ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬ ߂߀߂߅ ߞߊ߬ߙߌߝߐ ߄ ߡߊ߬ ߸ ߌߛߌ߬ߙߊ߬ߌߟߊ߫ ߞߊ߬ ߥߊ߬ߟߏ߬ߣߌ߲߫ ߘߏ߫ ߟߋ߬ ߞߍ߫ ߜ߭ߊ߯ߖ߭ߊ߬ ߘߎ߱ ߞߣߐ߫ ߞߊ߬ ߡߐ߰ ߁߃߈ ߝߊ߰ ߜ߭ߊ߯ߖ߭ߊ߬ ߝߊ߬ߛߏ߬ߘߋ߲ ߠߎ߫ ߕߊ߫ ߝߐߟߌ߫ ߘߐ߫.

ߏ߬ ߕߎ߬ߡߊ߬ ߞߋߟߋ߲ ߠߋ߬ ߟߊ߫ ߤߡߊߛ ߝߣߊ߫ ߞߵߊ߬ ߟߊ߫ ߖߊߓߌ ߘߌ߫ ߊߡߋߙߌߞߌ߬ ߟߊ߫ ߞߍ߬ߟߍ ߟߊߟߐ߬ ߞߏ߫ ߘߐ߫ ߸ ߖߊߓߌ ߏ߬ ߘߌ߫ ߘߊ߫ ߕߋ߬ߟߋ߫ ߝߌ߬ߟߊ ߞߊ߬ ߞߐ߲߰ ߌߛߌ߬ߙߊ߬ߌߟߊ߫ ߞߏߕߌ߯ ߖߡߊ ߟߊ߫ ߕߊ߯ߟߌ ߢߍ߫.

ߞߎߣߎ߲߬ ߛߐ߰ߡߊ߬ ߘߏߣߊߟ ߕߐߙߐ߲ߔ ߞߊ߬ ߟߊ߬ߛߋ߬ߟߌ ߘߏ߫ ߞߍ߫ ߞߏ߫ ߊ߬ ߦߋ߫ ߤߡߊߛ ߟߊ߫ ߖߋ߬ߓߌ߬ ߟߊ߫ ߓߊ߲߫ ߡߊ߫ ߞߐ߬ߣߐ߲߬ ߠߊ߫ ߸ ߞߍ߬ߟߍ ߟߊߟߐ߬ ߞߏ߫ ߘߐ߫ ߦߊ߬ߣߌ߫ ߕߟߋ߬ ߓߋ߬ߕߐ߬، ߏ߬ ߟߋ߬ ߞߐߝߍ߬ ߤߡߊߛ ߞߊ߬ ߟߊ߬ߛߋ߬ߟߌ ߞߏ߫ ߞߍ߫ ߞߏ߫ ߊ߬ߟߋ ߞߍߣߍ߲߫ ߞߐ߫ ߞߊ߬ ߞߎߡߊ߫ ߜ߭ߊ߯ߖ߭ߊ߬ ߞߟߍ߬ߓߏߟߏ߲ ߕߐ߭ ߟߎ߬ ߦߋ߫ ߞߊ߬ ߓߍ߲߬ ߊߡߋߙߌߞߌ߬ ߟߊ߫ ߞߍ߬ߟߍ ߟߊߟߐ߬ ߞߏ߫ ߝߍ߬ߙߍ ߟߎ߬ ߞߊ߲߬ ߸ ߞߏ߫ ߊ߬ ߞߵߊ߬ ߟߊߕߍ߰ ߞߊ߬ ߖߋ߬ߓߌ ߘߌ߫ ߓߍ߲߬ ߛߌߟߊ ߓߐ߫ ߓߊ߯ ߟߎ߬ ߡߊ߬ ߣߴߏ߬ ߦߋ߫ ߞߊߕߊ߯ߙ ߣߌ߫ ߌߗ߭ߌߓߑߕߌ ߘߌ߫.
ߤߡߊߛ ߞߵߊ߬ ߘߌߦߊ߫ ߞߊ߬ ߞߏ߫ ߊ߬ߟߋ ߓߘߊ߫ ߛߐ߲߬ ߞߍ߬ߟߍ ߟߊߟߐ߬ ߞߏ߫ ߡߊ߬ ߸ ߛߊ߫ ߞߊ߬ ߘߊ߲߬ߛߌ߰ ߌߛߌ߬ߙߊ߬ߌߟߊ߫ ߟߊ߫ ߓߋ߬ߒ߬ߞߊ߲߬ߠߌ߲ ߠߊ߫  ߜ߭ߊ߯ߖ߭ߊ߬ ߞߣߐ߫.

