ߞߎ߬ߓߌ߬ߦߊ߫ ،߂߀߂߅ ߘߓߊ߬ߓߌ߬ߟߊ ߕߟߋ߬ ߆߸. ߞߐ߬ߟߏ߲ ߛߎ ߘߐ߫ ߞߵߊ߬ ߘߎ߬ߛߊ ߜߍ߫ ߞߎߣߎ߲߬ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߢߌ߲߬ ߠߊ߫ ߸ ߓߌ߬ߟߊ߬ߒ߬ߘߐ߬ ߡߞߊߓߊߣߍ߲ ߘߏ߫ ߟߋ߬ ߞߍߣߍ߲߫ ߜ߭ߊߘߊ߫ – ߥߎ߲ߘߎ߫ ߛߏ ߖߍ߬ߘߍ ߟߊ߫ .
ߞߎ߬ߓߌ߬ߦߊ߫ ߡߙߊ߬ߓߊ߰ߘߊ ߘߊ߲ߘߊߛߏ ߛߋ߲߬ߘߐ߬ߞߎߟߎ߲ ߠߋ߬ ߕߏߣߍ߲߫ ߓߊ߯ߙߊ߫ ߝߊߘߌ߫ ߘߐ߫ ߸ ߊ߬ ߥߊߕߐ߫ ߕߘߍ߬ ߡߏ߬ߛߏ ߘߏ߫ ߟߋ߬ ߖߊ߲߬ߞߊ߬ߙߏ߬ߕߐ ߕߊ߬ ߦߌߟߊ߫ ߕߌߡߑߓߋߙߍ߲ ߕߌ߲߬ߞߎ߬ߘߎ߲߬ߙߋ߲ ߘߐ߫ ߸ ߏ߬ ߡߍ߲ ߦߋ߫ ߖߌ߬ߣߍ߬ ߞߊ߲ߓߍ߲ ߣߌ߫ ߡߊ߬ߟߌ ߞߊ߲ߓߍ߲ ߓߐߕߏ߲ ߠߊ߫ ߸ ߛߋ߲߬ߘߐ߬ߞߎߟߎ߲ ߏ߬ ߥߊߣߍ߲߫ ߊ߬ ߖߘߍ߬ ߦߋ߲߫ ߠߊ߫ ߣߌߥߏߡߊ߫ ߓߊߖߌ ߟߋ߬ ߘߐ߫.
ߒ߬ߓߊ߬ ߸ߓߌ߬ߟߊ߬ߒ߬ߘߐ ߣߌ߲߬ ߞߍߣߍ߲߫ ߞߊ߬ ߞߎߘߍ߫ ߃߀ ߢߐ߲߰ ߠߋ߬ ߕߏ߫ ߜ߭ߊߘߊ߫ – ߥߎ߲ߘߎ߫ ߣߌ߫ ߛߏ ߞߣߐߟߊ ߕߍ߫.
ߤߊ߲߯ ߕߋ߲߬ ߡߎߣߎ߲߬ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߎ߲߬ ߖߐ߲ߖߐ߲߫ ߡߊ߫ ߛߋ߫ ߟߐ߲߫ ߠߊ߫ ߸ߓߊ߬ߙߌ߬ ،ߛߙߋ ߘߏ߫ ߦߵߊ߬ ߦߌ߬ߘߊ߬ ߟߊ߫ ߞߏ߫ ߸ ߞߏ߲߬ߛߐ ߣߌ߲߬ ߣߐ߬ ߊ߬ ߖߘߍ߬ ߦߋ߲߫ ߠߊ߫ ߖߌߥߦߏ ߟߋ߬ ߕߍ߫ ߡߊ߬، ߊ߬ ߕߊ߬ߡߌ߲߬ߕߐ߬ߟߊ ߓߊ ߟߊ߫.
ߡߐ߰ ߛߌ߫ ߞߐ߬ߣߌ߲߬ ߣߌ ߡߊ߫ ߕߏ߫ ߊ߬ ߘߐ߫ ߤߊ߲߰.
ߞߵߊ߬ ߓߍ߲߬ ߟߌ߬ߤߟߊ ߣߌ߲߬ ߦߋ߲ߝߊߘߌ ߡߊ߬ ߞߎߣߎ߲ߟߏ߲ ߸ ߘߎ߰ߣߍ߲ ߢߌ߲߬ ߛߌ߰ߓߊ߮ ߟߎ߬ ߝߣߊ߫ ߡߊ߫ ߕߏ߫ ߛߌ߰ߟߌ߬ ߘߐ߫ ߣߌ߲߬ ߞߏߢߊ ߡߊ߬ߘߎ߮ ߘߐ߫ ߝߛߍߞߘߎ߫ ߸ ߥߊ߬ߣߌ߲߬ߞߋ߬ ߢߌ߬ߡߊ߬ߕߌ߮ ߟߎ߬ ߞߵߊ߬ߟߎ߬ ߕߏ߲߬ߘߊ ߕߊ߬ ߞߊ߬ ߘߌ߲߬ߞߌߙߊ ߣߌ߲߬ ߡߊߜߍ߲߫ ߢߐ߲߯ߘߍߡߍ߲ ߣߌ߫ ߥߊ߬ߣߌ߲߬ߞߋ߬ ߢߌ߬ߡߊ߬ߦߊ ߟߊ߫ ߛߐ߰ߡߊ߬ߘߊ ߟߊ߫ ߦߋ߲߬ ߌߞߘߐ߫، ߖߐ߲߰ߛߊ߫ ߞߊ߬ ߛߋ߲߬ߘߐ߬ߞߎߟߎ߲ ߟߊߦߟߍ߬ ߖߌ ߘߐ߫.
ߟߌ߬ߤߟߊ߫ ߣߌ߲߬ ߦߋ߫ ߡߊߛߐ߬ߘߐ߲߬ ߠߊ߫ ߕߎ߬ߡߊ ߡߍ߲ ߣߊ߬ ߸ ߏ߬ ߞߵߊ߬ ߕߍ߬ߘߍ ߟߋ߬ ߞߙߎ߫ ߓߟߏߡߊߞߊ߬ߣߍ߲ ߘߏ߫ ߟߎ߫ ߦߋ߫ ߛߌߟߊ ߞߊ߲߬ ߞߊ߬ ߝߘߊ߫ ߞߎ߬ߓߌ߬ߦߊ߫ ߡߙߊ߬ߓߊ߰ߘߊ ߘߊ߲ߘߊߛߏ ߖߍ߬ߘߍ ߟߊ߫ ߞߊ߬ ߦߋ߲߬ ߡߊߜߍ߲߫ ߘߍ߬ߡߍ߲߬ߠߌ߲ ߘߌ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
