ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬߸ ߛߊ߲߬ ߁߀ ߞߣߐ߫߸ ߞߟߍ߬ߓߟߏ ߡߍ߲߬ ߠߎ߬ ߣߴߊ߬ߟߎ߫ ߞߐߡߊߓߌ߲ߓߌ߲ߓߊ߮ ߟߎ߬ ߓߘߊ߫ ߡߐ߰ ߛߌߦߊߡߊ߲߫ ߓߐ߬ߣߐ߫ ߊ߬ ߣߌ ߘߐ߫߸ ߊߡߣߌߛߌߕߌ߬ ߖߡߊ߬ߣߊ ߟߋ߬ ߞߊ߬ ߟߊߥߊ߬ߞߊ߲߬ߠߌ߲ ߣߌ߲߬ ߞߍ߫، ߊ߬ߟߎ߫ ߞߵߊ߬ ߞߏ ߞߐ߲߫ ߠߋ߬ ߞߏߛߓߍ߫߸ ߝߣߊ߫ ߞߏ߫ ߊ߬ߟߎ߫ ߖߘߐ߬ߣߍ߲߬ߓߊ ߟߋ߬ ߓߌߦߊߝߙߊ߫ ߞߍ߬ߟߍ ߘߐ߫؛ ߊ߬ ߘߏ߲߬ ߖߊ߬ߕߋ߬ߡߌ߬ߣߊ߬ ߛߓߍ ߣߌ߲߬ ߦߋ߫ ߛߊ߲߬ ߦߙߌߞߊ ߛߍ߱ߛߍ߱ߟߌ ߟߎ߬ ߟߋ߬ ߞߐߝߟߌ ߘߌ߫߸ ߊ߬ ߦߌ߬ߘߊ߬ ߘߴߊ߬ ߞߣߐ߫ ߞߏ߫ ߞߟߍ߬ߓߟߏ ߟߎ߬ ߣߌ߫ ߕߐ߲ߓߟߏߡߊ ߟߎ߬ ߣߌ߫ ߞߏߖߎ߯ ߞߍߟߊ ߟߎ߬ ߞߣߊ߬ ߛߋ߫ ߓߊ߰ߓߊ߰ߟߌ߬ߟߊ ߟߎ߫ ߡߊ߬߸ ߞߴߏ߬ ߟߎ߫ ߟߋ߬ ߣߐ߬ ߦߋ߫ ߘߣߊ߬ߜߊ߲߬ ߞߏ ߢߌ߲߬ ߠߎ߬ ߞߍ߫ ߟߊ߫.
ߏ߬ ߓߟߏߡߊ߬߸ ߊ߲ ߞߵߊ߬ ߟߊߢߌߣߌ߲߫ ߞߎ߲߬ߠߊ߬ߛߌ߮ ߟߎ߬ ߝߍ߬ ߞߊ߬ ߢߊߢߌߣߌ߲ߠߌ߲߫ ߣߌ߲߬ ߞߏ߫ ߞߊ߲߬߸ ߖߐ߲߰ߛߊ߫ ߞߵߊ߬ ߞߏ ߢߊߘߐߜߍ ߟߐ߲߫ ߞߵߊ߬ ߟߐ߲߫ ߡߐ߱ ߡߍ߲ ߠߎ߬ ߣߐ߬ ߦߴߊ߬ ߞߏ ߘߐ߫، ߊ߬ ߘߏ߲߬ ߊ߲ ߠߊ߫ ߢߊߢߌߣߌ߲ߠߌ߲ ߠߎ߬ ߞߍ߫ ߘߊ߫ ߟߋ߬ ߛߊߓߎ߫ ߘߌ߫ ߞߊ߬ ߞߏ߫ ߛߌߦߊߡߊ߲߫ ߦߌ߬ߘߊߞߵߊ߲ ߠߊ߫߸ ߦߏ߫ ߝߊ߰ߟߌߞߏ ߟߎ߬ ߊ߬ ߣߌ߫ ߡߐ߱ ߟߎ߬ ߡߌ߬ߣߊ߬ ߞߵߊ߬ߟߎ߬ ߟߊߘߏ߲߬ ߥߛߎ ߟߊ߫ ߞߵߊ߬ ߛߐ߬ߘߐ߲߬ ߊ߬ߟߎ߬ ߡߊ߫ ߞߕߌ߫߸ ߊ߬ ߣߌ߫ ߞߊ߬ ߘߏ߫ ߟߎ߫ ߟߊߕߎߣߎ߲߫ ߡߍ߲ ߠߎ߬ ߟߌ߬ߤߟߊ߬ߦߊ ߟߐ߲ߣߍ߲߫ ߕߍ߫ ߤߊߟߌ߬ ߛߊ߫، ߊ߲ ߠߊ߫ ߟߊ߬ߞߙߐ߬ߛߌ߬ߟߌ ߟߎ߬ ߞߊ߬ ߡߊ߲߬ߕߙߐ ߘߏ߫ ߟߎ߫ ߦߌ߬ߘߴߊ߲ ߠߊ߫ ߡߍ߲ ߠߎ߬ ߦߋ߫ ߞߍ߫ ߟߊ߫ ߥߛߎߓߏ߲ ߠߎ߬ ߟߊ߫.
