ߖߌ߯ߓߊ߫ ߥߊ߲߬ߞߙߊ߫ ߛߌ߬ߛߋ߬ ߦߋ߫ ߝߊ߬ߛߏ߬ ߞߊ߲߬ ߞߏ ߛߍ߬ߘߏ߲߬ߠߊ߬ ߥߣߊ ߘߏ߫ ߟߋ߬ ߘߌ߫߸ ߡߍ߲ ߦߴߊ߬ ߟߊ߫ ߛߍ߬ߘߏ߲ ߠߎ߬ ߞߍ߫ ߟߊ߫ ߒߞߏ ߛߓߍߟߌ ߘߐ߫، ߒ߬ߓߊ߬߸ ߏ߬ ߟߋ ߣߐ߬ ߛߓߍߟߌ ߘߏ߫ ߞߍ߫ ߟߴߊ߬ ߟߊ߫ ߞߐߜߍ ߟߊ߫ ߝߍߛߑߓߎߞ ߞߊ߲߬߸ ߊ߲ ߞߵߏ߬ ߦߋ߫ ߡߌ߬ߙߌ߲߬ߘߌ߬ ߣߝߊ߬ ߝߋ߲߫ ߘߌ߫ ߛߌ߰ߞߊ߲ ߢߊߦߋ߫ ߢߊ ߘߏ߫ ߘߐ߫، ߊ߬ ߟߊ߫ ߛߙߊ߬ߣߎ߲ ߏ߬ ߝߟߍ߫ ߣߌ߲߬:
ߖߌ߬ߣߍ߫ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߛߎߥߊ߲ߘߌߕߊ ߟߋ߬ ߕߎߟߊߝߌ߲ ߕߋ߬ߟߋ߫ ߂߁ ߣߊ߬ߕߐ ߒߞߏ߫ ߞߊߙߊ߲ߘߋ߲߫ ߖߘߍ߬ߞߟߊ߬ߡߊ߬ߓߊ߮ ߓߍ߯ ߓߟߏ߫ ߝߋ߲߫ ߺ ߋ߫ ߺ ߝߋ߲߫ ߦߋ߫ ߒߞߏߞߏ ߝߘߏ߬ߓߊ߬ ߛߍߘߏ߲ ߞߎ߲߬ߕߋߟߋ߲ ߞߊ߬ߟߊߡߊ߬ ، ߡߍ߲ ߠߎ߬ ߦߋ߫ ߥߊ߫ ߟߴߊ߬ߟߎ߫ ߞߎ߲߬ߝߍ߬ ߣߴߊ߬ߟߎ߬ ߡߴߊ߬ߟߎ߬ ߥߊ߫ ߦߙߐ߫ ߟߐ߲߫ ߒ ߞߊ߲߫ ߕߴߏ߬ ߟߎ߫ ߡߊ߬ ߘߋ߬ ،
ߡߎ߲߬ߘߐ߫ ߊ߲ ߞߊ߫ ߞߊ߲߫ ߞߊ߬ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߣߌ߲߬ ߠߊߘߌ߬ߢߍ߬ ؟
ߒߞߏ ߦߌ߬ߘߊ ߖߌ߬ߣߍ߫ ߞߎ߲߬ߠߊ߬ߛߌ߮ ߟߊ߫ ߊ߲ ߧߴߏ߬ ߛߊ߲߬ ߆߄ ߠߋ߬ ߘߐ߫ ߢߌ߬ߣߊ߲߬ ߘߌ߫ ߸ ߖߌ߬ߣߍ߫ ߞߎ߲߬ߠߊ߬ߛߌ߮ ߕߎ߲߬ ߡߊ߫ ߣߌ߲߬ ߓߏ߲߬ߧߊ߬ ߞߍ߫ ߒߞߏ ߦߋ߫ ߝߟߐ߫ ߸ ߘߐ߬ߝߐ ߘߏ߫ ߟߎ߫ ߕߊ߫ ߝߐߟߌ߫ ߘߐ߫ ߸ ߞߏ߫ ߝߘߊ߬ߝߌ߲߬ߠߊ߫ ߟߐ߲ߞߏߕߌ߮ ߝߏߘߋ߫ ߛߟߏ߬ߡߊ߯ߣߊ߫ ߞߊ߲ߕߍ߫ ߞߊ߬ ߒߞߏ ߦߌ߬ߘߊ߫ ߛߋߞߎ߫ ߕߎ߬ߙߋ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߟߊ߫ ߁߉߆߁ ߠߋ߬ ߟߊ߫ ߝߏߘߋ߫ ߛߟߏ߬ߡߣߊ߬ ߞߊ߲ߕߍ߫ ߣߴߊ߬ ߛߋ߲߬ߘߏ߲߬ߢߐ߲߮ ߠߎ߫ ߞߊ߬ ߖߌ߰ߣߌ߬ߦߟߍ߬ ߛߌߦߊߡߊ߲߫ ߠߋ߬ ߞߍ߫ ߡߊ߲߬ߖߎ߫ ߣߴߊ߬ ߟߊ߫ ߡߊ߬ߞߟߐ ߟߎ߫ ߣߐ߭ߝߍ߬ ߛߊ߫ ߒߞߏ ߘߌ߫ ߘߊ߲ߞߎ߲߫ ߸ ߞߏ߬ߣߌ߲߬ ߢߊ߫ ߛߌ߫ ߡߊ߫ ߦߴߊ߬ ߡߊ߬ ߝߏ߫ ߊ߬ ߣߊ߬ ߘߊ߫ ߟߊߓߊ߲߫ ߦߌ߬ߙߌ߲߬ߘߌ ߡߊ߬ ߝߏߘߋ߫ ߛߟߏ߬ߡߣߊ߬ ߓߟߏ߫ ߡߊ߬ߟߌ߬ߓߊ ߟߊ߫ ߞߊ߬ ߕߊ߯ ߛߊ߲߬ ߦߙߌߞߊ߫ ߞߍ߫ ߦߋ߲߬ ߒ߬ ߠߊ߫ ߓߊߛߌ߫ ߘߌߡߊ߲ ߠߎ߫ ߖߎ߬ ߢߌߣߌ߲ ߠߊ߫ ،
ߒ.ߢ.ߦ.ߘ ߡߍ߲ ߦߋ߫ ߒߞߏ ߘߍ߬ߞߙߎ߬ ߝߟߐ ߘߌ߫ ߸ ߏ߬ ߟߎ߫ ߞߊ߬ ߝߍ߬ߙߍ ߓߍ߯ ߞߍ߫ ߞߊ߬ ߒߞߏ ߛߓߍߛߎ߲ ߟߊߖߍ߲ߛߍ߲߫ ߘߎߢߊ߫ ߝߊ߲߬ ߛߌߦߊߡߊ߲߫ ߠߊ߫ ߤߊ߲߯ ߞߊ߬ ߒߞߏ ߘߐ߬ߛߙߋ ߟߎ߬ ߟߊߛߋ߫ ߞߟߍ߬ߕߌ߮ ߟߊ߲߰ߛߌ߬ߣߍ߫ ߞߐ߲ߕߍ߬ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߡߊ߬،
ߞߟߍ߬ߕߌ߮ ߟߊ߲߰ߛߌ߬ߣߍ߫ ߞߐ߲ߕߍ߬ ߢߊ ߟߊ߫ ߘߴߊ߬ ߖߘߍ߬ߞߊߣߌ߲ ߖߌ߬ߦߊ߬ߓߍ ߞߊ߲߬ ߒߞߏ ߞߘߐߝߐߟߊ߲ ߞߣߐ߫ ߝߏ߫ ߊ߬ ߣߌ߫ ߒ.ߢ.ߦ.ߘ ߞߏߟߊߕߍ߮ ߟߎ߫ ߞߊ߬ ߘߡߊߝߊߟߋ߲ ߠߎ߬ ߞߍ߫ ߒߞߏ ߟߊߥߙߎߞߌ ߣߴߊ߬ ߟߊ߫ ߛߋ߲߬ߕߊ ߞߊߓߋ ߟߎ߫ ߞߊ߲߬ ߞߏ߬ߣߌ߲߬ ߏ߬ ߓߍ߯ ߣߴߊ߬ ߕߊ߬ ߢߊ߫ ߛߌ߫ ߡߊ߫ ߛߐ߬ߘߐ߲߬ ߒߞߏ ߘߊ߲ߞߎ߲߫ ߞߏ ߡߊ߬ ߏ߬ ߟߊ߫ ߞߎ߲߬ߠߊ߬ߛߌ߮ ߟߎ߬ ߓߟߏ߫ ،
