ߊߟߎ߫ ߦߴߊ߬ ߟߐ߲߫߸ ߘߎߢߊ߫ ߝߊ߲߬ߓߊ ߦߋ߫ ߂߀߂߆ ߟߋ߬ ߘߐ߫ ߕߌ߲߬߸ ߋߗߏߔߌ߫ ߘߏ߲߬ ߛߊ߲ ߠߋ߬ ߂߀߁߉ ߘߐ߫ ߣߌ߲߬، ߓߌ߬ ߛߌ߬ߣߌ߲߬ߟߏ߲ ߡߍ߲ ߦߋ߫ ߣߌ߲߬߸ ߂߀߂߆ ߕߎߟߊߝߌ߲ ߕߟߋ߬ ߁߁߸ ߖߡߊ߬ߣߊ ߦߋ߫ ߊ߲ߞߎߕߊߕߊߛ ߢߊ߰ߢߊ߮ ߟߋ߬ ߞߊ߲߬߸ ߊ߬ߟߎ߬ ߟߊ߫ ߟߐ߲ߠߌ߲ߦߊ ߛߊ߲߬ ߞߎߘߊ ߟߵߏ߬ ߘߌ߫߸ ߞߊ߬ ߓߍ߲߬ ߋߗߏߔߌ߫ ߛߊ߲߬ߥߟߊ ߟߌ߬ߤߟߊ ߡߊ߬߸ ߊ߬ߟߋ ߣߌ߫ ߜ߭ߙߋߜ߭ߐߙ ߟߊ߫ ߛߊ߲߬ߥߟߊ ߕߍ߫ ߞߋߟߋ߲߫ ߘߌ߫߸ ߡߍ߲ ߦߋ߫ ߛߎߡߊ߲߫ ߠߊ߫ ߌߛߊ߫ ߡߏߦߌ ߕߎ߬ߡߊ߬ߞߎ߲ ߡߊ߬ ߣߌ߲߬ ߞߊ߬ߣߌ߲߬߸ ߏ߬ ߟߋ ߘߏ߲߬ ߦߋ߫ ߟߊߓߊ߯ߙߊ߫ ߟߊ߫ ߖߊ߬ߡߊ ߝߊ߲߬ߓߊ ߓߟߏ߫ ߖߡߊ߬ߣߊ ߞߣߐ߫.
ߊ߬ ߖߡߊ߬ߣߊ ߕߜߋ߫ ߘߎߢߊ߫ ߞߣߐ߫߸ ߡߍ߲ ߠߎ߬ ߣߐ߬ ߊ߬ߟߎ߫ ߝߛߊ߬ ߟߴߊ߬ߟߎ߫ ߖߘߍ߬ߞߊ߬ߣߌ߲߬ ߕߎߡߊߞߎ߲ ߡߊ߬߸ ߦߏ߫ ߡߊ߲߬ߘߋ߲߬ ߕߊ ߦߋ߫ ߞߙߎ߬ߞߊ߲߬ ߝߎߥߊ߫ ߕߎ߬ߡߊ߬ߞߎ߲ ߘߌ߫ ߢߊ ߡߍ߲߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߡߊ߲߬ߘߋ߲߫ ߖߡߊ߬ߣߊ߬ ߛߌ߫ ߡߴߏ߬ ߡߊߟߐ߲߫ ߝߟߐ߫، ߓߊ߬ߙߵߊ߬ ߕߊ߬ߣߍ߲߬ ߓߊ߫ ߘߐ߫ ߒߞߏ ߛߓߍߟߌ ߟߊߓߊ߯ߙߊߓߊ߮ ߟߎ߬ ߓߟߏ߫ ߊ߬ߟߎ߬ ߟߊ߫ ߟߞߊ߬ߙߊ߲߬ߠߌ߲ ߠߎ߬ ߘߐ߫߸ ߞߵߊ߬ ߟߊߝߐߦߊ߫ ߞߊ߬ߝߊ ߟߎ߬ ߞߣߐ߫߸ ߝߏ߫ ߛߓߍߦߟߊ߫ ߞߋ߬ߟߋ߲߬ߞߋ߬ߟߋ߲߬. ߒ߬ߓߊ߬߸ ߋߗߏߔߌ߫ ߝߣߊ߫ ߏ߬ ߘߏ߫ ߟߵߊ߬ ߓߟߏ߫ ߣߌ߲߬.
