ߞߊ߬ߦߌ߯ ߓߌ߲ߠߊߥߎߟߋ߲߫ ߕߊ߬ߡߌ߲߬ߣߍ߲ ߕߟߋ߬ ߁߈ ߠߋ߬ ߟߊ߫߸ ߊ߬ߟߎ߫ ߘߌߦߊߜߏߦߊ߫ ߡߌߣߊߣߍ߲߫ ߕߘߍ߬ ߦߋ߫ ߖߘߍ߬ߞߟߏ߬ߦߊ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫ ߓߙߎߞߌߣߊ߫ ߝߊ߬ߛߏ߬ ߣߌ߫ ߖߋ߬ߟߌ߬ߓߊ߬ߟߊ߫ ߓߐߕߏ߲ ߡߊߛߎ߬ߘߎ߲߬ߧߊ ߘߐ߫߸ ߟߊ߬ߓߏ߬ߙߌ߬ߟߊ߬ ߣߊ߯ߣߌ߲߫ ߡߍ߲߬ ߠߎ߬ ߟߊߓߌ߬ߟߊ߬ ߘߊ߫ ߞߊ߯ߙߌ ߕߊ߬ߡߌ߲߬ߣߍ߲ ߠߋ߬ ߟߊ߫߸ ߟߊ߬ߓߌ߬ߟߊ߬ߟߌ ߡߍ߲߬ ߠߎ߬ ߛߊߓߎ߫ ߞߍ߫ ߘߊ߫ ߡߊ߬ߟߌ ߘߎ߲߬ߘߎ߲߬ߡߊ߬ ߞߎ߲ߠߊߝߎߟߋ߲ ߞߎߓߋߘߊ ߣߌ߫ ߡߊ߬ߙߐߞߎ߬ ߕߊ ߟߎ߬ ߟߊ߫ ߓߟߏߘߌߢߐ߲߰ߡߊ ߟߋ߬ ߛߊߓߎ߫ ߟߊ߫.
ߡߊ߬ߟߌ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߞߏߕߐ ߟߎ߬ ߞߏ߬ߣߌ߲ ߟߊߓߌ߬ߟߊ߬ ߘߊ߫ ߞߊ߯ߙߌ ߛߎ ߟߋ߬ ߘߐ߫ ߘߓߊ߬ߓߌߟߊ ߕߋ߬ߟߋ߫ ߃ ߟߊ߫ ߞߵߊ߬ߟߎ߬ ߞߍ߲ߘߍ ߕߏ߫߸ ߞߏ߫ ߊ߬ߟߎ߫ ߕߘߍ߬ ߦߋ߫ ߋߟߋߛߍߖ߭ ߓߊ߰ߓߊ߰ߟߌ߬ ߞߙߎ ߟߎ߬ ߟߋ߬ ߕߊ߫ ߓߟߏߡߊ߬ ߛߊߟߌߦߊ߲ߝߣߊ߫، ߛߌߣߍ߲߬ ߊ߬ߟߎ߬ ߓߍߣߊ߬ ߟߊߕߊ߯ ߟߋ߬ ߊ߬ߟߎ߬ ߟߊ߫ ߖߡߊ߬ߣߊ ߞߊ߲߬߸ ߣߴߏ߬ ߦߋ߫ ߡߊ߬ߙߐߞߎ߬ ߘߌ߫، ߟߊ߬ߓߏ߬ߙߌ߬ߟߊ ߡߍ߲߬ ߠߎ߬ ߡߌ߬ߣߊ߬ ߘߊ߫ ߞߵߊ߬ߟߎ߬ ߞߎ߲߬ߟߊߣߍ߲ ߕߏ߫ ߢߊߡߌ߲߫ ߠߋ߬ ߞߊ߲߬ ߞߵߊ߬ߟߎ߬ ߓߐߕߐߟߊ ߕߏ߫ ߓߙߎߞߌߣߊ߫ ߝߊ߬ߛߏ߬ ߘߏߙߌ߫ ߘߎ߱ ߟߊ߫.
ߓߌ߬ߟߊ߬ߛߌ߬ߟߊ߬ߟߌ߬ߓߊ߮ ߕߘߍ߬ ߕߴߊ߬ߟߎ߬ ߞߐ߫߸ ߓߊ߬ߙߌ߫߸ ߕߋߙߊ߫ ߣߊ߲߬ߕߌ߮ ߟߎ߬ ߟߋ߬ ߞߊ߫ ߞߊ߲߫ ߕߘߍ߬ ߦߋ߫ ߞߊ߬ ߥߴߊ߬ߟߎ߫ ߟߊߓߍ߲߬߸ ߞߊ߬ ߖߋ߬ߟߌ߬ߓߊ߬ߟߊ߫ ߓߐߕߏ߲ ߟߊߕߊ߬ߡߌ߲߬ ߊ߬ߟߎ߬ ߦߋ߫ ߞߊ߬ ߢߊߡߍ߫ ߛߌߟߊ ߕߊ߬، ߓߌ߲ߠߊߥߎߟߋ߲߫ ߞߊߙߏ߫ ߟߊߓߊ߲ ߠߋ߬ ߟߊ߫߸ ߖߋ߬ߟߌ߬ߓߊ߬ߟߊ߫ ߞߟߍ߬ߓߟߏ ߞߊ߬ ߘߊ߲߬ߕߍ߰ߟߌ ߘߏ߫ ߞߍ߫ ߞߏ߫ ߊ߬ߟߎ߫ ߞߊ߬ ߡߊ߬ߙߐߞߎ߬ ߖߡߊ߬ߘߋ߲ ߡߍ߲ ߠߎ߬ ߟߊ߫ ߖߌ߬ߖߊ߫ ߣߊ߯ߣߌ߲߫ ߦߋ߫ ߕߋߙߊ߫߸ ߊ߬ ߘߏ߲߬ ߘߌߦߊߜߏߦߊ߫ ߡߌߣߊߟߌ ߟߋ߬ ߞߊ߫ ߛߌߦߊ߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬ ߕߋ߲߬ ߞߏߛߓߍ߫߸ ߓߊߏ߬߸ ߞߏ߲ߞߏߘߓߌ߫ ߞߊߙߏ ߟߊߓߊ߲ ߠߋ߬ ߟߊ߫ ߛߎߛ ߖߡߊ߬ߣߊ߬ߘߋ߲ ߘߏ߫ ߘߌߦߊߜߏߦߊ߫ ߡߌߣߊ߫ ߘߊ߫ ߊߜ߭ߊߘߍߛ߸ ߏ߬ ߘߎ߰ ߞߋߟߋ߲߫ ߠߋ߬ ߞߣߐ߫߸ ߏߕߙߌߛߌ߬ ߖߡߊ߬ߣߊ߬ߘߋ߲ ߋߝ߭ߊ߫ ߜ߭ߍ߬ߙߍߗߌ߬ ߝߣߊ߫ ߘߌߦߊߜߏߦߊ߫ ߡߌߣߊ߫ ߘߊ߫ ߓߌ߲ߠߊߥߎߟߋ߲ ߠߊߓߊ߲ ߠߊ߫.
