ߡߊ߬ߞߟߌ߬ߟߌ ߣߌ߲߬ ߞߎ߲߭ ߕߘߍ߬ ߕߍ߫ ߘߏ߫ ߜߘߍ߫ ߘߌ߫ ߝߏ߫ ߞߊ߬ ߝߊ߲߬ߕߊ߲߬ߧߊ ߞߟߍ߬ ߸ߞߊ߬ ߘߎ߰ߘߋ߲߬ ߓߟߏߞߏߟߏ߲ ߠߎ߬ ߘߍ߬ߡߍ߲߬ ߸ ߏ߬ ߟߋ߬ ߞߏߛߐ߲߬ ߞߌ߲߬ߘߊ߬ ߞߎ߲߬ߕߌ߰ ߛߘߍߡߊ߲߫ ߕߘߍ߬ ߞߣߍ ߞߊ߲߬ ߓߌ߬.
ߏߝߊ ߦߋ߫ ߘߍ߬ߞߙߎ߬ ߓߟߋߓߟߋ߫ ߟߋ߬ ߘߌ߫ ߡߍ߲ ߡߊߡߙߊ߬ߣߍ߲ ߡߊ߬ߞߟߐ߬ ߛߘߍߡߊ߲߫ ߓߟߏ߫ ߖߌ߬ߣߍ߬ ߞߣߐߟߊ ߣߴߊ߬ ߞߐߞߊ߲ߠߊ ߘߐ߫.
ߊ߲ ߘߴߊߟߎ߫ ߘߍ߬ߡߍ߲߬ ߊߟߎ߫ ߝߣߊ߫ ߦߴߊ߲ ߘߍ߬ߡߍ߲߬߸ ߊ߲ ߧߋ߫ ߢߐ߲߮ ߘߍ߬ߡߍ߲߬ ߸ߘߍ߬ߞߙߎ ߣߌ߲߬ ߟߊ߬ߢߌߣߌ߲ ߦߴߏ߬ ߟߋ߬ ߘߌ߫ ߦߏ߫ ߛߟߊߕߌ߯ ߘߊ߯ߓߏ߫ ߞߵߏ߬ ߦߌ߬ߘߴߊ߬ ߟߊ߫ ߓߋߟߋ߲ߠߊ ߘߐ߫ ߢߊ߫ ߡߍ߲ ߡߊ߬ ߕߊ߲߬ ߘߐ߫ << ߣߴߊߟߎ߫ ߞߵߊ߲ ߦߋ߲߫ ߞߣߍ ߣߌ߲߬ ߞߊ߲߬ ߦߊ߲߬ ߓߌ߬߸ ߏ߬ ߞߎ߲߭ ߞߍߣߍ߲߫ « ߏߝߊ » ߞߏ ߟߋ߬ ߘߌ߫ ߸ ߏ߬ ߡߍ߲ ߦߴߊ߬ ߕߊ߫ ߘߍ߬ߞߙߎ߬ ߓߟߏߡߊߞߊ߬ߣߍ߲ ߘߌ߫ ߝߊ߲߬ߕߊ߲߬ߧߊ ߞߟߍ߬ ߞߊ߲ߡߊ߬ ߸ߞߊ߬ ߡߐ߰ ߟߎ߫ ߘߍ߬ߡߍ߲߬ ، ߌ ߞߍ߫ ߘߊ߫ ߛߋߕߌ߮ ߘߌ߫ ߓߊ߬ ߥߟߊ߫ ߝߊ߲߬ߕߊ߲߬ ߸ ߊ߲ ߘߌ߫ ߛߋߕߌ߮ ߟߎ߫ ߘߍ߬ߡߍ߲߫ ߊ߬ߟߎ߬ ߟߊ߫ ߛߐ߬ߘߐ߲߬ߘߊ ߟߎ߬ ߟߊߛߓߊ߬ߕߌ߫ ߟߊ߫ ߸ߞߊ߬ ߛߋߒߕߊ߲ ߠߎ߬ ߝߣߊ߫ ߘߍ߬ߡߍ߲߬ ߥߙߎߞߌ߫ ߟߊ߫.
