ߖߌ߬ߣߍ߬ ߜߍߞߊ߲߫ ߖߡߊߣߊ ߘߏ߲߬ߖߟߎ߬ߡߊ߬ߘߊ ߡߍ߲ ߦߋ߫ ߞߊ߲ߞߊ߲߫ ߕߌ߲߬ߓߏ߫ ߞߌ߲߬ߘߊ ߟߊ߫ ߸ߣߴߊ߬ ߢߍߡߐ߮ ߦߋ߫ ߕߊߟߑߓߌ߫ ߘߊ߯ߓߏ߫ ߘߌ߫ ߸ߏ߬ ߟߋ߬ ߣߐ߬ ߍߙ ߔߋ ߗ߭ߋ߬ ߛߌ߲߬ߝߏ߲ ߘߏ߫ ߟߎ߫ ߡߊߥߟߋ߫ ߟߊ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߅ ߞߊ߬ߙߌ߬ߝߐ ߕߟߋ߬ ߁߁ ߕߌ߲߬ߓߏ߫ ߞߌ߲߬ߘߊ ߟߊ߫ ߁߆ ߙߋ߲ ߕߎ߬ߡߊ ߝߊ߲߭ ߝߍ߬߸ ߞߵߊ߬ߟߎ߫ ߞߎ߲߬ߛߌ߲߫ ߡߊ߬ߘߌ߬ߣߊ߬ ߞߎߘߊ߫ ߞߌ߲߬ߘߊ ߟߊ߫.
ߞߵߊ߬ ߟߊߥߟߌ߬ ߊ߬ߟߎ߬ ߦߟߌ߫ ߓߌ߬ߟߊ߫ ߡߊ߬، ߞߏ߫ ߊ߬ߟߎ߫ ߣߐ߬ ߛߍ߰ߘߏ߲߫ ߡߍ߲ ߠߎ߬ ߞߍ߫ ߟߊ߫ ߞߊ߬ߙߊ߲߬ߝߊ߫ ߊߟߌߝߊ߫ ߞߐ߲ߘߍ߫ ߞߐߡߊߓߌ߲ߓߌ߲߫ ߘߐ߫ ߊ߬ ߟߊ߫ ߡߊ߲߬ߛߊ߬ߦߊ ߞߎ߲߬ߕߊ߮ ߞߘߐ߫߸ ߞߏ߫ ߢߌ߬ߣߊ߬ ߡߊ߫ ߞߍ߫ ߡߐ߰ ߛߌ߫ ߞߐ߫ ߸ߊ߬ߟߎ߬ ߦߟߌ ߦߋ߫ ߓߍ߯ ߟߊߘߍ߬ߣߍ߲ ߞߐ߫߸ ߓߊߏ߬ ،ߊ߬ߟߋ߬ ߕߏ߰ߝߏ ߦߴߊ߬ ߣߐ߭ ߘߐ߫ ߤߊ߲߯ ߕߋ߲߬…
ߊ߬ߟߎ߬ ߟߊ߫ ߓߋߟߋ߲ߕߌ߮ ߞߊ߬ ߞߎߡߊ ߕߊ߬ ߞߊ߬ ߖߊ߬ߡߊ ߟߊ߫ ߛߣߍ߫ ߞߊ߬ ߓߊ߲߫ ߞߵߊ߬ ߦߌ߬ߘߊ߫ ߣߊ߬ߓߊ߰ߕߐ ߟߎ߬ ߟߊ߫ ߞߏ߫ : << ߛߘߍߞߎߘߎ߲߫ ߈ ߠߋ߬ ߞߊ߲ߞߊ߲߫ ߦߊ߲߬߸ߘߏ߫ ߟߎ߫ ߝߣߊ߫ ߦߋ߫ ߝߙߊߣߊ߫ ߸ ߏ߬ ߟߎ߬ ߢߍߡߐ߮ ߘߏ߫ ߟߎ߬ ߦߋ߫ ߞߣߍ ߣߌ߲߬ ߞߊ߲߬ ،ߓߊ߬ߙߌ߬ ߸ ߏ߬ ߟߎ߬ ߓߍ߯ ߞߊ߲ߕߌ߮ ߥߟߊ߫ ߢߍߡߌߘߊ߫ ߦߋ߫ ߕߊߟߑߓߌ߫ ߘߊ߯ߓߏ߫ ߟߋ߬ ߘߌ߫ ߝߟߐ߫ ߤߊ߲߯ ߓߌ߬ ߸ߏ߬ ߟߋ ߞߏߛߐ߲߬ ߊ߲ ߝߣߊ߫ ߦߴߊ߬ ߝߍ߬ ߞߵߊ߲ ߕߍ߫ ߛߘߌ߬ ߞߏ߫ ߞߎߘߊ߫ ߸ߓߊߏ߬ ߢߣߊߕߊߟߌ ߕߎ߬ߡߊ ߓߘߊ߫ ߛߎ߬ߘߎ߲߬ߧߊ߫ ߸ ߊ߬ ߣߌ߫ ߞߊ߬ ߛߌ߲߬ߝߏ߲߬ ߞߘߐ߫ ߣߌ߫ ߞߎߘߊ߫ ߟߎ߬ ߦߟߌߓߌ߬ߟߊ߬ ߸ ߏ߬ ߟߎ߬ ߡߍ߲ ߠߎ߬ ߡߊ߫ ߢߌ߬ߣߴߊ߬ߟߎ߬ ߟߊ߫ ߟߊ߬ߤߘߌ߬ߞߊ߲ ߞߐ߫ >>
ߏ߬ ߟߋ߬ ߞߐߝߍ߬߸ ߛߟߊߕߌ߯ ߕߊߟߑߓߌ߫ ߘߊ߯ߓߏ߫ ߝߣߊ߫ ߞߊ߬ ߛߙߊ߬ߣߎ߲ ߕߊ߬ ߞߵߊ߬ ߦߌ߬ߘߊ߬ ߞߏ߫ : << ߊ߲ ߣߐ߬ ߞߙߎ ߢߌ߲߬ ߠߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߥߟߋ߫ ߟߊ߫ ߞߏߢߌߡߊߟߐ߲ ߠߋ߬ ߡߵߊ߬ߟߎ߬ ߟߊ߫ ߘߐ߬ߖߊ ߞߏߛߐ߲߬ ߝߊ߬ߛߏ ߦߋ߫ ߸ ߘߏ߫ ߟߎ߫ ߞߊ߬ ߡߊ߲߬ߕߙߐ߬ ߛߘߍߡߊ߲߫ ߠߋ߬ ߛߐ߬ߘߐ߲߬ ߘߊ ߕߴߛߋ߫ ߡߍ߲ ߓߍ߯ ߡߊߘߊ߲߫ ߠߊ߫ ߦߊ߲߬ ߸ ߒ߬ߓߊ߬ ،ߝߏ߫ ߊ߲ ߧߋ߫ ߛߏ߬ߝߊ߬ߞߎ߲ ߣߌ߫ ߣߊ߲߬ߞߌ߲ ߏ߬ ߟߎ߫ ߝߏ߬ ߟߋ߬ ߸ ߓߊߏ߬ ߸ ߊ߬ߟߎ߬ ߡߴߊ߬ ߟߊߥߟߌ߬ ߣߊ߲߬ߝߟߏ߬ߞߏ ߡߊ߬ ߸ߊ߬ߟߎ߫ ߖߍ߬ߘߍ ߓߎ߫ ߘߏ߲߬ߣߴߊ߬ ߘߐ߫ ߝߊ߬ߛߏ߬ ߞߊߣߌ߲߫ ߣߌ߫ ߟߊ߬ߤߘߌ߬ߞߊ߲ ߠߋ߬ ߡߊ߬. ߒ߬ߓߊ߬߸ ߊ߲ ߧߴߊ߬ ߝߍ߬ ߏ߬ ߟߋ ߘߐ߫ ߣߌ߲߬ ߸ߞߊ߬ ߞߏߢߌߡߊߟߐ߲߫ ߛߙߋߓߍ ߘߏ߫ ߟߎ߫ ߟߊߕߊ߬ߡߌ߲߫ ߛߏ߬ߝߊ߬ߞߎ߲ ߏ߬ ߟߎ߬ ߘߏ߫ ߟߎ߫ ߡߊ߬ ߸ ߞߵߏ߬ ߟߊ߫ ߞߎߡߊߓߘߊ ߣߌ߫ ߥߙߏ߬ ߛߐ߲ߞߐ߫ ߞߊ߲߬. ߞߏߢߌߡߊߟߐ߲߫ ߛߙߋߓߍ ߏ߬ ߘߌߣߍ߲߫ ߊ߬ߟߎ߫ ߡߊ߬ ߟߋ߬ ،ߛߊ߫ ߏ߬ ߘߌ߫ ߞߍ߫ ߊ߬ߟߎ߫ ߓߌ߬ߟߊ߬ߣߍ߲ ߘߌ߫ ߘߐ߬ߝߐ ߘߐ߫ ߞߵߏ߬ ߛߌ߰ ߓߐ߲ߛߐ߲߫ ߥߟߌ߬ߕߐ߬ߟߊ ߟߎ߫ ߦߋ߫ ߸ ߞߊ߬ ߞߎߡߊߓߘߊ ߘߴߊ߬ߟߎ߫ ߡߊ߬ ߖߐ߲߰ߛߊ߫ ߞߊ߬ ߕߏ߫ ߍߙ ߔߋ ߗ߭ߋ ߟߌ߬ߤߟߊ ߟߎ߬ ߟߊߡߍ߲߫ ߠߊ߫ ߏ߬ ߟߊ߫ ߛߐ߲߬… >>
ߘߏ߲߬ߖߟߎ߬ߡߊ߬ߘߊ ߢߌ߲߬ ߠߎ߬ ߛߋ߫ ߘߊ߫ ߞߊ߬ ߞߏߢߌߡߊߟߐ߲߫ ߛߙߋߓߍ߫ ߂߁ ߠߋ߬ ߟߊߕߊ߬ߡߌ߲߬ ߍߙ ߔߋ ߗ߭ߋ ߛߌ߲߬ߝߏ߲ ߛߏ߬ߝߊ߬ߞߎ߲ ߘߏ߫ ߟߎ߫ ߡߊ߬.
ߞߏߢߌߡߊߟߐ߲߫ ߛߙߋߓߍ ߏ߬ ߡߐ߱ ߘߏ߫ ߟߎ߫ ߟߋ߬ : ߡߐ߬ߙߌ߬ߓߊ ߞߎ߬ߟߌߓߊ߬ߟߌ߸ߖߊ߰ߞߊ ߞߓߊ߬ ߊ߬ ߣߌ߫ ߛߌߙߋ߬ ߞߋߕߊ߬ ߣߌ߫ ߛߋߞߎ߬ ߕߙߊߥߟߋ߫ ߸( ߡߐ߰ ߝߌ߬ߟߊ ߏ߬ ߟߎ߬ ߓߘߊ߫ ߛߊ߬) ߸ߓߊ߬ߙߌ߬ ߏ߬ ߟߎ߬ ߓߍ߯ ߞߊ߬ ߘߏ߫ ߛߐ߬ߘߐ߲߬ ߞߏߢߌߡߊߟߐ߲߫ ߛߙߋߓߍ ߘߐ߫.
