ߖߋ߬ߟߌ߬ߓߊ߬ߟߊ߫ ߥߟߎ߬ߡߊ߬ߕߌ߮ ߊߟߌߞߏ ߘߊ߲ߜ߭ߏߕߋ߫ ߓߘߴߊ߬ ߣߊ߬ߕߊ ߣߴߊ߬ ߡߙߌߦߊ ߝߐ߫߸ ߞߊ߬ ߓߍ߲߬ ߝߘߊ߬ߝߌ߲߬ߠߊ߫ ߟߌ߬ߤߟߊ ߡߊ߬ ߜߟߐߡߌ߲߫ ߞߏ ߡߊ߬ߘߎ߮ ߘߐ߫، ߊ߬ߟߋ ߟߊ߫ ߝߐߟߌ߫ ߘߐ߫߸ ߦߊ߬ߣߌ߫ ߂߀߃߀ ߦߋ߫ ߛߋ߫߸ ߝߘߊ߬ߝߌ߲߬ ߖߡߊߣߊ ߛߌߦߊߡߊ߲߫ ߘߴߊ߬ ߘߍ߲߫ ߊ߬ ߖߘߍ߬ ߟߊ߫ ߖߋ߬ߣߌ߲߬ߕߊ߬ ߘߐ߬ߖߏ߲߬ ߞߏ ߘߐ߫ ߝߛߊߦߌ߫.

ߞߏߢߊߓߐߟߊ߫ ߥߟߎ߬ߡߊ߬ߕߌ߰ߓߊ ߞߊ߬ ߣߌ߲߬ ߝߐ߫ ߞߵߊ߬ ߕߏ߫ ߣߊߦߌߙߏߓߌ߫ ߟߋ߬߸ ߞߵߊ߬ ߛߐ߬ߘߐ߲߬ ߊ߬ ߦߋ߫ ߘߐ߬ߖߏ߲߬ߘߊ ߘߏ߫ ߖߊ߬ߕߋ߬ߘߐ߬ߛߌ߮ ߘߊߡߌ߬ߣߊ߬ ߞߏ ߓߟߏߘߐߓߍ߲ ߞߊ߲߬ ߟߊߡߎ߫߸ ߞߋߣߌߦߊ߫ ߖߡߊ߬ߣߊ ߞߣߐ߫، ߊ߬ ߞߍߕߐ߫ ߓߊ߯ߙߊ ߡߍ߲ ߞߍ߫ ߟߊ߫ ߦߋ߲߬߸ ߏ߬ ߥߊߣߍ߲߫ ߠߋ߬ ߝߏ߯ ߘߟߊ߫ ߥߊߘߌ ߥߟߎ߬ߡߊ߬ ߁߆ ߖߊ߬ߕߋ߬߸ ߣߴߊ߬ ߞߏߢߊ ߓߊ߲߫ ߘߊ߫߸ ߊ߬ ߘߌ߫ ߛߋ߫ ߞߓߊߕߟߎ ߝߍߙߍ߲ߘߎ߲߫ ߇߀߀ ߀߀߀ ߓߊ߯ߙߊ߫ ߟߊ߫ ߕߋ߬ߟߋ ߞߘߐ߫.

ߖߊ߬ߕߋ߬ߘߐ߬ߛߌ߮ ߞߏ߬ߣߌ߲ ߡߊ߫ ߛߌ߰ ߛߋ߲߬ߠߊ߫ ߡߎߣߎ߲߬، ߘߊ߲ߜ߭ߏߕߋ߫ ߞߊ߫ ߞߊ߲߫ ߞߊ߬ ߞߓߊ߫ ߝߟߐ߫ ߛߌ߮ ߟߋ߬ ߞߍ߫߸ ߏ߬ ߟߋ ߞߍߕߐ߫ ߦߙߐ ߟߐ߬ߟߌ ߘߊߡߌ߬ߣߊ ߘߌ߫ ߛߍߣߍ߲߬، ߊ߬ ߦߌ߬ߘߊ߬ߣߍ߲߬ ߞߏ߫ ߊ߬ߟߋ߬ ߘߐ߬ߖߏ߲߬ߘߊ ߘߌ߫ ߓߊ߲߫ ߟߐ߬ ߟߊ߫ ߞߊߙߏ߫ ߃߀ ߞߎ߲߬ߕߊ߯ ߟߋ߬ ߞߘߐ߫߸ ߣߴߊ߬ ߘߌ߫ ߓߊ߯ߙߊ ߘߊߡߌ߬ߣߊ߫ ߏ߬ ߞߐߝߍ߬.

ߘߊ߲ߜ߭ߏߕߋ߫ ߡߙߌߦߊ ߦߋ߫ ߡߍ߲ ߘߌ߫߸ ߝߘߊ߬ߝߌ߲߬ߠߊ߫ ߦߋ߫ ߛߋ߫ ߊ߬ ߞߊߘߊ߲߫ ߠߊ߫ ߞߵߊ߬ ߟߊ߫ ߘߎ߰ߘߐ߬ߝߋ߲ ߠߎ߬ ߞߍ߫ ߊ߬ ߛߊ߬ߥߏ ߘߌ߫ ߊ߬ ߓߘߊ߸ ߊ߬ߟߎ߬ ߞߊߣߊ߫ ߕߊ߬ ߢߊ ߏ߬ ߡߊ߬ ߦߋ߲߬ ߕߋ߲߬ ߘߋ߬ ߞߵߊ߬ߟߎ߬ ߟߊߓߐ߫، ߏ߬ ߟߋ ߖߍ߬ߘߍ ߞߵߊ߬ ߣߌ߫ ߖߌ߬ߣߍ߫ ߖߡߊ߬ߣߊ ߓߟߏߘߏ߲߬ ߢߐ߲߯ ߓߟߏ߫߸ ߞߊ߬ ߓߍ߲߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߙߌߦߊ߫ ߓߘߍ ߡߊ߬.

