ߲߫ ߓߍ߲߬ߓߍ߲߬ߓߍ߲ ߕߐ߲߬ߕߍ߬ ߞߏ ߘߐ߫ ߖߡߊ߬ߣߊ߬ ߞߎ߲ߕߌ߮ ߟߎ߬ ߞߊ߲ߡߊ߬߸ ߏ߬ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߎ߲߬ ߦߋ߫ ߛߋ߲߬ߠߊ߫ ߕߟߋ߬ ߘߊ߲ߘߐ ߣߌ߲߬ ߞߣߐ߫ ߝߐ߬ߓߍ߬ߘߊ ߘߏ߫ ߟߎ߫ ߟߊ߫.
ߊ߬ ߕߟߋ߬ ߦߙߌߞߊ ߟߋ߬ ߕߋ߲߬߸ ߡߊ߲߬ߞߊ߲ ߣߌ߫ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߘߏ߫ ߟߎ߫ ߕߎ߲߬ ߦߋ߫ ߝߌߙߌ߲ߝߌߙߌ߲߫ ߠߊ߫ ߘߍ߬ߞߙߏߝߏ ߟߎ߫ ߞߊ߲߬߸ ߓߊ߬ߙߌ߬ ߊ߬ ߞߏ ߡߊ߫ ߟߊߕߍ߰ ߝߊ߰ߡߊ ߟߎ߬ ߓߟߏ߫ ߝߏ߫ ߞߎߣߎ߲߬ ߓߌߟߏ߲߸ ߏ߬ ߡߍ߲ ߞߍ߫ ߘߊ߫ ߟߊ߬ߛߋ߬ߟߌ߬ ߘߌ߫ ߡߊ߬ߟߌ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ (ߏ.ߍߙ.ߕߋ.ߍߡ)،ߟߊ߬ߛߋ߬ߟߌ ߡߍ߲ ߞߍ߫ ߘߊ߫߸ ߊ߬ ߝߐߣߍ߲߫ ߏ߬ ߞߣߐ߫ ߞߏ߫ ߦߙߍߞߍߟߌ ߛߌ߰ ߘߊ߫ ߛߋ߲߬ߠߊ߫ ߘߓߊ߬ߓߌߟߊ ߕߟߋ߬ ߁߭ ߟߋ߬ ߡߊ߬ ߗߋߘߊ߫ ߓߟߏߡߊߞߊ߬ߣߍ߲ ߘߏ߫ ߓߟߏ߫߸ ߏ߬ ߡߍ߲ ߞߍ߫ ߘߊ߫ ߛߊߓߎ߫ ߘߌ߫߸ ߖߡߊ߬ߣߊ ߟߊ߬ߞߊ߲߬ߘߊ߬ߟߌ ߣߴߊ߬ ߡߊ߬ߞߊ߲߬ߞߊ߲߬ߠߌ߲ ߝߊ߲߬ߞߊ ߟߎ߬ ߞߊ߬ <<ߖߡߊ߬ߣߍ߲߬ ߜߍ߲ߛߍ߲ߞߍߙߍ߲߫ ߞߣߐߘߐߛߏߙߏ߲ߞߏߣߍ߲>> ߘߏ߫ ߟߎ߫ ߟߊ߫ ߝߊ߲߬ߝߘߊ <<ߟߊߗߌߙߏ߲߫>> ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߊ߬߸ ߞߏ߫ ߊ߬ߟߎ߫ ߕߍ߬ߘߍ߫ ߊ߬ ߝߍ߬ ߞߊ߬߬ ߓߊߛߌ߯ߓߊߟߌߦߊ ߟߊߘߏ߲߬ ߖߡߊ߬ߣߊ ߞߣߐ߫߸ ߊ߬ߟߎ߬ ߣߌ߫ ߞߐߞߊ߲߫ ߡߐ߮ ߘߏ߫ ߟߎ߫ ߟߊ߫ ߞߏ߫ ߟߊ߫ ߘߍ߬ߡߍ߲߬ߠߌ߲ ߠߊ߫.
