ߞߍ߲ߘߍߟߏ߲ ߛߎ ߣߌ߫ ߞߊ߯ߙߌ ߛߎ ߕߍߟߊ ߘߐ߫߸ ߝߎߟߑߓߍߙ ߡߎߥߊ߫-ߣߏߘߖ߭ߌ߫ ߛߎ߭ ߦߋ߫ ߘߊ߫ ߊߓߋߛߋ߫ ߘߎ߱ ߟߋ߬ ߞߣߐ߫، ߏ߬ ߞߍ߲ߘߍߟߏ߲ ߛߎ߫ ߞߋߟߋ߲߫ ߠߋ߬ ߘߐ߫߸ ߛߎ߭ ߘߏ߲߬ ߘߊ߫ ߞߊߟߌߦߊ ߘߝߊߣߍ߲ ߘߐ߫߸ ߞߎߣߎ߲߬ ߊߓߋߛߋ߫ ߞߕߌߕߍ߯ߟߊ ߝߣߊ߫ ߞߊ߬ ߞߎ߲߬ߠߊ߬ߝߎ߬ߟߋ߲߬ ߟߊߘߍ ߘߏ߫ ߞߣߍ ߛߌ߰߸ ߏ߬ ߡߍ߲ ߛߋ߲߭ߝߍ߬ ߊ߬ ߞߵߊ߬ ߞߊ߲ߕߏ߫ (ߞߏ߫ ߝߎߟߑߓߍߙ ߡߎߥߊ߫-ߣߏߘߖ߭ߌ߫ ߖߍ߬ߘߍ ߟߋ߬ ߞߍ߫ ߘߴߊ߬ ߣߌ ߛߕߊ ߘߌ߫߸ ߞߊ߬ ߞߐ߲߰ ߊ߬ ߟߊ߫ ߝߊ߰ߟߌ ߣߌ߲߬ ߢߍ߫ ߕߟߋ߬ ߞߋߟߋ߲߫ ߠߊ߫߸ ߊ߬ ߞߵߊ߬ ߟߊߥߊ߲߬ߞߊ߲߫ ߓߟߐߟߐ ߞߊ߲߬ ߞߏ߫ (ߒߠߋ ߟߊ߫ ߢߍߡߐ߯ߦߊ ߛߋߕߐ߫ ߟߴߊ߬ ߘߊ߲߭ ߠߊ߫ ߏ߬ ߘߌ߫) ߏ߬ ߟߋ߬ ߞߍ߫ ߘߴߊ߬ ߟߊ߫ ߞߎߡߊ߫ ߟߊߓߊ߲ ߘߌ߫ ߓߟߐߟߐ ߞߊ߲߬.
ߏ߬ ߟߋ߬ ߞߐ ߘߐ߫ ߛߌߣߍ߲߬߸ ߗߍ߭ ߣߌ߲߬ ߛߎ߭ ߦߋ߫ ߘߊ߫ ߊߓߋߛߋ߫ ߘߎ߱ ߞߣߐ߫߸ ߗߍ߭ ߛߎ߭ ߦߋ߫ ߘߊ߫ ߕߎ߬ߡߊ ߡߍ߲߸ ߊ߬ ߣߴߊ߬ ߛߌ߰ߢߐ߲߮ ߘߏ߫ ߟߊ߫ ߞߏߢߊ ߓߘߊ߫ ߖߍ߲ߛߍ߲߫ ߝߘߏ߬ߓߊ߬ ߞߟߋߞߟߋ߫ ߛߐ߲ߞߐߟߐ߲ ߠߎ߬ ߟߊ߫߸ ߓߊ߬ߙߌ߬߸ ߟߊ߬ߛߋ߬ߟߌ ߏ߬ ߟߎ߬ ߘߐ߫߸ ߝߎߟߑߓߍߙ ߡߎߥߊ߫-ߣߏߘߖ߭ߌ߫ ߦߴߊ߬ ߞߊ߲ߕߏ߫ ߟߴߊ߬ ߟߊ߫ ߟߊ߬ߡߍ߬ߙߍ߲߬ߠߌ߲߬ߠߊ ߦߋ߫ ߞߏ߫ ߗߊߘߌ߬ ߘߎ߲߬ߘߎ߲߬ߡߊ߬ ߞߎߓߋߘߊ ߊ߲ߛ ߡߐ߱ ߟߎ߬ ߦߴߊ߬ ߞߊ߲߬ ߞߵߊ߬ ߡߊߓߍߟߍ߲߫، ߝߣߊ߫ ߞߎߡߊ߫ ߢߌ߲߬ ߠߎ߬ ߞߣߐ߫، ߝߘߏ߬ߓߊ߬ ߗߋߘߊߕߌ߮ ߦߴߊ߬ ߝߐ߫ ߟߊ߫ ߞߏ߫ ߊ߬ߟߋ ߣߴߊ߬ ߘߍ߬ߢߐ߲߮ ߠߎ߬ ߕߎ߲߬ ߦߋ߫ ߞߎߡߊ߫ ߟߊ߫ ߖߡߊ߬ߣߊ ߞߏߢߊ ߟߎ߫ ߞߊ߲߬ ߓߊ߬ߘߏ߬ߢߐ߲߰ߦߊ ߛߌߟߊ ߝߍ߬.
