ߞߵߊ߬ ߓߍ߲߬ ߖߌ߬ߣߍ߫ ߛߌ߰ߞߊ߲ ߖߊ߬ߕߋ߬ߘߐ߬ߛߌ߮ ߛߌ߰ߝߊߘߌ ߡߊ߬ ߡߍ߲ ߘߐߞߊ߬ߙߊ߲߬ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߸ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߘߏ߫ ߟߎ߫ ߓߘߴߊ߬ߟߎ߬ ߡߙߌߦߊ ߘߌ߫ ߏ߬ ߞߏ ߞߊ߲߬ ߞߵߊ߬ ߓߍ߲߬ ߖߌ߬ߣߍ߫ ߛߌ߰ߞߊ߲ ߖߊ߬ߕߋ߬ߘߐ߬ߛߌ߮ ߕߐ߲ߛߋ߲ ߅߲ ߡߊ߬ ߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ :
«  » ߝߊ߬ߛߏ߬ ߞߊ߲ ߠߎ߬ ߣߌ߫ ߝߊ߬ߙߊ߲߬ߛߌ ߟߋ߬ ߦߋ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߰ ߞߊ߲ ߠߎ߬ ߘߌ߫.
ߝߊ߬ߙߊ߲߬ߛߌ ߟߋ߬ ߦߋ߫ ߓߊ߯ߙߊ߫ ߞߊ߲ ߘߌ߫. ߞߊ߬ߝߏ ߟߋ߬ ߦߋ߫ ߝߊ߬ߛߏ߬ߞߊ߲߬ ߞߊߙߊ߲ ߛߘߊߟߊߟߌ ߓߟߏߡߊ ߘߌ߫.
ߊ߬ߟߋ ߟߋ߬ ߦߋ߫ ߞߊ߲ߓߍ߲ ߞߎ߬ߙߎ߲߬ߘߎ ߣߴߊ߬ ߞߎ߲߬ߠߊ߬ߛߌ߰ ߛߙߋߘߐ ߟߎ߬ ߘߟߊߡߌߘߊߟߌ ߞߍߓߊ߮ ߘߌ߫ ߝߊ߬ߛߏ߬ ߞߊ߲ ߠߎ߬ ߘߐ߫ ».

ߏ߬ ߟߋ ߘߐ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ ߟߎ߬ ߞߊ߬ ߛߋ߲߬ߠߊ߬ߓߐ߬ߟߌ߬ ߞߍ߫ ߓߌ߬ ߞߊ߯ߙߌ ߣߌ߲߬ ߡߊ߬ ߂߀߂߅ ߞߊ߬ߙߌ߬ߝߐ ߕߟߋ߬ ߁߃߸ߞߊ߬ ߛߋ߫ ߛߍ߬ߘߏ߲ߠߊ ߏ߬ ߟߎ߬ ߘߏ߫ ߝߍ߬.
ߏ߬  ߘߏ ߟߋ߬ ߦߋ߫ ߛߟߊߕߌ߯ ߡߊ߬ߡߊ߬ߘߌ߫ ߖߐ߲ߖߐ߲߫ ߞߋߕߊ߬ ߘߌ߫.