ߕߍ߮ ߞߍߣߍ߲߫ ߡߍ߲ ߠߎ߬ ߘߐ߫߸ ߙߊߣ ߞߙߌߛߌߦߊ߲ ߝ߭ߋߖ߭ߟߌߦߋ߫ ߦߴߊ߬ ߘߐ߫߸ ߏ߬ ߦߋ߫ ߝߊ߬ߙߊ߲߬ߛߌ߬ߞߊ ߟߋ߬ ߘߌ߫߸ ߊ߬ ߣߌ߫ ߊߡߙߌߞߌ߬ ߛߊ߲ߡߊ߫ ߣߊ߲ߕߌ߯ߘߊ ߕߙߏ߬ߞߏ߬ߦߟߊ߬ ߛߏߝߊ ߟߋ߬ ߦߴߊ߬ ߘߌ߫، ߊ߬ ߘߏ߲߬ ߘߊ߫ ߣߊ߲߬ߕߌ߰ߦߊ ߞߊ߬ߙߊ߲߬ߕߊ ߟߊ߫ ߁߉߉߈ ߠߋ߬ ߟߊ߫߸ ߞߊ߬ ߞߍ߫ ߢߍߡߌߘߊ ߘߌ߫ ߂߀߀߉ ߟߊ߫߸ ߞߊ߬ ߞߍ߫ ߡߙߊ߬ߓߊ߮ ߘߌ߫ ߂߀߁߅ ߟߊ߫߸ ߞߊ߬ ߞߍ߫ ߝߊߙߌ߲ ߘߊ߯ߕߌ߮ ߘߌ߫ ߂߀߁߆ ߟߊ߫، ߂߀߂߀ ߠߋ߬ ߟߊ߫߸ ߊ߬ ߡߊߛߘߌ߬ ߘߊ߫ ߞߊ߬ ߛߊ߲߭ ߡߎ߬ߥߊ߲ ߣߌ߫ ߥߐߙߐ߲ߝߌ߬ߟߊ߬ ߓߊ߯ߙߊ ߞߣߐߘߐߘߌߦߊ߫ ߞߐ߲ߘߐ߲ ߘߴߊ߬ ߡߊ߬، ߡߊ߬ߟߌ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ ߣߐ߬ ߓߊ߯ߙߊ ߖߎ߮ ߣߌ߲߬ ߞߍ߫ ߟߊ߫ ߝߊ߬ߙߊ߲߬ߛߌ߬ ߟߊ߫ ߟߊ߬ߛߏ߬ߓߌ߬ߟߌ ߞߊ߬ߘߊ߲ ߠߋ߬ ߞߣߐ߫.
ߘߊ߯ߟߋ߲ ߞߟߍ߬ߕߌ߮ ߊ߬ߓߊߛ ߘߊ߲߬ߓߟߍ߫߸ ߏ߬ ߡߍ߲ ߕߘߍ߬ ߞߎ߲߬ߠߊ߬ߛߌ߰ߟߊ ߘߌ߫ ߡߐߔߑߕߌ߬ ߞߵߊ߬ ߕߊ߬ ߂߀߂߀ ߡߊ߬ ߤߊ߲߯ ߂߀߅ ߢߌ߲߬ ߠߊ߫߸ ߊ߬ ߣߌ߫ ߝߊߙߌ߲߫ ߞߐ߬ߞߍ߫ ߘߊ߲߬ߓߟߍ߬ ߘߋ߲ߞߍ߫߸ ߏ߬ ߝߣߊ߫ ߦߋ߫ ߡߌ߬ߘߊ߬ߓߊ߰ߕߐ ߟߎ߬ ߘߐ߫߸ ߊ߬ߟߋ ߡߍ߲ ߖߐߞߌ߫ ߘߊ߫ ߞߏߣߊ߲߫ ߂߀߁߂ ߟߊ߫߸ ߊ߬ ߞߊ߬ ߕߎ߲ߓߎߞߑߕߎ߫ ߡߊߡߙߊ߬߸ ߞߊ߬ ߓߊ߲߫ ߞߊ߬ ߞߎ߬ߟߌ߬ߞߙߐ߫ ߣߊ߲߬ߕߌ߰ ߘߊ߯ߘߐ ߞߊ߬ߙߊ߲߬ߕߊ ߞߎ߲߬ߕߌ߰ߦߊ ߞߍ߫.
