ߟߊ߬ߥߊ߲߬ߞߊ߲߬ߠߌ߲ ߣߌ߲߬ ߓߐ߫ ߘߊ߫ ߞߐߕߑߝ߭ߊߙߌ߬ ߟߋ߬ ߝߍ߬߸ ߞߏ߫ ߊ߬ߟߎ߬ ߟߊ߫ ߞߟߍ߬ߡߐ߰ ߟߏ߯ߟߎ߫ ߡߍ߲߬ ߠߎ߬ ߡߌ߬ߣߊ߬ߣߍ߲߫ ߕߘߍ߬ ߦߋ߫߸ ߞߴߏ߬ ߟߎ߬ ߞߵߊ߬ߟߎ߬ ߟߊ߫ ߞߎߓߋߘߊ ߡߊߛߐ߬ߘߐ߲߬߸ ߥߊ߬ߛߌ߬ߥߙߊ߫ ߕߋ߬ߟߋ߫ ߂߉ ߟߊ߫، ߥߊ߬ߛߌ߬ߥߙߊ߫ ߕߋ߬ߟߋ߫ ߂߁ ߕߊ߬ߡߌ߲߬ߣߍ߲ ߠߋ߬ ߟߊ߫߸ ߞߐߕߑߝ߭ߊߙߌ߬ ߞߟߍ߬ߡߐ߮ ߡߍ߲߬ ߠߎ߬ ߡߌ߬ߣߊ߬ ߘߊ߫߸ ߓߙߎߞߌߣߊ߫ ߓߐߕߏ߲ ߠߊ߫߸ ߏ߬ ߞߍ߫ ߘߴߊ߬ߟߎ߬ ߟߊ߫ ߓߊ߯ߙߊ ߘߏ߫ ߟߋ߬ ߛߋ߲߭ߝߍ߬.
ߞߐߕߑߝ߭ߊߙߌ ߞߎ߲߬ߠߊ߬ߛߌ߰ ߞߙߎ ߡߐ߰ ߘߏ߫ ߟߊ߫ ߟߊ߬ߛߙߋߦߊ߬ߟߌ ߘߐ߫߸ ߞߏ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ ߕߋߣߋ߫ ߓߌߙߊߤߌߡߊ߫ ߥߊߕߙߊ߫ ߟߋ߬ ߞߵߊ߬ ߓߊ߯ߙߊ߫ ߢߐ߲߮ ߓߙߎߞߌߣߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߞߟߌ߫߸ ߞߊ߬ ߞߟߍ߬ߡߐ߮ ߡߍ߲߬ ߠߎ߬ ߟߊߓߌ߬ߟߊ߬ߞߏ ߟߊߢߌߣߌ߲߫ ߊ߬ ߝߍ߬߸ ߏ߬ ߟߋ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߟߊ߬ߓߌ߬ߟߊ߬ ߣߌ߲߬ ߞߊߟߌߦߊ߫ ߘߊ߫߸ ߞߊ߬ ߕߊ߬ߡߌ߲߬ ߟߊ߬ߓߌ߬ߟߊ߬ߟߌ ߕߐ߭ ߟߎ߬ ߞߊ߲߬، ߓߊߏ߬߸ ߞߟߍ߬ߡߐ߯ ߡߍ߲߬ ߠߎ߫ ߞߊ߬ ߟߐ߯ߞߎ߲߫ ߞߋߟߋ߲߫ ߘߐߙߐ߲߫ ߠߋ߬ ߞߍ߫߸ ߓߙߎߞߌߣߊ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߟߎ߬ ߓߟߏ߫؛ ߝߣߊ߫ ߞߟߍ߬ߡߐ߮ ߡߍ߲߬ ߠߎ߬ ߟߊ߫ ߓߐߟߌ ߛߎߘߊ߲߫ ߘߊ߫ ߞߵߊ߬ ߞߎ߲߭ ߞߍ߫ ߞߐߕߑߝ߭ߊߙߌ߬ ߣߌ߫ ߓߙߎߞߌߣߊ߫ ߝߊ߬ߛߏ߬ ߟߊ߫ ߢߐ߲߯ߦߋ ߟߋ߬ ߘߌ߫.