ߊߟߑߝߊ߫ ߞߐ߲ߘߍ߫ ߣߊ߬ߣߍ߲ ߞߊ߲ߕߌ߯ߦߊ ߟߊ߫ ߸ ߊ߬ ߕߎ߲߬ ߦߋ߫ ߡߐ߰ ߛߌߦߊߡߊ߲߫ ߢߣߊ߫ ߞߏ߫ ߒߞߏ ߘߌ߫ ߘߊ߲ߞߎ߲߫ ߞߎ߲߬ߠߊ߬ߛߌ߮ ߓߟߏ߫ ߞߊ߬ ߓߍ߲߬ ߞߘߐ߫ ߛߌߦߊߡߊ߲߫ ߡߊ߬ ߸ ߞߐߣߊߞߙߌ߫ ߒߞߏߡߐ߮ ߟߎ߫ ߘߏ߲߬ ߡߊ߫ ߕߐ߬ ߛߌ߫ ߕߏ߫ ߘߙߎ߬ߞߕߐ ߟߊ߫ ߊߟߑߝߊ߫ ߞߐ߲ߘߍ߫ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߞߐ߫ ߛߊ߫ ߒߞߏ ߘߌ߫ ߘߊ߲ߞߎ߲߫ ߓߊ߬ߙߌ߬ ߝߛߍߞߘߎ߫ ߹
( ߒ ߠߊ߫ ߝߏ߬ߟߌ ߦߋ߫ ߡߐ߬ߟߐ߲߬ߕߌ߮ ߛߋߞߎߓߊ ߞߏ߬ߣߊ߬ߕߍ߫ ߢߍ߫ ߘߌ߲߬ߞߌߙߊ ߣߌ߲߬ ߘߐ߫ ߞߏߛߓߍ߫ ߏ߬ ߡߍ߲ ߕߎ߲߬ ߦߋ߫ ߒߞߏ ߟߊߘߌ߬ߢߍ߬ ߞߏ ߞߐߡߊߓߌ߲ߓߌ߲ߓߊ߯ ߞߟߏߞߕߏ ߘߌ߫ ߖߌ߬ߣߍ߫ ߥߛߊ߬ߘߋ߲ ߠߎ߬ ߘߐ߫ ߝߊ߬ߛߏ߬ߜߙߊ ߟߊ߫ ،) ߊߡߊߘߎ߬ ߘߡߊߙߏ߫ ߞߊ߬ߡߙߊ߬ ߡߍ߲ ߕߎ߲߬ ߦߋ߫ ߖߌ߬ߣߍ߫ ߝߊ߬ߛߏ߬ߜߙߊ ߞߊ߲ߕߌ߯ߦߊ ߏ߬ ߟߏ߲ ߸ ߊ߬ ߕߎ߲߬ ߓߊ߯ ߕߍ߰ ߏ߬ ߣߌ߫ ߥߛߊ߬ߘߋ߲߬ ߛߋߞߎߓߊ ߞߏ߬ߣߊ߬ߕߍ߫ ߟߊ߫ ߡߎ߬ߙߎ ߟߊ߫ ߂߀߁߉ ߟߊ߫ ߛߊ߫ ߒߞߏ ߕߎ߲߬ ߘߌ߫ ߘߊ߲ߞߎ߲߫ ߊߟߌߝߊ߫ ߞߐ߲ߘߍ߫ ߟߊ߫ ߞߎ߲߬ߠߊ߬ߛߌ߮ ߓߟߏ߫ ߛߌߞߊ߫ ߛߌ߫ ߕߴߏ߬ ߘߐ߫ ߓߊ߬ߙߌ߬ ߞߏ ߓߍ߯ ߣߴߊ߬ ߕߎ߬ߡߊ߫ ߟߋ߬ ، ߊߟߊ߫ ߞߕߌߣߍ߲߫ ߒߞߏ ߘߊ߲ߞߎ߲ ߠߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߕߋ߬ߟߋ ߟߋ߬ ߘߐ߫ ،
