ߕߎߟߊߝߌ߲ ߕߋ߬ߟߋ߫ ߉ ߣߌ߲߬ ߡߊ߬߸ ߝߘߊ߬ߝߌ߲߬ߠߊ߫ ߦߋ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߏ߲ߓߊ ߢߊ߰ߢߊ߮ ߟߋ߬ ߞߊ߲߬߸ ߡߍ߲ ߛߌ߲ߞߐ߲ ߕߍ߫ ߕߎߣߎ߲ߕߊ߫ ߘߌ߫، ߞߊ߬ߕߎ߲߯߸ ߕߟߋ߬ ߟߏ߯ߟߎ߫ ߓߌ߬ ߢߍ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߛߌ߲߬ߝߏ߲߬ߧߊ߬ߟߌ ߝߘߏ߬ߓߊ߬ ߜߙߊ ߞߍ߫ ߘߊ߫، ߖߐ߬ߡߊ߬ߦߊ ߡߍ߲ ߟߐ߬ߣߍ߲߫ ߝߘߊ߬ߝߌ߲߬ߠߊ߫ ߡߊ߬߸ ߞߊ߬ ߝߘߊ߬ߝߌ߲߬ߠߊ߫ ߞߍ߫ ߝߐߍ߲ ߘߌ߫ ߘߎߢߊ߫ ߔߊ߬ߔߘߊ ߞߊ߲߬߸ ߖߊ߬ߡߊ ߓߍ߲߬ ߘߴߊ߬ ߡߊ߬ ߞߏ߫ ߞߊ߬ ߝߎ߬ߕߎ߲߬ߕߌ ߏ߬ ߟߋ ߘߊߞߍ߫، ߝߘߊ߬ߝߌ߲߬ߠߊ߫ ߔߊ߬ߔߘߊ ߣߌ߫ ߓߏ߲߬ߧߊ ߞߛߊߞߊ ߡߍ߲ ߦߊ߫ ߞߊ߲߫ ߘߎߢߊ߫ ߔߊ߬ߔߘߊ ߟߎ߬ ߕߍߡߊ߬߸ ߞߵߏ߬ ߘߴߊ߬ ߡߊ߬.
ߏ߬ ߡߙߌߦߊ ߘߐ߫߸ ߕߜ߭ߏ߫ ߟߋ߬ ߞߊ߬ ߣߌ߲߬ ߞߏ ߛߍ߬ߘߏ߲ ߞߍ߫߸ ߞߏ߫ ߝߏ߫ ߞߊ߬ ߝߘߊ߬ߝߌ߲߬ߠߊ߬ ߟߊ߫ ߓߏ߲߬ߧߊ ߟߊߛߊ߬ߦߌ߲߫ ߊ߬ ߡߊ߬ ߔߊ߬ߔߘߊ ߞߊ߲߬، ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߝߣߊ߫ ߞߍߢߊ ߟߵߏ߬ ߘߌ߫ ߞߊ߬ ߕߜ߭ߏ߫ ߞߐߡߊߓߌ߲ߓߌ߲߫߸ ߖߡߊ߬ߣߊ߫ ߁߆߄ ߛߐ߬ߘߐ߲߬ ߘߊ߫߸ ߡߍ߲ ߠߎ߬ ߞߵߊ߬ߟߎ߬ ߞߊ߲ ߘߌ߫߸ ߞߋߟߋ߲߫ ߠߋ߬ ߡߊ߫ ߛߐ߲߬߸ ߏ߬ ߟߋ ߞߊ߬ߝߏ߫ ߘߍ߬ߣߍ߲ ߘߌ߫، ߖߡߊ߬ߣߊ߬ ߥߐ߯ߙߐ߫ ߜߘߍ߫ ߓߍ߫߸ ߏ߬ ߟߎ߬ ߕߏ߫ ߘߊ߫ ߤߎ߲ߕߍߤߊ߲ߕߍ ߘߐ߫، ߊ߬ߟߋ ߟߋ߬ ߞߍߕߐ߫ ߕߙߎ߬ ߘߌ߫߸ ߞߵߊ߬ ߝߐ߫ ߡߐ߰ ߟߞߊ߬ߙߊ߲߬ߠߊ ߟߎ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߣߌ߫ ߛߋߒߞߏߟߊߘߐߦߟߊ ߟߎ߬ ߦߋ߫߸ ߓߟߏ߫ ߊ߬ߟߎ߬ ߦߋ߫ ߝߘߊ߬ߝߌ߲߬ߠߊ߫ ߟߊ߲߬ߓߋ ߟߊߛߊ߬ߦߌ߲߫ ߊ߬ ߡߊ߬߸ ߞߵߊ߬ ߟߊ߫ ߓߏ߲߬ߧߊ ߘߴߊ߬ ߡߊ߬ ߘߎߢߊ߫ ߔߊ߬ߘߊ ߟߎ߬ ߛߓߍ߫ ߕߎߡߊ ߟߊ߫، ߞߊ߬ߕߎ߲߯߸ ߡߍߙߑߞߊߕߐߙ ߟߊ߫ ߦߌ߬ߘߊ߬ߟߌ ߡߍ߲ ߦߋ߲߬߸ ߏ߬ ߟߊߘߊ߲߫ ߘߊ߫ ߛߏ߲߯ߓߊߟߌ ߟߋ߬ ߘߐ߫ ߝߊ߯ߘߐߞߍ߫ ߁߆߲ ߠߊ߫߸ ߏ߬ ߞߊ߬ ߓߊߙߌ ߡߊ߬ߛߎ߬ߘߎ߲߬ߧߊ߬ ߖߡߊߣߊ ߟߎ߬ ߟߊߓߏ߲߬ߧߊ߫ ߟߋ߬߸ ߞߊ߬ ߋߙߐߔߎ߬ ߣߌ߫ ߊߡߙߌߞߌ߬ ߟߎ߬ ߝߘߏ߬ ߢߐ߲߮ ߡߊ߬߸ ߞߵߏ߬ ߟߎ߬ ߟߊߓߏ߲߬ߧߊ߫ ߝߘߊ߬ߝߌ߲߬ߠߊ߫ ߘߌ߫.
