߂߂ ߙߋ߲ ߝߊ߲߭ ߝߍ߬߸ ߘߋ߲ ߘߏ߫ ߟߋ߬ ߕߘߍ߬ ߦߋ߫ ߛߏ߲߬ߧߊ߬ ߓߟߏߡߊ߬ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߓߊ߬ߙߌ߬߸ ߘߊ߲ߘߊ߲ߛߏ߫ ߟߊߡߐ߮ ߟߎ߬ ߛߘߊ߫ ߘߐ߫߸ ߘߋ߲ ߛߏ߲߬ߧߊ߬ ߞߏ ߡߊ߫ ߓߐ߫߸ ߓߊߏ߬߸ ߕߎ߬ߡߊ߬ߣߊ ߡߍ߲ ߠߊ߫ ߦߋ߫ ߘߋ߲ ߕߘߍ߬ ߦߋ߫ ߛߏ߲߬ߧߊ߬ ߓߟߏߡߊ߬߸ ߘߊ߲ߘߊߟߌ ߟߊ߫ ߟߎ߬ ߕߏ߫ ߘߊ߫ ߓߊ߯ߙߊ ߟߋ߬ ߟߊ߫߸ ߊ߬ߟߎ߫ ߞߊ߬ ߡߊ߲߬ߞߊ߲ ߡߍ߲߫ ߊ߬ ߦߋ߫ ߝߐ ߞߊ߲߬ ߛߏ߲߭ ߛߏ߲߭߸ ߡߊ߲߬ߞߊ߲ ߏ߬ ߟߋ߬ ߞߍ߫ ߘߊ߫ ߕߙߎ߬ ߘߌ߫ ߛߊ߫.
ߞߣߐ߬ߘߐ߬ߜߊ ߣߊ߬ ߘߊ߫ ߘߏ߲߬ ߘߊ߲ߘߊߛߏ ߞߣߐ߫߸ ߏ߬ ߟߋ߬ ߞߍ߫ ߘߊ߫ ߘߊ߲ߘߊߟߌߟߊ ߟߎ߬ ߟߊߓߐߢߊ ߘߌ߫߸ ߓߊ߬ߙߌ߬߸ ߊ߬ߟߎ߬ ߦߋ߫ ߓߐ߫ ߟߊ߫ ߕߎ߬ߡߊ߬ߣߊ ߡߍ߲ ߠߊ߫، ߏ߬ ߞߵߊ߬ ߛߐ߬ߘߐ߲߫ ߠߋ߬ ߣߊ߬ߡߎ߲ߠߊ߬ߜߋ߲ ߓߘߊ߫ ߓߊ߲߫ ߊ߬ ߞߏ߫ ߟߊ߫ ߟߊ߫߸ ߡߏ߬ߛߏ߫ ߟߋ߬ ߘߐߓߛߏ߫ ߘߊ߫ ߞߎߣߎ߲߬ ߁߀ ߕߎߡߊ ߟߊ߫߸ ߘߋ߲߫ ߡߏߦߌߣߍ߲߫ ߝߣߊ߫ ߞߍ߫ ߘߊ߫ ߡߏ߬ߛߏ ߟߋ߬ ߘߌ߫߸ ߣߊ߬ߡߎ߲ߠߊ߬ߜߋ߲ ߣߌ߲߬ ߕߘߍ߬ ߦߋ߫ ߘߋ߲ ߛߏ߲߬ߧߊ߬ ߓߟߏߡߊ߬ ߝߢߐߘߊ ߟߋ߬ ߝߍ߬ ߛߌߣߍ߲߬ ߛߊ߫߸ ߞߏ߫ ߊ߬ ߦߋ߫ ߘߋ߲ ߛߏ߲߬ߧߊ߬ ߟߊ߫߸ ߓߊ߬ߙߌ߬߸ ߏ߬ ߓߍ߲߬ ߘߊ߫ ߡߏ߬ߛߏ ߝߣߊ߫ ߓߌ߬ߟߊ߬ ߡߵߊ߬ ߦߟߌ߫ ߘߐ߫.
