ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߓߘߍ߬ߓߘߍ߬ߟߌ߬ ߕߏ߯ߝߏ ߛߌ߲߬ߝߏ߲߬ ߞߟߏߡߊ ߝߌ߬ߟߊ߫ ߟߋ߬ ߕߏ߫ ߘߊ߫ ߓߌ߬ߟߊ߬ߒ߬ߘߐ߬ߖߎ߮ ߘߐ߫ ߂߀߂߅ ߘߓߊ߬ߕߊ ߕߟߋ߬ ߁߁ ߡߊ߬߸ ߞߵߊ߬ߟߎ߬ ߓߕߐߟߊ ߕߏ߫ ߕߏ߰ߝߏ ߟߊߥߊ߲߬ߞߊ߲߬ ߜߙߊ ߘߐ߫، ߒ߬ߓߊ߬߸ ߏ߬ ߟߎ߬ ߟߊ߫ ߛߊ߬ߦߊ ߞߐߝߍ߬ ߞߊߙߏ߫ ߛߓߊ߬ ߟߊ߫߸ ߞߎߣߎ߲߬ ߞߊ߯ߙߌ߸ ߂߀߂߅ ߘߓߊ߬ߓߌߟߊ ߕߟߋ߬ ߁߀ ߠߋ߬ ߡߊ߬߸ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߞߊ߬ ߛߌ߲ߞߐ߲ߡߌߘߊ߫ ߝߟߊ ߘߏ߫ ߕߘߎ߫ ߞߙߎ߬ߛߊ߬ ߡߊߜߍ߲ ߘߐ߫ ߞߎߘߍ߫ ߁߅ ߢߐ߲߰ ߠߊ߫߸ ߊ߬ߟߎ߬ ߟߊ߫ ߡߐ߰ ߝߌ߬ߟߊ߫ ߓߣߐ߬ ߘߴߊ߬ ߣߌ ߘߐ߫ ߘߌ߲߬ߞߌߙߊ ߡߍ߲ ߘߐ߫ ߓߌ߬ߟߊ߬ߒ߬ߘߐ߬ߖߎ߮ ߛߊߓߎ߫ ߟߊ߫، ߣߌ߲߬ ߞߍ߫ ߘߊ߫ ߞߏ߫ ߟߋ߬ ߘߌ߫ ߞߎߣߎ߲߬߸ ߝߊ߲߬ߞߊ ߘߌ߫ ߘߊ߫ ߊߘߡߊߦߊ ߡߊ߬ ߦߙߐ ߡߍ߲ ߘߐ߫߸ ߞߊ߬ ߝߊ߲ߕߊ߬ ߞߋߕߊ߬ ߣߌ߫ ߝߊߕߎߡߊߕߊ߬ ߞߡߊ߬ߙߊ߫ ߡߐ߬ߟߐ߲ ߦߌ߬ߘߊ߸ ߞߵߊ߬ ߟߐ߲߫ ߞߏ߫ ߊ߬ߟߎ߫ ߕߎ߲߬ ߕߍ߫ ߞߏ߫ ߘߐߞߏߟߏ߲߫ ߛߍ߬ߘߏ߲ ߞߊ߲߬.
ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߞߵߊ߬ ߡߙߌ ߟߊߕߊ߯ ߝߊ߲ߕߓߊ߫ ߝߌ߬ߟߊ ߟߋ߬ ߡߊ߬ ߞߎߣߎ߲߬߸ ߞߵߊ߬ ߦߌ߬ߘߊ߬ ߞߏ߫ ߊߘߡߊߘߋ߲ ߠߎ߬ ߕߍ߫ ߢߐ߲߮ ߛߓߏ߬ ߘߊߥߎ߲߫ ߠߊ߫߸ ߝߏ߫ ߞߊ߬ ߛߍ߰ ߞߍ߬ߟߊ ߟߎ߬ ߞߍ߫ ߛߊ߬ߓߊߟߌ߫ ߕߎߣߎ߲ߓߊߟߌ ߘߌ߫ ߟߋ߬ :<< ߌ ߣߌ߫ ߡߐ߱ ߓߊ߯ ߞߍ߫ ߢߐ߲߮ ߝߍ߬ ߸ߏ߬ ߞߘߐ߫ ߕߍ߫ ߞߏ߫ ߊߟߎ߫ ߦߋ߫ ߢߐ߲߯ ߛߏ߬ߓߏ ߟߋ߬ ߘߊߡߎ߲߫ ߠߊ߫، ߊߟߎ߫ ߞߊ߫ ߞߊ߲߫ ߠߋ߬ ߞߊ߬ ߦߋ߫ ߢߐ߲߮ ߝߍ߬ ߘߊߞߎ߲ ߓߍ߯ ߘߐ߫ ߸ߣߴߊ߲ ߠߊ߫ ߞߙߎ ߛߌ߬ߝߏ߲ ߘߏ߫ ߟߎ߫ ߓߘߊ߫ ߝߘߊ߫ ߊ߲ ߠߊ߫ ߞߴߏ߬ ߞߎ߲߭ ߞߍ߫ ߛߊ߬ߦߊ ߘߌ߫ ߸ߏ߬ ߟߎ߫ ߝߘߊߣߍ߲߫ ߊ߲ ߠߊ߫ ߘߌ߲߬ߞߌߙߊ ߡߍ߲ ߘߐ߫.،ߝߏ߫ ߊ߲ ߧߋ߫ ߝߟߊ ߘߏ߫ ߕߘߎ߫ ߦߋ߲߬ ߠߋ߬ ߕߘߋ߫ ߸ߞߵߏ߬ ߞߍ߫ ߊ߬ ߕߊ߫ ߕߐ߰ߡߊ߬ߛߙߋ ߘߌ߫ ߞߵߊ߬ ߟߐ߲߫ ߝߣߊ߫ ߞߏ߫ ߊ߲ ߠߊ߫ ߕߏ߰ߝߏ ߛߌ߲߬ߝߏ߲ ߘߏ߫ ߟߋ߬ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߘߏ߫ ߞߍ߫ ߦߊ߲߬ ߣߴߊ߬ߟߎ߬ ߣߌ ߕߏ߫ ߘߴߊ߬ ߘߐ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߟߊߥߊ߲߬ߞߊ߫ ߘߏ߫ ߛߋ߲߭ ߝߍ߬ ߞߙߎ߬ߛߊ߫ ߸ߏ߬ ߓߊ߯ ߞߍ߫،ߊ߲ ߓߊߘߋ߲ߡߊ߫ ߕߊ߬ߡߌ߬ߓߊ߰ߕߐ ߟߎ߬ ߝߣߊ߫ ߘߌ߫ ߘߎ߬ߥߊ߬ߥߎ ߟߎ߬ ߞߍ߫ ߕߊ߯ߓߊ߯ߕߐ ߟߎ߬ ߦߋ߫ ߕߎ߬ߡߊ߬ ߓߍ߯ ߸ߤߊߟߌ߬ ߣߴߊ߬ ߕߎ߲߬ ߞߵߊ߬ ߕߘߍ߬ ߞߏ߫ ߛߋ ߜߘߍ߫ ߕߎ߲߬ ߦߴߊ߲ ߧߋ߫ ߡߍ߲ ߣߌ߫ ߣߌ߲߬ ߛߌ߫ ߕߍ߫ ߞߋߟߋ߲߫ ߘߌ߫ ߸ߊ߲ ߘߏ߫ ߞߍ߫ ߝߋߎ߫ ߸ߞߊ߬ߕߎ߲߰ ߊ߲ ߡߙߌߞߋߟߋߢߐ߲߮ ߠߎ߬ ߟߋ߬ ߸ ߏ߬ ߟߋ ߞߐߛߐ߲߬ ߊ߲ ߣߐ߬ ߝߟߊ ߣߌ߲߬ ߕߘߎ߫ ߟߊ߫ ߦߊ߲߬߸ߞߵߏ߬ ߞߍ߫ ߦߟߌߣߐ ߣߌ߫ ߛߌ߲ߡߊߟߌ ߘߏ߫ ߘߌ߫ ߊ߲ ߘߍ߲߬ߞߏ߬ߡߊ߬ߢߐ߲߮ ߕߐ߭ ߟߎ߬ ߦߋ߫ >>. ߞߏ߲߬ߓߏ߫ ߊߡߊ߬ߘߎ߫ ߝߘߊ߬ߝߌ߲߫ ߞߙߏ߬ߡߊ߫ ߟߋ߬ ߞߊ߬ ߣߌ߲߬ ߝߐ߫.
