ߣߴߌ ߦߴߊ߬ ߝߍ߬ ߞߵߊ߬ ߟߐ߲߫߸ ߡߎ߲߬ ߡߊ߲߬ߞߊ߲߬ ߦߋ߫ ߊߙߊߓߌ߫ ߛߊߥߎߘߌߕ ߛߊ߯ߘߊ߫ ߟߊ߫ ߕߋ߲߬߸ ߝߏ߫ ߞߊ߬ ߛߐ߰ ߦߋߡߍߣ ߖߡߊ߬ߣߊ ߟߋ߬ ߡߊ߬ ߡߎߣߎ߲߬߸ ߊ߬ߟߋ ߡߍ߲ ߦߋ߫ ߛߎ߰ߘߎ߬ߟߊ߫ ߛߌ߰ߢߐ߲߰ ߖߡߊߣߊ ߘߏ߫ ߘߌ߫.

ߤߎߕߌߛ ߞߏ߫ ߞߎߡߊ ߡߍ߲ ߦߴߌߘߐ߫߸ ߊ߬ߟߎ ߦߋ߫ ߦߋߡߍߣ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߘߏ߫ ߟߎ߫ ߟߋ߬ ߘߌ߫، ߦߋߡߍߣ ߝߊ߲߬ ߞߋߟߋ߲ ߦߴߊ߬ߟߎ ߟߋ߬ ߓߟߏߞߘߐ߫߸ ߞߵߊ߬ ߕߊ߬ ߞߎߓߋߘߊ ߡߊ߬߸ ߛߊߣߊ߯߸ ߞߊ߬ ߥߊ߫، ߊ߬ߟߎ߬ ߣߌ߫ ߌߙߊ߲߫ ߠߋ߬ ߡߊߘߏ߲߬ߣߍ߲߬ ߢߐ߲߮ ߠߊ߫߸ ߏ߬ ߘߏ߲߬ ߦߴߊ߬ߟߎ߬ ߞߐߡߊߓߌ߲ߓߌ߲߫ ߠߊ߫ ߝߣߊ߫.

ߤߎߕߛߌ ߟߎ߬ ߞߍ ߞߵߊ߬ߟߎ߬ ߣߌ ߟߊ߫ ߖߡߊ߬ߣߊ ߟߊ߫ ߞߏ ߘߐ߫ ߊ߬ߟߎ߬ ߕߊ߫ ߓߟߏ ߞߊ߲߬߸ ߊ߬ߟߎ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߞߎ߲߬ߠߊ߬ߛߌ߮ ߡߍ߲ ߦߋ߲߬߸ ߏ߬ ߟߎ߬ ߦߋ߫ ߦߙߎ߬ߞߎ߬ߦߙߎߞߎ ߞߍ߫ ߟߊ߫ ߞߏߖߎ߯ߦߊ߫߸ ߊ߬ߟߎ߬ ߟߊ߫ ߡߊ߬ߙߊ ߞߍߢߊ ߡߊ߫ ߢߌ߲߬߸ ߊ߬ߟߎ߬ ߟߊ߫ ߡߐ߰ ߛߌߦߊߡߊ߲߫ ߕߍ߫ ߊ߬ߟߋ߬ ߞߎ߲߬ߠߊ߬ߛߌ߮ ߘߐ߫، ߏ߬ ߟߋ ߞߏߛߐ߲߬߸ ߊ߬ߟߎ߫ ߞߵߊ߬ߟߎ߬ ߘߍ߲߫ ߡߊ߬ߙߌ߬ߝߊ ߞߕߐ߫߸ ߞߏ߫ ߝߏ߫ ߞߊ߬ ߖߡߊ߬ߣߊ ߞߍ߫ ߊ߬ߟߎ߫ ߛߊ߬ߥߏ ߘߌ߫.