ߊߡߋߙߌߞߌ߬ ߞߊ߬ ߞߍ߬ߟߍ ߟߊߟߐ߬ ߝߙߍ ߡߍ߲߫ ߦߌ߬ߘߊ߬ ߝߊ߲߬ ߝߌ߬ߟߊ ߟߊ߫ ߸ߞߴߏ߬ ߟߊ߬ߢߌߣߌ߲ ߦߋ߫ ߞߊ߬ ߞߍ߬ߟߍ ߟߊߟߐ߬ ߜ߭ߊ߯ߖ߭ߊ߫ ߕߟߋ߬ ߆߀،ߞߊ߬ߓߌ߯ ߞߐ߬ߟߏ߲ ߘߏߣߊߟ ߕߐߙߐ߲ߔ ߞߵߊ߬ ߦߌ߬ߘߊ߬ ߞߏ߫ ߌߛߌ߬ߙߊ߬ߌߟߊ߫ ߕߎ߲߬ ߛߐ߲߬ ߘߊ߫ ߞߍ߬ߟߍ ߟߊߟߐ߬ ߞߏ߫ ߟߊߢߌߣߌ߲ߓߊ ߟߎ߬ ߡߊ߬߸ ߞߏ߫ ߕߟߋ߬ ߆߀ ߏ߬ ߞߣߐ߫ ߝߊ߲߬ ߝߌ߬ߟߊ ߞߊ߫ ߞߊ߲߫ ߞߊ߬ ߞߎߡߊߢߐ߲߯ߦߊ ߞߍ߫ ߛߊ߫ ߞߊ߬ ߞߍ߬ߟߍ ߟߊߟߐ߬ ߜ߭ߊ߯ߖ߭ߊ߬ ، ߒ߬ߞߊ߬ ߌߛߌ߬ߙߊ߬ߌߟߊ߫ ߡߊ߫ ߟߊ߬ߛߋ߬ߟߌ ߞߍ߫ ߣߴߊ߬ ߛߐ߲߬ ߘߊ߫ ߟߊ߬ߢߌߣߌ߲ ߏ߬ ߡߊ߬.

ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍ߲߬ߣߑߦߊߡߌߣ ߖߍ߬ߘߍ ߞߊ߫ ߞߊ߲߫ ߞߊ߬ ߕߊ߯ ߥߊ߲ߛ߳ߌ߲ߕߐ߲ ߞߐ߬ߓߊ߬ߟߏ߲ ߣߊ߬ߕߐ ߣߌ߲߬ ߡߊ߬ ߂߀߂߅ ߞߊ߬ߙߌߝߐ ߕߟߋ߬ ߇ ߡߊ߬.

ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߊߟߋ߫ ߡߍ߲ ߕߎ߲߬ ߛߋ߬ߦߌ߬ߘߊ߫ ߊ߬ ߞߊ߲߬ ߞߵߊ ߟߊ߫ ߟߊ߬ߢߌߣߌ߲ ߦߋ߫ ߞߊ߬ ߤߡߊߛ ߞߏ ߓߊ߲߫ ߸ ߊ߬ ߣߌ߫ ߞߊ߬ ߛߋ߬ߦߌ߬ ߌߛߌ߬ߙߊ߬ߌߟߞߊ ߡߌ߬ߣߊ߬ߣߍ߲߫ ߠߎ߬ ߓߍ߯ ߘߌ߫ ߞߊ߬ ߓߐ߫ ߜ߭ߊ߯ߖ߭ߊ߬ ߸ ߤߡߊߛ ߘߏ߲߬ ߠߊ߫ ߟߊ߬ߢߌߣߌ߲߫ ߡߍ߲ ߘߌ߫ ߸ ߏ߬ ߟߋ߬ ߦߋ߫ ߞߊ߬ ߌߛߌ߬ߙߊ߬ߌߟߊߞߊ ߡߌ߬ߣߊ߬ߣߍ߲߫ ߠߎ߬ ߝߊ߬ߟߋ߲߬ ߔߊߟߍ߬ߛߑߕߌߣ ߣߊ߫ ߥߛߎߟߊߘߋ߲߫ ߠߎ߬ ߟߊ߫ ߡߍ߲ ߠߎ߬ ߦߋ߫ ߌߛߌ߬ߙߊ߬ߌߟߊ߫.

ߞߏ߫ ߞߟߍ߬ ߛߏ߲ߛߙߏߡߢߊ ߣߌ߲߬ ߞߊ߫ ߞߊ߲߫ ߞߊ߬ ߥߟߏ߫ ߞߍ߬ߟߍ ߓߊ߲ߣߌ߲߫ ߠߋ߬ ߟߊ߫ ߔߋߎ߫ ߊ߬ ߣߌ߫ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߦߋ߫ ߜ߭ߊ߯ߖ߭ߊ߬ ߓߌ߬ߟߊ߬ ߸ ߤߡߊߛ ߝߣߊ߫ ߞߊ߲߫ ߞߏ߫ ߊ߬ߟߋ ߓߍ߲߬ߣߍ߲ ߊ߬ ߣߌ߫ ߌߛߌ߬ߙߊ߬ߌߟߊ߫ ߞߎߡߊߢߐ߲߯ߦߊ ߡߊ߬ ߞߊߟߌߦߊ߫ ߓߟߏߡߊ߬ ߸ ߛߊ߫ ߞߍ߬ߟߍ ߟߊߟߐ߬ ߝߙߍ ߏ߬ ߘߌ߫ ߓߟߏߦߊ߫ ߢߊ ߡߍ߲.

ߖߌ߬ߺߺߓߙߌ߬ߺߺߺߺߟߊ߲ ߡߊ߲߬ߺߺߺߺߘߋ߲߫ ߡߟߍ߬ߺߺߺߺߞߊ ߞߐ߲ߘߍ߫