ߞߐ߬ߓߊ߬ߟߏ߲ ߡߍ߲ ߕߊ߬ߡߌ߲߬ߣߍ߲߫ ߣߌ߲߬߸ ߂߀߂߆ ߞߏ߲ߓߌߕߌ߮ ߕߟߋ߬ ߅߸ ߖߋ߬ߟߌ߬ߓߊ߬ߟߊ߫ ߛߊ߲ߡߊ߫ ߣߊ߲ߕߌ߮ ߟߎ߬ ߟߊ߫ ߛߊ߲ߡߊߞߎߟߎ߲ ߘߏ߫ ߟߋ߬ ߥߎ߬ߦߊ߬ ߘߊ߫߸ ߞߊ߬ ߡߐ߰ ߃߂ ߓߐ߬ߣߐ߫ ߊ߬ ߣߌ ߘߐ߫߸ ߦߟߍ߬ߒ߬ߞߊ߲߬ߓߊ߯ ߡߐ߰ ߂߅ ߣߌ߫ ߛߊ߲ߡߊߞߎߟߎ߲߫ ߓߏߙߌ߫ ߛߘߍ߫ ߡߐ߰ ߥߐߙߐ߲ߝߌ߬ߟߊ߬.

ߋߤߌߡߍ߲ ߋߖ߭ߏߘߊߡ ߡߍ߲ ߦߋ߫ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߮ ߟߎ߬ ߟߊ߫ ߝߘߏ߬ߓߊ߬ ߓߌߟߊߢߐ߲߯ߡߊ ߣߌ߫ ߟߌ߬ߤߟߊ߬ ߞߏ ߟߎ߬ ߗߋߕߌ߮ ߘߌ߫߸ ߏ߬ ߞߵߊ߬ ߟߊߛߋ߫ ߟߋ߬ ߞߏ߫ ߛߊ߲ߞߎߟߎ߲ ߝߋ߬ߟߋ߲߬ߝߋ߬ߟߋ߲߬ ߘߴߊ߬ߟߎ߬ ߟߊ߫ ߖߌ߬ߦߊ߬ߛߏ߲ ߠߎ߫ ߡߊ߬߸ ߊ߬ ߥߌ߬ߟߌ ߞߐ ߟߋ߬ ߘߐ߫.

ߢߊߢߌߣߌ߲ߠߌ߲ ߠߎ߫ ߛߌ߰ ߢߊ ߟߋ߬ ߞߍߣߴߏ߬ ߘߌ߫ ߛߋ߲߬ߠߊ߫߸ ߊ߬ߟߎ߬ ߥߊ߫ ߘߴߊ߬ ߦߋ߫ ߞߐ ߟߊ߫ ߞߏ߫ ߛߊ߲ߡߊߞߎߟߎ߲ ߓߘߊ߫ ߓߋ߬ ߝߊ߬ߙߊ ߘߏ߫ ߘߐ߫ ߐ߲ߘߏ߫ ߞߊ߬ߝߏ ߘߊߝߍ߬.

ߛߊ߲ߡߊߞߎߟߎ߲ ߣߌ߲߬ ߓߋ߭ ߡߍ߲ ߞߍ߫ ߘߊ߫߸ ߛߏ߫ ߡߐ߮ ߡߍ߲ ߠߎ߬ ߦߋ߫ ߝߊ߲߭ ߏ߬ ߝߍ߬߸ ߏ߬ ߟߎ߬ ߝߟߐ߫ ߟߋ߬ ߞߊ߬ ߛߊ߲ߡߊߞߎߟߎ߲ ߓߘߎߓߘߎ ߘߏ߫ ߟߎ߫ ߦߋ߫ ߡߎߣߎ߲߬߸ ߊ߬ ߣߌ߫ ߡߐ߱ ߝߊ߬ߘߌ ߝߊ߲߭ ߘߏ߫ ߟߎ߫߸ ߞߵߊ߬ߟߎ߫ ߓߌ߬ߟߊ߫ ߏ߬ ߢߊߢߌߣߌ߲ ߠߊ߫ ߛߍߣߍ߲߬߸ ߝߏ ߞߊ߬ ߥߊ߫ ߛߊ߲ߡߊߞߎߟߎ߲ ߓߋ߬ ߣߐ ߦߋ߫.

