ߖߌ߬ߣߍ߬ ߞߎߓߋߛߏ ߣߐ߬ ߖߌ߫ ߥߎ߬ߣߊ߲߬ߞߏߙߏ߲ ߡߊ߲߬ߕߙߐ ߡߍ߲ ߡߊߛߐ߬ߘߐ߲߬ ߠߊ߫ ߞߎߣߎ߲ߟߏ߲ ߞߵߊ߬ ߘߎ߬ߛߊ ߜߍ߫ ߓߌߟߏ߲ ߠߊ߫ ߂߀߂߅ ߞߊ߬ߙߌ߬ߝߐ ߃߀ ߣߌ߫ ߃߁ ߢߌ߲߬ ߠߊ߫ ߸ ߣߴߊ߬ ߟߊ߫ ߞߊ߬ߛߙߊ߫ ߓߘߊ߫ ߛߌߦߊߦߊ߫ ߘߊߞߎ߲߫ ߓߍ߯ ߘߐ߫ ( ߘߏ߫ ߟߎ߫ ߣߌ ߓߘߊ߫ ߕߏ߫ ߊ߬ ߘߐ߫ ߸ߞߊ߬ ߘߏ߫ ߟߎ߫ ߓߟߏߝߋ߲߫ ߞߟߏߡߊ߫ ߛߘߍߡߊ߲߫ ߘߐߕߌߢߍ߫…
ߏ߬ ߟߋ߬ ߡߐߣߍ߫ ߣߐ߬ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߞߘߐ ، ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߐ߬ ߟߊ߫ ߞߎߡߊ ߟߴߊ߬ ߝߍߗ߭ߌߓߎߞ ߞߐߜߍ ߞߊ߲߬ ߞߊ߬ << ߢߐ߲߯ߘߍߡߍ߲ ߦߌ߬ߘߊ߬ ߕߏߒߘߐߓߊ߮ ߟߎ߬ ߟߊ߫ ߝߟߐ߫߸ ߏ߬ ߞߐߝߍ߬ ߞߵߊ߬ ߝߐ߫ ߞߏ߫ (ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߸ ߓߘߍ߬ߓߘߍ߬ߟߌ߸ ߘߍ߬ߘߐ߬ߦߊ߸ ߟߞߊ߬ߙߊ߲߬ߠߌ߲ ߊ߬ ߣߌ߫ ߘߏ߫ ߜߘߍ߫ ߟߎ߫ ߞߊ߲ߞߋ߫ ߖߐ߲ߝߐ߲ߣߍ߲ ߠߋ߬ ߞߏߛߓߍ߫ ( ߞߊ߬ ߖߛߏ߬ߖߛߊ߫ ߞߊ߬ߣߌ߲߬). ߊ߬ߟߋ ߢߣߊ߫ ߸ ߏ߬ ߦߋ߫ ߛߙߎ߬ߞߎ߬ߛߙߎߞߎ ߣߌ߫ ߖߡߊ߬ߣߊ߫ ߟߊ߫ ߡߊ߬ߡߙߊ߬ߟߌ߬ ߖߎ߮ ߣߌ߫ ߡߌ߬ߙߌ߲߬ߘߌ ߓߐ߬ߘߍ߬ߓߐ ߟߋ߬ ߓߍ߯ ߘߌ߫. << ߊ߲ ߖߛߎ߬ߞߎ߲ ߠߎ߬ ߦߴߊߟߎ߫ ߝߍ߬ ߤߊ߲߰ ، ߡߍ߲ ߠߎ߬ ߕߏߣߍ߲߫ ߖߌ ߓߐ߫ ߣߌ߲߬ ߘߐ߫ ߞߊ߬ߣߌ߲߬… ߡߍ߲ ߣߐ߬ ߊߟߎ߫ ߛߐ߬ߘߐ߲߬ ߠߊ߫ ߸ ߏ߬ ߕߍ߫ ߟߊ߬ߕߍ߮ ߣߐ߬ ߘߌ߫ ߏ߰ >>
ߞߊ߬ߙߊ߲߬ߝߊ ߞߵߏ߬ ߟߋ߬ ߛߓߍ߫.
ߊ߬ ߟߊ߫ ߗߋߛߓߍ ߣߌ߲߬ ߦߋ߫ ߞߌ߬ߣߌ߲߬ߞߌߣߌ߲ ߣߌ߫ ߡߐߣߍ ߟߋ߬ ߓߍ߯ ߝߐ ߟߊ߫ ߞߋߟߋ߲߫ ߘߌ߫.
