ߡߐ߰ ߝߎ߲ߘߌߣߍ߲߫ ߡߍ߲߬ ߠߎ߬ ߝߎ߲ߘߌ߫ ߞߎ߲ ߞߍ߫ ߘߊ߫ ߓߙߎߞߌߣߊ߫ ߣߊ߲߬ߕߌ߮ ߟߎ߬ ߣߌ߫ ߊ߬ߟߎ߬ ߞߐߡߊߓߌ߲ߓߌ߲ߓߊ߮ ߟߎ߬ ߝ߭ߋ-ߘߋ߫-ߔߋ، ߊ߬ ߣߌ߫ ߡߊ߬ߟߌ߫ ߣߊ߲߬ߕߌ߮ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߠߎ߬ ߣߌ߫ ߞߍߢߊ߫ ߖߎ߮ ߟߎ߬ ߟߋ߬ ߘߌ߫߸ ߞߊ߬ߦߌ߯ ߡߐ߰ ߝߎ߲ߘߌߣߍ߲߫ ߡߍ߲߬ ߠߎ߬ ߛߋ߫ ߘߊ߫ ߥߎߙߏ߫ ߕߌߦߍߙߑߣߏ߫߸ ߦߋ߲߬ ߘߎ߰ߘߋ߲ ߠߎ߬ ߞߏ߬ߣߌ߲ ߞߵߊ߬ߟߎ߫ ߘߐ߱ߘߏ߲߬ ߠߋ߬ ߡߐ߰ ߡߍ߲߬ ߠߎ߬ ߟߊ߫ ߞߏ ߟߊ߫، ߞߏߕߐ߫ ߟߎ߬ ߞߏ߬ߣߌ߲ ߝߎ߲ߘߌ߫ ߘߊ߫ ߟߋ߬ ߞߵߊ߬ߟߎ߬ ߓߟߏߝߋ߲ ߠߎ߬ ߕߏ߫ ߊ߬ߟߎ߬ ߞߐ߫، ߗߐߙߑߣߐ߬ ߓߊߙߏ߫ ߟߊ߫ ߢߊߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߥߎߙߏ߫ ߕߌߦߍߙߑߣߏ߫ ߘߎ߰ߘߋ߲ ߘߏ߫ ߘߌ߫.
ߞߏߕߐ߫ ߡߍ߲߬ ߠߎ߬ ߘߏ߫ ߟߎ߫ ߦߋ߫ ߛߋ߫ ߟߴߊ߲ ߡߊ߬ ߦߊ߲߬ ߞߵߊ߬ߟߎ߬ ߓߟߏߟߊߞߏߟߏ߲ ߠߋ߬ ߕߏ߫߸ ߓߊ߬ߙߌ߬߸ ߘߎ߰ߘߋ߲ ߠߎ߬ ߘߌ߫ ߝߙߊ߬ ߢߐ߲߮ ߞߊ߲߬ ߞߊ߬ ߝߊ߬ߣߌ߲ ߠߎ߬ ߣߌ߫ ߓߌߘߌ߲ߞߊ߲ ߣߌ߫ ߘߊߥߎ߲ߠߌ߲ ߘߴߊ߬ߟߎ߫ ߡߊ߬߸ ߘߏ߫ ߖߋ߬ߕߌ߮ ߟߋ߬ ߦߴߊ߬ ߟߐ߬ ߟߴߊ߬ߟߎ߬ ߟߊ߫ ߞߏ ߟߎ߬ ߟߊ߫߸ ߦߊ߬ߣߌ߲߫ ߊ߬ߟߎ߬ ߞߍߕߐ߫ ߦߙߐ߫ ߜߘߍ߫ ߛߐ߬ߘߐ߲߬ ߠߊ߫، ߞߏߕߐ߫ ߘߏ߫ ߝߣߊ߫ ߞߊ߬ ߥߎߙߏ߫ ߘߎ߰ߘߋ߲ ߠߎ߬ ߕߊ߲߬ߘߏ߬ ߞߏߛߓߍ߫߸ ߊ߬ ߟߊ߫ ߞߎߡߊ߫ ߘߐ߫߸ ߊ߲ ߧߋ߫ ߕߊ߲߬ߘߏ߬ߟߌ ߟߊߛߋ߫ ߟߊ߫ ߥߎߙߏ߫ ߘߎ߰ߘߋ߲ ߠߎ߬ ߡߊ߬ ߞߏߛߓߍ߫߸ ߓߊߏ߬߸ ߊ߲ߠߎ߬ ߓߟߏߟߊߞߏߟߏ߲ ߠߋ߬ ߦߋ߫ ߛߋ߫ ߟߴߊ߬ߟߎ߫ ߡߊ߬ ߦߊ߲߬.