ߓߊ߬ߙߌ߬ ߣߴߌ ߞߊ߬ ߘߏ߫ ߟߎ߫ ߢߌ߬ߣߌ߲߬ߞߊ߫ ߞߏ߫ ߘߍ߬ߡߍ߲߬ߠߌ߲، ߘߏ߫ ߟߎ߫ ߦߴߊ߬ ߖߌ߰ ߟߊ߫ ߟߋ߬ ߞߏ߫ ߞߊ߬ ߥߊߘߌ ߕߊ߬ ߞߵߊ߬ ߘߌ߫ ߡߐ߱ ߡߊ߬ ،ߞߵߊ߬ ߛߐ߬ߘߐ߲߬ ߏ߬ ߕߍ߫ ߘߍ߬ߡߍ߲߬ߠߌ߲߬ ߘߌ߫ ߡߎ߰ߡߍ߫ ߸ߏ߬ ߖߍ߬ߘߍ ߦߋ߫ ߡߊ߬ߜߍ߬ߙߍ߲߬ߞߍ߬ߟߌ ߟߋ߬ ߘߌ߫ ߝߛߊߦߌ߫.
ߏ߬ ߟߋ߬ ߞߏߛߐ߲߬ ߊ߲ ߞߵߊ߲ ߠߊ߫ ߘߍ߬ߞߙߎ ߣߌ߲߬ ߕߐ߯ ߟߊ߫ ߞߏ߫ « ߏߝߊ » ߏ߬ ߡߍ߲ ߞߘߐ ߦߋ߫ ߞߏ߫ : ߞߵߊ߲ ߧߴߊ߲ ߓߟߏ߫ ߘߌ߫ ߢߐ߮ ߡߊ߬ ߞߊ߬ ߞߏ ߟߎ߬ ߞߍ߫ ߢߐ߲߮ ߝߍ߬ ߞߊ߬ ߢߐ߲߮ ߘߍ߬ߡߍ߲߬.
ߝߏ߫ ߊ߲ ߧߋ߫ » ߏߝߊ » ߞߘߐ߫ ߝߐ߫ ߡߐ߱ ߟߎ߬ ߦߋ߫ ߞߊ߬ ߞߛߌ߬ߞߛߊ߫ ߓߐ߫ ߡߐ߱ ߘߏ߫ ߟߎ߫ ߛߣߐ߬ߡߍ ߘߐ߫ ،ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߟߎ߫ ߦߋ߫ » ߏߝߊ » ߝߛߊ߬ߙߌ߬ ߟߊ߫ ߢߊ߫ ߜߘߍ߫ ߡߊ߬ >>
ߘߊ߯ߓߏ߫ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߤߊ߲߰.
<< ߦߏ߫ ߒ ߕߘߍ߬ ߓߘߊ߫ ߕߊ߬ߡߌ߲߫ ߊ߬ ߞߊ߲߬ ߢߊ߫ ߡߍ߲߫ ߡߊ߬ ߛߌߛߍ߲߬ ߞߏ߫ ߟߊ߲ߘߦߊ ߟߋ߬ ߞߵߊ߲ ߠߊ߫ ߛߋ߫ ߦߊ߲߬ ߞߣߍ ߣߌ߲߬ ߞߊ߲߬ ߓߌ߬߸ ߓߊߏ߬߸ ߣߌ߫ ߟߊ߲ߘߦߊ ߕߍ߫ ߡߐ߰ ߕߘߍ߬ ߕߍߣߊ߬ ߛߋ߫ ߟߊ߫ ߦߊ߲߬، ߞߏ߬ߣߌ߲߬ ߘߏ߫ ߟߎ߫ ߝߣߊ߫ ߘߴߊ߬ ߝߐ߫ ߖߊ߬ߡߊ ߘߐ߫ ߦߊ߲߬ ߕߋ߲߬ ߞߏ߫ ߊ߬ߟߎ߬ ߟߊߣߕߊ߬ߣߍ߲߫ ߠߋ߬ ߞߵߊ߬ߟߎ߬ ߟߊ߫ ߣߊ߬ ߦߊ߲߬߸ ߏ߬ ߡߐ߱ ߟߎ߬ ߦߋ߫ ߦߊ߲߬ ߖߐ߫ ، ߓߊ߬ߙߌ߫߸ ߊ߲ ߕߍ߫ ߛߴߊ߬ ߝߐ߫ ߟߊ߫ ߞߏ߫ ߞߊ߬ߘߌ߬ߛߊ߬ ߦߴߏ߬ ߘߏ߫ ߟߋ߬ ߘߌ߫.