ߘߊ߯ߟߋ߲ ߞߟߍ߬ߕߌ߮ ߣߋߡߊ߬ ߛߜ߭ߊߙߊ߫ ߦߴߊ߬ ߘߐ߫߸ ߊ߬ߟߋ ߡߍ߲ ߞߍߣߍ߲߫ ߡߛߏ߬ ߝߟߐߝߟߐ ߘߌ߫ ߡߊ߬ߟߌ ߛߊ߲ߡߊ߫ ߣߊ߲ߕߌ߮ ߟߎ߬ ߘߐ߫ ߞߊ߬ ߞߟߍ߬ߕߌ߰ߦߊ ߖߟߊ߬ ߛߎ߮ ߣߌ߲߬ ߛߐ߬ߘߐ߲߬߸ ߏ߬ ߝߣߊ߫ ߡߌ߬ߘߊ߬ߣߍ߲߫ ߠߋ߬ ߗߐߞߎ߬ߡߐ߬، ߊ߬ߟߋ ߟߊߞߐ߯ ߘߊ߫ ߡߊ߬ߟߌ ߟߊ߫ ߟߋ߬߸ ߞߊ߬ ߥߊ߫ ߝߊ߬ߙߊ߲߬ߛߌ߫߸ ߊ߬ ߣߌ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫ ߟߊ߬ߞߐ߰ߟߌ߬ ߞߊ߲ߡߊ߬߸ ߊ߬ ߞߊ߬ ߡߊ߲߬ߕߏ߲߬ߕߍ߬ ߗߋߦߊߟߌ ߘߏ߫ ߟߎ߫ ߞߍ߫ ߟߋ߬ ߟߌߓߋߙߌߦߊ߫߸ ߜߋ߲ߞߐ߰ߖߌ߬ߘߊ ߟߊ߫، ߞߊ߬ߦߌ߯ ߂߀߁߇ ߟߊ߫߸ ߊ߬ߟߋ ߟߋ߬ ߕߘߍ߬ ߞߟߍ߬ߡߎ߬ߙߊ߲߬ ߡߊ߲ߞߊ߲ ߠߎ߬ ߟߊߛߌߦߊߦߊ ߞߍ߬ߟߍ ߝߘߏ߬ߓߊ߬ ߞߟߊ߬ߕߌ߰ ߘߎߡߊߣߍ߲ ߘߌ߫.
ߊ߬ߟߋ߬ ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߞߣߐ߫߸ ߝߊߙߌ߲ ߘߊ߯ߕߌ߮ ߓߊ߬ߓߊ߫ ߘߊ߲߬ߓߟߍ߬ ߕߐ߮ ߦߴߊ߬ ߘߐ߫߸ ߛߊߦߌߓߎ߬ ߞߋߕߊ߬߸ ߡߊ߬ߡߊߘߎ߬ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߗߍ߬ߞߙߐ߫ ߖߙߊ߬߸ ߕߜ߭ߊߟߏ߫ ߖߐߔ߸ ߢߍߡߌߘߊ߫ ߡߏ߬ߤߊ߬ߡߍߘ ߥߊߕߙߊ߫߸ ߛߏ߬ߝߊ߬ߟߋ߲߫ ߊߡߊߘߎ߫ ߓߎߓߊ߬ ߞߎ߬ߟߌߓߊ߬ߟߌ߬߸ ߛߏ߬ߝߊ߬ߞߎ߲߫ ߓߎߞߊ߬ߙߌ߫ ߞߙߊ߬ߞߏ߬ߖߐ߫߸ ߊ߬ ߣߌ߫ ߦߊ߬ߞߎߓߊ߬ ߞߏ߬ߖߐ߫߸ ߏ߬ ߟߎ߬ ߓߍ߯ ߡߌ߬ߘߊ߬ߣߍ߲߫ ߠߋ߬.
