ߞߊߙߏ߫ ߛߊ߬ߓߊ߫ ߞߎߡߊߢߐ߲߯ߦߊ ߟߎ߬ ߞߐߝߍ߬ ߞߑߕߊߙ ߞߣߐ߫߸ ߞߊ߬ ߓߍ߲߬ ߖߐ ߓߍ߲߬ߒߘߐ ߣߊ߬ߕߐ ߖߎ߬ߓߌߟߊ ߟߎ߬ ߟߊߘߊ߲߫ ߡߊ߬߸ ߞߍ߲ߘߍߟߍ߲ ߞߊ߬ߙߌ߬ߝߐ ߕߟߋ߬ ߁߉ ߟߊ߫ ߓߍ߯ߦߊ߫ ߞߏ߲߬ߞߏ߫ ߞߎ߲߬ߠߊ߬ߛߌ߮ ߟߎ߬ ߣߌ߫ ߍߡ-ߝ߭ߍ߲߫-ߕߙߏߥߊ ߡߎߙߎ߲ߕߌ߫ ߞߙߎ ߟߎ߬ ߞߊ߬ ߞߟߊ߬ߣߐ߰ߦߊ߬ߟߌ ߘߏ߫ ߟߋ߬ ߞߍ߫ ߛߊ߬ߙߌ߬ߦߊ߬ߛߋ߲ ߠߎ߬ ߦߌ߬ߘߊ߬ߟߌ ߟߊ߫ ߘߏߤߊ߫߸ ߞߟߊ߬ߣߐ߰ߦߊ߬ߟߌ߬ ߛߓߍ ߣߌ߲߬ ߞߎ߲߭ ߘߏ߲߬ ߘߊ߫ ߞߑߕߊߙ ߞߏߟߊߕߍ߮ ߘߍ߬ߡߍ߲߬ߠߌ߲ ߠߎ߬ ߟߋ߬ ߕߊ߫ ߓߟߏߡߊ߬߸ ߣߌ߲߬ ߦߋ߫ ߢߍߕߊ߯ ߘߊߡߌ߬ߣߊ߬ߣߍ߲ ߠߎ߬ ߟߋ߬ ߘߌ߫ ߞߎߓߋ ߟߊ߫ ߞߊߙߏ߫ ߟߊߓߊ߲߫ ߡߍ߲߬ ߠߎ߬ ߟߊ߫.
ߝߊ߲߭ ߝߌ߬ߟߊ߫ ߟߎ߬ ߞߏ߬ߣߌ߲ ߓߘߊ߫ ߓߍ߲߬ ߊ߬ ߡߊ߬߸ ߞߊ߬ ߞߎߡߊߢߐ߲߯ߦߊ ߟߎ߬ ߞߍ߫ ߥߊ߯ߕߌ߫ ߣߊ߬ߕߐ ߟߎ߬ ߡߊ߬߸ ߖߐ߲߰ߛߊ߫ ߓߍ߲߬ߞߊ߲߬ ߖߐ߲ߖߐ߲ ߘߌ߫ ߛߐ߬ߘߐ߲߬ ߊ߬ߟߎ߫ ߕߍ ߓߊ߯ߙߊߢߐ߲߯ߦߊ ߟߎ߬ ߟߊ߫߸ ߓߍ߲߬ ߓߘߊ߫ ߞߍ߫ ߊ߬ ߡߵߊ߬ߟߎ߬ ߓߟߏ߫ ߝߣߊ߫߸ ߓߍ߲߬ߞߊ߲߬ ߞߟߊߣߐ߯ߦߊߟߌ ߣߌ߲߬ ߞߐ ߘߐ߫߸ ߝߙߍ߬ ߖߐ߲ߖߐ߲߫ ߠߎ߬ ߟߋ߬ ߓߍߣߊ߬ ߓߌ߬ߟߊ߬ ߛߋ߲߬ߠߊ߫ ߦߊ߯ߛߊ߫ ߓߍ߯ߦߊ߫ ߞߏ߲߬ߞߏ߫ ߡߙߊ߬ߓߊ߮ ߟߎ߬ ߟߊ߫ ߡߊ߬ߙߊ ߦߋ߫ ߛߋ߫ ߞߊ߬ ߖߡߊ߬ߣߊ ߝߊ߲߭ ߓߍ߯ ߟߊߛߐ߬ߘߐ߲߬، ߓߍ߯ߦߊ߫ ߞߎ߲߬ߠߊ߬ߛߌ߰ ߞߙߎ ߢߍߡߐ߮ ߟߊ߫ ߓߋߟߋ߲ߠߊ߫ ߞߍߟߊ ߓߊߕߑߙߌߛߑߞߎ߲ߓ ߦߊߦߊ߫ ߟߊ߫ ߝߐߟߌ߫ ߘߐ߫.