ߒ߬ߓߊ߬ ߞߎߡߊ ߡߍ߲ ߠߎ߬ ߝߐߣߍ߲߫ ߕߘߍ߬ ߞߊ߬ ߞߐ߲߰ ߓߌ߬ ߢߍ߫߸ ߏ߬ ߟߎ߬ ߓߍ߯ ߓߘߊ߫ ߟߊߓߋ߬ ߞߵߊ߬ ߡߊߛߐ߬ߘߐ߲߬ ߒߠߋ ߖߍ߬ߘߍ ߢߊ ߓߘߊ߫ ߓߐ߫ ߜߍ߫ ߘߐ߫ ߞߊ߬ ߞߎߡߊ߫>>
ߘߊ߯ߓߏ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߬ ߞߎߡߊߞߊ߲ ߠߎ߬ ߞߐ߫ ߸ߊ߬ߟߎ߫ ߘߏ߲߬ ߘߴߊ߬ ߛߌߟߊ ߕߊ߯ߡߊ߫ ߖߐ߫ ߣߴߊ߬ ߡߊ߫ ߢߊ߬ ߞߏ߫ ߊ߬ߟߋ ߟߋ߬ ߕߏ߰ߝߏ ߞߊ߲ߕߌ߮ ߘߌ߫ .
<< ߊ߬ ߘߏ߲߬ ߒߠߋ ߟߋ߬ ߖߍ߬ߘߍ ߦߋ߫ ߕߏ߰ߝߏ ߞߊ߲ߕߌ߮ ߘߌ߫߸ ߣߌ߫ ߒߠߋ ߞߊ߬ ߡߍ߲ ߝߐ߫ ߊ߬ ߘߐ߫߸ ߣߌ߫ ߡߍ߲ ߕߴߊ߬ ߕߊ߫ ߜߘߍ߫ ߘߐ߫ ߏ߬ ߕߌ߱ ߞߊ߫ ߞߊ߲߫ ߞߊ߬ ߓߍ߲߬ ߒ߬ ߕߊ߫ ߝߐߕߊ ߏ߬ ߟߋ߬ ߡߊ߬ ،ߖߡߊ߬ ߟߊ߬ߘߍ ߘߏ߲߬ ߝߣߊ߫ ߦߴߏ߬ ߢߊ ߟߋ߬ ߡߊ߬ ߸ ߓߍ߯ ߕߴߊ߬ ߢߊߦߋ߫ ߟߊ߫ ߢߊ߫ ߞߋߟߋ߲߫ ߡߊ߬߸ ߘߏ߫ ߘߴߊ߬ ߢߊߦߋ߫ ߓߌ߬ ߸ߛߌߣߌ߲߫ ߘߏ߫ ߝߣߊ߫ ߘߴߊ߬ ߢߊߦߋ߫߸ ߘߏ߫ ߖߍ߬ߘߍ ߝߣߊ߫ ߕߴߊ߬ ߢߊߦߋ߫ ߟߊ߫ ߝߏ߫ ߛߌߣߌ߲ߞߍ߲ߘߍ߫، ߊ߬ ߘߏ߲߬ ߞߏ߫ ߛߌߦߊߡߊ߲߫ ߠߋ߬ ߓߘߊ߫ ߞߍ߫ ߞߊ߲ߞߊ߲߫ ߦߊ߲߬ ߡߍ߲ ߓߘߊ߫ ߡߐ߱ ߟߎ߬ ߡߊߞߡߐ߬ߦߊ߫߸ ߦߏ߫ ߞߊ߬ ߕߏ߫ ߊ߬ ߝߐ߫ ߟߊ߫ ߛߐ߲߬ ߞߏ߫ ߊ߲ ߘߌ߫ ߣߌ߲߬ ߞߍ߫ ߊߟߎ߫ ߦߋ߫߸ ߏ߬ ߞߏ ߕߍ߫ ߞߍ߫ ߟߊ߫، ߏ߬ ߡߐ߱ ߟߎ߬ ߦߴߊ߬ ߝߐ߫ ߟߊ߫ ߟߋ߬ ߦߊ߲߬ ߞߴߏ߬ ߛߎ߮ ߟߋ߬ ߞߍߕߐ߫ ߊ߲ ߠߊ߫ ߣߌ߲߬߸ ߞߊ߬ ߕߏ߫ ߊ߲ ߡߊߞߡߐ߬ߦߊ߬ߟߊ߫߸ ߞߵߊ߲ ߠߊ߫ ߛߎ߫ ߞߏ ߡߵߊ߬ ߕߍ߫ ߢߊ߫ ߡߍ߲ ߡߊ߬ >>.