ߘߊ߲ߜ߭ߏߕߋ߫ ߞߵߊ߬ ߟߊߛߋ߫ ߣߊߦߌߙߏߓߌ߫ ߞߏ߫: <<ߦߊ߬ߣߌ߫ ߂߀߃߀߸ ߝߘߊ߬ߝߌ߲߬ ߖߡߊߣߊ ߛߌߦߊߡߊ߲߫ ߘߌ߫ ߛߴߊ߬ ߖߘߍ߬ ߞߘߐ߫، ߞߓߊߕߟߎ ߘߐߖߏ߲߫ ߘߊ߫ ߦߙߐ߫ ߛߌ߫߸ ߟߊ߬ߢߌߣߌ߲ ߦߋ߫ ߟߋ߬߸ ߊ߰ ߞߍ߫ ߝߘߊ߬ߝߌ߲߬ߠߊ߫ ߖߡߊ߬ߣߊ ߟߋ߬ ߞߣߐ߫ ߕߘߋ߫.>> ߊ߬ ߞߵߏ߬ ߟߋ ߝߐ߫.

ߘߊ߲ߜ߭ߏߕߋ߫ ߞߊ߲߫ ߞߏ߫ ߣߡߌߛߊ ߡߍ߲ ߊ߬ߟߋ ߘߐ߫ ߓߌ߬߸ ߏ߬ ߟߋ ߊ߬ ߦߋ ߘߌ߫ ߛߐ߲߬߸ ߝߘߊ߬ߝߌ߲߬ߠߊ߫ ߦߴߊ߬ ߟߊ߫ ߘߎ߰ߘߐ߬ߝߋ߲ ߠߎ߬ ߢߊ߲ߞߌߛߊ߲ ߕߊ߬ ߟߊ߫߸ ߞߵߊ߬ ߓߐ߫ ߘߎ߱ ߘߐ߫ ߢߊ ߡߍ߲ ߌߞߘߐ߫߸ ߞߵߊ߬ ߕߊ߬ ߢߊ ߏ߬ ߡߊ߬ ߞߵߊ߬ ߟߊߕߊ߯ ߘߎߢߊ߫ ߝߊ߲߬ ߜߘߍ߫ ߟߎ߫ ߘߐ߫߸ ߞߵߊ߬ ߘߐߖߏ߲߫ ߛߐ߲߬ߞߐ߬ ߜߍߟߍ߲ ߠߊ߫ ߦߋ߲߬.

ߊ߬ ߞߏ߬ߣߌ߲ ߦߋ߫ ߦߙߐ ߡߍ߲ ߓߊ߯ߙߊ ߞߊ߲߬ ߞߋߣߌߦߊ߫ ߕߋ߲߬߸ ߞߎߡߊ ߘߏ߫ ߟߎ߫ ߕߎ߲߬ ߓߘߊ߫ ߥߌ߬ߟߌ߫ ߦߋ߲߬߸ ߞߊ߬ ߓߍ߲߬ ߘߎ߰ ߞߏ ߣߌ߫ ߓߐ߰ߝߍ ߞߏߢߊ ߟߎ߫ ߡߊ߬.

ߌߞߏߡߌ߲߬ ߞߓߊߕߟߎ߫ ߛߌߦߊߡߊ߲߫ ߕߍ߫ ߟߊߥߟߏ߫ ߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߐ ߘߐ߫ ߕߋ߲߬ ߡߎߣߎ߲߬߸ ߟߊߡߎ߫ ߘߐ߬ߖߏ߲߬ߘߊ ߟߊ߫ ߞߓߊߕߟߎ߫ ߘߐߖߏ߲ߕߊ ߝߊ߲߬ߓߊ ߓߍߣߊ߬ ߓߐ߫ ߕߟߋ߬ߓߐ ߕߍߡߟߊ ߟߋ߬ ߘߐ߫ ߥߟߊ߫ ߞߊ߬ߝߏ߫ ߘߍ߬ߣߍ߲߸ ߞߵߊ߬ߟߎ߬ ߢߡߊߦߟߍ߬ߡߊ߲߬ ߞߋߣߌߦߊ߫ ߞߣߐ߫ ߛߍߣߍ߲߬.

ߘߊ߲ߜ߭ߏߕߋ߫ ߟߊ߫ ߟߊ߬ߢߌߣߌ߲ ߜߍߣߍ߲߫ ߠߋ߬ ߛߎߋ߫: ߝߘߊ߬ߝߌ߲߬ߠߊ߬ ߦߋ߫ ߛߋ߫ ߘߏ߫ ߞߍ߫ ߟߴߊ߬ ߖߘߍ߬ ߦߋ߫ ߜߟߐߡߌ߲߫ ߞߏ ߡߊ߬ߘߎ߮ ߘߐ߫ ߝߛߊߦߌ߫.