ߓߌ߬ ߂߀߂߅ ߞߊ߬ߙߌ߬ߝߐ ߕߟߋ߬ ߁߉ ߣߌ߲߬ ߡߊ߬߸ ߡߛߏ߬ ߓߟߏ߫ ߟߊߓߊ߯ߙߊ߫ ߟߊ߫ ߟߎ߬ ߣߴߏ߬ ߦߋ߫ ߖߊ߬ߥߏ߬ ߞߍ߬ߟߊ ߟߎ߬ ߣߌ߫ ߛߣߍ߬ ߞߍ߬ߟߊ ߟߎ߬ ߘߌ߫߸ ߞߵߏ߬ ߕߊ߬ ߞߵߊ߬ ߟߊ߫ ߣߊ߲߬ߕߌ߰ ߡߛߏ ߟߎ߬ ߞߊ߲߬ ߊ߬ߟߎ߬ ߦߋ߫ ߓߙߊߡߊߖߊ߲ߓߊ߲߫ ߓߟߋߓߟߋ߫ ߟߋ߬ ߞߊ߲߬ ߓߌ߬ ߞߍ߲ߘߍ߲ߟߏ߲ ߣߌ߲߬ ߡߊ߬، ߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߊ߬ ߟߊ߫ ߞߍߣߍ߲ ߠߎ߬ ߟߊ߫ ߖߡߊ߬ߣߊ ߞߣߐ߫߸ ߗߍ߭ ߘߏ߫ ߟߎ߫ ߝߣߊ߫ ߦߴߊ߬ߟߎ߬ ߘߐ߫߸ ߛߌߟߊߓߐߛߐ߯ߣߊ߫ ߛߋ߫ ߘߊ߫ ߏ߬ ߞߋߟߋ߲߫ ߘߟߊߛߎ߲ߓߎߟߊ߫ ߊ߬ߟߋ ߡߍ߲ ߕߐ߯ ߦߋ߫ ߞߊ߬ߙߌߝߊ߬ ߞߎߦߊߕߍ߫ ߘߌ߫߸ ߏ߬ ߟߊ߫ ߝߐߟߌ߫ ߘߐ߫.
{ߞߵߊ߬ ߓߍ߲߬ ߊ߲ ߠߊ߫ ߓߙߊߡߊߖߊ߲ߓߊ߲ ߣߌ߲߬ ߡߊ߬߸ ߊ߬ ߡߊ߫ ߟߊߥߟߌ߬ ߘߏ߫ ߜߘߍ߫ ߞߊ߲߬ߡߊ߬߸ ߣߌ߲߬ ߠߊߥߟߌ߬ߣߍ߲߫ ߊ߲ ߓߟߏ߫ (ߛߋ-ߣߍߙ-ߘߋ) ߞߏ ߟߋ߬ ߡߊ߬߸ ߊ߲ ߓߍ߯ ߟߊߘߍ߬ߣߍ߲ ߦߴߊ߬ ߞߊ߬ߟߊߡߊ߬ ߞߵߊ߬ ߝߐ߫ ߞߏ߫ ߞߊ߲ߕߌ߮ ߓߘߊ߫ ߓߊ߯ߙߊ߫ ߛߌߦߊߡߊ߲ ߠߋ߬ ߖߡߊ߬ߣߊ ߦߋ߫߸ ߊ߬ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߖߡߊ߬ߣߊ ߡߊߦߟߍ߬ߡߊ߲߫߸ ߊ߬ ߦߋ߫ ߝߐ߫ ߟߊ߫ ߖߊ߬ߕߋ߬ߘߐ߬ߛߌ߮ ߡߍ߲ ߡߊ߬ ߞߏ߫ ߛߌߡߊ߲ߘߎ߫ ߂߀߄߀ ߏ߬ ߘߐߙߐ߲߫ ߞߵߊ߬ ߕߊ߫ ߓߐ߫߸ ߊ߬ߟߋ ߡߍ߲ ߦߋ߫ (ߔߙߏ߬ߖ߭ ߛߌߡߊ߲ߘߎ߫ 2040 ߘߌ߫) ߊ߬ ߣߌ߫ ߛߌߟߊߞߏ߸ ߞߊ߲ߕߌ߮ ߓߘߊ߫ ߛߌߟߊߞߏ ߟߊߣߐ߰ߦߊ߫ ߖߡߊ߬ߣߊ ߞߣߐ߫߸ ߢߎߡߍߞߏ ߝߣߊ߫ ߘߏ߲߬߸ ߊ߬ ߓߘߊ߫ ߢߎߡߍߞߏ ߝߣߊ߫ ߟߊߣߐ߰ߦߊ߫.
ߏ߬ ߘߐ߫ ߞߊ߲ߕߌ߮ ߟߊ߫ ߞߍߣߍ߲ ߠߎ߬ ߞߊ߫ ߛߌߦߊ߫؛ ߏ߬ ߘߐ߫߸ ߏ߬ ߟߋ߬ ߞߍߣߍ߲߫ ߊ߲ߠߎ߬ ߝߣߊ߫ ߓߐߢߊ ߘߌ߫ ߞߊ߬ ߝߙߊ߬ ߡߏ߬ߛߏ ߟߎ߬ ߞߊ߲߬߸ ߊ߬ߟߎ ߡߍ߲ ߠߎ߬ ߞߍ߫ ߘߊ߫ ߞߏ ߣߌ߲߬ ߛߌ߲߬ߝߏ߲߬ߧߊ߬ߓߊ߮ ߟߎ߬ ߘߌ߫߸ ߣߊ߲߬ߕߌ߰ ߡߛߏ ߟߎ߬ ߣߌ߫ ߡߏ߬ߛߏ߫ ߕߐ߭ ߟߎ߬ ߟߊ߫ ߓߟߏߘߌߢߐ߲߰ߡߊ ߛߊߓߎ߫ ߟߊ߫، ߞߏ߫ ߊ߬ߟߎ߬ ߕߍ߫ ߛߋ߫ ߕߏ߫ ߟߊ߫ ߛߌ߰ ߘߐ߫ ߝߏ߫ ߊ߬ߟߎ߬ ߦߋ߫ ߓߐ߫ ߟߋ߬ ߞߵߊ߬ߟߎ߬ ߟߊ߫ ߣߌߛߐ߲ߘߌߦߊ ߏ߬ ߦߌ߬ߘߊߞߊ߬ ߟߋ߬߸ ߏ߬ ߘߐ߫ ߒ ߞߏ߫ ߊ߲ߠߎ߬ ߗߍ߭ ߟߎ߬ ߝߣߊ߫ ߕߍ߫ ߛߋ߫ ߕߏ߫ ߟߊ߫ ߏ߬ ߛߌ߱ ߘߐ߫ ߝߏ߫ ߊ߲ ߝߣߊ߫ ߦߴߊ߲ ߥߟߌ߬ ߟߋ߬ ߝߙߵߊ߬ߟߎ߫ ߞߊ߲߬߸ ߞߵߏ߬ ߓߙߊߡߊߖߊ߲ߓߊ߲ ߞߍ߫ ߞߋߟߋ߲ߘߌ߫}.