ߊ߲ߛ ߟߊ߬ߞߊ߲߬ߘߊ߬ߟߌ ߕߌ߰ߟߊ߬ߡߐ߮ ߟߎ߬ ߞߵߊ߬ ߟߊ߫ ߞߎߡߊߞߊ߲ ߏ߬ ߟߎ߫ ߟߋ߬ ߟߊߞߎ߲߬ߘߎ߫، ߊ߬ ߘߊ߲߬ ߕߴߏ߬ ߘߌ߫ ߘߋ߬߸ ߊ߬ߟߎ߬ ߓߊ߲ ߘߊ߫ ߟߋ߬ ߞߵߊ߬ ߢߌߣߌ߲߫ ߘߊߡߌ߬ߣߊ߬ ߝߏ߫߫ ߊ߬ ߟߊ߫ ߟߎ ߞߣߐ߫߸ ߓߊ߬ߙߌ߬߸ ߊ߬ ߕߘߍ߬ ߞߵߊ߬ ߓߏ߬ߙߌ߫ ߟߋ߬߸ ߞߎߡߊ߫ ߡߍ߲߬ ߠߎ߫ ߟߋ߬ ߞߐ ߘߐ߫ ߛߊ߫߸ ߝߎߟߑߓߍߙ ߡߎߥߊ߫-ߣߏߘߖ߭ߌ߫ ߞߎߡߊߞߊ߲߫ ߜߘߍ߫ ߡߊ߫ ߦߋ߫ ߓߎ߬ߕߎ߲߬߸ ߘߐ߬ߛߏ߬ߘߏ߲߬ߜߊ߬ߟߌ ߦߋ߫ ߗߊߘߌ߬ ߓߟߐߟߐ߫ ߞߊ߲ߠߊ ߟߎ߬ ߞߊ߲߬ ߕߋ߲߬ ߞߊ߬ ߛߌߦߊߦߊ߫߸ ߓߊߏ߬߸ ߡߐ߱ ߟߎ߬ ߦߴߊ߬ ߞߊ߲߬ ߠߋ߬ ߕߋ߲߬ ߞߵߊ߬ߟߎ߫ ߖߘߍ߬ ߘߐߢߌ߬ߣߌ߲߬ߞߊ߬߸ ߞߏ ߣߌ߲߬ ߛߋ߫ ߘߊ߫ ߞߍ߫ ߟߊ߫ ߘߌ߬؟
ߊߓߋߛߋ߫ ߞߕߌߘߊ ߟߊ߫ ߝߐߟߌ߫ ߘߐ߫߸ ߗߍ߭ ߣߌ߲߬ ߞߊ߬ ߖߌߥߎ ߕߏ߲ߜߊ߫ ߁ ߢߐ߲߰ ߠߋ߬ ߛߊ߲߬߸ ߞߵߏ߬ ߟߊߥߎ߬ߦߵߊ߬ ߖߍ߬ߘߍ߫ ߞߊ߲߬ ߏ߬ ߞߐ߫ ߞߣߊ߬ߕߏ߫ ߕߊ ߛߎ߬ ߟߴߊ߬ ߖߘߍ߬ ߟߊ߫ ߓߎ߬ߕߎ߲߬߸ ߛߟߊߕߌ߯ ߛߊߟߋ߫ ߊߟߌ ߊߓߑߘߙߊߡߊߣ ߞߵߊ߬ ߟߊߢߌߣߌ߲߫ ߡߐ߱ ߟߎ߬ ߝߍ߬߸ ߞߏ߫ ߊ߬ߟߎ߬ ߞߴߊ߬ ߕߏ߫ ߘߋ߬߸ ߓߟߐߟߐ߫ ߞߊ߲߫ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߦߋ߫ ߘߏ߲߬ ߊ߬ߟߎ߬ ߣߴߊ߬ߟߎ߬ ߤߊߞߟߌ ߣߌ߫ ߢߐ߲߯ ߕߍ߫، ߝߣߊ߫ ߢߊߢߌߣߌ߲ߠߌ߲ ߠߎ߬ ߓߍߣߊ߬ ߓߌ߬ߟߊ߬ ߛߋ߲߬ ߠߊ߫߸ ߦߊ߯ߛߊ߫ ߞߊ߬ ߝߎߟߑߓߍߙ ߡߎߥߊ߫-ߣߏߘߖ߭ߌ߫ ߟߊ߫ ߝߊ߰ߟߌ ߞߎ߲߬ ߖߐ߲ߖߐ߲ ߟߐ߲߫.
