ߊ߬ ߕߟߋ߬ ߘߊ߲ߘߐ߫ ߟߋ߬ ߕߋ߲߬ ߖߌ߬ߦߊ߬ߖߟߎ ߘߏ߫ ߟߊ߫ ߖߍ߲ߛߍ߲ߣߍ߲ ߦߋߣߍ߲߫ ߘߍ߬ ߞߙߏߝߏ ߞߊ߲߬ ߸ߊ߬ ߦߋߣߍ߲߫ ߖߌ߬ߦߊ߬ߖߟߎ ߏ߬ ߟߋ ߘߐ߫ ߛߊ߫ ߸ߖߌ߬ߣߍ߬ߞߊ ߡߍ߲ ߕߐ߯ ߞߏ߫ : » ߖߋߣߊߓߎ߬ ߓߊ »ߏ߬ ߖߊ߲߬ߞߕߊ߫ ߦߴߌߘߐ߫ ߕߐ߲ߓߟߏߡߊ ߘߏ߫ ߓߟߏ߫…
ߊ߬ ߟߊ߫ ߞߙߐ߬ߛߌ߬ ߘߊ߫ ߖߌ߬ߦߊ߬ߖߟߎ ߣߌ߲߬ ߘߐ߫ ߞߏ߫ ߸ ߡߏ߬ߛߏ ߡߍ߲ ߡߌ߬ߘߊ߬ ߞߏ߬ߖߎ߰ߦߊ ߞߍߣߍ߲߫ ߟߌߓߋߙߌߦߊ߫ ߥߛߊ߬ߘߊ߬ߕߌ߮ ߘߏ߫ ߓߟߏ߫ ( ߣߴߊ߬ ߛߎ߬ߕߙߊ߬ߣߍ߲ ߕߘߍ߬) ߸ ߘߋ߲ ߕߎ߲߬ ߦߴߊ߬ ߓߟߏ߫ ߘߐ߫ ߸ߓߊ߬ߙߌ߬ ߥߛߊ߬ߘߊ߬ߕߌ߮ ߦߴߊ߬ ߝߍ߬ ߏ߬ ߓߍ߯ ߞߐ߫ ߞߊ߬ ߖߟߐ߬ߞߐ ߓߌ߬ߟߵߊ߬ ߟߊ߫ ߝߊ߲߬ߞߊ߬ ߓߟߏ߫ ߡߊ߬ .
ߖߌ߬ߣߍ߫ ߝߊ߰ߡߊ ߟߎ߬ ߓߘߊ߫ ߟߊ߬ߛߏ߬ߓߌ߬ ߞߍ߫ ߟߌߓߋߙߌߦߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫߸ ߊ߬ ߕߌ߯ߕߌ߯ ߞߐߞߊ߲ߞߏ ߟߎ߬ ߞߏߕߌ߯ߘߊ ߣߌ߫ ߖߌ߬ߣߍ߬ߞߊ ߡߍ߲ ߠߎ߬ ߦߋ߫ ߖߡߊ߬ߣߊ ߞߐߞߊ߲߬.
ߟߌߓߋߙߌߦߊ߫ ߕߍߓߊ߯ߦߟߊ ߡߍ߲ ߦߋ߫ ߖߌ߬ߣߍ߫ ߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߖߡߊ߬ߣߊ ߘߴߊ߬ߟߎ߬ ߛߋߞߏ ߓߍ߯ ߞߍ߫ ߞߊ߬ ߛߋ߫ ߓߌ߬ߟߊ߬ߒߘߐ ߣߌ߲߬ ߡߊߡߙߊ߬ ߟߊ߫.
<< ߒ ߠߊ߫ ߟߐ߲ߠߌ߲ߦߊ ߘߊ߫ ߖߌ߬ߣߍ߬ ߡߛߏ ߣߌ߲߬ ߟߌ߬ߤߟߊ ߟߊ߫ ߡߐ߬ߙߐ߲ߝ߭ߌ߬ߦߊ߫ ߟߋ߬.
