ߞߟߍ߬ߡߐ߮ ߟߎ߬ ߞߵߊ߬ ߟߊߥߊ߲߬ߞߊ߲ ߞߎߣߎ߲߬ ߞߏ߫ ߊ߬ߟߎ߬ ߓߘߊ߫ ߘߊ߮ ߞߎߘߊ ߘߏ߫ ߟߎ߫ ߘߊ ߟߊߞߊ߬ ߕߊߡߑߓߊߗߎ߲ߘߊ߫߸ ߞߋߘߎߜ߭ߎ߫ ߣߌ߫ ߛߙߊߦߊ߫ ߞߌ߲߬ߘߊ ߟߎ߬ ߟߊ߫ ߦߙߐ ߡߍ߲ ߠߎ߬ ߡߊ߲߫ ߖߊ߲߬ ߡߊ߬ߟߌ ߓߐߕߏ߲ ߠߊ߫ ߞߏߛߓߍ߫߸ ߛߣߍ߬ߜ߭ߊߟߌ߫ ߞߟߍ߬ߓߟߏ ߞߏߕߌ߯ߘߊ ߟߊ߫ ߝߐߟߌ߫ ߘߐ߫߸ ߟߊ߬ߢߌߣߌ߲ ߦߋ߫ ߡߍ߲ ߘߌ߫ ߏ߬ ߟߋ߬ ߦߋ߫ ߞߍߢߊߖߎ߮ ߟߎ߬ ߣߌ߫ ߟߊ߬ߞߊ߲߬ߘߊ߬ߟߌ ߟߎ߬ ߞߍ߬ߟߍ ߘߌ߫߸ ߏ߬ ߡߍ߲ ߠߎ߬ ߦߋ߫ ߞߙߐ߬ߛߌ߬ ߟߴߊ߬ߟߎ߬ ߟߊ߫ ߖߡߊ߬ߣߊ ߣߴߊ߬ߟߎ߬ ߛߌ߰ߢߐ߲߰ ߖߡߊߣߊ ߟߎ߬ ߓߐߕߏ߲ ߠߊ߫، ߞߟߍ߬ߓߟߏ ߞߏߕߌ߯ߘߊ ߞߊ߬ ߣߌ߲߬ ߝߐ߫ ߖߊ߲߬ߖߏ߲߬ ߞߣߍ ߘߏ߫ ߟߋ߬ ߘߐ߫߸ ߏ߬ ߡߍ߲ ߛߋ߲߭ߝߍ߬߸ ߞߟߍ߬ߕߌ߯ ߓߌߙߊߡ ߖߐߔ ߞߊ߬ ߕߊ߬ߟߌ ߞߍ߫ ߊ߬ ߘߐ߫.
ߞߟߍ߬ߡߐ߮ ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߘߐ߫߸ ߊ߬ߟߎ߬ ߓߘߊ߫ ߞߟߍ߬ߡߐ߰ ߘߊ߮ ߛߊ߬ߓߊ߫ ߟߊߞߊ߬ ߛߣߍ߬ߜ߭ߊ߬ߟߌ߬ ߞߐߘߐ߲ ߘߐ߫، ߏ߬ ߟߎ߬ ߘߐ߫߸ ߊ߬ߟߎ߫ ߞߊ߬ ߞߟߍ߬ߡߐ߮ ߟߎ߬ ߟߊ߫ ߛߍ߯ߛߍ߯ߟߌ ߓߏߟߏ߲ߝߘߊ ߘߏ߫ ߛߌ߰ ߕߊߡߑߓߊ߫، ߘߊ߮ ߘߏ߫ ߛߌ߰ ߘߊ߫ ߞߋߘߎߜ߭ߎ߫ ߊ߬ ߣߌ߫ ߞߟߍ߬ߡߐ߮ ߟߎ߬ ߟߊ߫ ߓߏߟߏ߲ߝߘߊ ߡߍ߲ ߦߋ߫ ߛߍ߬ߘߏ߲ ߞߍ߫ ߟߊ߫ ߞߊߟߌߦߊ ߓߟߏߡߊ߬߸ ߏ߬ ߘߏ߫ ߛߌ߰ ߘߊ߫ ߟߋ߬ ߛߙߊߦߊ߫، ߞߟߍ߬ߡߐ߮ ߡߍ߲߬ ߠߎ߬ ߟߊߛߌ߰ ߞߎ߲ ߠߋ߬ ߦߋ߫ ߟߊ߬ߞߊ߲߬ߘߊ߬ߟߌ ߝߊ߲߬ߞߊ ߘߏ߲߭ ߘߌ߫߸ ߟߊ߬ߛߋ߬ߟߌ߬ ߞߋߟߋ߲߫ ߣߌ߲߬ ߞߣߐ߫߸ ߊ߬ߟߎ߬ ߦߴߊ߬ߟߎ߬ ߞߊ߲ߕߏ߫ ߟߊ߫ ߞߏ߫ ߞߟߍ߬ߓߟߏ ߞߏߕߌ߮ ߕߌߙߊߡ ߖߐߔ ߓߘߴߊ߬ ߟߊߢߌߣߌ߲߫ ߞߟߍ߬ߡߐ߮ ߟߎ߬ ߝߍ߬ ߞߏ߫ ߞߊ߬ ߟߊ߲ߘߦߊ ߦߋ߫ ߛߌ߲ߛߌ߲߫ ߊ߬ߟߎ߬ ߣߌ߫ ߢߐ߲߯ ߕߍ߫߸ ߖߐ߲߰ߛߴߊ߬ߟߎ߬ ߘߌ߫ ߛߋ߫ ߓߊ߯ߙߊ ߞߍ߫ ߟߴߊ߬ߟߎ߬ ߣߌ߫ ߢߐ߲߯ ߕߍ߫.
ߞߐ ߢߌ߲߬ ߠߊ߫ ߛߣߍ߬ߜ߭ߊ߬ߟߌ߫ ߞߎ߲߬ߠߊ߬ߛߌ߮ ߟߎ߬ ߞߊ߬ ߡߙߌߘߐ ߘߏ߫ ߟߋ߬ ߕߊ߬߸ ߡߍ߲ ߘߌ߫ ߞߍ߫ ߓߏ߬ߙߌ߬ߝߋ߲߬ ߓߏ߬ߙߌ߬ߓߊ߬ߟߌ߬ߦߊ ߘߌ߫ ߓߊߞߍߟ ߡߙߊ߬ߓߟߏ ߓߍ߯ ߞߣߐ߫߸ ߥߊ߬ߛߌ߬ߥߙߊ ߕߊ߬ߡߌ߲߬ߣߍ߲ ߠߋ߬ ߟߊ߫߸ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߓߋ߬ ߘߊ߫ ߣߊ߲߬ߕߌ߮ ߟߎ߬ ߟߊ߫ ߞߙߐ߬ߛߟߌ߬ ߦߙߐ ߘߏ߫ ߞߊ߲߬ ߘߌߓߏߟߌ߫߸ ߏ߬ ߦߙߐ ߣߌ߫ ߞߘߌߙߊ߫ ߕߍ ߦߋ߫ ߞߎߘߍ߫ ߕߟߊ߫ ߢߐ߲߰ ߠߋ߬ ߘߌ߫ ߛߣߍ߬ߜ߭ߊߟߌ߫ ߖߡߊ߬ߣߊ ߞߣߐ߫߸ ߞߎ߲߬ߠߊ߬ߛߌ߰ ߛߌ߲ߝߏ߲ ߘߏ߫ ߟߊ߫ ߝߐߟߌ߫ ߘߐ߫߸ ߞߟߍ߬ߡߐ߰ ߘߊ߮ ߡߍ߲߬ ߠߎ߬ ߡߊ߫ ߛߌ߰ ߞߎ߲߬ߠߊ߬ߛߌ߮ ߟߎ߬ ߝߍ߬ ߜߊ߲߬ߛߊ߲߫ ߘߋ߬߸ ߊ߬ߟߎ߬ ߦߴߊ߬ ߝߍ߬ ߟߋ߬ ߞߵߊ߬ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߝߊ߲߬ߞߊ ߘߏ߲߬.