ߕߊߟߓߌ߫ ߘߊ߯ߓߏ߫ ߟߋ߬ ߞߊ߲߫ ߕߋ߲߬
ߊ߬ ߞߵߊ߬ ߦߌ߬ߘߊߞߊ߬ ߡߐ߱ ߟߎ߬ ߟߊ߫ ߞߏ߫ ߡߍ߲ ߠߎ߬ ߦߋ߫ ߞߎߡߊ߫ ߛߎ߯ ߏ߬ ߝߐ߫ ߞߊ߲߬ ߸ ߏ߬ ߟߎ߬ ߝߣߊ߫ ߖߏ ߟߋ߬ ߦߴߊ߬ߟߎ߬ ߕߊ ߏ߬ ߘߐ߫߸ ߓߊߏ߬߸ ߓߍ߯ ߕߍ߫ ߞߏ߫ ߢߊߦߋ߫ ߟߊ߫ ߢߊ߫ ߞߋߟߋ߲߫ ߡߊ߬، ߊ߬ߟߋ ߞߏ߬ߣߌ߲ ߦߋ߫ ߡߍ߲ ߝߐ߫ ߟߊ߫ ߖߊ߬ߡߊ ߦߋ߫ ߏ߬ ߟߋ߬ ߦߴߊ߬ ߦߌ߬ߘߊ߫ ߘߌ߫ ߞߏ߫ ߓߘߍ߬ߓߘߍ߬ߟߌ߬ ߕߏ߯ߝߏ ߡߍ߲ ߕߐ߯ <<ߏߝߊ>> ߏ߬ ߓߘߊ߫ ߣߵߊ߬ ߟߊ߫ ߓߊ߯ߙߊ ߟߎ߬ ߞߊ߲ߡߊ߬߸ ߕߏ߰ߝߏ ߣߌ߲߬ ߣߊ߬ߣߍ߲߫ ߝߊ߲߬ߒ߬ߕߊ߲߬ߧߊ ߟߋ߬ ߞߟߍ߬ ߞߊ߲ߡߊ߬.
ߞߣߍ ߣߌ߲߬ ߝߣߊߣߍ߲ ߕߘߍ߬ ߦߋ߫ ߏߝߊ߫ ߡߐ߮ ߜߊ߲߬ߛߊ߲ ߠߋ߬ ߟߊ߫ ߸ ߞߊ߲ߞߊ߲߫ ߡߎ߰ߡߍ ߡߊ߫ ߡߊߞߟߌ߫ ߘߋ߬.
: << ߛߙߍߘߍߦߊߟߌ ߡߍ߲ ߠߎ߬ ߞߍ߫ ߘߊ߫߸ ߡߐ߰ ߛߊ߬ߓߊ߫ ߛߊ߬ߓߊ߫ ߡߍ߲ ߠߎ߬ ߕߊ߬ ߘߊ߫ ߟߎ߫ ߟߎ߬ ߞߣߐ߫، ߏ߬ ߟߎ߫ ߟߋ߬ ߡߊߞߟߌߣߍ߲߫߸ ߏ߬ ߟߎ߫ ߟߋ߬ ߘߐߙߐ߲߫ ߕߘߍ߬ ߖߊ߬ߡߊ ߏ߬ ߟߎ߬ ߘߌ߫߸ ߡߐ߰ ߞߟߌߣߍ߲߫ ߏ߬ ߟߎ߬ ߓߍ߯ ߕߘߍ߬ ߦߋ߫ ߟߎߕߌ߮ ߣߴߊ߬ ߟߊ߫ ߘߋ߲ߓߦߊ ߟߎ߫ ߟߋ߬ ߘߌ߫>>