ߓߊ߬ߙߌ߬ ߓߌ߬ ߢߐ߲߰ ߟߏ߲߫ ߸ߊ߬ ߞߏߢߊ ߓߘߊ߫ ߛߋ߫ ߡߊߡߙߊ߬ ߟߊ߫ ߸ ߓߊߏ߬ ߓߍ߯ ߟߵߌ ߞߵߌ ߛߋ߲߭ ߕߘߍ߬ ߊ߬ ߘߐ߫.߸ߞߵߏ߬ ߟߊ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߘߏ߫ ߟߎ߫ ߣߌ߫ ߞߕߌ ߞߏߟߊߕߍ߮ ߟߎ߬ ߞߊ߲߬.
ߒ߬ߓߊ߬ ߸ ߊ߲ ߧߴߊ߲ ߛߋߞߏ ߓߍ߯ ߞߍ߫ ߞߊ߲߬ ߞߊ߬ ߛߋ߫ ߓߌ߬ߟߊ߬ߒߘߐ ߗߋ߰ߖߎ߮ ߣߌ߲߬ ߡߊߡߙߊ߬ ߟߊ߫.
ߊ߬ߟߋ ߕߊ߫ ߝߊ߲߭ ߛߊ߫ ߸ ߖߌ߬ߣߍ߬ ߞߐߞߊ߲ߠߊ ߞߏߕߌ߮ ߞߵߊ߬ ߢߌߣߌ߲߫ ߟߌߓߋߙߌߦߊ߫ ߞߏߕߌ߮ ߟߎ߬ ߝߍ߬ ߞߏ߫ ߞߊ߬ ߞߏߖߎ߯ ߞߍߓߊ߮ ߟߎ߬ ߟߊߕߊ߯ ߞߕߌߓߏ߲ ߢߊߞߘߐ߫.
ߊ߬ ߞߊ߬ ߖߌ߬ߣߍ߬ ߟߊ߫ ߘߍ߬ߡߍ߲߬ߠߌ߲ ߘߏ߫ ߦߌ߬ߘߊ߬ ߟߌߓߋߙߌߦߊ߫ ߟߊ߫ ߞߏ ߘߐ߫ ߛߏߞߣߐ߫ ߞߟߍ ߘߏ߫ ߛߋ߲߭ ߝߍ߬.
ߞߏ߫ « ߛߊ߲߬ ߕߊ߲ ߞߘߐ߫ ߸ߊ߲ ߞߊ߬ ߊ߲ ߓߊߘߋ߲߫ ߟߌߓߋߙߌߦߞߊ ߡߛߏ߬ߡߊ߲ ߠߎ߬ ߣߌ߫ ߗߍ߬ߡߊ߲ ߛߘߍߡߊ߲߫ ߟߊߘߊ߬ߙߏ߬ ߊ߲ ߝߍ߬ ߦߊ߲߬ ߸ߡߐ߰ ߛߌ߫ ߡߊ߫ ߛߴߊ߬ߟߎ߫ ߡߊ߬ ߖߎ߯ߡߊ߲߫ ߓߟߏ߫ ߡߊ߬ >>.
ߞߏ߲߬ߓߏ߫ ߡߏߙߌߛߊ߲ߘߊ ߞߵߊ߬ ߦߌ߬ߘߊ߬ ߝߣߊ߫ ߞߏ߫߸ ߊ߬ <<ߖߍ߬ߘߍ ߟߋ߬ ߓߍߣߵߊ߬ ߘߐ߱ߘߏ߲߬ ߞߏߢߊ ߣߌ߲߬ ߠߊ߫ ߞߊ߬ ߞߐ߲߰ ߟߌߓߋߙߌߦߊ߫ ߝߊ߰ߡߊ ߟߎ߬ ߞߍ߫ ߡߊ߬ ߞߊ߬ ߝߍ߬ߙߍ ߟߎ߬ ߕߊ߬ ߊ߬ ߞߏ ߟߊߕߊ߯ߡߊ߫ ߢߊ߫ ߞߊ߲߬ >>
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