ߛߊ߲ߡߎߞߎ߲ ߣߌ߲߬ ߥߊߕߐ߫ ߕߘߍ߬ ߟߋߜ߭ߐߛ ߟߋ߬، ߕߋ߲߭ߕߋ߲߭ ߣߌ߲߬ ߘߐ߫߸ ߛߊ߲ߡߊߞߎߟߎ߲ ߣߌ߲߬ ߓߋ߬ ߞߎ߲߫ ߡߊ߫ ߟߐ߲߬߫ ߡߎߣߎ߲߬߸ ߞߎ߲߬ߠߊ߬ߛߌ߮ ߡߊ߫ ߝߋ߲߫ ߝߐ߫ ߏ߬ ߞߊ߲߬.

ߓߊߦߏ ߏߣߊߣߎߜ߭ߊ߫ ߡߍ߲ ߦߋ߫ ߞߊ߲ߕߌ߯ ߊߤߑߡߍߘ ߓߏ߬ߟߊ߫ ߕߌ߬ߣߓߎ߬ ߟߊ߫ ߓߋߟߋ߲ߕߌ߮ ߘߌ߫߸ ߏ߬ ߞߊ߲߫ ߞߏ߫ ߖߡߊ߬ߣߊ ߞߊ߲ߕߌ߮ ߓߘߊ߫ ߖߊ߬ߡߊߙߌ ߘߌ߫߸ ߞߏ߫ ߞߊ߬ ߛߊ߲ߡߊߞߎߟߎ߲ ߢߌ߲߬ ߠߊ߫ ߓߋ߬ߟߌ ߢߊߢߌߣߌ߲߫ ߞߵߊ߬ ߞߎ߭ ߟߐ߲߫.

ߓߏ߬ߟߊ ߕߌ߬ߣߎ߬ߓߎ߫ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߞߏ ߦߋ߫ ߛߎ߬ߣߎ߲߬ߓߊ߫ ߟߋ߬ ߘߌ߫، ߏ߬ ߟߋ ߞߏߛߐ߲߬߸ ߊ߬ߟߎ߫ ߞߊ߬ ߕߟߋ߬ ߛߓߊ߬ ߝߙߌߦߊ߫ ߛߌ߰ ߛߋ߲߬ߠߊ߫ ߖߡߊ߬ߣߊ ߞߣߐ߫.

ߡߍ߲ ߠߎ߬ ߕߏߣߴߊ߬ ߘߐ߫ ߣߌ߲߬߸ ߣߊ߲߬ߕߌ߮ ߘߏ߫ ߟߎ߫ ߣߴߊ߬ߟߎ߬ ߟߊ߫ ߘߋ߲ߓߦߊ ߕߎ߲߬ ߦߴߊ߬ ߘߐ߫߸ ߊ߬ߟߎ߬ ߛߌ߫ ߡߊ߫ ߓߐ߫ ߊ߬ ߘߐ߫، ߊߟߎ߫ ߦߴߊ߬ ߟߐ߲߫ ߞߏ߫ ߁߉߉߂ ߕߎߟߊߝߌ߲ ߕߋ߬ߟߋ߫ ߂߆ ߡߊ߬߸ ߊ߬ߟߋ߬ ߖߋ߬ߟߌ߬ߓߟߊ߬ ߛߊ߲ߡߊ߫ ߣߊ߲ߕߌ߮ ߟߎ߬ ߟߊ߫ ߛߊ߲ߡߊߞߎߟߎ߲ ߘߏ߫ ߓߋ߬ ߘߊ߫ ߌߞߐ߫߸ ߞߊ߬ ߣߊ߲߬ߕߌ߯ ߡߐ߰ ߁߅߀ ߝߊ ߏ߬ ߛߋ߲߬ߢߊ ߝߍ߬߸ ߟߋߜ߭ߐߛ ߞߌ߲߬ߘߊ ߘߏ߫ ߞߣߐ߫߸ ߊ߬ ߥߌ߬ߟߌ ߞߐߝߍ߬ ߛߊ߲ߡߊߘߊ߲ ߠߊ߫ ߘߏߣߍ߲߫ ߕߋ߲߬.