ߋߗߏߔߌߞߊ ߟߎ߬ ߟߊ߫ ߕߎ߬ߡߊ߬ߞߎ߲ ߡߍ߲ ߦߋ߫ ߣߌ߲߬߸ ߊ߬ ߟߋ ߦߋ߫ ߞߊߙߏ߫ ߁߃ ߟߋ߬ ߘߌ߫߸ ߞߊߙߏ߫ ߕߊ߲ߣߌߝߌ߬ߟߊ ߞߋ߬ߟߋ߲߬ߞߋ߬ߟߋ߲߬ߠߊ ߦߋ߫ ߕߟߋ߬ ߃߀ ߟߋ߬ ߘߌ߫߸ ߊ߬ ߕߊ߲ߣߌߛߓߊߣߊ߲ ߛߊ߫߸ ߏ߬ ߟߋ ߞߟߌ߫ ߟߴߊ߬ߟߎ߬ ߓߟߏ߫ ߞߏ߫ ߔߊߜ߭ߎߡߋ߸ ߏ߬ ߦߋ߫ ߕߟߋ߬ ߟߏ߯ߟߎ߫ ߟߋ߬ ߘߌ߫߸ ߊ߬ ߦߋ߫ ߞߍ߫ ߟߊ߫ ߕߟߋ߬ ߥߐ߯ߙߐ ߘߌ߫ ߛߊ߲߬ߖߎ߮ ߟߎ߫ ߟߋ߬ ߡߊ߬ ߛߐ߲߬ (ߥߟߊ߫ ߛߊ߲߬ ߘߝߊߣߍ߲).
ߛߊ߲߬ ߥߐߙߐ߲ߝߌ߬ߟߊ߬ ߤߊ߲߯ ߛߊ߲߬ ߛߋߦߌ߲߫ ߠߋ߬ ߊ߬ ߣߌ߫ ߜ߭ߙߋߜ߭ߐߙ ߟߊ߫ ߕߎ߬ߡߊ߬ߞߎ߲ ߕߍ߫߸ ߖߊ߬ߡߊ ߝߊ߲߬ߓߊ ߦߋ߫ ߡߍ߲ ߠߊߓߊ߯ߙߊ߫ ߣߌ߲߬ ߞߊ߬ߣߌ߲߬، ߞߏ߬ߣߌ߲߬߸ ߋߗߏߔߌ߫ ߖߡߊ߬ߣߊ ߦߴߊ߬ ߖߘߍ߬ߞߊ߬ߣߌ߲߬ ߕߎߡߊߞߎ߲ ߢߌ߲߬ ߠߊߓߊ߯ߙߊ߫ ߟߊ߫ ߓߊߟߋ߬، ߤߊߟߌ߬ ߞߎ߲߬ߠߊ߬ߛߌ߮ ߦߴߊ߬ ߓߌ߬ߟߊ߬ ߟߴߊ߬ߟߎ߬ ߟߊ߫ ߛߓߍ ߟߎ߫ ߞߊ߲߬، ߊ߬ߟߋ ߛߊ߲߬ ߞߎߘߊ ߦߋ߫ ߓߍ߲߬ ߠߊ߫ ߛߡߊ߬ ߖߌߖߐ߱ ߞߎ߲߬ߘߏ߲߬ ߕߎߡߊ ߟߋ߬ ߡߊ߬ ߛߐ߲߬߸ ߏ߬ ߡߍ߲ ߦߋ߫ ߛߣߍ߬ߞߍ ߝߊ߬ߘߌ߬ ߞߎߘߊ߫ ߘߊߡߌ߬ߣߊ߬ ߕߎߡߊ ߘߌ߫.
ߊ߬ ߝߐ ߡߍ߲ ߞߍߣߴߊ߬ߟߎ߬ ߓߟߏ߫ ߣߌ߲߬ ߞߏ߫ ߊ߲ߞߎߕߊߕߊߛ߸ ߏ߬ ߞߘߐ ߟߋ߬ <<ߞߓߊ߫ ߡߐ߬ߟߐ߲߬ ߜߍߟߍ߲ ߝߌߛߙߌ>>، ߞߊ߬ߕߎ߲߯߸ ߊ߬ߟߋ߬ ߕߎ߬ߡߊ߬ߞߎ߲ ߦߋ߫ ߕߊ߬ ߟߊ߫ ߡߊ߲߬ߛߊ߬ߡߛߏ߫ ߓߟߊ߬ߞߌߛߊ߫ ߞߐߛߊߦߌ߲߫ ߕߎߡߊ ߟߋ߬ ߡߊ߬ ߞߊ߬ ߓߐ߫ ߡߊ߲߬ߛߊ߬ ߡߟߎߞߎ߫ ߛߟߏ߬ߡߣߊ߫ ߝߍ߬ ߖ߭ߋߙߎ߳ߛߊ߬ߟߍߡ، ߓߟߊ߬ߞߌߛߊ߫ ߏ߬ ߡߍ߲ ߞߊ߬ ߡߊ߲߬ߛߊ߬ߦߊ߫ ߓߟߋ߬ߓߟߋ ߞߍ߫ ߝߊ߯ߘߐߞߍ߫ ߕߊ߲߫ ߣߌ߫ ߞߐ߫ ߢߐ߲߰ ߠߊ߫ ߒ߬ ߠߊ߫ ߕߎ߬ߡߊ ߣߌ߲߬ ߢߍ߫، ߒ߬ߓߊ߬߸ ߓߟߊ߬ߞߌߛߊ߫ ߞߐߛߊ߬ߦߌ߲ ߞߊ߬ ߓߐ߫ ߕߊ߯ߡߊ ߏ߬ ߘߐ߫߸ ߊ߬ ߟߊߓߍ߲߬ ߘߊ߫ ߢߊ߰ߢߊ߰ ߓߟߋߓߟߋ߫ ߣߌ߫ ߞߎ߲߬ߠߊ߬ߦߋ߬ߙߋ߲߬ߓߊ߫ ߟߋ߬ ߘߐ߫، ߊ߬ ߟߊ߫ ߡߐ߱ ߟߎ߫ ߞߊ߬ ߝߋ߲߫ ߡߐ߬ߟߐ߲߬ ߜߍߟߍ߲߫ ߛߌߦߊߡߊ߲߫ ߘߴߊ߬ ߡߊ߬ ߏ߬ ߟߋ ߘߐ߫߸ ߊ߬ ߣߌ߫ ߜߊߙߊ߲ߜߊߙߊ߲ ߠߎ߬ ߣߌ߫ ߡߊ߬ߛߘߌ ߟߎ߬، ߏ߬ ߟߋ ߞߍߣߍ߲߫ ߛߊ߲߬ ߞߎߘߊ ߣߌ߲߬ ߝߣߊ߫ ߞߏ߫ ߞߍߕߊ ߘߏ߫ ߟߎ߫ ߘߌ߫.
