ߖߌ߬ߣߍ߬ ߓߘߊ߫ ߝߏ߫ ߡߐ߰ߓߊ ߘߏ߫ ߟߋ߬ ߟߊ߫ ߣߌ߲߬߸ ߡߍ߲ ߞߊ߬ ߕߐ߮ ߛߐ߬ߘߐ߲߫ ߓߘߍ߬ߓߘߍ߬ߟߌ ߘߊߞߎ߲߫ ߛߌߦߊߡߊ߲߫ ߘߐ߫ ߞߐ߲ߕߍ߫ ߕߟߋ ߣߌ߫ ߛߌߛߍ߲߬ ߕߍ ߘߐ߫، ߒ߬ߓߊ߬߸ ߞߏߕߌ߯ ߝߟߐ߫ ߞߘߐ ߛߘߌߦߊ߬ ߕߎ߬ߙߋ ߛߊ߬ߣߍ߲߫ ߞߵߊ߬ ߕߏ߫ ߔߊ߬ߙߌ߫ ߟߋ߬ ߂߀߂߆ ߕߎߟߊߝߌ߲ ߕߋ߬ߟߋ߫ ߂߅ ߌ߲߬ ߡߊ߬߸ ߝߊ߬ߙߊ߲߬ߛߌ߫ ߖߡߊ߬ߣߊ ߞߊ߲߬، ߟߌ߬ߤߟߊ ߢߌ߲߬ ߖߍ߲ߛߍ߲߫ ߘߊ߫ ߞߊ߬ߦߌ߯ ߛߎ ߟߋ߬ ߘߐ߫߸ ߡߍ߲ ߠߊߞߊ߬ߟߌ߬ ߘߊ߫ ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߓߟߏ߫.

ߊ߬ ߛߊ߲߬ߞߊ ߟߊߕߋ߬ ߘߊ߫ ߛߎ ߟߋ߬ ߘߐ߫߸ ߖߌ߬ߣߍ߫ ߝߐ߰ߓߍ߬ߘߊ߬ ߛߌߦߊߡߊ߲߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߵߊ߬ ߟߊ߫ ߛߦߊ߬  ߞߏ ߡߍ߲߫ ߞߐߙߍ ߟߋ߬ ߟߊ߫.

ߝߐ߰ߓߍ ߟߎ߬ ߟߊ߫ ߝߐߟߌ߫ ߘߐ߫߸ ߛߘߌߦߊ߫ ߕߎ߬ߙߋ߫ ߛߊ߬ ߘߊ߫ ߂߃ ߕߎߡߊ ߟߋ߬ ߟߊ߫ ߊߡߙߌߞߌߞߊ ߟߎ߬ ߟߊ߫ ߘߊ߲ߘߊߛߏ ߟߊ߫ ߔߊ߬ߙߌ߬، ߖߍ߬ߣߍ߫ ߞߊ߬ߓߊ ߛߊ߬ ߘߊ߫ ߘߊ߲ߘߊߛߏ ߡߍ߲ ߠߊ߫ ߞߊ߬ߣߌ߲߬، ߛߘߌߦߊ߬ ߞߎ߲߬ߢߐ߲߯ ߝߌ߬ߟߊ ߟߋ߬ ߕߍ߬ߘߍ߫ ߣߌ߲߬߸ ߊ߬ ߖߊ߲߬ߞߊ߬ߙߏ߬ߕߐ ߟߊߟߊߣߍ߲߫ ߦߋ߲߬، ߞߊ߬ߕߎ߲߯߸ ߝߐ߰ߓߍ߬ߘߊ ߟߎ߬ ߞߊ߲߫ ߞߏ߫ ߞߐߙߍ ߟߊ߫ ߝߐߟߌ߫ ߘߐ߫߸ ߛߘߌߦߊ߬ ߞߊߙߏ߫ ߦߙߌߞߊ ߟߋ߬ ߕߎ߲߬ ߦߋ߫ ߣߌ߲߬߸ ߊ߬ ߝߊ߬ߘߌ ߕߎ߲߬ ߡߊ߲߫ ߘߴߊ߬ ߟߊ߫.

ߊ߬ ߛߊ߬ ߘߊ߫ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߈߁ ߠߋ߬ ߘߐ߫.