߂߀߁߄ ߠߋ߬ ߟߊ߫߸ ߤߎߕߛߌ ߟߎ߫ ߞߊ߬ ߛߊߣߊ߯ ߡߌ߬ߣߊ߬، ߂߀߁߅ ߛߊ߲߭ ߡߍ߲ ߕߎ߲߰ ߘߊ߫ ߏ߬ ߟߊ߫߸ ߛߎ߰ߘߎ߬ߟߊ߫ ߘߏ߲߬ ߘߴߊ߬ߟߎ߬ ߞߊ߲ߡߊ߬ ߞߍ߬ߟߍ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߦߋߡߍߣ ߞߎ߲߬ߠߊ߬ߛߌ߮ ߟߋ߬ ߞߐߡߊߓߌ߲ߓߌ߲߫ ߠߊ߫߸ ߊ߬ߟߎ߬ ߕߍ߫ ߤߎߕߛߌ߫ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߟߊ߫ ߞߏ߫ ߘߐ߫.

ߛߎ߰ߘߎ߬ߟߊ߫ ߞߊ߬ ߞߎ߲߬ߠߊ߬ߛߌ߮ ߞߐߡߊߓߌ߲ߓߌ߲߫ ߡߎ߲߬ ߞߏߛߐ߲߬؟ ߓߊߏ߬߸ ߞߏ߫ ߊ߬ߟߎ߬ ߟߊ߫ ߞߊ߲ߕߌ߯ ߤߊߘߌ߬ ߞߵߊ߬ ߝߐ߫ ߟߋ߬ ߞߏ߫ ߛߎ߰ߘߎ߬ߟߊ߬ ߦߴߊ߬ߟߎ߬ ߡߊߘߍ߬ߡߍ߲߫ ߣߊ߲߬ߕߌ߰ߞߏ ߘߊߞߎ߲ ߘߐ߫، ߙߌ߬ߦߊߘ ߝߣߊ߫ ߕߍ߬ߘߴߊ߬ ߝߍ߬ ߏ߬ ߟߋ ߘߐ߫߸ ߞߊ߬ ߛߌߟߊ ߕߍ߰ ߤߎߕߛߌ ߟߎ߬ ߦߋ߫߸ ߞߊ߬ ߦߋߡߍߣ ߡߎ߰ߡߍ ߡߌ߬ߣߊ߬ ߞߵߊ߬ ߕߏ߫ ߞߎ߲߬ߠߊ߬ߛߌ߮ ߕߊ߫ ߓߟߏ߫ ߡߊ߬، ߛߎ߰ߘߎ߬ߟߊ߫ ߞߵߊ߬ ߝߐ߫ ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߕߴߊ߬ߟߎ߬ ߕߴߊ߬ ߝߍ߬ ߡߙߊ߬ߒ߬ߡߊ߬ߟߌ߬ߟߊ߫ ߕߌߢߍߟߌߟߊ ߟߎ߬ ߦߋ߫ ߦߋߡߍߣ ߞߍ߫ ߊ߬ߟߎ߫ ߛߊ߬ߥߏ ߘߌ߫߸ ߏ߬ ߡߍ߲ ߦߴߊ߬ߟߎ߫ ߛߌ߰ߢߐ߲߰ ߜߐߞߎ ߘߌ߫، ߊ߬ ߘߏ߲߬߸ ߤߎߕߛߌ ߟߎ߫ ߕߎ߲߬ ߓߘߊ߫ ߦߙߐ߫ ߛߌߦߊߡߊ߲߫ ߡߌ߬ߣߊ ߘߊߡߌ߬ߣߊ߬߸ ߞߎߓߋߘߊ ߛߊߣߊ߯ ߡߌ߬ߣߊ ߞߐߝߍ߬، ߝߣߊ߫߸ ߛߎ߰ߘߎ߬ߟߊ߫ ߕߘߍ߬ ߛߌߟߊ߲߫ ߠߊ߫߸ ߞߏ߫ ߤߎߕߛߌ ߟߎ߬ ߟߊ߫ ߝߊ߲߬ߞߊ߬ ߛߐߘߐ߲ ߕߊ߬ߡߌ߲߬ߕߐ߫ ߌߙߊ߲߫ ߠߋ߬ ߡߐ߬ߟߐ߲ ߓߏ߲߬ߧߊ߬ ߟߊ߫ ߦߋߡߍߣ ߞߣߐ߫߸ ߊ߬ ߘߏ߲߬ ߛߌ߬ߣߊ߬ ߓߟߋߓߟߋ ߟߵߏ߬ ߘߌ߫.