ߏ߬ ߟߋ߬ ߝߣߊ߫ ߓߍ߯ ߞߐߝߍ߬ ߸ ߡߐ߬ߙߌ߬ߓߊ ߞߎ߬ߟߌߓߊ߬ߟߌ ߣߌ߫ ߡߍߕߑߙ ߊߓߘߎߟߊߦߌ߬ ߖߊ߬ߞߌ߬ߕߋ ߣߌ߫ ߞߊ߲߬ߞߎ߫ ߕߙߊߥߟߋ߫ ߣߌ߫ ߖߊ߰ߞߊ ߞߓߊ߬ ߟߎ߫ ߞߵߊ߬ߟߎ߬ ߛߋߥߊߣߍ߲ߞߊ߲ ߠߎ߬ ߦߌ߬ߘߊ߬ ߸ ߞߊ߬ ߝߏ߬ߟߌ ߟߊߛߋ߫ ߘߏ߲߬ߖߟߎ߬ߡߊ߬ߘߊ ߞߊ߲ߕߌ߮ ߡߊ߬ ߕߊߟߑߓߌ߫ ߘߊ߯ߓߏ߫ ߣߌ߫ ߞߊ߬ߙߊ߲߬ߝߊ߫ ߊߟߌߝߊ߫ ߞߐ߲ߘߍ߫ ߡߊ߬߸ߞߵߊ߬ ߦߌ߬ߘߊ߬ ߞߏ߫ ߝߐߦߌ߬ ߕߴߊ߬ߟߎ߬ ߓߐ߫ ߍߙ ߔߋ ߗ߭ߋ ߕߏ߰ߝߏ ߘߐ߫ ߸ ߞߵߏ߬ ߟߊ߫ ߕߌ߲ߞߌ߫ ߓߎ߬ߘߎ߲߬ߣߍ߲ ߠߎ߬ ߞߊ߲߬.
ߘߏ߲߬ߖߟߎ߬ߡߊ߬ߘߊ ߞߊ߲ߕߌ߮ ،ߕߊߟߑߓߌ߫ ߘߊ߯ߓߏ߫ ߞߵߊ߬ ߦߌ߬ߘߊ߬ ߞߎߡߊ ߞߎ߲߬ ߘߏ߲߬ ߘߐ߫ ߞߏ߫ : ߒ ߧߋ߫ ߞߊ߲ߞߊ߲߫ ߓߍ߯ ߟߊߘߍ߬ߣߍ߲ ߝߏ߬ ߟߊ߫ ،ߞߊ߬ߕߎ߲߰ ߣߴߌ ߞߊ߬ ߡߍ߲߫ ߞߏ߫ ߍߙ ߔߋ ߗ߭ߋ ߊ߬ߟߎ ߟߋ߬ ߸ ߏ߬ ߟߋ߬ ߞߏߛߐ߲߬ ߊ߲ ߝߣߊ߫ ߕߍ߫ ߛߍ߰ ߟߴߊ߲ ߠߊ߫ ߓߘߍ߬ߓߘߍ߬ߟߌ߬ ߕߏ߯ߝߏ ߣߌ߲߬ ߠߊ߫ ߢߣߊߡߦߊ߫ ߟߊ߫ ߸ ߤߊߟߌ߬ ߣߴߊ߬ ߕߘߍ߬ ߘߊ߫ ߞߏ߫ ߞߊ߬ߙߊ߲߬ߝߊ߫ ߊߟߌߝߊ߫ ߞߐ߲ߘߍ߫ ߕߍ߫ ߞߍ߫ ߟߴߊ߲ ߠߊ߫ ߖߊ߲߬ߖߏ߲ ߓߍ߯ ߞߊ߬ߟߊߡߊ߬ ،ߓߊ߬ߙߌ߬ ߏ߬ ߕߴߊ߲ ߞߢߊ߬ ߟߴߊ߲ ߠߊ߫ ߓߊ߯ߙߊ ߟߎ߬ ߟߊ߫.
ߏ߬ ߟߋ߬ ߖߍ߬ߘߍ ߝߣߊ߫ ߦߴߊ߬ ߛߌ߲߬ߝߏ߲ ߠߎ߬ ߞߟߊߓߎ ߘߏ߲߬ ߠߊ߫ ߛߐ߲߬ ߸ ߞߊ߬ ߕߏ߫ ߞߏ߫ ߞߍ߫ ߟߊ߫ ߡߍ߲ ߘߌ߫ ߓߘߍ߬ߓߘߍ߬ߟߌ߬ ߕߏ߯ߝߏ ߟߊߕߊ߯ ߢߍ߫ ،ߦߏ߫ ߊ߲ ߧߋ߫ ߏ߬ ߣߕߊ߬ ߟߊ߫ ߍߙ ߔߋ ߗ߭ߋ ߘߐ߫ ߢߊ߫ ߡߍ߲ ߡߊ߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫.
