ߦߋߡߍߣ ߤߎߕߛߌ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߞߎߣߎ߲ߟߏ߲ ߢߌ߲߬ ߛߐ߰ߡߘߊ߬ ߖߏߣߊ ߟߊ߫߸ ߊ߬ߟߎ߫ ߛߏ߬ߙߌ߬ߣߍ߲߫ ߡߙߊ߬ߒ߬ߡߊ߬ߟߌ ߟߋ߬ ߡߊ߬ ߞߎߟߎ߲ߞߎߟߎ߲ ߣߌ߫ ߓߌ߬ߛߍ߬ߞߌߛߍ ߟߊ߫ ߢߐ߲߮ ߞߐ߫߸ ߞߵߊ߬ ߢߍߛߌ߲߫ ߛߊ߲ߡߊߘߊ߲ ߠߎ߬ ߣߌ߫ ߣߊ߲߬ߕߌ߮ ߟߎ߬ ߡߊߞߍ߫ ߦߙߐ ߘߏ߫ ߟߎ߫ ߡߊ߬ ߛߊ߬ߥߎ߬ߘߌߦߊ ߞߣߐ߫.
ߟߊ߬ߛߋ߬ߟߌ߫ ߟߋ߬ ߟߊߖߍ߲ߛߍ߲߫ ߘߊ߫ ߊߡߙߌߞߌߞߊ ߟߎ߬ ߟߊ߫ ߘߍ߬ߞߙߏߝߏ߫ ߌߞߛ (X) ߞߊ߲߬߸ ߤߎߕߛߌ ߟߎ߬ ߟߊ߫ ߓߋߟߋ߲ߕߌ߮ ߦߊߤߑߦߊ߬ ߛߊ߬ߙߋ߯ ߦߴߊ߬ ߝߐ߫ ߟߊ߫ ߡߍ߲ ߘߐ߫ ߞߏ߫ ߊ߬ߟߎ߫ ߞߊ߬ ߞߎߟߎ߲ߞߎߟߎ߲߫ ߛߌߦߊߡߊ߲߫ ߠߋ߬ ߝߌ߬ߟߌ߫ ߡߊ߲߬ߕߏ߲߬ߕߍ߬ ߛߊ߲ߡߊߘߊ߲߫ ߙߏ߬ߥߊ ߞߊ߬ߟߍߘ ߞߊ߲ߡߊ߬ ߙߌ߬ߦߊߘ ߞߣߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߥߊ߬ߟߏ߲߬ߠߌ߲ <<ߖߐ߲ߖߐ߲>> ߠߋ߬ ߘߏ߲߬ ߞߍ߫ ߘߴߊ߬ߟߎ߬ ߓߟߏ߫߸ ߡߍ߲ ߞߊ߬ ߓߊ߬ߛߊ߲ ߠߊߘߏ߲߬ ߛߊ߲ߡߊߞߎߟߎ߲ ߠߎ߬ ߟߊ߫ ߖߌ߰ߣߌ߬ߦߟߍ ߘߐ߫.
ߓߋߟߋ߲ߕߌ߮ ߞߵߊ߬ ߝߐ߫ ߞߏ߫ ߊ߬ߟߎ߫ ߞߊ߬ ߦߙߍߞߍߟߌ߫ ߝߌ߬ߟߊ߫ ߟߋ߬ ߞߍ߫߸ ߘߏ߫ ߝߣߋ߫ ߞߍ߫ ߘߴߊ߬ߟߎ߬ ߓߟߏ߫ ߊߓߤߊ߫ ߡߊ߲߬ߕߏ߲߬ߕߍ߬ ߛߊ߲ߡߊߘߊ߲ ߞߊ߲ߡߊ߬߸ ߊ߬ ߣߌ߫ ߣߊ߲߬ߕߌ߮ ߟߎ߬ ߡߊߞߍ߫ ߦߙߐ ߡߍ߲ ߦߋ߫ ߞߊߡߌߛ ߡߎߛ߭ߍߕ߸ ߊ߬ߟߎ߫ ߞߵߏ߬ ߟߎ߬ ߕߊ ߞߍ߫ ߞߎߟߎ߲ߞߎߟߎ߲ ߣߌ߫ ߓߌ߬ߢߍ߬ߞߌߛߍ ߟߋ߬ ߟߊ߫. ߊ߬ ߟߊ߫ ߝߐߟߌ߫ ߘߐ߫߸ ߊ߬ߟߎ߬ ߟߊ߫ ߥߊ߬ߟߏ߲߬ߠߌ߲ ߞߊ߬ ߓߊ߬ߛߊ߲ ߠߊߘߏ߲߬ ߠߋ߬ ߦߋ߲߬ ߝߣߊ߫ ߛߊ߲ߡߊߘߊ߲ ߞߣߐ߫߸ ߊ߬ ߣߌ߫ ߞߊ߬ ߕߌߢߍߟߌ ߞߍ߫ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߏ߬ ߘߐ߫.
ߟߊ߬ߛߋ߬ߟߌ߬ ߜߘߍ߫ ߝߣߊ߫ ߘߐ߫߸ ߦߊߤߑߦߊ߬ ߛߊ߬ߙߋ߯ ߞߵߊ߬ ߦߌ߬ߘߊ߬ ߞߏ߫ ߤߎߕߛߌ߫ ߣߊ߲ߕߌ߮ ߟߎ߬ ߞߊ߬ ߣߊ߲߬ߕߌ߰ ߘߊ߯ ߜߘߍ߫ ߟߎ߫ ߝߣߊ߫ ߛߎߡߊ߲߫ ߠߋ߬ ߦߙߐ߫ ߛߓߊ߬ ߘߐ߫߸ ߘߜ߭ߊ߬ߙߌߙ ߣߌ߫ ߊ߬ߟߑߡߊߥߑߛߌߡ߸ ߏ߬ ߟߎ߬ ߦߋ߫ ߖߌߖߊ߲߫ ߠߋ߬ ߘߐ߫߸ ߊ߬ ߣߌ߫ ߊ߰ߝߌߞߊ߬߸ ߏ߬ ߦߋ߫ ߊ߬ߛߌߙ ߟߋ߬ ߘߐ߫، ߞߏ߫ ߊ߬ߟߎ߫ ߞߊ߬ ߞߎߟߎ߲ߞߎߟߎ߲߫ ߛߌߦߊߡߊ߲߫ ߣߌ߫ ߓߌ߬ߢߍ߬ߞߌ߬ߛߍ߬ ߛߌߦߊߡߊ߲߫ ߠߋ߬ ߝߎ߬ߝߎ߫ ߦߋ߲߬.