 ߒ߬ߓߊ߬߸ ߞߊ߬ߦߌ߯ ߢߌ߲߬ ߠߋ߬ ߞߍ߫ ߘߊ߫߸ ߛߎ߰ߘߎ߬ߟߊ߫ ߣߌ߫ ߤߎߕߛߌ ߟߎ߬ ߡߊ߫ ߓߍ߲߬ ߏ߬ ߞߐ߫.

ߤߎߕߛߌ ߟߎ߫ ߘߏ߲߬ ߠߊ߫ ߟߊ߬ߢߌߣߌ߲ ߠߋ߬߸ ߞߏ߫ ߝߏ߫ ߊ߬ߟߎ ߝߊ߲߬ߞߊ ߟߋ߬ ߥߙߊ߬ ߦߋߡߍߣ ߞߣߐ߫، ߏ߬ ߟߋ ߣߐ߬ ߊ߬ߟߎ߫ ߟߐ߬ ߟߴߊ߬ߟߎ߫ ߓߌ߬ߟߊ߬ ߟߊ߫ ߛߎ߰ߘߎ߬ߟߊ߫ ߞߐ߫، ߏ߬ ߟߋ ߞߏߛߐ߲߬߸ ߊ߬ߟߎ߬ ߦߋ߫ ߞߎߟߎ߲ߞߎߟߎ߲ ߠߎ߬ ߣߌ߫ ߓߌ߬ߢߍ߬ߞߎߟߎ߲ ߠߎ߬ ߟߊߓߊ߯ߙߊ߫ ߞߏ ߘߐ߫.

ߞߎߟߎ߲ߞߎߟߎ߲ ߦߋ߫ ߞߍߟߊ߲߫ ߘߋ߲ߣߍ߲߫ ߠߋ߬ ߘߌ߫߸ ߓߏ߬ߙߌ߬ߟߊ߫ ߕߍ߫ ߡߍ߲ ߠߊ߫، ߓߌ߬ߢߍ߬ߞߎߟߎ߲ ߦߋ߫ ߡߙߊ߬ߒ߬ߡߊ߬ߝߋ߲߫ ߠߋ߬ ߘߌ߫߸ ߡߍ߲ ߘߌ߫ ߛߋ߫ ߥߎߟߊ߫ ߖߊ߲߫ ߓߏ߬ߙߌ߬ ߟߊ߫ ߞߊ߬ ߥߴߊ߬ ߟߊ߫ ߓߏ߲ߕߊ ߡߊ߬ߞߏߛߊ߬.

ߌ ߓߴߊ߬ ߦߋ߫ ߞߓߊߕߟߎ߫ ߞߏ߫ ߞߎߡߊ ߦߋ߫ ߣߌ߲߬ ߞߏ ߘߐ߫، ߛߎ߰ߘߎ߬ߟߊ߬ ߦߴߊ߬ ߟߊ߫ ߞߓߊߕߟߎ ߝߙߋ߬ ߟߊ߫ ߘߎߢߊ߫ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߡߊ߬، ߟߊ߬ߓߐ߬ߟߌ ߏ߬ ߓߊ߯ ߞߍ߫ ߞߍ߫ ߟߴߊ߬ߟߎ߬ ߓߟߏ߫߸ ߊ߬ߟߎ߬ ߦߋ߫ ߘߊ߲ߞߊ߲ ߠߎ߬ ߣߌ߫ ߕߟߎߥߙߏߝߋ ߟߎ߫ ߟߋ߬ ߟߊߓߊ߯ߙߊ߫ ߟߊ߫، ߏ߬ ߟߋ ߘߐ߫ߟ ߣߌ߫ ߤߎߕߛߌ ߟߎ߫ ߞߵߊ߬ߟߎ߬ ߟߊ߫ ߦߙߐ ߏ߬ ߘߏ߫ ߟߎ߫ ߘߐߕߌߢߍ߫߸ ߏ߬ ߞߍߕߐ߫ ߝߛߏ߬ߝߛߊ ߟߋ߬ ߟߊߘߏ߲߬ ߠߴߊ߬ߟߎ߬ ߟߊ߫ ߞߓߊߕߟߎ߫ ߝߙߋ ߘߐ߫، ߏ߬ ߓߊ߯ ߞߍ߫ ߌߞߘߐ߫߸ ߖߡߊ߬ߣߊ߬ ߜߘߍ ߡߍ߲ ߠߎ߬ ߦߋ߫ ߞߓߊߕߟߎ ߛߊ߲߬ ߠߊ߫ ߛߎ߰ߘߎ߬ߟߊ߫ ߡߊ߬߸ ߏ߬ ߟߎ߬ ߝߣߊ߫ ߘߌ߫ ߕߙߐߦߊ ߛߐ߬ߘߐ߲߬߸ ߝߏ߫ ߊ߬ ߛߐ߲߬ߞߐ ߘߌ߫ ߦߍ߬ߟߍ߫ ߦߋ߲߬ ߠߎ߬ ߘߐ߫.

