ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߆ ߕߎߟߊߝߌ߲ ߕߟߋ߬ ߁߇߸ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ (ߓߞߛ) ߞߊ߬ ߡߙߌߘߐ߫ ߕߊ߬߸ ߞߊ߬ ߝߊ߬ߙߊ߲߬ߛߌ߫ ߡߊ߲߬ߕߏ߲߬ߕߍ߬ ߞߌߓߊߙߏߘߊ߫ ߝߊ߬ߙߊ߲ߛ ߝ߭ߍ߲ߞߊߕ ߟߊߕߐ߲߫ ߖߌ߬ߣߍ߲߫ ߕߎ߰ߞߟߏ ߡߎ߰ߡߍ ߞߊ߲߬، ߞߊ߬ߕߎ߲߯߸ ߊ߬ߟߎ߬ ߟߊ߫ ߞߐߓߌߟߊ ߓߊ߬߸ ߡߟߊߡߟߊ ߟߎ߫ ߓߊ߬߸ ߟߥߊߟߌߟߊ߲ ߠߎ߬ ߓߊ߬߸ ߞߵߏ߬ ߟߴߊ߬ߟߎ߬ ߟߊ߫ ߘߍ߬ߞߙߏߝߏ ߟߎ߬ ߣߴߊ߬ߟߎ߬ ߟߊ߫ ߓߟߐߟߐ߫ ߞߍߦߙߐ ߞߊ߲߬߸ ߏ߬ ߓߍ߯ ߟߋ߬ ߟߊߕߐ߲ߣߍ߲߫ ߖߌ߬ߣߍ߬ ߞߣߐ߫ ߣߌ߲߬ ߞߐߘߍ߫.

ߊ߬ ߝߐߣߍ߲߫ ߡߙߌߘߐ ߣߌ߲߬ ߞߣߐ߫߸ ߞߏ߫: <<ߡߊ߲߬ߕߏ߲߬ߕߍ߬ ߖߌߦߊߞߊ߲ߛߏ߫ ߝߊ߬ߙߊ߲ߛ ߝ߭ߍ߲ߞߊߕ ߟߊ߫ ߟߊ߬ߖߍ߲߬ߛߍ߲߬ߠߌ߲ ߠߎ߬ ߓߘߊ߫ ߟߊߕߐ߲߫.>> ߞߊ߬ߕߎ߲߯߸ ߟߊ߬ߖߍ߲߬ߛߍ߲߬ߠߌ߲ ߖߡߊ߬ߙߌ߬ ߛߓߍ ߡߍ߲ ߝߣߊ߫ ߘߌߣߴߊ߬ߟߎ߫ ߡߊ߬߸ ߏ߬ ߓߐ߫ ߘߴߊ߬ߟߎ߬ ߓߟߏ߫ ߟߋ߬. ߊ߬ߟߎ߬ ߟߊ߫ ߞߐߦߌߘߊ ߡߍ߲ ߠߎ߬ ߦߋ߫ ߖߡߊ߬ߣߊ ߞߣߐ߫߸ ߏ߬ ߟߎ߬ ߟߊ߫ ߓߊ߯ߙߊ ߖߡߊ߬ߙߌ߬ ߛߓߍ ߟߎ߬ ߕߊ߬ߣߍ߲ ߞߵߊ߬ ߟߴߊ߬ߟߎߎ߬ ߟߊ߫ ߡߐ߰ ߟߊߣߊ߬ߣߍ߲ ߠߎ߬ ߣߴߊ߬ߟߎ߬ ߓߊ߫ߙߊߢߐ߲߮ ߠߎ߬ ߞߊ߲߬߸ ߏ߬ ߓߍ߯ ߟߋ߬ ߟߊ߫ ߓߊ߯ߙߊ ߟߊߟߐ߬ ߘߊ߫ ߖߌ߬ߣߍ߬ ߞߣߐ߫.

ߊߟߎ߫ ߦߴߊ߬ ߟߐ߲߫߸ ߞߎߣߎ߲߬ ߞߎߣߎ߲ߟߏ߲ ߠߋ߬ ߡߊ߬߸ ߟߊ߬ ߤߊߞ ߞߊ߬ ߗߋߛߓߍ߫ ߞߙߍߞߙߍߣߍ߲߫ ߗߋ߫ ߝߊ߬ߙߊ߲ߛ ߝ߭ߍ߲ߞߊߕ ߡߊ߬ ߕߎߟߊߝߌ߲ ߕߟߋ߬ ߁߅߸ ߞߵߊ߬ߟߎ߬ ߦߟߌߓߌ߬ߟߊ߬ ߞߏ߫ ߊ߬ߟߎ߬ ߦߴߊ߬ߟߎ߫ ߖߊ߲߬ߕߏ߫ ߊ߬ߟߎ߬ ߥߊ߫ ߢߊ ߣߴߊ߬ߟߎ߬ ߞߎߡߊ߫ ߢߊ ߘߐ߫، ߞߊ߬ߕߎ߲߯߸ ߟߊ߬ ߤߊߞ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߎ߫ ߞߵߊ߬ ߝߐ߫ ߊ߬ߟߎ߬ ߟߊ߫ ߞߎߡߊ ߘߐ߫ ߟߋ߬ ߞߏ߫ <<ߞߊ߬ߝߏ߬ߖߊ߬ߛߏ߲߬ߠߊ>> ߞߵߏ߬ ߝߐ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߊ߬، ߊ߬ ߘߏ߲߬߸ ߏ߬ ߝߐ߫ ߕߎߡߊ ߓߘߊ߫ ߕߊ߬ߡߌ߲߬، ߞߵߏ߬ ߞߎ߲߭ ߞߍ߫ ߞߊ߲ߕߌ߮ ߛߎߥߊ߲ߘߌ ߘߌ߫ ߢߣߊߕߊߟߌ ߘߐ߫ ߞߵߊ߬ ߟߊߛߌ߰ ߟߊ߫ ߡߌ߬ߙߌ߲߬ߘߌ ߛߐ߲߭ ߞߣߐߡߊ߬، ߏ߬ ߘߐ߫߸ ߞߏ߫ ߊ߬ߟߎ߬ ߡߊ߫ ߝߐ߰ߓߍ߬ߦߊ߬ߟߌ ߕߋߟߋ߲߫ ߓߊ߯ߙߊ߫ ߞߍ߫ ߏ߬ ߘߌ߫.