ߏ߬ ߞߵߊ߬ ߦߌ߬ߘߊ߬ ߞߏ߫ : ߞߏ ߡߍ߲ ߞߎ߬ߘߎ ߕߘߍ߬ ߊ߲ ߞߊ߲߫ ߠߊ߫߸ߏ߬ ߟߋ߬ ߕߍ߬ߘߍ߫ ߖߌ߬ߣߍ߫ ߛߌ߰ߞߊ߲ ߖߊ߬ߕߋ߬ߘߐ߬ߛߌ߮ ߢߍߕߊ ߕߐ߲ߛߋ߲߫ ߂߲ ߘߌ߫،ߓߊߏ߬ ߛߌ߰ߞߊ߲ ߖߊ߬ߕߋ߬ߘߐ߬ߛߌ߯ ߢߍߕߊ߯ ߝߟߐߡߊ ߏ߬ ߕߎ߲߬ ߞߵߊ߬ ߦߌ߬ߘߊ߫ ߟߋ߬ ߊ߲ ߠߊ߫ ߞߏ߫ ߸ ߊ߲ ߧߴߊ߬ ߡߙߌߦߊ ߟߎ߬ ߘߌ߫ ߝߊ߬ߛߏ߬ ߞߊ߲߬ ߞߏ ߡߊ߬ ߸ߊ߲ߠߎ߬ ߘߏ߲߬ ߝߣߊ߫ ߞߵߊ߲ ߡߙߌߦߊ ߏ߬ ߘߌ߫ ߟߋ߬ ߸ߞߏ߫ ߞߊ߬ ߖߌ߬ߣߍ߫ ߝߊ߬ߛߏ߬ ߞߊ߲ ߠߎ߬ ߞߍ߫ ߞߎ߲߬ߠߊ߬ߛߌ߰ ߞߊ߲  ߣߌ߫ ߓߊ߯ߙߊ߫ ߞߊ߲ ߘߌ߫ ߸ߞߊ߬ߕߎ߲߰ ߸ߏ߬ ߟߋ߬ ߦߋ߫ ߝߐ߫ ߟߊ߫ ߘߌ߲߬ߞߌ߬ߙߊ߬ ߛߘߍߡߊ߲߫ ߘߐ߫ ߦߏ߫  » ߟߐ߯ߝߍ ߟߎ߬ ߣߌ߫ ߖߡߊ߬ ߟߊ߬ߘߍ߬ ߓߟߋߓߟߋ߫ ߓߐߣߍ߲ߢߐ߲߰ߡߊ ߟߎ߬ ߘߐ߫ »

ߊ߲ ߕߏߣߍ߲߫ ߏ߬ ߡߊ߬ߞߣߐ߬ߟߌ ߛߌ߱ ߟߋ߬ ߘߐ߫ ߛߊ߫ ߸ ߊ߲ ߞߵߊ߬ ߦߋ߫ ߖߌ߬ߦߊ߬ߞߊ߲߬ߛߏ߫ ߟߎ߬ ߣߌ߫ ߖߌ߬ߣߍ߫ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߖߍ߬ߘߍ ߞߣߐ߫ ߞߏ߫ :ߝߊ߬ߛߏ߬ ߞߊ߲ ߠߎ߬ ߣߌ߫ ߝߊ߬ߙߊ߲߬ߛߌ ߟߋ߬ ߦߋ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߰ ߞߊ߲ ߠߎ߬ ߘߌ߫߸ߝߊ߬ߙߊ߲߬ߛߌ ߟߋ߬ ߦߋ߫ ߓߊ߯ߙߊ߫ ߞߊ߲ ߘߌ߫… ߊ߲ ߛߋߥߊ߫ ߘߴߏ߬ ߟߊ߫ ߞߏߛߓߍ߫ ߸ ߓߊ ،ߏ߬ ߕߎ߲߬ ߡߊ߫ ߘߍ߬ߙߌ߬ ߞߍ߫ ߟߊ߫.

ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫:  ߞߎ߲߬ߠߊ߬ߛߌ߮ ߦߋ߫ ߘߏ߫ ߟߴߊ߬ߟߎ߫ ߟߐ߬ߛߋ߲ ߠߎ߬ ߞߊ߲߬ ߞߊ߬ ߝߊ߬ߛߏ߫ ߞߊ߲ ߘߏ߫ ߟߋ߬ ߞߍ߫ ߓߊ߯ߙߊ߫ ߞߊ߲ ߘߌ߫ ߕߘߋ߫ ߸ ߏ߬ ߟߋ߬ ߘߌ߫ ߘߎ߰ߘߋ߲ ߠߎ߬ ߝߣߊ߫ ߞߟߊߓߎ߫ ߞߍ߲ߘߍߦߊ߫ ߞߊ߬ ߝߊ߬ߛߏ߬ ߞߊ߲ ߠߎ߬ ߡߐ߬ߟߐ߲߫ ߛߊ߲ߞߘߐߕߊ߬ ߓߐ߲ߛߐ߲߫ ߥߟߌ߬ߕߐ߬ߟߊ ߟߎ߬ ߓߟߏ߫߸ߏ߬  ߟߋ߬ ߖߍ߬ߘߍ ߢߍߓߊ߮ ߛߋ߲߬ߠߊ߬ߞߊߟߌߡߊ߲߫ ߞߏߛߓߍ߫.
