ߞߕߌߕߍ߯ߘߊ ߓߘߊ߫ ߏ߬ ߟߊ߬ߣߍ߰ߦߊ ߕߴߊ߬ ߟߊ߫ ߞߕߌ ߘߐ߫߸ ߏ߬ ߡߍ߲ ߞߍ߫ ߘߊ߫ ߞߎߣߎ߲߬ ߘߊߞߊ߯ߙߌ߫ ߞߕߌߘߊ ߛߊ߲ߘߐߕߊ ߟߊ߫، ߝߐ߰ߓߍ߬ߦߊߟߊ ߣߌ߲߬ ߞߕߌ ߞߎ߲ ߞߍߣߍ߲߫ ߞߵߊ߬ ߛߊߓߎ ߞߍ߫ ߟߌ߬ߤߟߊ߬ ߛߍ߲ߛߍ߲ߓߊߟߌ ߘߏ߫ ߟߋ߬ ߟߊ߬ߛߋ ߘߐ߫߸ ߥߛߊ߬ߘߋ߲ ߠߎ߬ ߟߊ߫ ߞߐ߲߬ߛߏ߬ ߛߊ߲߬ߞߏ ߘߏ߫ ߘߐ߫، ߊ߬ ߘߏ߲߬ ߝߊ߬ߛߏ߬ߜߙߊ ߞߊ߲ߕߌ߮ ߖߍ߬ߘߍ ߟߋ߬ ߞߊ߬ ߛߓߍ ߟߊߘߏ߲߬ ߊ߬ ߞߊ߲ߡߊ߬߸ ߞߕߌߘߊ ߢߊߞߘߐ߫؛ ߊ߬ ߟߊ߫ ߞߕߌ ߣߌ߲߬ ߘߐ߫߸ ߞߕߌߕߍ߯ߟߊ ߘߎ߰ߟߊ߬ߕߊ ߞߊ߬ ߞߊߙߏ߫ ߥߐ߯ߙߐ߫ ߥߛߎ ߟߋ߬ ߟߴߊ߬ ߞߎ߲߬ ߊ߬ ߣߌ߫ ߛߍߝߊ߫ ߥߊߘߌ ߄߀.߀߀߀ ߢߐ߲߰.
ߞߕߌߕߍ߯ߟߊ ߟߎ߬ ߣߌ߫ ߟߊ߬ߡߍ߬ߙߍ߲߬ߠߌ߲߬ߠߊ ߟߎ߬ ߞߊ߬ ߕߎ߬ߡߊ߬ߙߋ߲߬ ߄ ߣߌ߫ ߞߐ ߟߋ߬ ߞߍ߫ ߓߊ߬ߛߌߙߎ߬ ߝߏߝߣߊ߫ ߟߊ߫ ߞߕߌ ߞߎߡߊߢߐ߲߯ߦߊ ߟߎ߬ ߟߊ߫، ߏ߬ ߟߋ߬ ߞߐ ߞߍ߫ ߘߊ߫ ߞߕߌ ߞߐߝߟߌ ߟߊߛߊ߬ߦߌ߲ ߘߌ߫ ߞߕߌߕߍ߯ߟߊ ߓߟߏ߫߸ ߞߵߊ߬ ߓߌ߬ߟߊ߬ ߞߎߣߎ߲ߟߏ߲ ߣߊ߬ߕߐ ߘߐ߫؛ ߞߏ߲߬ߓߏ ߊߓߎߓߊߞߊ߬ߙߌ߬ ߓߊߙߏ߫ ߡߍ߲ ߦߋ߫ ߝߐ߰ߓߍ߬ߦߊ߬ߟߊ ߟߊ߫ ߟߊ߬ߡߍ߬ߙߍ߲߬ߠߌ߲߬ߠߊ ߘߏ߫ ߘߌ߫߸ ߊ߬ߟߋ ߟߊ߫ ߝߐߟߌ߫ ߘߐ߫߸ ߓߊ߬ߛߌߙߎ߬ ߟߊ߫ ߟߌ߬ߤߟߊ ߟߊߕߊ߬ߡߌ߲߬ߕߐ߬ߟߊ، ߊ߬ ߡߴߊ߬ ߟߊߢߌߣߌ߲߫ ߞߵߊ߬ ߝߐ߫ ߞߏ߫ ߊ߬ ߦߋ߫ ߓߌ߬ߟߊ߬ ߡߐ߰ ߟߊ߫߸ ߥߟߊ߫ ߞߊ߬ ߓߌ߬ߟߊ߬ ߝߊ߬ߛߏ ߞߎߓߋߘߊ ߘߏ߫ ߟߊ߫؛ ߏ߬ ߟߋ߬ ߘߐ߫߸ ߊ߬ ߞߊ߬ ߞߕߌߕߍ߯ߟߊ ߟߊ߫ ߢߌ߬ߣߌ߲߬ߞߊ߬ߟߌ ߟߎ߬ ߓߍ߯ ߖߋ߬ߓߌ߬ ߤߊߞߟߌ߫ ߛߌ߮ ߘߝߊߣߍ߲ ߘߐ߫߸ ߊ߲ߠߎ߬ ߟߊ߬ߡߍ߬ߙߍ߲߬ߠߌ߲߬ߠߊ ߟߎ߬ ߝߣߊ߫ ߞߵߊ߲ ߕߊ߫ ߞߍߕߊ ߞߍ߫، ߏ߬ ߟߋ߬ ߞߐ ߘߐ߫ ߛߊ߫߸ ߞߕߌߕߍ߯ߟߊ ߞߵߊ߬ ߟߊ߫ ߖߊ߲߬ߞߟߌ ߟߎ߬ ߟߊ߬ߢߌߣߌ߲ ߠߎ߬ ߕߊ߬߸ ߞߵߊ߬ ߓߌ߬ߟߊ߬ ߞߊ߬ߙߌߝߐ ߕߋ߬ߟߋ߫ ߞߐ߬ߣߐ߲߬ߘߐ ߟߊ߫.