ߒ߬ߓߊ߬߸  ߡߙߌߘߐ߫ ߞߎߘߊ ߡߍ߲ ߕߊ߬ߣߍ߲߫ ߡߎ߬ߕߎ߲߬߸ ߞߏ߫ ߊ߬ߟߎ߫ ߣߐ߬ ߓߟߏ߫ ߟߋ߯ߟߋ߮ ߡߍ߲ ߞߍ߫ ߟߊ߫ ߞߎߣߎ߲߬߸ ߊ߬ߟߎ߫ ߞߵߊ߬ ߦߋ߫ ߞߏ߫ ߝߊ߬ߙߊ߲ߛ ߝ߭ߍ߲ߞߊߕ ߗߋߕߌ߯ߘߊ ߡߊ߫ ߛߐ߲߬ ߊ߬ߟߎ߬ ߟߊ߫ ߡߙߌߘߐ ߏ߬ ߓߟߏߦߊ߫ ߟߊ߫߸ ߞߏ߫ ߝߊ߬ߙߊ߲߬ߛ ߝ߭ߍ߲ߞߊߕ ߞߵߊ߬ ߦߌ߬ߘߊ߫ ߟߋ߬ ߢߊ ߓߍ߯ ߡߊ߬߸ ߞߏ߫ ߊ߬ߟߎ߬ ߕߍߣߊ߬ ߟߊ߬ ߤߊߞ ߟߊ߫ ߡߙߌߘߐ߫ ߕߊ߬ߣߍ߲ ߏ߬ ߓߐ߫ ߟߴߊ߬ ߛߌߟߊ ߝߍ߬ ߟߋ߬ ߘߍ߯. ߊ߬ ߘߏ߲߬߸ ߟߊ߬ ߤߊߞ ߦߴߊ߬ߟߎ߬ ߟߊ߫ ߞߎߡߊ ߣߌ߲߬ ߦߋ߫ ߓߐ߬ߘߍ߬ߓߐ ߟߋ߬ ߘߌ߫ ߞߵߊ߬ ߟߐ߬ ߞߊ߲ߕߌ߮ ߡߊ߬߸ ߊ߬ ߣߴߊ߬ߟߎ߬ ߓߘߴߊ߬ߟߎ߬ ߛߎߡߊ߲߫ ߠߋ߬ ߊ߬ߟߎ߬ ߘߐ߫ ߏ߬ ߘߌ߫ ߛߊ߫.

ߏ߬ ߟߋ ߞߏߛߐ߲߬߸ ߟߊ߬ ߤߊߞ ߞߵߊ߬ ߝߐ߫ ߞߏ߫ ߞߊ߬ ߛߌߟߊ ߕߍ߰ ߊ߬ߟߎ߬ ߟߊ߫ ߞߌ߬ߓߊ߬ߙߏ߬ߘߊ ߟߊߛߐ߬ߘߐ߲߬ ߛߌߟߊ ߓߍ߯ ߢߍ߫، ߏ߬ ߟߋ ߞߍ߫ ߘߊ߫ ߖߊ߬ߡߊߙߌ ߘߌ߫ ߢߊ ߘߌ߫ ߥߎߟߊߟߊߓߌߟߊߢߐ߲߯ߡߊ ߣߌ߫ ߗߋߓߏߏ߲ ߠߎ߬ ߘߏ߲߬ߖߟߎ߬ߡߊ߬ߟߌ ߞߏߟߊߕߍ߮ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߝߊ߬ߙߊ߲ߛ ߝ߭ߍ߲ߞߊߕ ߞߍߦߙߐ߸ ߊ߬ߟߎ߬ ߟߊ߫ ߟߥߊߟߌߟߊ߲߸ ߊ߬ߟߎ߬ ߦߋ߫ ߡߊߛߐ߬ߘߐ߲߬ ߠߊ߫ ߞߣߊߟ ߛߌߟߊ ߡߍ߲ ߝߍ߬ ߖߌ߬ߣߍ߬ ߞߣߐ߫߸ ߞߵߏ߬ ߓߍ߯ ߕߍ߰ ߌߞߘߐ߫.

ߡߙߌߘߐ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߓߎߓߞߊߙ ߦߊߛߌߣ ߖߊߟߏ߫ ߟߋ߬ ߓߟߏ߫߸ ߊ߬ߟߋ ߡߍ߲ ߦߋ߫ ߟߊ߬ ߤߊߞ ߞߊ߲ߕߌ߮ ߘߌ߫.