ߖߌ߬ߣߍ߫ ߛߌ߰ߞߊ߲߬ ߞߎߘߊ ߞߎ߬ߙߎ߲߬ߘߎ߬ ߓߏߟߏ߲ ߅߲ ߣߌ߲߬ ߓߘߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߐ߬ߟߐ߲ ߠߊߕߊ߬ߡߌ߲߬ ߤߊߟߌ ߞߊ߲ߕߌ߮ ߛߋߞߎ߫ ߕߎ߬ߙߋ ߖߍ߬ߘߍ ߟߊ߫ ߞߎߡߊߕߍ߫ ߖߌ߬ߣߍ߬ ߞߊ߲ߕߌ߮ ߕߐ߭ ߟߎ߫ ߡߊ߬ ߛߌߞߊ߫ ߖߍ߬ߘߍ ߝߊ߲ ߕߴߏ߬ ߘߐ߫ ߤߊߟߌ ߒ ߕߍ߫ ߒ ߞߊ߲ ߡߊߖߌ߰ ߞߎߡߊ ߣߌ߲߬ ߝߐ߫ ߘߌߦߊ ߹
ߓߊߏ߬ ߘߍ߲ߒߖߘߍߟߦߊ ߞߏߟߌߞߏߟߌ ߕߍ߫ ߛߐ߬ߘߐ߲߬ ߣߌ߫ ߞߊ߲߫ ߕߴߌ ߟߊ߫ ، ߛߋߞߎ߫ ߕߎ߬ߙߋ߬ ߞߊ߬ ߒ߬ ߛߋ߲߬ߠߊߓߌߟߊ߫ ߟߋ߬ ߊ߬ ߡߊ߫ ߒ߬ ߞߊ߲ߠߊߓߌ߬ߟߊ߬ ߓߊߏ߬ ߒ߬ ߞߊ߲ ߦߋ߫ ߝߊ߬ߙߊ߲߬ߛߌ߬ ߓߟߏ߫ ߤߊ߲߯ ߓߌ߬ ߹
ߞߏ߬ߣߌ߲߬ ߡߊ߬ߡߊߘߌ߫ ߟߊ߫ ߞߎ߬ߙߎ߲߬ߘߎ߬ ߓߏߟߏ߲ ߅߲ ߣߌ߲߬ ߠߋ߬ ߦߋ߫ ߞߊ߲ߠߊߓߌߟߊ ߞߎ߬ߙߎ߲߬ߘߎ ߖߍ߬ߘߍߖߍ߬ߘߍ ߘߌ߫ ،
ߒ ߕߍ߫ ߛߋ߫ ߒ ߠߊ߫ ߞߎߡߦߊ ߣߌ߲߬ ߘߊߕߎ߲߯ ߠߊ߫ ߣߌ߫ ߒ ߡߊ߫ ߡߐ߰ ߞߣߐߘߐߝߟߌ߬ߣߍ߲ ߘߏ߫ ߟߎ߫ ߟߊ߫ ߞߣߐ߬ ߛߎ߬ ߕߊ߬ ߞߊ߲ ߖߋ߬ߓߌ߫ ߦߊ߲߬ ߸ ߊ߬ ߣߌ߫ ߞߊ߬ ߡߐ߰ ߖߊ߲߬ ߓߐߣߍ߲ ߘߏ߫ ߟߎ߫ ߦߟߌ߫ ߓߌ߬ߟߊ߬ ߞߊ߬ ߓߍ߲߬ ߝߊ߬ߙߊ߲߬ߛߌ߬ߞߊ߲ ߕߏ ߡߊ߬ ߓߊ߯ߙߊߞߊ߲ߧߊ ߟߊ߫ ߞߊ߬ ߒ߬ ߠߊ߫ ߞߊ߲ ߞߍ߫ ߝߘߏ߬ߓߊ߬ߞߊ߲ ߠߎ߬ ߘߌ߫ ߊ߬ ߣߌ߫ ߞߵߊ߬ߟߎ߫ ߞߊ߬ߙߊ߲߫ ߞߊ߬ߙߊ߲߬ߕߊ ߟߎ߬ ߟߊ߫.