ߞߙߊ߬ߡߐ߯ ߡߊ߬ߡߊ߬ߘߌ߬ ߖߐ߲ߖߐ߲߫ ߞߋߕߊ߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߡߊ߬ߞߟߐ ߘߏ߫ ߸ߏ߬ ߟߊ߫ ߛߙߊ߬ߣߎ߲ ߓߐ߬ߙߌ߬ ߘߊ߫ ߡߏ߬ߙߌ߬ߢߌ߬ߡߊ߬ߦߊ߫ ߛߌ߬ߓߊ߮ ߟߎ߫ ߟߋ߬ ߞߊ߲߬ << ߞߵߊ߬ ߕߊ߬ ߛߊ߬ߦߊ ߣߌ߲߬ ߞߍ߫ ߟߏ߲ ߡߊ߬ ߝߏ߫ ߓߌ߬߸ ߛߏߡߐ߮ ߟߎ߬ ߡߴߊ߬ߟߎ߫ ߛߌ߬ ߝߋߎ߫ ߸ ߊ߬ ߞߊ߬ ߛߋ߲߬ߕߊ߬ ߞߎߘߊ ߟߋ߬ ߘߌ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߡߊ߬ ߸ߓߊߏ߬ ߤߊߟߌ߬ ߣߴߌ ߞߵߊ߬ ߔߊ߬ߔߘߊ ߕߊ߬ ߸ߌ ߘߴߊ߬ ߦߋ߫ ߔߊ߬ߔߘߊ ߕߊ߬ߓߊ߮ ߞߊ߫ ߛߌߦߊ߫ ߡߏ߬ߙߌ߬ߢߌ߬ߡߊ߬ߦߊ߫ ߛߌ߬ߓߊ߮ ߟߎ߫ ߟߋ߬ ߘߐ߫߸ߏ߬ ߖߍ߬ߘߍ ߕߍ߰ߣߍ߲߫ ߞߵߊ߬ ߓߐ߫ ߊ߬ ߟߊ߫ ߸ߊ߬ߟߎ߬ ߦߋ߫ ߡߐ߰ ߟߎ߫ ߟߋ߬ ߘߌ߫ ߊ߬ ߦߋ߫ ߝߐ߫ ߟߊ߫ ߡߍ߲ ߠߎ߬ ߡߊ߬ ߞߏ߫ ߡߐ߱ ߸ߊ߬ߟߎ߫ ߛߓߍ߬ ߦߋ߫ ߖߌ߬ߣߍ߬ ߞߊ߲ߓߍ߲ ߟߊߛߓߊ߬ߕߌ߫ ߡߊ߬ ߘߊߞߎ߲߫ ߓߍ߯ ߘߐ߫߸ ߏ߬ ߟߋ߬ ߘߐ߫ ߸ߊ߲ ߘߌߣߊ߬ ߞߏ߫ ߛߘߍߡߊ߲߫ ߞߍ߫ ߢߐ߲߮ ߝߍ߬>>
ߡߊ߬ߡߎߘߎ߬ ߞߐ߲ߘߍ߫߸ ߊ߬ߟߋ ߡߍ߲ ߦߋ߫ ߛߊ߬ߓߊ߰ߕߐ ߟߎ߬ ߡߊߛߎ߬ߘߎ߲߬ߧߊ߬ ߡߐ߮ ߘߏ߫ ߘߌ߫߸ ߏ߬ ߞߊ߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߊ߲߬ߘߏ߫ ߊ߬ߟߎ߬ ߟߊ߫ ߞߊ߲ߞߋߟߋ߲ߕߌ߯ߦߊ ߣߴߊ߬ߟߎ߬ ߟߊ߫ ߘߐ߬ߖߊ߬ ߞߍߣߍ߲߫ ߠߎ߬ ߟߊ߫ ߛߊ߬ߓߊ߰ߕߐ ߦߋ߫߸ ߞߵߊ߬ ߕߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߟߏ߲ ߡߊ߬ ߝߏ߫ ߓߌ߬߸ߊ߬ ߞߎߡߊ߫ ߘߊ߫ ߝߊ߬ߛߏ߬ ߞߊ߲ ߠߎ߬ ߡߐ߬ߟߐ߲ ߘߏ߫ ߝߣߊ߫ ߞߊ߲߬ ߝߊ߬ߛߏ߫ ߞߣߐ߫.