ߘߊ ߦߋ߫ ߛߋ߫ ߟߊ߫ ߓߊߥߎߟߋ߲ ߝߣߊ߫ ߡߊ߬ ߣߌ߲߬ ߞߏ ߘߐ߫، ߞߊ߬ߕߎ߲߯߸ ߡߊ߲߬ߞߊ߲ ߘߌ߫ ߛߋ߫ ߥߟߌ߬ ߟߊ߫ ߓߊߓߍߟ ߡߊ߲ߘߍߓ، ߓߊߓߍߟ ߡߊ߲ߘߍߓ ߦߋ߫ ߖߌߞߊ߲߫ ߛߌߟߊ ߟߋ߬ ߘߌ߫߸ ߡߍ߲ ߦߋ߫ ߦߋߡߍߣ ߣߌ߫ ߝߘߊ߬ߝߌ߲߬ߠߊ߫ ߕߍߟߊ ߘߐ߫، ߕߊߞߎߟߎ߲߫ ߓߟߋߓߟߋ ߛߌߦߊߡߊ߲ ߦߋ߫ ߕߊ߬ߡߌ߲߬ ߠߊ߫ ߦߋ߲߬ ߠߋ߬߸ ߞߓߊߕߟߎ ߦߋ߫ ߡߍ߲ ߠߎ߬ ߞߣߐ߫߸ ߊ߬ ߣߌ߫ ߞߙߊ߬ߖߊߥߏ ߟߎ߬، ߣߌ߫ ߛߌߟߊ ߏ߬ ߡߊߛߌߟߊ߲߫ ߘߊ߫ ߡߊ߲߬ߞߊ߲ ߣߌ߲߬ ߓߟߏ߫߸ ߘߎߢߊ߫ ߖߎ߬ߟߊ߬ߦߊ ߘߌ߫ ߝߛߏ߬ߝߛߊ߬.

ߐ߲߬ߤߐ߲߫߸ ߡߞߊ߫ ߛߋ߲߬ ߦߋ߫ ߣߌ߲߬ ߞߏ ߘߐ߫ ߓߊ߬؟ ߊߙߊߓߌ߫ ߛߊߥߎߘߌߕ ߞߏ߬ߣߌ߲ ߞߊ߲߫ ߞߏ߫ ߊ߬ߟߎ߬ ߓߘߊ߫ ߛߌߟߊ ߕߍ߰ ߞߎߟߎ߲ߞߎߟߎ߲ ߘߏ߫ ߢߍ߫߸ ߡߍ߲ ߞߎ߲߬ߛߌ߲߬ߣߍ߲߫ ߕߘߍ߬ ߡߞߊ߫ ߥߙߏ߬ߘߎ߮ ߟߊ߫، ߤߎߕߛߌ ߟߎ߫ ߞߏ߬ߣߌ߲ ߞߊ߲߫ ߞߏ߫ ߊ߬ ߡߊ߫ ߖߌ߰ ߊ߬ߟߎ ߞߣߐ߫ ߟߏ߲߫ ߞߋߟߋ߲߫߸ ߞߊ߬ ߞߊ߯ߓߊ߫ ߛߎߡߊ߲߫߸ ߦߋ߲߬ ߡߍ߲ ߦߋ߫ ߊߟߊ߫ ߟߊ߫ ߦߙߐ߫ ߛߊߣߌ߲ߡߊ߲ ߘߌ߫ (ߛߏ߫ ߓߛߍ).