ߛߌ߰ߞߊ߲߬ ߞߎߘߊ ߞߎ߬ߙߎ߲߬ߘߎ߬ ߓߏߟߏ߲ ߅߲ ߣߌ߲߬ ߞߣߐ߫ ߸ ߡߍ߲ ߠߎ߬ ߞߏ߫ ߞߏ߫ ߊ߬ߟߎ߬ ߡߴߊ߬ ߢߊߦߋ߫ ߞߏ߫ ߖߊ߲߬ߝߊ ߟߋ߬ ߞߍߣߍ߲߫ ߸ ߓߊߏ߬ ߞߏ߫ ߣߌ߫ ߓߊ߯ߙߊ ߡߊ߫ ߞߍ߫ ߞߊ߲ ߘߐ߫ ߞߏ߫ ߕߣߐ߬ ߕߴߊ߬ ߛߎߥߊ߲ߘߌ ߟߊ߫ ߸ ߏ߬ ߟߎ߫ ߢߌ߬ߣߊ߬ߣߍ߲߫ ߡߍ߲ ߞߐ߫ ߸ ߊ߲ ߠߊ߫ ߖߡߊ߬ߣߊ ߓߘߊ߫ ߝߊ߯ߘߐߞߍ߫ ߞߋߟߋ߲߫ ߣߌ߫ ߘߏ߫ ߓߐ߫ ߊ߬ ߞߎ߲߬ߠߊߛߌ߰ߣߍ߲߫ ߝߊ߬ߙߊ߲߬ߛߌ߬ߞߊ߲ ߠߋ߬ ߘߐ߫ ߞߊ߬ߦߌ߯ ߝߊ߬ߙߊ߲߬ߛߌ߫ ߞߵߊ߲ ߡߊ߬ߙߊ ߘߊߡߌ߬ߣߊ߬ ߤߊ߲߯ ߕߋ߲߬ ߸ ߊ߲ ߠߊ߫ ߖߡߊ߬ߣߊ ߞߏߟߊߕߍ߮ ߟߎ߫ ߘߊ߬ߙߌ߬ߣߍ߲߬ ߞߘߐ ߦߋ߫ ߟߐ߲ߞߏ ߣߌ߫ ߓߘߍ߬ߓߘߍ߬ߟߌ ߞߎߡߦߊ ߟߎ߬ ߟߊߖߐߟߐ߲߫ ߠߊ߫ ߢߊ ߡߍ߲ ߝߊ߬ߙߊ߲߬ߛߌ߬ߞߊ߲ ߘߐ߫ ߊ߬ߟߎ߬ ߡߴߏ߬ ߢߐ߲߰ ߞߍߢߊ߫ ߟߐ߲߫ ߒ߬ ߠߊ߫ ߞߊ߲ ߠߎ߬ ߘߐ߫.