ߓߊ߬ߙߌ߬ ߣߌ߫ ߝߊ߬ߙߊ߲߬ߛߌ߬ ߞߊ߲ ߞߍ߫ ߘߊ߫ ߓߊ߯ߙߊ߫ ߞߊ߲ ߘߌ߫ ߸ ߏ߬ ߟߎ߬ ߡߍ߲ ߠߎ߬ ߝߐߓߊ߮ ߟߎ߬ ߦߋ߫ ߛߓߍߘߊ߫ ߟߎ߬ ߣߌ߫ ߞߏߕߌ߯ߘߊ ߟߎ߬ ߘߐߙߐ߲߫ ߠߊ߫ ߸ ߞߵߊ߬ ߕߘߍ߬ ߝߊ߬ߛߏ߬ߘߋ߲ ߠߎ߬ %߁߅  ߟߋ߬ ߦߋ߫ ߝߊ߬ߙߊ߲߬ߛߌ߬ ߞߊ߲ ߏ߬ ߝߊ߰ߡߎ߲߬ ߠߊ߫.
ߊ߬ ߕߐ߬ % ߈߅ ߟߎ߬ ߛߌ߫ ߕߴߊ߬ ߝߊ߰ߡߎ߲߬ ߠߊ߫.
ߒ߬ߓߊ߬ ߝߏ߫ ߞߎ߲߬ߠߊ߬ߛߌ߮ ߦߋ߫ ߘߌ߲߬ߞߌߙߊ߫ ߏ߬ ߝߊ߰ߡߎ߲߬ ߠߋ߬ ߞߊ߬ ߝߊ߬ߛߏ߬ ߞߊ߲ ߘߏ߫ ߞߍ߫ ߝߊ߬ߛߏ߫ ߓߊ߯ߙߊ߫ ߞߊ߲ ߘߌ߫ >>.

ߊߡߊߘߎ߬ ߛߎ߲߬ߕߎ߫ ߖߊ߰ߓߌ ߝߣߊ߫ ߡߊ߫ ߕߏ߫ ߛߌ߰ߟߌ߬ ߘߐ߫ ߣߌ߲߬ ߞߏߢߊ ߡߊ߬ߘߎ߮ ߘߐ߫ ߝߛߍߞߘߎ߫.
ߏ߬ ߞߵߊ߬ ߦߌ߬ߘߊ߬ ߞߏ߫ :<<ߞߵߊ߬ ߓߍ߲߬ ߝߊ߬ߛߏ߲߬ ߞߊ߲ ߠߎ߬ ߘߊ߲ߞߎ߲ ߡߊ߬ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߞߣߐ߫߸ ߊ߬ ߘߏ߲߬ ߊ߬ ߝߐߣߍ߲߫ ߠߋ߬ ߞߏ߫ ߞߎ߲߬ߠߊ߬ߛߌ߮ ߟߊ߫ ߛߓߍ ߟߎ߬ ߣߌ߫ ߖߡߊ߬ߣߊ ߛߊ߬ߙߌ߬ߦߊ ߟߎ߬ ߞߊ߫ ߞߊ߲߫ ߞߊ߬ ߦߟߍ߬ߡߊ߲߫ ߊ߬ ߘߐ߫.
