ߡߍ߲ ߥߊߕߐ߫ ߓߍ߲߬ ߠߊ߫ ߝߎ߬ߙߎ߲߬ߞߎ߬ߟߌ ߢߌ߲߬ ߠߎ߬ ߡߊ߬ ߊ߲ߜ߭ߏߟߊ߫ ߞߣߐ߫ ߸ ߏ߬ ߡߍ߲ ߘߊߡߌ߬ߘߊ߬ ߘߊ߫ ߞߊ߬ߦߌ߯ ߂߀߂߅ ߞߊ߬ߙߌ߬ߝߐ ߕߋ߬ߟߋ߫ ߂߈ ߡߊ߬ ߸ߞߵߏ߬ ߞߎ߲߭ ߞߍ߫ ߖߋ߬ߣߌ߲߬ߕߊ ߟߎ߫ ߛߐ߲߬ߞߐ ߦߍ߬ߟߍ ߘߌ߫.
ߒ߬ߓߊ߬ ߸ߖߌ߬ߣߍ߫ ߟߊ߬ߛߌ߰ߘߊ ߓߘߴߊ߬ ߞߊ߲ߠߊߓߐ߫ ߖߌ߬ߣߍ߬ߞߊ߬ ߓߐߓߊ߯ߕߐ ߟߎ߬ ߓߍ߯ ߟߊߘߍ߬ߣߍ߲ ߡߊ߬ ߞߏ߫ ߞߊ߬ ߕߊ߯ߡߊ ߢߊ߬ߕߣߐ߬ߒߕߊ߲ ߠߎ߬ ߓߍ߯ ߡߊߕߊ߲߬ߞߊ߫ ߤߊ߲߯ ߕߎ߬ߡߊ ߣߌ߲߬ ߦߋ߫ ߕߊ߬ߡߌ߲߬.
ߟߊ߬ߛߋ߬ߟߌ ߣߌ߲߬ ߟߐ߬ߣߍ߲߫ ߖߌ߬ߣߍ߬ ߡߌ߬ߙߌ߲߬ߘߌ ߟߋ߬ ߡߊ߬ ߸ߕߍߓߊ߯ߦߊ ߞߐߦߌߘߊߓߊ߮ ߟߎ߬ ߦߴߊ߬ ߟߊߢߌߣߌ߲߫ ߠߊ߫ ߓߐߓߊ߯ߕߐ ߟߎ߬ ߝߍ߬߸ ߊ߬ߟߎ߬ ߦߋ߫ ߕߏ߫ ߊ߬ߟߎ߬ ߟߊ߫ ߟߎ ߟߎ߬ ߞߣߐ߫ ߟߊ߬ߞߊ߲߬ߘߊ߬ߟߌ ߞߏߛߐ߲߬.
ߟߊ߬ߛߌ߰ߘߊ ߦߴߊ߬ ߟߊ߫ ߖߘߍ߬ߘߏ߲߬ߠߌ߲ ߡߊߜߟߍ߬ߦߊ߬ ߟߊ߫ ߣߌ߲߬ ߞߏ ߘߐ߫ ߞߏ߫ ߸ߊ߬ ߘߴߊ߬ ߟߐ߬ ߘߎ߰ߘߋ߲ ߠߎ߬ ߞߍ߬ߙߍߝߍ߬ ߞߵߊ߬ߟߎ߬ ߤߊߞߊ߲ ߠߎ߬ ߡߊߞߊ߲ߞߊ߲߫ ߊ߬ ߣߌ߫ ߞߵߊ߬ߟߎ߬ ߟߊߕߊ߲߬ߞߊ߫.
ߊ߬ ߞߊ߬ ߓߍ߯ ߟߊߘߍ߬ߣߍ߲ ߥߟߋ߫ ߞߏ߫ : « ߓߍ߯ ߦߴߌ ߖߊ߲߬ߕߏ߫ ߌ ߖߘߍ߬ ߘߐ߫ ߸ߊ߬ ߣߌ߫ ߞߊ߬ ߕߊ߯ߡߊ߫ ߞߟߊ߬ߒߕߊ߲ ߠߎ߬ ߓߍ߯ ߡߊߕߊ߲߬ߞߊ߫ ߥߊ߬ߥߎߟߋ߲ ߕߎ߬ߡߊ ߣߌ߲߬ ߘߐ߫ «
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬، ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ :<< ߖߌ߬ߣߍ߫ ߘߎ߰ߘߋ߲ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߊ߫ ߢߣߊߡߦߊ ߞߊ߫ ߞߊ߲߫ ߠߋ߬ ߊ߲ ߓߟߏ߫. ߊ߲ ߠߊ߫ ߟߐ߲ߠߌ߲ߠߍ߲ ߠߋ߬ ߞߏ߫ ߘߎ߰ߘߋ߲ ߘߏ߫ ߟߎ߫ ߸ ߊ߬ ߕߌ߯ߕߌ߯ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߊ߯ߙߊߞߍߟߊ ߟߎ߬ ߣߌ߫ ߖߊ߬ߥߏ߬ߞߍ߬ߟߊ ߟߎ߬ ߸ ߏ߬ ߟߎ߬ ߡߍ߲ ߠߎ߬ ߓߟߏߝߋ߲߫ ߞߟߏߡߊ ߟߎ߫ ߘߐߕߌߢߍߣߍ߲ ߊ߬ ߣߌ߫ ߕߌߢߍߟߌ ߡߍ߲ ߞߍߣߍ߲߫ ߊ߬ߟߎ߬ ߟߊ߫ ߝߎ߲ߞߎ߲ ߠߎ߬ ߞߣߐ߫>>
ߊ߬ ߞߊ߬ ߟߊ߬ߛߋ߬ߟߌ ߣߌ߲߬ ߝߐ ߟߋ߬ ߞߵߊ߬ ߡߊߛߋ߬ߦߌ߲، ߞߵߏ߬ ߟߊ߫ ߢߐ߲߯ߘߍߡߍ߲ ߞߊ߲߬ ߞߵߊ߬ ߟߐ߬ ߡߐ߰ ߟߎ߫ ߡߊ߬ ߕߊ ߣߐ߬ ߡߍ߲ ߠߎ߬ ߟߊ߫ ߘߌ߲߬ߞߌߙߊ ߖߋ߬ߣߌ߲߬ ߠߊ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫.