ߡߏ߬ߛߏ ߞߏ߬ߣߌ߲ ߣߌ߫ ߣߊ߬ߡߎ߲ߠߊ߬ߜߋ߲ ߣߌ߲߬ ߞߊ߬ ߘߋ߲ ߘߐߛߊ߬ߡߊ߲ߛߊ߬ߡߊ߲߬ ߠߋ߬ ߊ߬ߟߎ߬ ߣߌ߫ ߢߐ߲߯ ߕߍ߫߸ ߓߊ߬ߙߌ߫߸ ߡߏ߬ߛߏ ߣߴߊ߬ ߦߋ߫ ߟߴߊ߬ ߞߢߊ߬ߣߍ߲ ߘߋ߲ ߓߌ߬ߟߊ߬ ߟߊ߫߸ ߏ߬ ߟߋ߬ ߞߍ߫ ߘߊ߫ ߡߏ߬ߛߏ ߞߎߟߋߢߊ ߘߌ߫ ߛߌߣߍ߲߬، ߞߊ߬ ߏ߬ ߞߍ߫ ߘߋ߲ ߓߌ߬ߟߊ߬ߢߊ ߘߴߊ߬ ߓߟߏ߫ ߞߵߊ߬ ߞߏ߫ ߟߊ߫، ߊ߬ ߘߏ߲߬ ߣߌ߲߬ ߦߋ߫ ߞߏ ߟߋ߬ ߘߌ߫ ߡߍ߲ ߡߊ߲߫ ߞߊ߲߫ ߞߊ߬ ߞߍ߫ ߢߊ߫ ߛߌ߫ ߟߋ߬ ߡߊ߬߸ ߊ߬ ߛߋ߲߬ߧߊ߬ ߝߟߐ߫ ߘߏ߲߬ ߕߍ߫ ߣߌ߲߬ ߘߌ߫߸ ߘߋ߲߫ ߛߏ߲ߧߊ߫ ߞߏ ߦߋ߫ ߡߍ߲߫ ߘߊ߲ߘߊߛߏ ߣߌ߲߬ ߠߊ߫ ߦߊ߲߬߸ ߘߊ߲ߘߊߟߌߟߊ ߘߏ߲߬ ߠߊ߫ ߓߊ߯ߙߊ ߟߋ߬ ߦߴߊ߬ ߘߐ߭ߘߏ߲߬ ߘߌ߫ ߖߊ߲߬ߞߊ߬ߙߏ߬ߕߐ ߟߊ߫߸ ߣߴߊ߬ ߕߍ߬ߘߍ߫ ߓߍ߲߬ ߘߊ߫ ߘߋ߲ ߛߏ߲߬ߧߊ߫ ߡߊ߬.
ߊ߬ ߕߘߍ߬ ߦߋ߫ ߝߐ߫ ߟߊ߫ ߟߋ߬ ߞߏ߫ ߘߊ߲ߘߊߟߌߟߊ ߟߎ߬ ߟߋ߬ ߣߐ߬ ߦߋ߫ ߘߋ߲ ߛߏ߲߬ߧߊ߬ ߟߊ߫، ߏ߬ ߓߟߏߡߊ߬߸ ߣߴߌ ߞߵߊ߬ ߦߋ߫ ߘߊ߲ߘߊߟߌߟߊ ߟߎ߬ ߦߴߊ߬ ߝߐ߫ ߟߊ߫ ߡߐ߱ ߟߎ߬ ߡߊ߬ ߞߏ߫ ߊ߬ߟߎ߬ ߦߋ߫ ߓߐ߫ ߞߣߍ-ߡߊ߬߸ ߊ߬ ߞߎ߲߭ ߠߋ߬ ߟߊ߬ߞߊ߲߬ߘߊ߬ߟߌ ߘߌ߫߸ ߓߊߏ߬߸ ߡߐ߱ ߡߍ߲ ߓߍ߯ ߦߋ߫ ߣߊ߬ ߟߊ߫ ߞߏߕߐ ߡߊߝߟߍ߫ ߞߊ߲ߡߊ߬߸ ߏ߬ ߓߍ߯ ߝߣߊ߫ ߕߍ߫ ߣߊ߬ ߟߊ߫߸ ߊ߬ ߡߊ߬ߤߌߣߊ ߟߊߡߌ߬ߣߊ߫ ߡߊ߬، ߊ߬ ߘߏ߲߬ ߣߴߊ߬ ߝߐ߫ ߘߊ߫ ߛߌ߯ߙߌ߲߫ ߘߊ߲ߘߊߛߏ ߟߊ߫ ߞߏ߫ ߡߐ߱ ߟߎ߬ ߦߋ߫ ߓߐ߫߸ ߏ߬ ߦߋ߫ ߞߍ߫ ߟߴߊ߬ߟߎ߫ ߡߊ߬ ߟߋ߬ ߦߏ߫ ߕߊ ߟߋ߬ ߛߎ߬ߣߍ߲߫ ߊ߬ߟߎ߬ ߟߊ߫.
ߘߋ߲ߡߌߛߍ߲ ߠߎ߬ ߟߊ߫ ߞߍߕߊ ߦߋ߫ ߡߍ߲ ߘߌ߫ ߛߐ߲߭ߞߍ߬ߣߍ߲߫߸ ߦߋ߫ ߡߐ߰ߓߊ ߟߎ߬ ߦߋ߫ ߟߊ߫ ߏ߬ ߟߋ߬ ߞߍ ߟߊ߫ ߛߌ߯ߙߌ߲߫ ߘߊ߲ߘߊߛߏ ߟߊ߫ ߦߊ߲߬߸ ߊ߬ߟߎ߬ ߘߌ߫ ߖߊߡߊ߲߫ ߘߊ߲ߘߊߟߌߟߊ ߟߎ߬ ߡߊ߬߸ ߤߊ߲߯ ߡߏߦߌߓߊ߮ ߣߊߣߌ߲ ߘߌ߫ ߓߐ߫ ߏ߬ ߘߐ߫߸ ߓߊߏ߬߸ ߞߏ߫ ߊ߬ ߓߘߊ߫ ߝߐ߫ ߊ߬ߟߎ߬ ߡߊ߬ ߞߏ߫ ߞߊ߬ ߓߐ߫، ߊ߬ ߘߏ߲߬߸ ߏ߬ ߕߍ߫ ߞߏ߫ ߗߋ߲߰ ߘߌ߫ ߢߊ߫ ߛߌ߫ ߟߋ߬ ߡߊ߬.
