ߞߙߎߘߊ ߘߊ߲ߘߊߟߌߟߊ ߟߊ߫ ߝߐߟߌ߫ ߘߐ߫ ߊ߬ߟߋ <<ߞߏ߬ߣߌ߲ ߡߴߊ߬ ߟߐ߲߫ ߝߋ߲߫ ߝߏߛߌ߬ ߟߋ߬ ߛߋߣߍ߲߫ ߘߋ߲ߣߍ߲ ߡߊ߬، ߘߋ߲ߣߍ߲߫ ߠߊ߬ ߘߊ߫ ߟߴߊ߬ ߡߵߊ߬ ߞߊ߲ߝߙߋ߬ߞߋ ߕߍ߰ߣߍ߲߫ ߊ߬ ߟߊ߫ߞߵߊ߬ ߓߐ߫ ߢߐ߲߮ ߓߟߏ߫ ߔߋߎ߫߸ ߞߏ߬ߣߌ߲߬߸ ߊ߬ ߦߋ߫ ߞߊ߬ߟߏ ߘߐ߫߸ ߊ߬ ߣߌ ߦߋ߫ ߘߎߢߊ߫ ߣߌ߫ ߟߊߞߌߙߊ߫ ߕߍ߫، ߊ߲ ߞߏ߬ߣߌ߲ ߛߋ߫ ߘߴߊ߲ ߛߋߞߏ ߞߍ߫ ߟߊ߫ ߢߊ ߓߍ߯ ߘߐ߫ ߡߊ߬߸ ߖߐ߲߰ߛߊ߫ ߘߋ߲ߣߍ߲ ߞߊߣߊ߬ ߞߍ߫ ߛߊ߬ ߝߋ߲ ߘߌ߫߸ ߡߊ߰ߙߌ ߘߏ߲߬ ߝߣߊ߫ ߞߵߊ߲ ߠߊ߫ ߟߊ߬ߢߌߣߌ߲ ߏ߬ ߟߊߓߐ߫ ߜߍ߫ ߟߊ߫ ߘߋ߲ߣߍ߲ ߡߊ߫ ߞߍ߫ ߛߦߊ߬ ߝߋ߲߫ ߘߌ߫، ߓߊߏ߬߸ ߊ߬ ߦߴߊ߬ ߣߌߟߊߞߟߌ߫ ߟߊ߫ ߕߋ߲߬ ߊ߬ ߢߌ߬ߡߊ ߟߊ߫߸ ߓߊ߬ߙߌ߫߸ ߊ߬ ߟߊ߫ ߓߊ߯ߙߊ߫ ߟߊߓߊ߲ ߦߋ߫ ߡߍ߲ ߘߌ߫߸ ߏ߬ ߕߍ߫ ߛߋ߫ ߞߍ߫ ߟߊ߫ ߊ߲ ߝߍ߬ߦߊ߲߬߸ ߝߏ߫ ߞߐ߰ߖߌ߬ߘߊ ߥߟߊ߫ ߓߡߊ߬ߞߐ߫>> ߊ߬ ߦߌ߬ߘߊߞߊ߬ ߘߴߊ߲ ߠߊ߫ ߞߏ߫ ߞߏߕߐ ߣߌ߲߬ ߕߐ߮ ߦߋ߫ ߛߋߞߎ߬ ߞߋߕߊ߬ ߘߌ߫، ߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߣߊ߯ߣߌ߲߫ ߖߊ߬ߕߋ߬ߦߊ ߟߋ߬ ߘߐ߫.