ߊ߲ ߞߏ߬ߣߌ߲ ߘߌ߫ ߛߋ߫ ߟߌ߬ߤߟߊ ߡߍ߲ ߠߊߞߊ߬ߟߌ߬ ߟߊ߫ ߦߙߐ ߣߌ߲߬ ߞߊ߲߬߸ ߘߊ߬ߟߎ߬ ߛߌ߫ ߕߴߦߋ߲߬߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߊ߯ߓߊ߫ ߞߊ߬ ߡߊ߲߬ߕߙߐ߫ ߛߐ߬ߘߐ߲߬߸ ߥߟߊ߫ ߡߌ߬ߛߙߌ߬ߓߊ߸ ߥߊ߬ߟߏ߲߬ߠߌ߲߬ ߛߌ߫ ߡߊ߫ ߞߍ߫ ߦߋ߲߬.

ߞߊ߬ߕߎ߲߯߸ ߦߙߐ ߣߌ߲߬ ߦߋ߫ ߞߎߡߓߊ߫ ߟߋ߬ ߘߌ߫، ߓߊߏ߬߸ ߡߞߊ߫ ߟߋ߬ ߛߌ߬ߟߊ߬ߡߊ ߟߎ߬ ߟߊ߫ ߛߏ ߓߍ߯ ߘߐ߫ ߡߐ߬ߟߐ߲߬ߡߊ ߘߌ߫.

ߞߊ߯ߓߊ߫ ߦߋ߫ ߡߞߊ߫ ߡߌ߬ߛߙߌ߬ߓߊ ߕߍ ߟߋ߬ ߡߊ߬، ߘߎߢߊ߫ ߛߌ߬ߟߊ߬ߡߊ ߓߍ߯ ߦߴߊ߬ߟߎ߫ ߞߎ߲߬ߛߌ߲߬ ߠߊ߫ ߦߋ߲߬ ߠߋ߬ ߟߊ߫߸ ߞߊ߬ ߥߴߊ߬ߟߎ߬ ߟߊ߫ ߓߊ߬ߕߏ ߞߍ߫ ߦߋ߲߬߸ ߊ߬ ߣߌ߫ ߘߌ߯ߣߊ ߟߌߟߌ߲ ߘߏ߫.

ߌߙߊ߲߫ ߝߣߊ߫ ߟߐ߬ߘߎ߮ ߦߋ߫ ߢߌ߬ߡߊ߲߬ ߘߌ߫ ߣߌ߲߬ ߞߏ ߘߐ߫ ߓߏ߲߰؟

ߌߙߊ߲߫ ߦߋ߫ ߖߡߊ߬ߣߊ߬ߓߊ߫ ߟߋ߬ ߘߌ߫ ߕߟߋ߬ߓߐ ߕߍߡߟߊ ߘߐ߫߸ ߡߍ߲ ߣߌ߫ ߛߎ߰ߘߎ߬ߟߊ߫ ߕߍ ߦߋ߫ ߦߏ߫ ߢߌߣߊ ߣߌ߫ ߢߊ߰ߙߌ߸ ߊ߬ߟߎ߬ ߦߋ߫ ߛߌ߬ߣߊ߬ߢߐ߲߰ߡߊ ߟߎ߫ ߟߋ߬ ߘߌ߫، ߌߙߊ߲߫ ߘߏ߲߬ ߦߋ߫ ߤߎߕߛߌ ߟߎ߬ ߞߐߡߊߓߌ߲ߓߌ߲߫ ߠߊ߫ ߟߋ߬߸ ߊ߬ߟߎ߬ ߡߊߘߍ߬ߡߍ߲߬ ߠߊ߫ ߣߊ߲߬ߕߌ߰ߦߊ ߘߊߞߎ߲ ߣߌ߫ ߓߘߍ߬ߓߘߍ߬ߟߌ ߘߊߞߎ߲ ߓߍ߯ ߟߋ߬ ߘߐ߫.