ߒ߬ߓߊ߬߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߞߊ߬ ߡߙߌߘߐ ߕߊ߬ ߕߎߟߊߝߌ߲ ߕߟߋ߬ ߈ ߡߊ߬߸ ߏ߬ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߏ߲ߓߊ ߘߎ߰ߛߊ߬ߝߌ߲ ߡߊ߬، ߒ߬ߓߊ߬߸ ߕߎߟߊߝߌ߲ ߕߋ߬ߟߋ߫ ߉ ߢߌ߲߬ ߡߊ߬߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߞߊ߲ߕߌ߮߸ ߡߊ߬ߤߑߡߎߘ ߊ߬ߟߌ߬ ߦߎ߯ߛߎߝ ߞߵߊ߬ ߦߌ߬ߘߊ߬ ߞߏ߫ ߛߍ߬ߘߏ߲߬ߓߊ߫ ߟߋ߬ ߞߍߣߍ߲߫ ߢߌ߲߬ ߘߌ߫߸ ߝߘߊ߬ߝߌ߲߬ߠߊ߫ ߝߏ߲߬ߝߏ߲ ߣߴߊ߬ ߟߊ߫ ߡߊ߲߬ߕߎ߬ߙߋ߬ߦߊ ߡߞߊߘߊ߲ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߟߌ ߓߘߊ߫ ߛߋ߫ ߛߌߙߕ ߟߊ߬ߛߋ߬ߟߌ ߡߊ߬ ߁߉߉߉ ߟߊ߫߸ ߏ߬ ߡߍ߲ ߞߍ߫ ߘߊ߫ ߛߋ߲߬ߕߊ߬ߓߊ߫ ߘߌ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊߘߊ߲ ߘߐ߫.
ߝߘߊ߬ߝߌ߲߬ߠߊ߫ ߞߊ߲ߕߌ߮ ߟߎ߬ ߞߊ߲߫ ߘߌ߬ ߝߣߊ߫߸ ߞߏ߫ ߝߘߊ߬ߝߌ߲߬ߠߊ߫ ߟߊߓߏ߲߬ߧߊ ߔߊ߬ߔߘߊ ߞߊ߲߬߸ ߏ߬ ߞߋߟߋ߲߫ ߕߍ߫ ߥߛߊ߬ ߞߍ߫ ߘߋ߬، ߝߏ߫ ߝߘߊ߬ߝߌ߲߬ߠߊ߫ ߟߋ߬ ߞߍ߫ ߞߋߟߋ߲߫ ߘߌ߫߸ ߞߊ߬ ߖߐ ߟߊߘߏ߲߬߸ ߞߊ߬ ߛߐ߬ߘߐ߲ ߓߊߛߌ߰߸ ߞߵߊ߬ ߞߣߐ߫ ߡߐ߮ ߟߎ߬ ߟߊ߫ ߘߎߢߊ߫ ߘߐߕߍ߰ ߢߊ ߘߐߘߌߦߊ߫߸ ߞߊ߬ ߛߋ߲߬ߕߊ߬ ߞߍߣߍ߲ ߢߌ߲߬ ߡߊߘߍ߬ߡߍ߲߫ ߏ߬ ߟߊ߫.
ߏ߬ ߘߐ߫߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߛߍߥߊ ߣߌ߲߬ ߓߍ߲߬ߣߍ߲߫ ߊ߬ ߛߋ߲߭ ߡߊ߬߸ ߝߘߊ߬ߝߌ߲߬ߠߊ߬ ߓߘߊ߫ ߟߊ߬ߥߛߊ߬ ߞߎߘߊ߫ ߛߐ߬ߘߐ߲߬ ߘߎߢߊ߫ ߔߊ߬ߔߘߊ ߞߊ߲߬.