ߛߘߌߦߊ߬ ߕߎ߬ߙߋ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ߠߊ ߟߋ߬ ߘߌ߫ ߟߊ߬ߞߐ߰ߟߌ ߛߌߟߊ ߝߍ߬߸ ߊ߬ ߣߌ߫ ߓߘߍ߬ߓߘߍ߬ߟߌ߬ߟߊ ߟߋ߬ ߝߣߊ߫ ߦߴߊ߬ ߘߌ߫، ߊ߬ ߘߏ߲߬ ߘߊ߫ ߖߌ߬ߣߍ߫ ߖߡߊ߬ߣߊ ߞߣߐ߫ ߁߉߉߀ ߝߊ߲߭ ߠߋ߬ ߝߍ߬߸ ߥߊ߯ߕߌ߫ ߦߙߌߞߊ߫ ߞߍ ߞߐߝߍ߬ ߊ߬ ߓߟߏ߫ ߓߊ߯ߙߊ ߟߊ߫ ߜߋ߲ߞߐ߰ߖߌ߬ߘߊ ߟߊ߫، ߁߉߉߆ ߞߊ߬ߙߌ߬ߝߐ ߕߋ߬ߟߋ߫ ߉ ߟߋ߬ ߡߊ߬߸ ߟߊ߲߰ߛߣߊ߬ ߞߐ߲ߕߍ߬ ߞߵߊ߬ ߞߙߍߞߙߍ߫ ߞߵߊ߬ ߞߍ߫ ߞߏߕߌ߯ ߝߟߐ ߘߌ߫، ߊ߬ ߞߊ߬ ߞߎ߲߬ߠߊ߬ߛߌ߮ ߡߊߡߙߊ߬ ߞߵߊ߬ ߟߊߛߌ߲߫ ߤߊ߲߯ ߞߵߊ߬ ߛߌ߰ ߁߉߉߉ ߕߙߊߓߊ ߟߊ߫، ߏ߬ ߓߊ߲ ߡߎ߬ߕߎ߲߬߸ ߊ߬ ߞߵߊ߬ ߥߊ߬ߞߊߟߌ߫ ߞߊ߬ ߘߏ߲߬ ߓߘߍ߬ߓߘߍ߬ߟߌ ߘߐ߫، ߛߊ߲߭ ߂߀߀ ߟߋ߬ ߟߊ߫߸ ߊ߬ ߞߍ߫ ߘߊ߫ ߞߊ߲ߓߍ߲ߠߞߊ ߟߊ߫ ߝߊ߲߬ߞߊ ߘߍ߭ ߞߊ߲ߕߌ߮ ߘߌ߫ (UFR)، ߞߊ߬ ߞߍ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫ ߂߀߁߀ ߣߌ߫ ߂߀߁߅ ߞߊ߲ߕߌ߯ ߢߣߊߕߊߟߌ ߟߎ߬ ߘߐ߫ ߞߊ߲ߕߌ߯ߦߊ߫ ߢߌߣߌ߲ ߓߙߊ ߘߐ߫.

ߊߟߌߝߊ߫ ߞߐ߲ߘߍ߫ ߕߟߋ ߟߋ߬ ߘߐ߫߸ ߛߘߌߦߊ߬ ߕߎ߬ߙߋ߫ ߞߊ߬ ߟߐ߬ߘߎ߮ ߘߏ߫ ߛߐ߬ߘߐ߲߬ ߞߊ߲ߕߌ߯ߘߊ ߟߊ߫، ߂߀߁߆ ߓߌ߲ߠߊߥߎߟߋ߲ ߠߋ߬ ߟߊ߫߸ ߊ߬ ߞߍ߫ ߘߊ߫ ߞߊ߲ߕߌ߮ ߞߐߦߌߘߊ߫ ߛߊ߲ߘߐߕߊ ߘߌ߫߸ ߓߐ߫ ߘߊ߫ ߦߋ߲߬ ߂߀߁߈ ߠߋ߬ ߟߊ߫.