ߤߊߟߌ߬ ߘߏ߫ ߟߎ߫ ߖߍ߬ߘߍ ߦߋ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߡߊߝߌ߲߬ ߠߊ߫ ߜߊߣߊ߲ߦߊ߫ ߞߎߡߊ ߟߊ߫ ߓߌ߬ ߸ ߣߴߊ߲ ߣߴߏ߬ ߟߎ߬ ߡߊ߫ ߞߎߡߊ߫ ߓߙߎߕߎߕߎ ߟߋ߬ ߘߊߓߌ߬ߟߊ߬ ߞߊ߬ ߞߊ߬ߙߊ߲ ߖߍ߬ߘߍߖߍ߬ߘߍ ߞߍ߫ ߡߎߣߎ߲߬ ߸ ߣߴߊ߬ ߝߐ߫ ߘߊ߫ ߓߌ߬ ߞߏ߫ ߝߊ߬ߛߏ߬ߞߊ߲ ߠߎ߬ ߓߘߊ߫ ߞߍ߫ ߖߡߊ߬ߣߊ ߞߎ߲߬ߠߊ߬ߛߌ߰ߞߊ߲ ߣߴߊ߬ ߓߊ߯ߙߊߞߊ߲ ߘߌ߫ ߸ ߒ ߓߘߊ߫ ߒ ߞߊ߬ߟߌ߬ ߊ߲ ߣߴߏ߬ ߟߎ߬ ߕߍ߫ ߛߋ߫ ߓߘߍ߬ߓߘߍ߬ߟߌ ߣߌ߫ ߟߐ߲ߞߏ ߞߎߡߦߊ ߟߎ߬ ߘߐߛߊߙߌ߫ ߟߴߊ߬ ߢߊ߫ ߓߘߍ ߡߊ߬ ߝߊ߬ߛߏ߬ߞߊ߲ ߘߐ߫ ߦߏ߫ ߊ߬ ߞߊ߫ ߞߊ߲߫ ߢߊ ߡߍ߲.
ߏ߬ ߘߐ߫ ߊ߲ ߞߊ߫ ߞߊ߲߫ ߞߵߊ߬ ߢߊߦߋ߫ ߞߏ߫ ߞߎ߲߬ߠߊ߬ߛߌ߮ ߖߏ߫ ߟߋ߬ ߦߴߊ߬ ߘߐ߫ ߞߊ߬ ߛߐ߰ ߒ߬ ߠߊ߫ ߞߊ߲ ߠߎ߬ ߘߊ߲ߞߎ߲ ߡߊ߬ ߟߞߊ߬ߙߊ߲߬ߠߌ߲߬ ߘߊߞߎ߲ ߠߎ߬ ߘߐ߫ ߦߏ߫ ߛߌ߬ߞߊ߲ ߞߎ߬ߙߎ߲߬ߘߎ߬ ߓߏߟߏ߲ ߅߲ ߞߵߊ߬ ߦߌ߬ߘߊ߬ ߢߊ ߡߍ߲ ߸ ߊ߰ ߝߐ߫ ߟߊ߫ ߕߎ߬ߡߊ߬ ߛߌ߫ ߞߏ߫ ߛߊ߲߬ ߃߀ ߢߌ߬ߣߊ߲߬ ߞߐ߫ ߸ ߏ߬ ߘߴߊ߬ ߕߘߍ߬ ߡߍ߲ ߠߎ߬ ߞߴߊ߬ߟߎ߫ ߛߍ߬ߓߍߘߏ߲߬ ߞߊ߬ߙߊ߲ ߠߊ߫ ߝߊ߬ߛߏ߬ߞߊ߲ ߠߎ߬ ߘߐ߫ ߏ߬ ߟߎ߬ ߓߘߊ߫ ߛߌߦߊߦߊ߫ ߹ ߓߘߍ߬ߓߘߍ߬ߟߌ ߞߎߡߊߘߋ߲ ߠߎ߬ ߣߌ߫ ߟߐ߲ߞߏ ߕߊ߬ ߟߎ߬ ߢߊߝߐ ߣߴߊ߬ߟߎ߬ ߢߊߦߋ ߓߘߊ߫ ߣߐ߰ߦߊ߫ ߖߡߊ߬ߣߊ߬ߘߋ߲ ߝߊ߲߬ߓߊ ߓߟߏ߫ ߸ ߏ߬ ߓߊ߯ ߞߍ߫ ߡߎ߬ߕߎ߲߬ ߝߊ߬ߙߊ߲߬ߛߌ߬ߞߊ߲ ߘߌ߫ ߛߋ߫ ߓߋ߬ ߟߊ߫ ߞߵߊ߬ ߕߏ߫ ߝߊ߬ߛߏ߬ߞߊ߲ ߠߎ߬ ߘߐߙߐ߲߫ ߡߊ߬ ߡߎ߬ߕߎ߲߬.