ߞߎ߲߬ߠߊ߬ߛߌ߮ ߞߊ߬ ߕߡߊ߬ߖߌ ߓߐ߫ ߖߡߊ߬ߣߊ߬ߘߋ߲ ߠߎ߬ ߘߐ߫ ߟߋ߬ ߝߋߝߋ߫߸ ߞߏ߫ ߊ߬ߟߎ߬ ߓߘߴߊ߬ <<ߞߏ ߡߊߡߊ߬ߙߊ߫ ߗߡߍ߬ߘߐߗߍ߬ߡߍ ߟߊ߫ ߝߋߎ߫>> ߊ߬ ߣߌ߫ ߞߏ߫ ߢߊߢߌߣߌ߲ߠߌ߲ ߠߎ߬ ߦߋ߫ ߛߋ߲߬ߠߊ߫ ߤߊߟߌ߬ߛߊ߫߸ ߞߵߊ߬ߟߎ߫ ߛߋ߲߬ߘߏ߲߬ߢߐ߲߮ ߠߎ߬ ߡߌ߬ߘߊ߬، ߊ߬ߟߎ߬ ߓߊ߲߫ ߘߊ߫ ߞߊ߬ ߖߡߊ߬ߣߊ߬ߘߋ߲ ߠߎ߬ ߞߟߌ߫ ߖߊ߬ߛߌ߮ ߟߋ߬ ߡߊ߬߸ ߊ߬ ߣߌ߫ ߞߊ߬ ߞߍ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߓߊ߯ߙߊߢߐ߲߯ ߢߌߡߊ߫ ߘߌ߫، ߡߍ߲ ߛߏ߬ߓߌ߬ ߛߌߞߊߒߡߊ߫ ߞߏ ߘߏ߫ ߡߊ߬ ߘߐߙߐ߲߫߸ ߞߵߊ߬ߟߎ߬ ߟߊߟߐ߲ߠߌ߲߫.
ߞߊ߬ߦߌ߯ ߓߌ߲ߠߊߥߎߟߋ߲߫ ߕߊ߬ߡߌ߲߬ߣߍ߲ ߠߊ߫߸ ߛߍߥߊ ߦߌ߬ߘߊ ߛߋ߲߭ߝߍ߬ ߖߡߊ߬ߣߊ ߝߊ߲߬ߞߊߛߌ߬ߣߊ ߟߎ߬ ߟߊ߫߸ ߘߐ߬ߕߊߡߌ߲ ߞߊ߲ߕߌ߮ ߣߊ߲߬ߕߌ߰ߘߊ ߞߟߍ߬ߕߌ߮ ߊߛߡߌ߫ ߜ߭ߏ߬ߦߌ߬ߕߊ߫ ߞߊ߬ ߟߊ߬ߛߏ߬ߓߌ߬ߟߌ ߞߍ߫߸ ߞߏ߫ ߓߍ߲߬ߓߍ߲߬ߓߍ߲ (ߖߊ߲߬ߝߊ) ߘߏ߫ ߟߎ߫ ߓߘߊ߫ ߘߐߓߍ߲߬ ߞߐߞߊ߲߫ ߡߐ߮ ߟߎ߬ ߓߟߏ߫ ߓߊߛߌ߫ߓߊߟߌߦߊ ߟߊߘߏ߲߬ ߞߊ߲ߡߊ߬ ߡߊ߬ߟߌ ߟߊ߫߸ ߊ߬ ߣߌ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߞߙߎߝߊߢߐ߲߯ߦߊ ߞߣߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