ߕߎ߬ߡߊ ߡߍ߲ ߠߊ߫ ߛߘߌߦߊ߬ ߕߎ߬ߙߋ ߕߘߍ߬ ߜߋ߲ߞߐ߰ߖߌ߬ߘߊ ߟߊ߫߸ ߊߟߛߊߣ ߘߙߊ߬ߡߊߣ ߥߊߕߙߊ߫ ߟߊ߫ ߞߏߕߌ߯ ߝߟߐߦߊ ߕߎ߬ߡߊ ߟߊ߫߸ ߊ߬ ߞߍ߫ ߘߊ߫ ߏ߬ ߟߊ߫ ߞߎߓߋߘߐ ߗߋߕߌ߮ ߘߌ߫.

ߛߋߓߊ߯ߦߊ ߕߊ߭ ߞߐߝߍ߬ ߛߏ߬ߙߌ߬ߡߊ߬ߘߋ߲ ߠߎ߬ ߓߟߏ߫ ߂߀߂߁ ߕߎߟߊߝߌ߲ ߠߊ߫߸ ߊ߬ ߣߌ߫ ߏ߬ ߟߎ߬ ߟߊ߫ ߞߎ ߡߊ߫ ߡߐ߬ ߘߊ߰ ߞߋߟߋ߲߫ ߘߐ߫، ߂߀߂߂ ߞߏ߲ߞߏߜߍ ߟߊ߫߸ ߊ߬ ߘߐߜߍ߬ߘߍ߲߬ ߘߊ߫ ߞߏ߫ ߊ ߦߋ߫ ߓߐ߫ ߊ߬ ߟߊ߫ ߟߎ ߞߣߐ߫߸ ߊ߬ ߟߊ߫ ߟߎ ߡߍ߲ ߦߋ߫ ߡߣߌߦߍߙ ߟߊ߫ ߞߐߣߊߞߙߌ߫، ߓߊߏ߬߸ ߞߎ߲߬ߠߊ߬ߛߌ߮ ߟߊ߫ ߦߙߐ ߡߍ߲ ߠߎ߬ ߟߊߡߌ߬ߣߊ ߕߎ߲߬ ߦߴߌߘߐ߫߸ ߏ߬ ߟߋ ߘߊߞߎ߲߫ ߛߋ߫ ߘߴߊ߬ ߟߊ߫ ߟߎ ߏ߬ ߡߊ߬، ߞߏ߲ߞߏߜߍ ߕߋ߬ߟߊ߫ ߂߈ ߠߋ߬ ߡߊ߬߸ ߊ߬ ߥߊ߫ ߘߊ߫ ߛߌ߱ ߘߐ߫ ߜߋ߲ߞߐ߰ߖߌ߬ߘߊ ߟߊ߫߸ ߞߊ߬ ߖߌ߬ߣߍ߫ ߓߌ߬ߟߊ߬߸ ߞߊ߬ ߥߊ߫ ߛߌ߱ ߘߐ߫ ߢߊߣߌ߲ߡߊߖߎ߮ ߘߐ߫ ߦߋ߲߬.

߂߀߂߆ ߞߵߊ߬ ߛߐ߬ߘߐ߲߫ ߠߋ߬߸ ߖߌ߫ߣߍ߫ ߝߊ߲߬ߞߊߛߌ߬ߣߊ ߝߊ߲߬ߓߊ ߕߍ߫ ߖߡߊ߬ߣߊ ߞߣߐ߫، ߒ߬ߓߊ߬߸ ߕߙߊߓߊ ߟߊ߫߸ ߛߘߌߦߊ߬ ߟߊ߫ ߞߙߎߞߊ ߟߊߓߋ߬ ߘߊ߫ ߞߎ߲߬ߠߊ߬ߛߌ߮ ߓߟߏ߫، ߊ߬ߟߋ ߞߋߟߋ߲߫ ߕߎ߲߬ ߕߍ߫ ߘߋ߬߸ ߞߙߎߞߊ߫ ߃߉ ߜߞߘߍ߫ ߕߍ߬ߘߍ߫ ߦߋ߲߬߸ ߏ߬ ߟߎ߬ ߝߣߊ߫ ߟߊߓߋ߬ ߘߊ߫ ߟߋ߬߸ ߊߟߌߝߊ߫ ߞߐ߲ߘߍ߫ ߟߊ߫ ߞߙߎߞߊ ߣߌ߫ ߘߊߟߍ߲߬ ߕߊ ߦߴߏ߬ ߟߋ ߘߐ߫.