ߘߏߣߊߟߘ ߕߑߙߐ߲ߔߎ߬ ߞߵߊ߬ ߝߐ߫ ߟߋ߬ ߞߏ߫ ߊ߬ ߣߌߛߐߘߌߦߊߣߍ߲߫ ߕߴ ߊ߬ ߟߊ߫ ߜߋߟߋ߲ߜߋߟߋ߲߫ ߠߊ߫ ߞߟߌߟߌ߫ ߟߊߓߊ߲  ߣߌ߲߬ ߖߋ߬ߓߌ ߟߊ߫ ߝ߭ߌߟߊߘߡߌߙ ߔߎߕߌߣ ߝߍ߬.
ߕߎ߬ߡߊ߬ߙߋ߲߬ ߘߊ߲ߘߐ߫ ߜߋߟߋ߲ߜߋߟߋ߲߫ ߞߟߌߟߌ ߣߌ߲߬ ߞߐߝߍ߬ ߸ ߌ߬ߙߌ߬ߛߌ߬ߟߊ߫ ߣߊ߲߬ߕߌ߰ ߝߊ߲ߞߊ ߟߎ߫ ߣߐ߬ ߞߟߍ߬ߓߊ ߟߋ߬ ߟߐ߬ ߟߊ߫ ߎߞߑߙߍ߲߫ ߡߊ߬ ߸ߊ߬ ߕߌ߯ߕߌ߯   ߞߎߦߌߝ߭ ߞߎߓߋߛߏ ߟߊ߫ .

ߢߍߕߊ߯ߓߊߟߌߦߊ ߞߏߛߐ߲߬ ߌߞߑߙߍ߲߫ ߞߟߍ߬ ߟߊߓߊ߲ ߣߌ߲߬ ߘߐ߫߸ߏ߬ ߓߘߊ߫ ߘߏߣߊߟߘ ߕߑߙߐ߲ߔߎ߬  ߟߐ߬ ߓߌ߲߬ߓߊ߬ߏ߬ ߞߎߘߊ ߟߎ߬ ߡߊߞߟߌ߫ ߟߊ߫ ߌߞߐ߫.
ߓߊ߬ߙߌ߬ ߢߌ߬ߣߌ߲߬ߞߊ߬ߟߌ ߢߌ߲߬ ߠߎ߫ ߟߐ߬ߣߍ߲߫ ߊߡߋߙߌߞߌ߬ ߢߍߡߐ߮ ߟߎ߫ ߟߋ߬ ߡߵߊ߬ ߜߋ߲ߜߋ߲߫.

ߊߡߋߙߌߞߌ߬ ߞߊ߲ߕߌ߯ ߘߏߣߊߟߘ ߕߑߙߐ߲ߔߎ߬ ߞߵߊ߬ ߦߌ߬ߘߊ߫ ߟߋ߬ ߞߎߣߎ߲߬ ߛߌ߬ߣߌ߲߬ߟߏ߲ ߞߊ߬ߙߌ߬ߝߐ ߕߟߋ߬ ߄ ߡߊ߬ ߂߀߂߅.
ߞߏ߫ ߊ߬ ߣߌߛߐߘߌߦߊߣߍ߲߫ ߕߍ߫ ߝߋߎ߫ ،ߞߵߊ߬ ߓߍ߲߬ ߞߟߌߟߌ߫ ߟߊߓߊ߲ ߡߍ߲ ߕߊ߬ߡߌ߲߬ߣߍ߲ ߊ߬ ߣߌ߫ ߝ߭ߌߟߊߘߡߌߙ ߔߎߕߌߣ ߕߍ߫،ߞߊ߬ߕߎ߲߰ ߸ߞߟߌߟߌ ߏ߬  ߡߊ߫ ߛߋ߫ ߣߊ߬ ߟߊ߫ ߢߍߕߊ߯ ߛߌ߫ ߘߌ߫ ߎߞߑߙߍ߲߫ ߞߍ߬ߟߍ ߟߊߓߊ߲ ߣߌ߲߬ ߘߐ߫߸ ߡߍ߲ ߘߌ߫ ߛߋ߫ ߘߊ߲߭ ߛߌ߬ ߟߊ߫ ߥߊ߬ߥߎߟߋ ߣߌ߲߬ ߠߊ߫ .

<<ߊ߬ ߦߴߊ߬ ߝߍ߬ ߟߋ߬ ߘߐߙߐ߲߫ ߞߊ߬ ߓߐ߫ ߝߍ߬ߙߍ ߛߎ߯ ߓߍ߯ ߘߏ߫ ߝߍ߬ ߸ߞߊ߬ ߕߏ߫ ߡߐ߱ ߟߎ߬ ߓߣߐ߬ ߟߴߊ߬ߟߎ߬ ߣߌ߫ ߘߐ߫، ߏ߬ ߘߏ߲߬ ߕߍ߫ ߞߏ ߓߍ߲߬ߕߊ߬ ߘߌ߫ ߡߐ߰ߦߊ ߛߌߟߊ߫ ߝߍ߬ ߝߋߎ߫ >> ߘߏߣߊߟߘ ߕߑߙߐ߲ߔߎ߬  ߞߵߏ߬  ߟߋ߬ ߝߐ߫ ߌ߬ߙߌ߬ߛߌ߬ߟߊ߫ ߝߐ߰ߓߍ߬ߦߊ߬ߟߊ ߟߎ߬ ߦߋ߫ ߸ ߏ߬ ߟߎ߬ ߡߍ߲ ߠߎ߬ ߕߘߍ߬ ߦߴߊ߬ ߝߍ߬  ߊ߬ ߟߊ߫ ߛߊ߲ߡߊߞߎߟߎ߲ ߞߣߐ߫.
 
ߕߎ߬ߡߊ߬ߙߋ߲߬ ߘߊ߲ߘߐ߫ ߞߐߝߍ߬ ߜߋߟߋ߲ߜߋߟߋ߲ ߠߊ߫ ߞߊ߲ߕߌ߯ ߝߌ߬ߟߊ  ߢߌ߲߬ ߠߎ߬ ߕߍ߫ ߸ ߏ߬ ߡߍ߲ ߓߍ߲߬ ߠߊ߫ ߞߊ߬ߙߌ߬ߝߐ ߕߋ߬ߟߋ߫ ߃ ߡߊ߬ ߸ ߌ߬ߙߌ߬ߛߌ߬ߟߊ߫ ߣߊ߲߬ߕߌ߰ ߝߊ߲ߞߊ ߟߎ߫ ߞߊ߬ ߞߟߍ߬ߓߊ ߟߋ߬ ߞߍ߫ ߞߌߦߌߝ߭ ߞߊ߲߬.
ߏ߬ ߟߋ߬ ߓߍ߯ ߞߐߝߍ߬ ߛߊ߫ ߸ ߔߏߟߐ߲ߞߊ ߟߎ߬ ߟߊ߫ ߞߎ߲߬ߕߌ߮ ߙߏߘߏߛߌߟߊߡ ߛߌߞߐߙߑߛߞߌ ߞߵߊ߬ ߦߌ߬ߘߊ߬ ߊ߬ ߟߊ߫ ߖߊ߬ߕߋ߬ߘߊ X ߞߊ߲߬ ߞߏ߫ : ߞߊ߲ߕߌ߯ ߕߑߙߐ߲ߔߎ߬ ߸ ߔߎߕߌߣ ߦߴߊߟߎ߫ ߟߊ߫  ߖߐ ߘߐ߬ߖߊ߬ ߞߍߣߍ߲߫ ߠߎ߬ ߡߊߦߟߍ߫ ߟߋ߬ ߞߊ߲߬ >>
ߊߡߋߙߌߞߌ߬ ߞߊ߲ߕߌ߯ ߞߵߊ߬ ߖߋ߬ߓߌ߬ ߕߊ߲߬ ߘߐ߫ ߞߏ߫ : << ߍ߲߬ߍ߲߫ ߸ ߒ ߡߊ߫ ߟߴߊ߬ ߟߊ߫ ߣߴߊ߬ ߣߐ߬ ߞߍ߫ ߘߊ߫ ߒ߬ ߡߊߦߟߍ߫ ߘߋ߬ ߸ߓߊ߬ߙߌ߬ ߸ ߒ ߟߊߣߍ߲߫ ߊ߬ ߟߊ߫ ߞߏ߫ ߊ߬ ߘߐ߱ߘߏ߲߬ߣߍ ߓߌ߲߬ߓߊߏ ߟߎ߫ ߟߋ߬ ߟߊ߫ ߕߋ߲߬.
ߌ ߞߵߊ߬ ߟߐ߲߫ ߡߍ߲ ߦߋ߫ ߸ ߊ߲ ߣߌ߫ ߞߊ߲߬ߜߍ߬ߘߊ ߦߴߊ߲ ߡߙߌ ߟߋ߬ ߞߊ߲߫ ߕߋ߲߬ ߸ ߖߐ߲߰ߛߊ߫ ߞߊ߬ ߓߌ߬ߓߊ߬ߏ߬ ߢߣߊߡߊ ߘߏ߫ ߛߌ߰ ߛߋ߲߬ߠߊ߫ ߸ ߊ߬ ߓߘߍߓߘߍ ߞߊ߬߬ߣߌ߲߬ >>.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