ߒ߬ߓߊ߬ ߸ ߏ߬ ߦߋ߫ ߞߏ߫ ߞߎߘߊ ߟߋ߬ ߘߴߊ߬ ߞߏ ߘߐ߫، ߓߊߏ߬߸ߊ߬ ߝߟߐ ߟߋ߬ ߕߋ߲߬ ߖߌ߬ߣߍ߬ ߞߊ߲ ߠߎ߬ ߦߋ߫ ߘߊ߲ߞߎ߲߫ ߛߌ߰ߞߊ߲ ߞߣߐ߫߸ ߘߐ߬ߕߊߡߌ߲ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫( ߏ߬ ߡߍ߲ ߝߏ߬ߕߊ ߦߋ߫ ߞߊ߬ߣߌ߲߬) ߏ߬ ߓߟߏߡߊ߬߸ ߊ߲ ߞߏ߬ߣߌ߲ ߘߴߊߟߊ߫ ߕߊ߲ߘߴߏ߬ ߟߊ߫ ߞߏߛߓߍ߫߹
ߓߊ߬ߙߌ߬߸ ߊ߲ ߧߴߊ߬ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߟߎ߬ ߝߍ߬߸ ߊ߬ߟߎ߬ ߞߴߊ߬ ߘߊ߲߬ ߛߓߍߘߐ߫ ߞߎߡߊ ߘߐߙߐ߲߫ ߡߊ߬ ߘߋ߬، ߝߏ߫ ߊ߬ߟߎ߬ ߦߴߊ߬ ߓߟߏߦߊ߫ ߟߋ߬، ߡߍ߲ ߘߴߊ߬ ߦߌ߬ߘߊߞߵߊ߲ ߠߊ߫ ߞߏ߫ ߊ߲ ߠߊ߫ ߟߊ߬ߢߌߣߌ߲ ߠߎ߬ ߓߘߊ߫ ߓߐ߫ (ߢߊ߫) ߟߊ߫؛ ߓߊߏ߬߸ ߣߴߌ ߞߊ߬ ߞߎߡߊ߫ ߝߐ߫ ߡߐ߱ ߦߋ߫ ߌ ߡߴߊ߬ ߓߟߏߦߊ߫߸ ߏ߬ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߡߐ߱ ߟߎ߬ ߟߊߕߍ߰ ߌ ߘߐ߫߸ ߞߵߊ߬ ߞߎ߲߭ ߞߍ߫ ߌ ߟߊ߫ ߞߎߡߊߞߊ߲߫ ߡߝߊߓߊߟߌߦߊ ߘߌ߫، ߏ߬ ߘߐ߫ ߝߏ߫ ߊ߬ߟߎ߬ ߦߴߊ߬ ߓߟߏߦߊ ߟߋ߬߸ ߞߊ߬ ߓߊ߲߫ ߞߵߊ߬ ߕߊ߬ ߓߊ߫ ߘߐ߫، ߖߐ߲߰ߛߊ߫ ߖߡߊ߬ߣߊ߬ߘߋ߲ ߠߎ߬ ߞߊߣߊ߬ ߕߍ߰ ߊ߬ߟߎ߬ ߘߐ߫>>
ߏ߬ ߟߋ߬ ߞߍ߫ ߘߊ߫ ߞߏ߲߬ߓߏ ߊߡߊߘߎ߬ ߛߎ߲߬ߕߎ ߖߊ߰ߓߌ ߟߊ߫ ߞߎߡߊ ߘߌ߫.