ߣߴߊ߬ߟߎ߫ ߞߵߊ߬ ߡߊߝߟߍ߫߸ ߕߎ߬ߡߊ ߘߏ߫ ߟߎ߫ ߕߘߍ߬ ߦߋ߫ ߞߍ߫ ߟߴߊ߬ ߘߐ߫ ߣߌ߫ ߝߋ߲ ߕߍ߬ߘߍ߫ ߣߊ߬ ߘߴߊ߬ ߕߘߍ߬ ߦߋ߫ ߞߍ߫ ߟߊ߫ ߦߙߐ߫ ߞߋߟߋ߲߫ ߠߋ߬ ߘߐ߫ ߞߵߊ߬ ߘߐߕߟߊ߫ ߡߐ߱ ߟߎ߬ ߕߍ߫߸ ߝߏ߫ ߘߏ߫ ߟߎ߫ ߕߘߍ߬ ߘߌ߫ ߥߴߊ߬ߟߎ߬ ߝߘߌ߫ ߢߐ߲߮ ߞߊ߲߬ ߞߊ߬ ߡߊ߬ߘߌ߬ߡߌ߲߬ߣߌ߲ ߓߐ߫ ߊ߬ ߞߏ ߘߐ߫، ߘߏ߫ ߟߎ߫ ߖߘߍ߬ ߝߣߊ߫ ߕߘߍ߬ ߦߴߊ߬ ߕߊ߬ ߟߊ߫ ߟߋ߬ ߞߊ߬ ߥߴߊ߬ ߝߙߋ߬، ߓߊ߬ߙߌ߫߸ ߕߊ߲߬ߞߊ߬ ߘߌ߫ ߛߋ߫ ߞߍ߫ ߟߊ߫ ߏ߬ ߡߊ߬ ߘߌ߫؟
ߊ߬ ߞߊ߬ ߢߊߝߐߟߌ߫ ߞߍ߫ ߏ߬ ߞߊ߲߬߸ ߊ߬ ߞߊ߬ ߡߎ߲߬ ߠߋ߬ ߝߐ߫؟
<< ߏߝߊ ߛߓߍߘߊ ߟߋ߬ ߟߊߛߌ߰ߕߐ߫߸ ߞߊ߬ ߝߋ߲߫ ߘߌߕߊ ߓߙߍ߬ߦߊ ߟߐ߲߫߸ ߊ߬ ߣߌ߫ ߞߵߊ߬ ߟߐ߲߫ ߡߍ߲ ߞߊ߫ ߞߊ߲߫ ߞߊ߬ ߘߌ߫ ߟߎ߫ ߞߋߟߋ߲߫ ߡߊ߬، ߘߍ߬ߡߍ߲߬ߢߌ߬ߣߌ߲߬ߠߊ ߛߌߦߊߡߊ߲߫ ߠߋ߬ ߓߘߴߊ߬ߟߎ߬ ߞߊ߲ߠߊߓߐ߫ ߊ߲ ߡߊ߬߸ ߓߊ߬ߙߌ߫߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߘߍ߬ߡߍ߲߬ߠߌ߲߬ ߝߋ߲ ߘߏ߫ ߦߴߊ߲ ߓߟߏ߫ ߥߊ߯ߕߌ߫ ߣߌ߲߬ ߠߊ߫߸ ߊ߲ ߕߍ߫ ߛߴߊ߬ ߘߐߕߟߊ߫ ߟߊ߫، ߣߴߏ߬ ߕߍ߫ ߞߍ߬ߟߍ ߘߌ߫ ߓߐ߫ ߊ߬ ߘߐ߫ ߟߋ߬ ߘߍ߯߸ ߓߊߏ߬߸ ߓߍ߯ ߦߴߊ߬ ߝߍ߬ ߟߋ߬ ߞߊ߬ ߘߏ߫ ߛߐ߬ߘߐ߲߬،ߊ߬ ߘߏ߲߬߸ ߏ߬ ߞߐߝߟߌ ߦߋ߫ ߞߍ߫ ߟߊ߫ ߡߊ߬ߘߌ߬ߡߌ߲߬ߠߌ߲ ߠߋ߬ ߘߌ߫، ߊ߲ ߞߏ߬ߣߌ߲ ߦߋ߫ ߛߌ߲߬ߝߏ߲߬ߧߊ߬ߟߌ ߟߎ߬ ߞߊ߲߬߸ ߖߐ߲߰ߛߊ߫ ߕߊ߲߬ߞߊ߬ ߘߌ߫ ߞߍ߫ ߏ߬ ߟߎ߫ ߡߊ߬>>.