{ߞߟߊ߬ߣߐ߰ߦߊ߬ߟߌ߬ ߛߓߍ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߝߣߊ߫ ߍߡ-ߝ߭ߍ߲߫-ߕߙߏߥߊ ߓߊ߲߬ߓߊ߰ߒߕߋ ߟߎ߬ ߦߋ߫ ߓߐ߫ ߊ߬ߟߎ߬ ߟߊ߫ ߘߎ߱ ߡߌ߬ߣߊ߬ߣߍ߲ ߠߎ߬ ߞߣߐ߫ ߖߡߊ߬ߣߊ ߞߎߓߋ ߟߊ߫ ߛߌ߰ߒ߬ߞߊ߲߬ߠߊ ߞߣߐߡߊ߬} ߝߣߊ߫ ߓߍ߲߬ ߓߘߊ߫ ߞߍ߫ ߊ߬ ߡߊ߬ ߝߊ߲߭ ߝߌ߬ߟߊ ߣߌ߫ ߢߐ߲߯ ߕߍ߫ ߓߍ߲߬ߞߊ߲ ߣߌ߲߬ ߓߍߣߊ߬ ߓߟߏߦߊ߫ ߞߊ߬ߙߌ߬ߝߐ ߕߟߋ߬ ߃߉ ߣߊ߬ߕߐ ߟߊ߫߸ ߊ߬ ߣߌ߫ ߞߊ߬ ߓߍ߲߬ߞߊ߲ ߛߌ߰ߞߊ߬ߝߐ ߟߎ߬ ߝߣߊ߫ ߞߍ߫ ߘߓߊ߬ߓߌߟߊ ߣߊ߬ߕߐ ߕߟߋ߬ ߈ ߠߊ߫߸ ߖߐ߲߰ߛߊ߫ ߓߍ߲߬ ߘߌ߫ ߞߍ߫ ߞߋߟߋ߲߫ ߡߵߊ߬ߟߎ߫ ߓߟߏ߫߸ ߙߏߥߊ߲ߘߊ߫ ߡߍ߲ ߞߊ߬ ߍߡ-ߝ߭ߍ߲߫-ߕߙߏߥߊ ߞߐߡߊߓߌ߲ߓߌ߲߫ ߞߍ߬ߟߍ ߛߌߟߊ ߟߎ߫ ߝߍ߬߸ ߣߌ߫ ߏ߬ ߡߊ߫ ߛߐ߲߬ ߟߊߟߐ߬ ߟߴߊ߬ߟߎ߬ ߘߊ ߘߐ߫߸ ߏ߬ ߝߣߊ߫ ߢߐ߲߯ߦߋ ߞߊ߫ ߞߊ߲߫ ߞߊ߬ ߞߍ߫ ߊ߬ߟߎ߬ ߟߊ߫ ߞߊ߲ߕߌ߮ ߔߎߟߑߞߊߞߊߡߋߦߋ߫ ߣߌ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߕߌ߮ ߝߋߟߌߞߑߛ ߗߌߛߞߍߘ ߓߟߏ߫ ߞߊߙߏ߫ ߣߊ߬ߕߐ ߟߊ߫.
