ߖߌ߬ߦߊ߬ߖߟߎ ߣߌ߲߬ ߕߐ߮ ߟߋ߬ ߦߋ߫ (ߕߎߞߑߔߋ߫) ߘߌ߫߸ ߊ߬ ߦߋ߫ ߞߎߡߊ߫ ߟߊ߫ ߛߊ߬ߣߊ߲߬ߞߎ߲߬ߧߊ߬ ߕߏߟߏ߲ ߠߎ߬ ߟߋ߬ ߞߊ߲߬߸ ߊ߬ ߣߌ߫ ߛߌ߯ߦߊ ߟߎ߬ ߣߌ߫ ߢߐ߲߯ ߕߍ߫߸ ߏ߬ ߡߍ߲߬ ߠߎ߬ ߦߋ߫ ߞߘߐ߬ߡߊ߲߬ ߞߏ߫ ߘߌ߫߸ ߊ߬ ߘߏ߲߬ ߦߋ߫ ߡߐ߱ ߟߎ߬ ߘߍ߬ߡߍ߲߬ ߠߊ߫ ߞߊ߬ ߞߏ߫ ߛߌߦߊߡߊ߲߫ ߞߍ߫ ߘߍ߬ߢߐ߲߰ߦߊ ߞߣߐ߫߸ ߖߌ߬ߦߊ߬ߖߟߎ ߣߌ߲߬ ߦߌ߬ߘߊ߬ߞߏ߬ ߝߟߐ ߞߍ߫ ߘߊ߫ ߞߎߣߎ߲߬ ߠߋ߬ ߘߌ߫ ߜߋ߲߬ߞߐ߰ߖߌ߬ߘߊ ߖߌ߬ߦߊ߬ߖߟߎ߬ߛߏ ߘߏ߫ ߞߣߐ߫.
ߖߌ߬ߦߊ߬ߖߟߎ ߟߊߓߐ߫ ߦߙߐ ߘߐ߫߸ ߕߐ߲ߓߟߏߡߊ߫ ߕߋߙߌߢߐ߲߯ߡߊ ߝߌ߬ߟߊ߫ ߟߋ߬ ߕߘߍ߬ ߦߴߊ߬ ߝߍ߬ ߞߊ߬ ߝߏ߫ ߢߐ߲߮ ߞߐ߫߸ ߓߊ߬ߙߌ߬߸ ߤߊߞߟߌߡߦߊ ߛߊߓߎ߫ ߟߴߊ߬ߟߎ ߛߋ߫ ߘߴߊ߬ ߕߐ߭ ߞߍ߫ ߟߊ߫ ߛߊ߬ߣߊ߲߬ߞߎ߲߬ߧߊ߬ ߕߏߟߏ߲ ߘߌ߫߸ ߘߍ߬ߢߐ߲߰ߦߊ ߡߍ߲ ߠߎ߬ ߣߊ߬ ߘߴߊ߲ ߓߋ߲߬ߓߊ ߟߎ߬ ߕߋ߬ߟߋ ߘߐ߫߸ ߏ߬ ߦߋ߫ ߞߏ߫ ߛߌ߲ߛߌ߲ߕߊ ߟߋ߬ ߘߴߊ߲ ߓߟߏ߫߸ ߖߐ߲߰ߛߴߊ߲ ߠߊ߫ ߞߏ ߟߎ߬ ߘߌ߫ ߣߐ߰ߦߴߊ߲ ߓߟߏ߫߸ ߓߍߟߍ߲ߡߑߘߏߜ߭ߏ߫ ߊ߬ߟߋ ߡߍ߲ ߦߋ߫ ߖߡߊ߬ߣߊ ߞߏߕߌ߮ ߘߌ߫߸ ߞߏߢߊ ߣߌ߲߬ ߞߏ߬ߣߌ߲ ߓߍ߲߬ ߘߴߊ߬ߟߋ ߡߊ߬ ߞߏߛߓߍ߫.
ߞߏ ߟߎ߬ ߦߋ߫ ߛߏ߯ߙߏ߬ߛߊ߯ߙߊ߫ ߟߊ߫ ߟߋ߬ ߊ߲ ߠߊ߫ ߖߡߊ߬ߣߊ ߞߣߐ߫ ߛߐ߲߬ ߛߎߥߊ߲ߘߟߌ ߕߎ߬ߡߊ ߟߎ߬ ߟߊ߫߸ ߣߌ߲߬ ߞߏ߬ߣߌ߲ ߦߋ߫ ߞߏ ߟߋ߬ ߘߌ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߡߐ߱ ߟߊ߫ ߞߏ߫ ߣߝߊ߬ ߝߏߛߌ߬ ߟߋ߬ ߕߍ߫ ߘߊ߲߬ߠߊ߬ߜߊ߲ ߠߊ߬، ߊ߲ ߞߏ߬ߣߌ߲ ߦߋ߫ ߝߊ߲߬ߞߊ ߛߌ߬ߣߊ ߞߐߡߊߓߌߓߌ߲߫ ߠߊ߫؛ ߛ߭ߐߙߑߞߎߜ߭ߑߜ߭ߏ߫ ߟߊ߫ ߖߌ߬ߦߊ߬ߖߟߎ ߡߍ߲ ߕߐ߯ ߞߏ߫ (ߕߎߞߑߔߋ߫) ߘߍ߬ߢߐ߲߰ߦߊ ߟߎ߬ ߣߌ߫ ߛߊ߬ߣߊ߲߬ߞߎ߲߬ߧߊ ߗߋߞߊ߲ ߟߊߥߊ߲߬ߞߊ߬ߣߍ߲ ߞߐ߸ ߞߟߌߟߌ ߦߋ߫ ߟߊߛߋ߫ ߓߍ߯ ߟߊߘߍ߬ߣߍ߲ ߡߊ߬߸ ߞߊ߬ ߞߏ ߟߎ߬ ߞߍ߫ ߤߊߞߟߌߡߦߊ ߣߌ߫ ߓߍ߲߭ ߞߣߐ߫߸ ߡߐ߰ ߛߌ߫ ߞߊ߬ ߝߊ߲߬ߞߊ ߟߊߘߏ߲߬ ߞߏ ߟߎ߬ ߘߐ߫ ߓߎ߬ߕߎ߲߬.