ߗߐߙߑߣߐ߫ ߊߟߛߊߣ ߛߊߟߌ߫ ߡߍ߲ ߦߋ߫ ߥߛߊ߬ߘߋ߲ ߘߏ߫ ߘߌ߫߸ ߏ߬ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߥߛߊ߬ߘߋ߲ ߠߎ߬ ߟߊ߫ ߞߐ߲߬ߛߏ߬ ߛߊ߲ ߣߌ߲߬ ߕߍ߫ ߞߊ߬ ߞߍ߫ ߜߍߦߊ ߟߋ߬ ߞߣߐ߫߸ ߣߌ߫ ߡߍ߲ ߞߵߊ߬ ߝߐ߫ ߞߏ߫ ߊ߬ߟߋ ߟߋ߬ ߞߊ߬ ߥߛߊ߬ߘߋ߲ ߠߎ߬ ߟߊ߫ ߞߐ߲߬ߛߏ߬ ߛߊ߲߬ ߛߓߍ ߖߡߊ߬ߙߌ߬ߦߊ ߛߐ߬ߘߐ߲߬߸ ߞߵߊ߬ ߛߐ߬ߘߐ߲߬ ߕߎ߬ߢߊ߬ ߕߍ߫߸ ߏ߬ ߦߴߊ߬ ߝߐ߫ ߘߐߙߐ߲߫ ߞߏ߫ ߊ߬ ߝߟߌ߬ ߘߊ߫ ߟߋ߬، ߡߍ߲ ߠߎ߬ ߞߵߊ߬ ߖߡߊ߬ߙߌ߬ߦߊ߬ ߛߓߍ ߛߐ߬ߘߐ߲߬ ߏ߬ ߟߎ߬ ߦߴߊ߬ ߝߐ߫߸ ߏ߬ ߓߊ߯ ߞߍ߫ ߞߎߡߊ߫ ߡߎ߰ߡߍ ߘߌ߫ ߓߊ߲߫ ߦߙߐ߫ ߞߎ߲ߞߎߘߎ߲ߣߍ߲߫ ߞߋߟߋ߲߫، ߓߊ߬ߙߌ߬߸ ߊ߬ߟߎ߬ ߦߴߊ߬ ߞߊ߲߬ ߞߊ߬ ߝߊ߲߬ߞߊ ߟߋ߬ ߟߊߓߊ߯ߙߊ߫ ߝߐ߰ߓߍ߬ߦߊ߬ߟߊ ߞߊ߲߬، ߓߊߏ߬߸ ߊ߬ ߟߊ߫ ߞߎߡߊ߫ ߝߐߣߍ߲ ߡߊ߫ ߞߍ߫ ߞߎߡߊ߫ ߖߎ߯ ߘߌ߫، ߞߐ߲߬ߛߏ ߛߊ߲߬ߣߍ߲ ߡߍ߲ ߞߍ߫ ߘߊ߫ ߘߎ߲߬ߘߎ߲߬ߡߊ߬ ߛߌߟߊ ߝߍ߬߸ ߏ߬ ߟߋ߬ ߞߊ߬ ߓߊߛߌߙߎ߬ ߟߐ߬ ߕߐ߯ߘߐߕߍ߯ߟߌ ߟߊ߫߸ ߣߌ߫ ߞߏ ߣߌ߲߬ ߕߘߍ߬ ߞߍ߫ ߘߊ߫ ߜߍߦߊ ߞߣߐ߫߸ ߊ߬ ߛߋ߫ ߘߊ߫ ߤߊ߲߯ ߦߙߐ ߡߍ߲ ߘߐ߫ ߕߋ߲߬߸ ߊ߬ ߕߘߍ߬ ߕߍ߫ ߛߋ߫ ߦߋ߲߬ ߓߍ߯ ߘߐ߫.
ߦߟߌߓߌߟߊ߫ ߓߟߏߡߊ߬، ߞߕߌߕߍ߯ߟߊ ߞߊ߬ ߞߊߙߏ߫ ߥߐ߯ߙߐ߫ ߥߛߎ ߟߋ߬ ߟߴߊ߬ ߞߎ߲߬߸ ߞߊ߬ ߛߓߊ߬ ߘߐ߲ߘߐ߫ ߊ߬ ߡߊ߬߸ ߞߵߊ߬ ߕߐ߬ ߛߓߊ ߞߍ߫ ߊ߬ ߞߣߐ߫، ߊ߬ ߣߌ߫ ߞߊ߬ ߛߍߝߊ߫ ߥߊߘߌ ߄߀.߀߀߀ ߛߙߊ߬ ߢߍ߬ߢߌ߲߬ߘߐ߬ߓߍ߲ ߘߌ߫، ߞߕߌߕߍ߯ߟߊ ߓߘߊ߫ ߞߐߝߟߌ ߘߌ߫ ߕߏ߫ ߞߎߣߎ߲ߟߏ߲ ߣߊ߬ߕߐ ߟߊ߫، ߓߊ߬ߙߌ߬߸ ߦߊ߬ߣߌ߫ ߏ߬ ߕߍ߫߸ ߓߊ߬ߛߌߙߎ߬ ߝߏߝߣߊ߫ ߓߍߣߊ߬ ߘߏ߫ ߞߍ߫ ߥߛߎ ߟߊ߫ ߝߟߐ߫.