ߣߴߏ߬ ߖߊ߲߰ߧߊ߬ ߘߊ߫ ߡߍ߲ ߢߣߊ߫ ߏ߬ ߕߌ߰ ߘߌ߫ ߛߋ߫ ߥߊ߫ ߟߊ߫ ߒ߬ ߡߊ߬ߞߐ߬ߣߐ߲߬ ߠߊ߫ ߖߡߊ߬ߣߊ߬ ߜߘߍ߫ ߞߣߐ߫ ߏ߬ߛߐ߲߬ 😏 ߊ߲ ߘߏ߲߬ ߜߎ ߞߵߊ߬ ߦߋ߫ ߍ߲ߘߎ ߟߎ߬ ߟߊ߫ ߞߊ߲ߞߏ߫ ߛߍߘߏ߲ ߘߐ߬ߝߐ ߟߎ߬ ߞߣߐ߫ ߸ ߞߏ߫ ߞߎ߲߬ߠߊ߬ߛߌ߮ ߞߊ߬ ߛߊ߲߬ ߂߀ ߠߋ߬ ߘߌ߫ ߖߡߊ߬ߣߊ߬߬ߘߋ߲ ߠߎ߫ ߡߊ߬ ߞߏ߫ ߣߌ߫ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߓߊ߯ߙߊ߫ ߍ߲ߘߌ߬ ߞߎ߲߬ߠߊ߬ߛߌ߮ ߞߣߐ߫ ߛߊ߲߬ ߂߀ ߕߊ߬ߡߌ߲ ߞߐ߫ ߞߴߏ߬ ߟߎ߬ ߦߋ߫ ߍ߲ߘߌߞߊ߲ ߞߊ߬ߙߊ߲߬ ،
ߏ߬ ߟߎ߬ ߓߌ߫ ߘߊ߫ ߊ߲߬ߜ߭ߌ߬ߟߋ߬ߞߊ߲ ߠߊߓߋ߭ ߡߊ߬ ߟߏ߲ ߡߍ߲ ߊ߬ ߡߊ߫ ߟߊߓߋ߬ ߏ߬ ߟߏ߲ ߘߍ߫ ߹߹߹
ߊ߬ߟߎ߫ ߞߊ߬ ߛߊ߲߬ ߂߀ ߠߋ߬ ߞߍ߫ ߓߟߏߘߐߓߍ߲ ߠߊ߫ ، ߏ߬ ߘߐ߫ ߒ ߧߋ߫ ߘߊ߲߬ ߠߊ߫ ߦߊ߲߬ ߕߋ߲߬ ߓߊߏ߬ ߣߍ߲߭ ߓߊ߯ ߞߘߐߕߊ߬ ߦߟߌߡߊ ߟߎ߬ ߘߴߊ߬ ߞߘߐ ߦߋ߫ ߹ ߊߟߎ߫ ߓߊߘߋ߲ߞߍ ߖߌ߯ߓߊ߫ ߥߊ߲߬ߞߙߊ ߛߌ߬ߛߋ ߝߙߊ߬ߓߊ߬ߘߐ߬ߞߊ ߟߊ߫ ߞߟߊ߬ߘߊ ߟߋ߬ ߟߍ ߺ ߘߐ߫
ߛߌ߰ߞߊ߲߬ ߞߎߘߊ ߦߋ߫ ߛߎߘߊ߲߫ ߕߎߟߊߝߌ߲ ߕߋ߬ߟߋ߫ ߂߁ ߣߊ߬ߕߐ