ߒ߬ߓߊ߬ ߸ ߞߎߡߊ߫ ߘߊߞߎ߲ ߛߋ߫ ߘߊ߫ ߒߞߏ߫ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߮ ߞߊ߲ߕߌ߮ ߓߊߛߓߊ߬ߕߌ߫ ߛߘߌ߬ߓߋ߬ ߡߊ߬ ߸ ߏ߬ ߞߵߊ߬ ߦߌ߬ߘߊߞߵߊ߲ ߠߊ߫ ߞߏ߫ : <<  ߊ߲ ߞߐ߬ߣߌ߲߫ ߛߍߥߊߣߍ߲߫ ߝߊ߬ߛߏ߬ ߞߊ߲ ߠߎ߬ ߘߊ߲ߞߎ߲ ߡߊ߬ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߞߣߐ߫ ߞߵߊ߬  ߓߍ߲߬ ߞߎ߲߬ ߘߊ߲ߘߐ߫ ߡߊ߬.
ߏ߬ ߝߟߐ ߦߋ߫ ߡߍ߲ ߘߌ߫߸ ߣߴߌ ߞߵߊ߬ ߡߊߝߟߍ߫ ߊ߬ ߛߌߦߊߡߊ߲ ߘߐ߫߸ߞߵߊ߬ ߕߊ߬ ߖߌ߬ߣߍ߬ ߟߊ߫ ߤߙߐߦߊ ߕߊ߭ ߡߊ߬ ߞߣߊ߬ ߛߋ߫ ߓߌ߬ ߡߊ߬߸ ߊ߲ ߦߴߏ߬ ߛߊ߲߬ ߆߀ ߣߌ߫ ߞߐ߫ ߢߐ߲߰ ߠߋ߬ ߘߐ߫ ߕߋ߲߬، ߡߙߊ߬ߞߊ߲߬ ߘߊ߲ߘߐ߫ ߟߋ߬ ߓߘߊ߫ ߕߊ߬ߡߌ߲߬ ߏ߬ ߞߣߐ߫߸ ߡߙߊ߬ߞߊ߲ ߠߎ߬ ߞߵߊ߬ߟߎ߬ ߛߋߞߏ ߞߍ߫ ߝߊ߬ߛߏ߬ ߞߊ߲ ߠߎ߬ ߣߊ߬ߞߏ ߛߌߟߊ ߝߍ߬، ߊ߬ ߣߌ߫ ߝߣߊ߫߸ ߞߐߟߕߊ ߣߌ߲߬ ߝߣߊ߫ ߢߐ߲߰ ߕߘߍ߬ ߡߊ߫ ߞߍ߫ ߊ߬ ߞߏ ߘߐ߫ ߝߟߐ߫߸ ߣߴߏ߬ ߦߋ߫ ߘߐ߬ߕߊߡߌ߲ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߕߋ߬ߟߋ ߘߌ߫، ߏ߬ ߓߟߏߡߊ߬߸ ߒߠߋ ߘߴߊ߬ ߝߐ߫ ߞߏ߫ ߊ߲ ߛߍߥߊߣߍ߲߫ ߊ߬ ߟߊ߫ ߞߏߛߓߍ߫߸ ߤߊߟߌ߬߸ ߣߴߊ߬ ߦߴߊ߬ ߛߐ߬ߘߐ߲߫ ߠߋ߬ ߞߏ߫ ߘߎߢߊ߫ ߖߡߊ߬ߣߊ߫  ߥߙߎߞߌߣߍ߲ ߕߐ߭ ߟߎ߬ ߘߍ߬ߣߍ߲߫ ߊ߬ߟߎ߬ ߟߊ߫ ߞߊ߲ ߞߟߊ߬ߟߊ߬ߡߊ ߘߏ߫ ߟߎ߫ ߟߋ߬ ߟߊ߫، ߓߊߏ߬߸ ߞߏ߫ ߊ߲ ߠߎ߬ ߕߊ ߣߌ߫ ߥߊߟߌߞߊ߲ ߠߋ߬ ߟߊߘߍ߬ߣߍ߲߫ ߦߋ߫ ߊ߲ ߠߊ߫ ߖߡߊ߬ߣߊ ߞߣߐ߫ ߣߴߏ߬ ߦߋ߫ (ߝߊ߬ߙߊ߲߬ߛߌ) ߘߌ߫߸ ߏ߬ ߞߏ߬ߣߌ߲߬ ߕߴߊ߲ ߞߢߊ߬ ߛߍߥߊ߫ ߟߴߊ߬ ߟߊ߫؛ ߓߊߏ߬߸ ߞߏ ߟߋ߬ ߦߴߊ߬ ߘߌ߫ ߝߣߊ߫ ߡߍ߲ ߢߐ߲߱ ߕߘߍ߬ ߡߊ߫ ߘߋ߬ߙߌ߬ ߞߊ߬ ߞߍ߫ ߟߊ߫ ، ߊ߲ ߞߏ߬ߣߌ߲ ߘߌ߫ ߡߍ߲ ߝߐ߫ ߞߎ߲߬ߠߊ߬ߛߌ߮ ߟߎ߬ ߦߋ߫߸ ߊ߬ߟߎ߬ ߞߊߣߊ߬ ߞߏ ߣߌ߲߬ ߞߍ߫ ߛߓߍߘߐ߫ ߞߎߡߊ ߟߎ߬ ߘߐߙߐ߲߫ ߘߌ߫ ߘߋ߬ ߸ ߓߊߏ߬߸ ߣߴߊ߲ ߞߵߊ߬ ߡߊߝߟߍ߫ ߊ߬ ߛߌߦߊߡߊ߲ ߘߐ߫߸ ߡߍ߲ ߠߎ߬ ߦߋ߫ ߝߐ߫ ߟߊ߫ ߒ߬ ߠߊ߫ ߛߓߍ ߟߎ߬ ߞߣߐ߫߸ ߏ߬ ߟߎ߬ ߕߍ߫ ߓߟߏߦߊ߫ ߟߊ߫، ߐ߲߹ ߣߴߊ߬ ߘߏ߲߬ ߡߊ߫ ߢߊ߬߸ߊ߬ ߓߘߊ߫ ߝߐ߫ ߞߏ߫ ߊ߲ ߠߊ߫ ߞߎ߲߬ߠߊ߬ߛߌ߰ ߞߊ߲ ߓߘߊ߫ ߞߍ߫ ߝߊ߬ߛߏ߬ ߞߊ߲ ߠߎ߬ ߣߌ߫ ߝߊ߬ߙߊ߲߬ߛߌ߬ ߞߊ߲ ߘߌ߫߸ ߓߊߏ߬߸ ߣߌ߫ ߝߊ߬ߙߊ߲߬ߛߌ߬ ߞߊ߲ ߝߐ߫ ߘߊ߫ ߝߊ߲߬ߛߌ߫߸ ߝߏ߫ ߊ߲ ߝߣߊ߫ ߟߊ߫ ߞߊ߲ ߦߋ߫ ߝߐ߫ ߦߋ߲߬ ߠߋ߬، ߏ߬ ߓߟߏߡߊ߬߸ ߝߏ߫ ߊ߲ ߠߊ߫ ߞߊ߲ߕߌ߮ ߦߋ߫ ߛߴߊ߬ ߟߊ߫ ߓߋߟߋ߲ߠߊ ߟߎ߬ ߞߍ߫ ߟߊ߫ ߟߋ߬ ߊ߲ ߠߊ߫ ߞߊ߲ ߘߐ߫߸ ߏ߬ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߡߐ߬ߟߐ߲ ߘߴߊ߲ ߠߊ߫ ߞߊ߲ ߠߎ߬ ߡߊ߬؛ ߊ߲ ߠߊ߫ ߞߏߕߌ߮ ߟߎ߬ ߣߌ߫ ߗߋߕߌ߮ ߟߎ߬ ߦߋ߫ ߛߋ߫ ߞߵߊ߬ߟߎ߬ ߟߊ߫ ߓߋߟߋ߲ߠߊ ߟߎ߬ ߞߍ߫ ߡߌ߬ߙߌ߲߬ߘߌ ߢߊߞߘߐ߫ ߊ߬ ߛߌ߲ߡߌ߲߫ ߞߊ߲ ߘߐ߫߸ ߏ߬ ߖߍ߬ߘߍ ߝߣߊ߫ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߘߎ߰ߘߋ߲ ߠߎ߬ ߡߊߛߊ߲߬ߛߊ߲߫ ߞߵߊ߬ߟߎ߫ ߘߐ߭ߘߏ߲߬ ߊ߲ ߠߊ߫ ߞߊ߲ ߠߎ߬ ߞߊ߬ߙߊ߲ ߠߊ߫ ߓߘߍߞߍ߭، ߓߊߏ߬߸ ߊ߲ ߠߊ߫ ߞߊ߲ ߠߎ߬ ߦߴߊ߬ ߞߊ߲߬ ߠߋ߬ ߞߊ߬ ߘߐߞߏߟߌ߲߫ ߞߏߛߓߍ߫، ߏ߬ ߘߏ߲߬ ߞߎ߲߭ ߕߍ߫ ߘߏ߫ ߜߘߍ߫ ߘߌ߫߸ߝߏ߫ ߊ߬ߟߎ߬ ߦߴߊ߬ ߞߊ߲߬ ߞߊ߬ ߞߊ߬ߙߊ߲߬ߓߊߟߌ ߡߍ߲ ߠߎ߬ ߝߣߊ߫ ߟߊߦߌ߬ߙߌ߲߬ߘߌ߫ ߥߊߟߌ߫ ߞߊ߲߫ ߞߊߙߊ߲ ߞߊ߬ߘߊ߲ ߞߣߐ߫، ߣߴߊ߬ ߘߏ߲߬ ߓߘߊ߫ ߓߊ߲߫ ߝߐ߫ ߟߊ߫ ߞߏ߫߸ ߊ߬ ߓߘߊ߫ ߓߌ߬ߟߊ߬ ߛߌ߰ߞߊ߲ ߞߊ߬ߘߊ߲ ߞߣߐ߫߸ ߊ߬ ߘߌߡߊ߲߫ ߠߴߊ߲ ߧߋ߫ ߛߌߣߍ߲߬ ߛߌ߰ߞߊ߲ ߏ߬ ߦߋ߫ ߛߋ߫ ߕߊ߬ ߟߊ߫، ߊ߬ ߣߴߊ߬ߟߎ߬ ߦߋ߫ ߛߋ߫ ߛߊ߬ߙߌ߬ߦߊ߬ ߝߐߣߍ߲ ߡߊߓߏ߲߬ߧߊ߬ ߟߊ߫߸ ߖߐ߲߰ߛߊ߫߸ ߊ߲ ߣߐ߬ ߝߊ߬ߛߏ߬ ߞߊ߲߬ ߞߏ ߓߛߌ߬ߞߌ߬ ߟߊ߫ ߡߍ߲ ߘߌ߫߸ ߊ߬ ߦߋ߫ ߞߍ߫ ߏ߬ ߘߌ߫>>. ߓߊߛߓߊ߬ߕߌ߫ ߛߘߌ߬ߓߋ߫ ߓߟߏ߫ ߞߊ߲ߞߊ߲߫

ߒ߬ߓߊ߬߸  ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߘߏ߫ ߟߎ߫ ߛߋ߫ ߘߊ߫ ߏ߬ ߟߋ߬ ߢߊߦߌ߬ߘߊ߬ ߟߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߸ߞߵߊ߬ ߓߍ߲߬ ߝߊ߬ߛߏ߬ ߞߊ߲ ߘߏ߫ ߞߍ߫ ߡߊ߬ ߝߊ߬ߛߏ߫ ߓߊ߯ߙߊ߫ ߞߊ߲ ߘߌ߫ ߖߌ߬ߣߍ߬ ߞߣߐ߫.


ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬  ߣߌ߫ ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