ߣߴߌ ߞߵߊ߲ ߛߋߣߍ߲߫ ߦߋ߫ ߦߊ߲߬ ߓߌ߬ ߢߐ߲߰ ߟߏ߲߫ <<ߏߝߊ >> ߞߏ ߟߋ߬ ߞߵߊ߲ ߠߊߛߋ߫ ߦߊ߲߬߸ ߞߊߘߌߦߊߕߎ߬ ߓߙߋߕߋ߫ ߣߌ߫ ߓߌ߲ߕߎ߬ ߞߋߕߊ߬ ،ߊ߬ߟߎ߫ ߡߍ߲ ߦߋ߫ ߏߝߊ ߛߌ߲߬ߝߏ߲ ߘߏ߫ ߘߌ߫ ߸ߊ߬ ߣߌ߫ ߖߊ߯ߓߘߊ߫ ߞߊ߬ߙߊ߲߬ߠߊ߬ߘߋ߲ ߘߏ߫ ߟߎ߫ .
ߏ߬ ߟߎ߫ ߞߵߊ߬ ߦߌ߬ߘߊ߫ ߕߊ߲߬: << ߏߝߊ ߦߋ߫ ߘߍ߬ߞߙߎ ߟߋ߬ ߘߌ߫ ߡߍ߲ ߣߊ߬ߣߍ߲ ߘߍ߬ߡߍ߲ ߘߌ߫߸ ߊ߬ ߣߊ߬ߣߍ߲߫ ߘߍ߬ߡߍ߲ ߠߋ߬ ߘߏ߲߬ ߠߊ߫ ߞߊ߲ߞߊ߲ߞߊ ߟߎ߬ ߟߊ߫ ߞߏ ߘߐ߫ ߸ ߦߏ߫ ߓߊ߯ߙߊߞߏ ߣߴߊ߬ ߢߐ߲߰ ߘߐ߫ ߟߎ߬߸ ߊ߬ ߣߌ߫ ߞߊ߬ ߘߋ߲ߡߌߛߍ߲ ߠߎ߬ ߝߣߊ߫ ߘߍ߬ߡߍ߲߬، ߦߏ߫ ߊ߲ ߠߊ߫ ߞߊ߲ߕߌ߮ ߖߍ߬ߘߍ ߕߊ߬ߡߌ߲߬ ߘߴߊ߬ ߞߎߡߊ ߘߐ߫ ߢߊ߫ ߡߍ߲ ߞߊ߲߬ ߛߌߛߍ߲߬߸ ߡߐ߱ ߟߎ߬ ߦߋ߫ ߘߍ߬ߡߍ߲߬ ߢߌߣߌ߲ ߞߊ߲߬߸ ߌ ߘߴߊ߬ ߦߋ߫ ߡߐ߱ ߘߏ߫ ߦߋ߫ ߟߎ ߡߊ ߊ߬ ߞߍ߲ߘߍ ߝߋߎ߫ ߸ ߓߊ߬ߙߌ߫߸ ߓߊ߯ߙߊߞߏ߫ ߜߟߍ߬ߡߊ߲߫، ߏ߬ ߘߐ߫߸ ߣߴߌ ߞߵߊ߲ ߠߊ߫ ߕߏ߰ߝߏ ߣߌ߲߬ ߛߌ߲ߘߌ߫ ߞߎ߲ ߦߋ߫߸ ߊ߬ ߞߎ߲߭ ߲ ߓߍ߯ ߟߴߏ߬ ߘߌ߫߸ ߞߊ߬ ߡߐ߱ ߟߎ߬ ߡߊߘߍ߬ߡߍ߲߬، ߏ߬ ߘߐ߫ ߒߠߋ ߘߌ߫ ߡߍ߲ ߝߐ߫ ߡߐ߱ ߕߐ߭ ߟߎ߬ ߦߋ߫߸ ߊ߬ߟߎ߬ ߦߋ߫ ߞߟߊߓߎ ߕߊ߬ ߘߐߙߐ߲߫>>.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߣߌ߫ ߛߎ߯ߟߊ߲ߘߌ߫ ߛߊ߰ߞߐ߬ ߓߟߏ߫.