ߓߊ߬ߙߌ߬߸ ߊ߬ߟߎ߫ ߞߵߊ߲ ߠߊߓߍ߲߬ ߟߊ߬ߓߍ߲߬ߠߌ߲߬ ߞߏ߬ߢߌߡߊ ߟߋ߬ ߟߊ߫߸ ߤߊߟߌ߬ ߖߌߞߏߜߊ߫ ߕߴߊ߲ ߛߐ߬ߘߐ߲߬ ߠߊ߫߸ ߒ߬ߞߊ߬߸ ߊ߲ ߡߊߞߏ ߦߋ߫ ߝߋ߲߫ ߞߋߟߋ߲߫ ߔߋ߫ ߟߋ߬ ߟߊ߫ ߛߌߣߍ߲߬߸ ߏ߬ ߟߋ߬ ߦߋ߫ ߘߊߥߎ߲ߠߌ߲ ߝߋ߲ ߠߎ߬ ߘߌ߫، ߊ߬ ߞߊߙߏ߫ ߝߌ߬ߟߊ߫ ߦߋ߫ ߕߋ߲߬߸ ߡߐ߰ ߝߎ߲ߘߌߣߍ߲ ߠߎ߬ ߦߋ߫ ߣߊ߬ ߟߊ߫ ߥߎߙߏ߫ ߘߎ߱ ߞߣߐ߫߸ ߊߡߌߘߎ߬ ߓߊ ߓߌߟߋ߫ ߡߊ߬ߙߊ ߞߊ߬ߝߏ߬ߙߋ߲߬ߕߌ߮ ߛߙߍߞߍ߫ ߝߌߟߊߣߊ߲ ߠߊ߫ ߝߐߟߌ߫ ߘߐ߫߸ ߕߎߡߊ߬ߣߊ ߡߍ߲ ߠߊ߫߸ ߊ߲ ߠߊ߫ ߞߎ߲߬ߠߊ߬ߛߌ߮ ߟߎ߬ ߣߊ߬ ߘߴߊ߬ߟߎ߬ ߢߊ ߟߊ߫ ߡߐ߱ ߡߍ߲ ߠߎ߫ ߞߊ߲߬߸ ߊ߬ߟߎ߫ ߛߌߟߊ߲ ߘߊ߫ ߟߋ߬ ߞߏߛߓߍ߫، ߊ߬ߟߎ߫ ߞߏ߬ߣߌ߲ ߛߋ߫ ߘߴߊ߲ ߠߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߞߎߡߊ ߟߎ߫ ߝߊ߰ߡߎ߲߬ ߠߊ߫.
ߕߎ߬ߡߊ ߘߏ߫ ߟߎ߫ ߟߊ߫߸ ߣߌ߫ ߡߐ߰ ߝߎ߲ߘߌߣߍ߲߫ ߡߍ߲߬ ߠߎ߫ ߣߊ߬ ߘߊ߫ ߊ߲ ߧߋ߫ ߞߟߌߟߌ ߟߋ߬ ߟߊߛߋ߫ ߟߊ߫ ߕߐ߲߫ ߓߟߏߡߊ ߟߎ߬ ߣߌ߫ ߞߊ߬ߝߏ߬ߙߋ߲߬ߕߌ߮ ߣߌ߫ ߡߙߊ߬ߓߊ߮ ߟߎ߬ ߟߋ߫ ߡߊ߬، ߡߐ߰ ߁߀߀ ߢߐ߲߰ ߠߋ߬ ߛߋ߫ ߘߊ߫ ߖߊ߬ߕߋ߬ ߟߊ߫ ߞߏߕߐ߫ ߟߎ߬ ߘߐ߫߸ ߊ߬ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬؛ ߓߊ߬ߙߌ߬߸ ߡߐ߱ ߟߎ߬ ߞߏ߬ߣߌ߲ ߦߴߊ߬ ߞߊ߲߬ ߞߊ߬ ߣߊ߬ ߥߎߙߏ߫ ߘߎ߱ ߣߌ߲߬ ߞߣߐ߫ ߤߊߟߌ߬ ߓߌ߬߸ ߛߊߤߍߟ ߖߡߊߣߊ߫ ߝߌ߬ߟߊ߫ ߣߌ߲߬ ߡߐ߰ ߝߎ߲ߘߌߣߍ߲ ߠߎ߬ ߞߏ߬ߣߌ߲ ߦߋ߫ ߛߣߍ߬ߜ߭ߊߟߌ߫ ߞߎ߲߬ߠߊ߬ߛߌ߮ ߟߎ߬ ߡߊߞߟߌ߫ ߟߊ߫ ߞߵߊ߬ߟߎ߫ ߘߍ߬ߡߍ߲߬ ߓߊߟߏߞߏ ߣߌ߫ ߓߊߛߌߞߏ ߟߎ߬ ߟߊ߫.