ߘߋ߲ߣߍ߲ ߥߟߏߝߊ ߓߘߊ߫ ߟߊ߬ߕߍ߰ ߞߍ߫ ߣߴߊ߬ ߦߋ߫ ߡߊ߬ߡߊ߬ߘߌ߬ ߘߌ߫߸ ߊ߬ ߥߟߏߣߊ ߞߏ߬ߣߌ߲ ߦߋ߫ ߓߊߟߏ߫ ߘߐ߫ ߣߴߊ߬ ߦߋ߫ ߓߌ߲ߕߎ߬ ߕߎ߬ߙߋ ߘߌ߫߸ ߓߊ߬ߙߌ߫߸ ߡߐ߰ ߡߍ߲ ߞߵߊ߬ ߟߐ߬ ߘߋ߲ߣߍ߲ ߠߊ߫ ߞߏ ߟߎ߬ ߟߊ߫ ߛߌߣߍ߲߬ ߏ߬ ߕߐ߯ ߦߋ߫ ߞߎ߬ߙߊ߬ ߡߎߘߎ߬ ߖߊߥߙߊ߫ ߘߌ߫، ߣߌ߲߬ ߞߏ߬ߣߌ߲ ߞߍ߫ ߘߊ߫ ߞߣߐ߬ߘߐ߬ߝߟߌ߬ߞߏ ߟߋ߬ ߘߌ߫߸ ߓߊߏ߬߸ ߊ߬ ߡߊ߫ ߟߐ߲߫ ߘߋߣߍ߲ ߞߊ߲ߠߊߕߍ߰ ߘߊ߫ ߢߊ߫ ߛߌ߫ ߟߋ߬ ߡߊ߬߸ ߞߎ߲߬ߠߊ߬ߛߌ߰ߟߊ ߟߎ߬ ߞߏ߬ߣߌ߲߬ ߟߊߞߍ߫ ߘߴߊ߬ ߞߏ ߞߊ߬ߟߊߡߊ߬߸ ߏ߬ ߟߎ߫ ߞߊ߬ ߢߊߢߌߣߌ߲ߠߌ߲ ߛߌ߰ ߛߋ߲߬ ߠߊ߫߸ ߖߐ߲߰ߛߊ߫ ߞߵߊ߬ ߞߏ ߢߊߘߐߜߍ ߟߐ߲߫، ߓߊߏ߬߸ ߓߊߡߛߏ ߓߐ߫ ߘߊ߫ ߟߋ߬ ߟߎ ߞߣߐ߫߸ ߞߊ߬ ߘߋ߲ߣߍ߲ ߣߌ߲߬ ߠߴߊ߬ ߞߘߐ߬ ߕߏ߫ ߟߎ ߡߊ߬߸ ߞߘߐ߬ߞߍ߬ߡߊ߲ ߏ߬ ߦߋ߫ ߛߊ߲߬ ߁߀ ߢߐ߲߰ ߠߋ߬ ߘߐ߫، ߘߋ߲ߣߍ߲ ߠߴߊ߬ ߘߍ߬ߢߐ߲߰ ߜߘߍ߫ ߟߋ߬ ߕߘߍ߬ ߦߋ߫ ߕߏߟߏ߲ ߠߊ߫ ߓߏ߲ ߞߎߘߎ߲ ߘߏ߫ ߞߣߐ߫.
ߊ߬ߟߎ߫ ߖߍ߬ߘߍ ߟߊ߫ ߟߎ ߞߣߐ߫߸ ߓߏ߲߫ ߠߊߓߊ߲ߓߊߟߌ ߘߏ߫ ߞߣߐ߫، ߛߊ߲߬ߞߊ߬ߛߊ߲ߞߊ ߘߏ߫ ߟߋ߬ ߦߋ߲߬߸ ߊ߬ߟߎ߫ ߘߋ߬ߙߌ߬ߣߍ߲߫ ߊ߬ߟߎ߬ ߕߏߟߏ߲߫ ߠߊ߫ ߏ߬ ߟߊ߫ ߛߐ߲߬߸ ߞߊ߬ ߦߟߍ߬ ߊ߬ ߟߊ߫ ߞߏ߬ߣߌ߲߬، ߓߊ߬ߙߌ߫߸ ߊ߬ ߞߐ߬ߘߐ߫ ߏ߬ ߟߋ߬ ߘߏ߲߬ ߘߴߊ߬ߟߎ߫ ߞߊ߲߬ ߛߌߣߍ߲߬߸ ߞߊ߬ ߖߋ߬ߟߌ ߦߋ߫ ߓߐ߫ ߟߊ߫ ߘߌߣߍ߲߫ ߡߊ߬߸ ߞߵߏ߬ ߞߍ߫ ߊ߬ߟߋ ߞߎߟߋߢߊ ߘߌ߫ ߛߌߣߍ߲߬ ߞߊ߬ ߓߐ߫ ߞߣߍ ߡߊ߬، ߊ߬ ߞߏ߬ߣߌ߲ ߞߏ ߓߊ߯ ߞߍ߫ ߢߊ߫ ߛߌ߫ ߡߊ߬߸ ߢߍ߲߮ ߡߍ߲ ߦߋ߫ ߦߋ߲߬ ߊ߬ ߞߍ߫ ߘߊ߫ ߦߋ߲߬ ߠߋ߬߸ ߓߊߏ߬߸ ߖߋ߬ߟߌ ߦߋ߫ ߘߊ߫ ߢߍ߲߮ ߏ߬ ߟߋ߬ ߞߣߐ߫ ߦߋ߲߬، ߢߊߢߌߣߌ߲ߠߌ߲ ߠߎ߬ ߞߏ߬ߣߌ߲ ߦߋ߫ ߛߋ߲߬ ߠߴߊ߬ ߞߏߢߊ ߞߊ߲߬߸ ߘߋ߲ߣߍ߲ ߞߏ߬ߣߌ߲ ߓߘߊ߫ ߛߋ߫ ߓߡߊ߬ߞߐ߬ ߥߊ߯ߕߌ߫ ߣߌ߲߬ ߠߊ߫ ߕߋ߲߬߸ ߊ߬ ߘߊ߲ߘߊ߫ ߞߊ߲ߡߊ߬.