ߏ߬ ߡߍ߲ ߞߍ߫ ߘߊ߫ ߣߊ߲߬ߕߌ߯ ߝߌ߬ߟߊ߫ ߡߌ߬ߣߊ ߘߌ߫߸ ߂߀߂߃ ߕߎߟߊߝߌ߲ ߠߊ߫، ߓߊ߬ߙߌ߬߸ ߛߊ߲߬ ߞߋߟߋ߲߫ ߡߌ߬ߣߊ߬ߟߌ ߣߌ߫ ߞߎߡߊߢߐ߲߯ߦߊ ߟߎ߬ ߞߐ ߘߐ߫߸ ߊ߬ߟߎ߬ ߟߊߓߌ߬ߟߊ߬ ߘߊ߫، ߞߐߕߑߝ߭ߊߙߌ߬ ߣߌ߫ ߓߙߎߞߌߣߊ߫ ߝߊ߬ߛߏ߬ ߟߊ߫ ߛߌ߰ߞߊ߬ߝߐ ߣߌ߲߬ ߞߍ߫ ߘߴߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ ߘߏ߫ ߟߋ߬ ߞߣߐ߫߸ ߏ߬ ߡߍ߲ ߛߋ߲߭ߝߍ߬߸ ߎߜ߭ߊߘߎߜ߭ߎ߫ ߣߌ߫ ߞߐߕߑߝ߭ߊߙߌ߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߋ߫ ߘߊ߫ ߢߐ߲߯ߦߋ ߘߏ߫ ߞߍ߫ ߟߊ߫ ߦߋ߲߬߸ ߂߀߂߄ ߞߏ߲ߞߏߘߓߌ ߟߊ߫߸ ߣߌߦߊ߲ߜ߭ߏߟߏߞߏ߫، ߞߊߛߑߞߊߘߍߛ ߡߊ߬ߙߊ ߘߐ߫߸ ߖߡߊ߬ߣߊ߫ ߝߌ߬ߟߊ߫ ߡߍ߲߬ ߠߎ߬ ߓߐߕߏ߲ ߠߊ߫.
ߖߡߊ߬ߣߊ ߝߌ߬ߟߊ߫ ߡߍ߲߬ ߠߎ߬ ߟߊ߫ ߢߐ߲߯ߦߋ ߞߍ߫ ߘߊ߫ ߛߊߓߎ߫ ߘߌ߫߸ ߊ߬ߟߎ߫ ߞߊ߬ ߓߍ߲߬ߞߊ߲ ߛߐ߬ߘߐ߲߬ ߊ߬ߟߎ߬ ߣߌ߫ ߢߐ߲߮ ߕߍ߫߸ ߡߍ߲ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߣߐ߰ߦߊ ߟߊߣߊ߬ ߊ߬ߟߎ߬ ߟߊ߫ ߓߐߕߏ߲ ߠߎ߬ ߟߊ߫، ߏ߬ ߓߍ߲߬ߞߊ߲ ߠߎ߬ ߓߊ߯ߙߊ ߞߣߐߡߊ߬߸ ߓߙߎߞߌߣߊ߫ ߣߊ߲߬ߕߌ߮ ߟߎ߬ ߞߐߡߊߓߌ߲ߓߌ߲ߓߊ߮ ߝ߭ߋ-ߘߋ߫-ߔߋ߫، ߝߌ߬ߟߊ߬ ߟߊߓߌ߬ߟߊ߬ ߟߊ߫ ߘߋ߬ ߞߐߕߑߝ߭ߊߙߌ߬ ߞߎ߲߬ߠߊ߬ߛߌ߮ ߟߎ߬ ߓߟߏ߫، ߊ߬ ߕߘߍ߬ ߓߘߊ߫ ߞߊߙߏ߫ ߝߌ߬ߟߊ߫ ߢߐ߲߰ ߓߐ߫߸ ߏ߬ ߟߎ߬ ߦߋ߫ ߓߟߏ߫ ߘߐ߫.