ߝߊ߲߲ߕߓߊ߫ ߝߌ߬ߟߊ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߢߐ߲߰ ߜߘߍ߫ ߞߍߓߊߟߌߦߊ ߣߊ߬ߕߊ ߡߊ߬߸ ߖߐ߲ߖߐ߲ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߘߐ߬ߓߍ߲ ߘߏ߫ ߟߎ߫ ߞߍ߫: <<ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍߣߍ߲߫ ߊ߲ ߡߊ߬ ߡߊ߬ ߥߟߊ߬ߘߊ ߟߋ߬ ߘߌ߫߸ ߏ߬ ߟߋ ߞߏߛߐ߲߬ ߊ߲ ߓߘߊ߫ ߓߟߏߘߐߓߍ߲ ߛߘߍߡߊ߲߫ ߛߌ߰ ߛߋ߲߬ߞߊ߲߬ ،ߖߐ߲߰ߛߊ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߛߎ߯ ߜߘߍ߫ ߞߊߣߵߊ߲ ߡߊߛߐ߬ߘߐ߲߬ ߏ߬ ߞߐ߫>> . ߞߙߊ߬ߡߐ߰ ߖߐ߲ߖߐ߲߫ ߞߋߕߊ߬ ߟߋ߬ ߞߊ߲߫ ߕߋ߲߬.
ߞߏ߲߬ߓߏ ߊߡߊ߬ߘߎ߫ ߝߘߊ߬ߝߌ߲ ߕߙߊߥߟߋ߫ ߞߎߡߊ߫ ߘߊ߫ ߝߊ߲ߕߊ߫ ߕߐ߯ ߝߌ߬ߟߊ ߡߐ߬ߟߐ߲ ߞߊ߲߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߞߣߐ߫،
ߊ߬ ߞߵߊ߬ ߦߌ߬ߘߊ߬ ߞߏ߫ << ߛߊ߬ߓߊ߰ߕߐ ߣߌ߲߬ ߠߎ߬ ߓߍ߯ ߕߘߍ߬ ߦߋ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߕߍߡߊߓߟߐ ߟߎ߬ ߘߏ߫ ߟߋ߬ ߘߌ߫ ߞߊ߬ ߓߐ߫ ߜߙߋߘߎ߯ ߡߏ߬ߙߌ߬ߢߌ߬ߡߊ߬ߦߊ߫>>
ߝߊ߲ߕߓߊ߫ ߝߌ߬ߟߊ ߟߊ߫ ߛߊ߬ߦߊ ߞߍߣߍ߲߫ ߥߟߊ߬ߘߊ ߟߋ߬ ߘߌ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߦߋ߫߸ ߞߵߊ߬ ߞߍ߫ ߢߍߥߟߊ߫ ߓߘߍ ߟߎ߬ ߢߣߊߓߐ ߘߌ߫߸ ߊ߬ ߣߌ߫ ߕߍߛߘߌ، ߖߐ߲ߖߐ߲ ߞߋߕߊ߬ ߦߴߏ߬ ߟߊߛߙߋߦߊ߫ ߟߊ߫،
ߝߟߊ߫ ߕߘߎ ߞߎ߲߭ߘߏ߲߬ ߘߊ߫ ߕߌ߲ߞߌ߫ ߓߘߍ߫ ߜߊ߲߰ߛߊ߲߫ ߠߋ߬ ߟߊ߫߸ ߞߊ߬ ߝߘߊ߫ ߓߊߙߏ߫ ߢߍߓߊ߮ ߘߏ߫ ߟߊ߫߸ ߡߍ߲ ߕߐ߯ ߞߏ߫ ߞߙߊ߬ߡߐ߰ ߌߓߙߊߤߌߡߊ߬ ߛߘߌ߬ߓߋ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߣߌ߫ ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫
