ߛߎ߫ ߕߊ߬ߡߌ߲߬ߣߍ߲ ߡߍ߲ ߦߋ߫ ߣߌ߲߬߸ ߞߏߟߌ߲ߞߏߟߌ߲ ߕߋ߬ߟߋ߫ ߉߸ ߡߊ߬ߛߎ߬ߓߊ߬ ߞߏ ߟߋ߬ ߞߍ߫ ߘߊ߫߸ ߡߍ߲ ߕߙߐߦߊ ߛߋ߫ ߘߊ߫ ߘߋ߲ߓߦߊ߫ ߛߋߦߌ߲߫ ߢߐ߲߰ ߡߊ߬߸ ߞߵߊ߬ߟߎ߫ ߓߌ߬ߟߊ߫ ߖߐ߬ߘߐ ߘߐ߫ ߝߍߛ ߞߣߐ߫߸ ߤߊ߲߯ ߕߋ߲߬ ߢߌߣߌ߲ߠߌ߲ߠߊ ߟߎ߬ ߦߋ߫ ߘߊߞߎ߲ ߏ߬ ߘߐ߫ ߦߋ߲߬ ߡߎߣߎ߲߬.
ߞߐ߬ߟߏ߲ ߛߎ ߞߵߊ߬ ߘߎ߰ߛߊ ߜߍ߫ ߞߎߣߎ߲ߟߏ߲ ߢߌ߲߬ ߠߊ߫߸ ߏ߬ ߞߍ߫ ߘߊ߫ ߛߊ߲ߞߊߛߏ߫ ߝߌ߬ߟߊ߫ ߟߋ߬ ߟߊ߫ ߓߋ߬ߟߌ ߘߌ߫ ߓߙߊ߬ߒ߬ߘߐ߬ ߓߟߏ ߡߊ߬߸ ߊ߬ ߓߍ߯ ߦߋ߫ ߓߟߌߕߍ߫ ߣߊ߯ߣߌ߲ߡߊ ߟߋ߬ ߘߌ߫ ߊ߬ߟߑߡߎ߬ߛߑߕߊߞߑߓߊߟ ߞߌ߲߬ߘߊ ߟߊ߫߸ ߝߍߛ ߘߎ߱ ߞߣߐ߫߸ ߡߊ߬ߙߐߞߎ߬ ߞߐ߰ߘߎ߮ ߘߐ߫، ߡߊ߬ߙߐߞߎ߬ ߝߊ߰ߡߊ ߟߎ߬ ߞߊ߲߫ ߞߏ߫ ߡߐ߰ ߂߂ ߟߋ߬ ߓߣߐ߬ߣߴߊ߬ ߣߌ ߘߐ߫߸ ߞߊ߬ ߡߐ߰ ߁߆ ߖߐߞߌ߫߸ ߏ߬ ߘߏ߲߬ ߦߋ߫ ߖߊ߬ߕߋ߫ ߞߎ߲߬ߝߟߐ ߟߎ߫ ߟߋ߬ ߘߌ߫߸ ߡߍ߲ ߘߌ߫ ߛߋ߫ ߡߊߞߊ߬ߝߏ߬ ߟߊ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫߸ ߣߴߊ߬ ߡߊ߫ ߢߊ߬ ߞߏ߫ ߢߌߣߌ߲ߠߌ߲ ߠߎ߬ ߦߴߌߘߐ߫ ߡߎߣߎ߲߬.
ߡߙߊ߬ߓߊ߰ߘߊ ߟߊ߫ ߝߐߟߌ߫ ߘߐ߫߸ ߞߏ߫ ߘߋ߲ߓߦߊ߫ ߛߋߦߌ߲߫ ߠߋ߬ ߛߊ߲ߞߊߛߏ ߢߌ߲߬ ߠߎ߬ ߟߊ߫، ߓߏ߲߫ ߓߋ߫ ߞߏ ߟߊߛߋ߸ ߣߊ߲߬ߒ߬ߕߊ߲ ߠߎ߬ ߟߊߞߊ߲ߘߊ ߕߊ߯ ߘߊ߫ ߘߌ߲߬ߞߌߙߊ ߟߊߞߊ߲ߘߊ߫߸ ߞߊ߬ ߦߋ߲߬ ߠߊߡߌߣߌ߲ ߡߐ߱ ߟߎ߬ ߟߊߓߐ߫߸ ߞߊ߬ ߜߊ߲ߜߘߊ ߟߎ߬ ߘߐߥߟߏߡߊ ߘߊߡߌ߬ߣߊ߬، ߡߊ߬ߡߙߊ߬ߟߌ߬ߟߊ ߟߎ߬ ߞߵߊ߬ ߦߌ߬ߘߊ߬ ߞߏ߫ <<ߞߏ߫ ߛߌ߫ ߣߌ߫ ߞߍߟߌ ߞߊ߫ ߞߊ߲߫߸ ߏ߬ ߓߍ߯ ߓߘߊ߫ ߞߍ߫ ߞߊ߬ ߦߙߐ ߛߌ߰ߓߊ߮ ߟߎ߬ ߟߊߞߊ߲ߘߊ߫.>>
ߖߐߞߌߓߊ߯ߕߐ ߟߎ߫ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߝߍߛ ߖߊ߯ߓߘߊ ߘߊ߲ߘߊߛߏ ߟߋ߬ ߟߊ߫ ߘߊ߲ߘߊߟߌ ߘߊߞߘߐ߫، ߦߙߐ ߏ߬ ߘߐ߫ ߦߋ߲߬ ߌߞߘߐ߫߸ ߘߋ߲ߓߦߊ ߟߎ߬ ߟߐ߬ߣߍ߲߫߸ ߊ߬ߟߎ߬ ߟߊ߫ ߡߐ߱ ߟߎ߬ ߢߌߣߌ߲ ߦߴߌߘߐ߫ ߕߏ߬ߝߊ߬ߘߋ߲ ߠߎ߬ ߣߌ߫ ߜߊ߲ߜߘߊ ߟߎ߬ ߞߘߐ߫߸ ߊ߬ ߞߏ ߓߘߊ߫ ߓߍ߯ ߞߣߐ ߕߋ߬.
ߡߊ߬ߛߎ߬ߓߊ߬ ߞߏ ߣߌ߲߬ ߘߏ߲߬ ߝߟߐ߫ ߕߍ߫ ߣߌ߲߬ ߘߌ߫، ߓߊߏ߬߸ ߘߓߊ߬ߕߊ߫ ߕߊ߬ߡߌ߲߬ߣߍ߲ ߠߊ߫߸ ߡߐ߰ ߉ ߓߣߐ߬ ߘߴߊ߬ ߣߌ ߘߐ߫ ߛߊ߲ߞߊߛߏ ߘߏ߫ ߝߣߊ߫ ߟߊ߫ ߓߋ߬ߟߌ ߘߐ߫߸ ߓߌ߬ߟߊ߬ߒ߬ߓߐ߬ ߜߘߍ߫ ߟߎ߫ ߘߏ߲߬ ߝߣߊ߫ ߓߘߊ߫ ߞߍ߫ ߛߊ߲߭ ߣߌ߲߬ ߘߊߡߌߣߊ ߣߌ߫ ߛߌߛߍ߲߬ ߕߍ߫، ߛߊ߲ߞߊߛߏ߫ ߝߌ߬ߟߊ ߢߌ߲߬ ߠߎ߫ ߞߏ߬ߣߌ߲ ߓߋ߬ ߞߎ߲߫ ߡߊ߫ ߟߐ߲߫ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