ߤߊߟߌ߬ ߓߌ߬ ߡߍ߲ ߓߌ߬ ߘߌ߫߸ ߊ߬ߟߋ߬ ߛߊ߲߬ ߞߎ߬ߘߊ߬ ߞߏ ߢߊ߰ߢߊ߮ ߦߋ߫ ߞߍ߫ ߟߴߊ߬ߟߎ߬ ߓߟߏ߫ ߢߊ߫ ߞߋߟߋ߲ ߏ߬ ߟߋ ߡߊ߬، ߊ߬ߟߎ߬ ߘߌ߫ ߕߊ߫ ߟߊߡߍߣߍ߲ ߠߎ߬ ߞߍ߫ ߦߙߐ߫ ߛߌߦߊߡߊ߲߫ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߛߊ߲߬ ߞߘߐ ߓߘߊ߫ ߥߊ߫߸ ߛߊ߲߬ ߞߎߘߊ ߓߘߊ߫ ߡߊߘߏ߲߬، ߊ߬ߟߎ߬ ߘߌ߫ ߛߎ߬ߡߊ߲ ߘߏ߫ ߟߎ߫ ߘߊߥߎ߲߫߸ ߦߏ߫ ߌ߲߬ߖ߭ߋߙߊ߸ ߏ߬ ߦߴߊ߬ߟߎ߬ ߟߊ߫ ߟߐ߲ߠߌ߲ߦߊ߫ ߛߎߡߊ߲ ߘߏ߫ ߟߋ߬ ߘߌ߫.
ߘߋ߲ߣߍ߲ ߠߎ߬ ߘߌ߫ ߝߊ߰ߣߌ߲߬ ߜߍ ߘߏ߲߬߸ ߞߊ߬ ߘߏ߲߬ ߟߎ ߟߎ߬ ߞߣߐ߫ ߘߐ߲߬ߞߟߌ߬ߟߊ ߘߌ߫߸ ߊ߬ߟߎ߬ ߘߌ߫ ߝߙߋߕߟߏ߫ ߊߘߋߦߌ߫ ߊ߬ߓߋߘߊ߬ ߞߍ߫ ߝߌߛߙߌ ߘߌ߫ ߞߵߊ߬ ߣߌ߬ ߛߐ߲߬߸ ߞߵߏ߬ ߞߍ߫ ߤߙߍ ߣߌ߫ ߓߎ߲ߘߍ ߕߐ߰ߡߊ߬ߛߙߋ ߘߌ߫.
ߊ߬ߟߎ߬ ߟߊ߫ ߛߊ߲߬ ߞߎߘߊ ߕߟߋ߬ ߝߟߐ ߟߋ߬ ߓߌ߬ ߘߌ߫߸ ߕߎߟߊߝߌ߲ ߕߟߋ߬ ߁߁߸ ߊ߬ ߢߊ߰ߢߊ߮ ߘߊߡߌ߬ߣߊ߬ ߘߴߊ߬ߟߎ߬ ߓߟߏ߫ ߞߊ߬ߦߌ߯ ߞߎߣߎ߲߬ ߠߋ߬.
ߣߌ߲߬ ߕߍ߫ ߕߏߟߏ߲߫ ߜߊ߲ߛߊ߲߫ ߘߌ߫ ߏ߬ ߞߐ߫ ߘߋ߬߸ ߊ߬ ߓߘߊ߫ ߖߡߊ߬ߣߊ ߖߍ߬ߘߍ ߜߎ ߕߐ߰ߡߊ߬ߛߙߋ߬ߓߊ߫ ߟߋ߬ ߘߌ߫ ߡߎ߬ߕߎ߲߬ ߟߐ߲ߠߌ߲ߦߊ ߣߌ߫ ߘߌ߯ߣߊ ߡߊ߬ߘߎ߮ ߘߐ߫.
