ߞߐ߬ߟߏ߲ ߣߌ߲߬ ߡߊ߬ ߂߀߂߆ ߕߎߟߊߝߌ߲ ߕߟߋ߬ ߁߅߸ ߞߎߟߎ߲߫ ߝߘߌ ߟߋ߬ ߞߍߣߍ߲߫ ߡߊ߬ߞߏߣߊ߬ ߓߊ ߞߊ߲߬߸ ߣߐ߲߬ߜ߭ߐ߬ߥߊ߫ ߡߙߊ߬ߘߊ߬ߙߋ߲ ߘߐ߫߸ ߞߎߘߍ߫ ߂߇߇ ߟߋ߬ ߦߋ߲߬ ߣߌ߫ ߜߞߋߘߎ߯ ߛߏ߫ ߞߣߐߟߊ ߕߍ߫. ߞߎߟߎ߲ ߝߘߌ ߞߐ ߟߋ߬ ߘߐ߫߸ ߡߐ߰ ߝߌ߬ߟߊ߫ ߛߊ߬ ߞߏ ߟߐ߲߫ ߘߊ߫ ߖߊ߬ߕߋ߫ ߞߎ߲߬ߝߟߐ ߟߎ߬ ߘߐ߫ ߡߎߣߎ߲߬߸ ߡߏ߬ߛߏ߫ ߛߊ߲߬ ߓߌߥߐ߯ߙߐ ߘߏ߫߸ ߊ߬ ߣߌ߫ ߘߋ߲ߣߍ߲߫ ߡߛߏ߬ߡߊ߲߬ߣߍ߲߫ ߛߊ߲߬ ߞߋߟߋ߲߫ ߣߌ߫ ߞߊߙߏ߫ ߥߐ߯ߙߐ ߘߏ߫.

ߊ߲ ߠߊ߫ ߟߌ߬ߤߟߊ߫ ߞߎ߲߬ߝߟߐ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߡߊ߬ߛߎߓߊ ߣߌ߲߬ ߕߍ߰ ߘߊ߫ ߞߊ߬ ߞߎߟߎ߲ ߕߏ߫ ߓߊ߫ ߕߍߡߊ߬ ߟߋ߬، ߓߊߏ߬߸ ߊ߬ߟߎ߬ ߛߋ ߓߊ߫ ߕߍߡߊ߬߸ ߣߌߘߐ ߛߊ߬ ߘߊ߫߸ ߏ߬ ߞߊ߬ ߟߊ߲߬ߓߏ߲ ߠߊߘߏ߲߬ ߞߎߟߎ߲ ߘߐ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߋ߫ ߓߐ ߞߊ߲߬ ߖߌ߬ߣߍ߫ ߝߊ߲߭ ߝߍ߬ ߞߵߊ߬ߟߎ߫ ߞߎ߲߬ߛߌ߲߫ ߛߙߊ߬ߟߏ߲߬ ߠߊ߫، ߞߵߏ߬ ߞߍ߫ ߞߎߟߎ߲ ߝߘߌ߫ ߢߊ ߘߌ߫ ߡߎ߬ߕߎ߲߬ ߛߊ߫.

ߊ߬ߟߎ߬ ߦߙߌߞߊ ߦߋ߫ ߡߐ߰ ߄߆ ߟߋ߬ ߘߌ߫߸ ߏ߬ ߟߎ߫ ߟߋ߬ ߕߘߍ߬ ߞߎߟߎ߲ ߞߣߐ߫ ߊ߬ ߝߘߌ߫ ߕߎߡߊ ߟߊ߫߸ ߡߛߏ߬ ߃߅ ߦߴߏ߬ ߘߐ߫߸ ߊ߬ ߣߌ߫ ߗߍ߬ ߡߐ߰ ߉߸ ߣߊ߲߬ߕߌ߰ ߣߊ߯ߣߌ߲߫ ߦߴߏ߬ ߘߐ߫߸ ߊ߬ ߣߌ߫ ߘߋ߲ߣߍ߲߫ ߃ ߣߌ߫ ߘߋ߲ߡߛߏߣߍ߲߫ ߡߐ߰ ߂.