ߊ߬ߟߋ߬ ߢߣߊ߫߸ ߥߊ߬ߥߎߟߋ߲ ߣߌ߲߬ ߡߊ߫ ߞߍ߫ ߊ߬ ߖߍ߬ߘߍ ߡߊ߫ ߦߋ߲߬ ߕߋ߲߬ ߘߋ߬ ߸ ߛߎ߲ߞߎ߲ ߠߊ߫ ߓߌ߬ߟߊ߬ߒ߬ߘߐ ߝߣߊ߫ ߕߍ߫ ߸ ߓߊ߬ߙߌ߬ ߣߌ߲߬ ߝߘߊߣߍ߲߫ ߞߊ߬ߝߏ ߥߟߊ߫ ߖߡߊ߬ߣߊ߬ ߗߌߙߏ߲ߣߍ߲ ߣߌ߫ ߕߌߢߍߣߍ ߞߐߝߟߌ ߟߋ߬ ߟߊ߫ ،.
ߖߡߊ߬ߣߊ ߛߓߊ߬ߕߌ߬ߣߍ߲߬ߓߊ ߸ ߊ߬ ߣߴߊ߬ ߟߊ߫ ߥߙߎߞߌ߫ ߛߎ߲ߞߎ߲ߡߊ ߏ߬ ߓߍ߯ ߣߴߊ߬ ߕߊ߫ ،ߖߡߊ߬ߣߊ߬ߘߋ߲ ߠߎ߬ ߦߋ߫ ߓߊߟߏ߫ ߟߊ߫ ߘߐ߱ ߟߋ߬ ߘߐ߫.
ߖߌ߬ߣߍ߬ ߞߊ߲ߓߍ߲߫ ߞߊ߲ߕߌ߯ ߞߘߐ ߢߣߊ߫ ߞߏ߫ : ߖߌ߬ߣߍ߬ ߕߍ߫ ߖߡߊ߬ߣߊ߬ ߡߥߊߙߊ߲ߞߊߣߍ߲ ߘߌ߫ ߸ߡߙߊ߬ ߞߏ߬ߖߎ߰ߦߊ ߟߋ߬ ߦߴߊ߬ ߞߊ߲߬ ߘߐߙߐ߲߫ .
<< ߥߊߘߌ߫ ߡߍ߲ ߞߊ߫ ߞߊ߲߫ ߞߊ߬ ߘߏ߲߬ ߟߐ߬ߟߌ߬ߞߏ ߘߊߝߍ߬ ߸ߘߊ߲ߘߊߛߏ ߣߌ߫ ߞߊ߬ߙߊ߲߬ߛߏ ߣߌ߫….. ߏ߬ ߓߍ߯ ߓߘߊ߫ ߓߊ߲߫ ߕߊ߬ ߟߊ߫ ߞߏ߲߬ߘߏ ߞߣߐ߫ ߊ߬ߟߎ߬ ߟߊ߫ ߝߙߍ߬ ߛߌ߲ߘߌߣߍ߲߫ ߠߎ߬ ߛߊߓߎ߫ ߟߊ߫ >>
ߊ߬ ߟߊ߫ ߞߎߡߊ߫ ߖߌߘߊ߲ߡߊ ߣߌ߲߬ ߣߴߊ߬ ߕߊ߫ ߸ ߊߟߌߝߊ߫ ߞߐ߲ߘߍ߫ ߞߵߊ߬ ߟߊ߫ ߞߎߡߊ ߞߎ߲߬ߝߊ߰ ߖߌ߰ߡߊ߬ߝߊ߫ ߦߟߌߣߐ ߘߏ߫ ߟߋ߬ ߘߌ߫ ߞߏ߫߸<< ߖߌ߬ߣߍ߬ ߡߌ߬ߙߌ߲߬ߘߌ ߓߍߣߊ߬ ߟߊߓߊ߲߫ ߟߊ߬ߥߟߌ߬ߟߌ ߡߊ߬ ߞߏ߫ ߞߎߘߊ߫ ߖߐ߫߸ ߊߟߎ߫ ߟߊ߫ ߝߊߘߌ߲ߧߊ ߕߍ߫ ߞߍ߫ ߜߊ߲ߛߊ߲ ߘߌ߫ ߝߋߎ߫ >>.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