ߏ߬ ߟߋ ߞߏߛߐ߲߬߸ ߝߊ߬ߣߌ߫ ߎߕߛߌ ߟߎ߬ ߘߌ߫ ߡߙߊ߬ߒ߬ߡߊ߬ߟߌ ߘߏ߫ ߞߍ߫߸ ߌߙߊ߲߫ ߣߌ߫ ߛߎ߰ߘߎ߬ߟߊ߬ ߕߍ ߘߌ߫ ߕߊ߬ߡߌ߲߫ ߜߟߍ߬ߦߊ߬ ߟߊ߫.

ߡߎ߲߬ ߞߏߛߐ߲߬ ߛߍߣߍ߲߬߸ ߘߎߢߊ߫ ߖߡߊ߬ߣߊ߬ ߛߌߦߊߡߊ߲߫ ߦߋ߫ ߞߣߐ߬ߘߐ߬ߝߟߌ ߘߐ߫߸ ߝߏ߫ ߊ߬ ߘߏ߫ ߟߎ߫ ߓߘߊ߫ ߤߊߡߌ߲߫؟

ߓߊߏ߬߸ ߣߌ߫ ߞߍ߬ߟߍ ߣߌ߲߬ ߞߍ߫ ߘߊ߫߸ ߊ߬ ߡߊ߲߬ߕߙߐ ߛߋߕߐ߫ ߘߊߞߎ߲߫ ߛߌߦߊߡߊ߲߫ ߠߋ߬ ߡߊ߬ ߞߋߟߋ߲ߘߌ߫: ߞߓߊߕߟߎ߫ ߞߏ߸ ߖߎ߬ߟߦߊ߬ ߛߎߟߊ ߟߎ߬߸ ߓߊߥߎߟߋ߲ ߠߊߞߊ߲ߘߊ߸ ߊ߬ ߣߌ߫ ߛߌ߬ߟߊ߬ߡߊ ߟߎ߬ ߟߊ߫ ߓߊ߬ߕߏ߬ ߦߙߐ ߟߎ߬ ߘߐ߫ ߛߊߣߌ߲ߡߊ߲.

ߖߡߊ߬ߣߊ߬ ߛߌߦߊߡߊ߲߫ ߦߴߊ߬ ߝߍ߬ ߏ߬ ߟߋ ߘߐ߫߸ ߛߊߟߖߌ߫ ߦߋ߫ ߞߍ߫ ߊ߬ ߞߏ ߟߊ߫߸ ߊ߬ ߞߊߣߊ߬ ߞߍ߫ ߥߙߊ߬ߒ߬ߘߊ߬ߡߊ ߘߌ߫.

ߞߎߡߊ߫ ߟߊߛߎߘߎ߲ߧߊ߫ ߘߐ߫߸ ߞߏ ߡߍ߲ ߦߋ߫ ߞߍ߬ߟߍ ߣߌ߲߬ ߞߘߐ߫߸ ߦߋߡߍߣ ߞߍ߬ߟߍ ߞߋߟߋ߲߫ ߕߍ߫ ߘߋ߬، ߛߋߓߊ߯ߦߊ ߞߍ߬ߟߍ ߦߴߊ߬ ߘߐ߫߸ ߞߓߊߕߟߎ߫ ߞߏ߫ ߞߟߍ ߦߴߊ߬ ߘߐ߫߸ ߖߌߞߊ߲߫ ߛߌߟߊ ߟߎ߬ ߟߊ߫ ߞߏ ߦߴߊ߬ ߘߐ߫߸ ߊ߬ ߣߌ߫ ߛߌ߬ߣߦߊ߬ ߞߟߍ ߝߣߊ߫ ߦߴߊ߬ ߘߐ߫.