ߞߎߟߎ߲ ߝߘߌ ߞߐߝߍ߬߸ ߡߐ߰ ߄߄ ߛߋ߫ ߘߊ߫ ߡߞߊߞߊ߲߫ ߠߊ߫ ߞߎߟߎ߲߫ ߓߏߙߌߟߊ ߟߎ߬ ߟߊ߫ ߘߐ߬ߖߊ ߞߏߛߐ߲߬߸ ߊ߬ ߣߌ߫ ߛߡߐ߬ߣߐ߬ ߛߌߦߊߡߊ߲߫߸ ߡߍ߲ ߠߎ߬ ߦߋ߫ ߖߌ߫ ߘߐ߫ ߣߊߥߎ߲ߠߌ߲ ߞߊ߬ߟߊߡߊ߬߸ ߏ߬ ߟߎ߫ ߟߋ߬ ߞߊ߬ ߡߞߊ߬ߘߊ߲߬ߠߌ߲ ߞߍ߫ ߊ߬ ߢߊ ߡߊ߬.

ߡߞߊ߬ߘߊ߲߬ߓߊ߰ߕߐ ߏ߬ ߟߎ߬ ߕߊ߬ ߢߊ ߟߋ߬ ߞߍ߫ ߘߴߏ߬ ߘߌ߫ ߞߊ߬ ߥߴߊ߬ߟߎ߬ ߘߌߌߌ߫ ߣߐ߲߬ߜ߭ߐ߬ߥߊ߫߸ ߣߊ߲߬ߕߌ߰ ߘߊ߮ ߘߊ߲ߘߊߟߌ߫ ߦߙߐ ߡߍ߲ ߦߋ߲߬߸ ߊ߬ߟߎ߬ ߟߥߊ߫ ߘߊ߫ ߦߋ߲߬ ߠߋ߬߸ ߞߊ߬ ߘߐ߰ߘߏ߲߬ߠߌ߲߫ ߞߎ߲߬ߝߟߐ ߟߎ߬ ߞߍ߫ ߊ߬ߟߎ߬ ߟߊ߫.

ߞߊ߬ ߓߍ߲߬ ߏ߬ ߟߋ ߞߏߢߊ ߡߊ߬ ߛߊ߫߸ ߡߊ߬ߡߙߊ߬ߟߌ ߝߊ߰ߡߊ ߟߎ߬ ߣߌ߫ ߞߊ߬ߝߏ߬ߙߋ߲ ߝߊ߰ߡߊ ߟߎ߬ ߓߐ߫ ߘߊ߫߸ ߞߊ߬ ߥߊ߫ ߞߛߌߓߊ߯ߕߐ ߟߎ߬ ߡߊ߬ߤߌ߬ߣߊ߬ ߟߊߡߌ߬ߣߊ߬߸ ߞߊ߬ ߓߊߟߏ ߘߏ߫ ߟߎ߫ ߘߴߊ߬ߟߎ߫ ߡߊ߬.

ߞߎߟߎ߲߫ ߝߘߌ ߣߌ߲߬ ߘߐ߫߸ ߡߐ߰ ߝߌ߬ߟߊ߫ ߟߋ߬ ߓߣߐ߬ ߘߴߊ߬ ߣߌ ߘߐ߫߸ ߛߙߎߓߊ߲ߣߍ߲߫ ߞߋߟߋ߲߫߸ ߏ߬ ߛߌ߭ ߦߋ߫ ߛߊ߲߬ ߞߋߟߋ߲߫ ߞߊߙߏ߫ ߥߐ߯ߙߐ߫߸ ߊ߬ ߣߌ߫ ߡߛߏ߬ ߞߋߟߋ߲߫߸ ߏ߬ ߛߌ߭ ߦߋ߫ ߛߊ߲߬ ߓߌߥߐ߯ߙߐ߫ ߖߊ߬ߕߋ߬ ߘߐ߫.

ߞߎߣߎ߲߬ ߛߎ ߓߊ߲߫ ߘߊ߫ ߟߋ߬߸ ߢߌߣߌ߲ߠߌ߲ ߠߎ߬ ߦߴߌߘߐ߫߸ ߖߐ߲߰ߛߴߊ߬ ߖߊ߬ߕߋ߬ ߖߐ߲ߖߐ߲ ߠߎ߬ ߘߌ߫ ߛߋ߫ ߟߊߕߍ߰ ߟߊ߫߸ ߊ߬ ߣߌ߫ ߞߵߊ߬ ߞߎ߲߬ ߖߐ߲ߖߐ߲ ߝߣߊ߫ ߟߐ߲߫ ߞߊ߬ ߓߍ߲߬ ߞߎߟߎ߲ ߝߘߌ߫ ߢߊ ߡߊ߬.