ߊ߬ ߕߟߋ߬ ߕߊ߲ߣߌߥߐ߯ߙߐ ߟߋ߬ ߕߋ߲߬߸ ߖߌ߫ ߡߣߊߣߍ߲߫ ߞߏ ߟߊߕߐ߲߫ ߘߊ߫ ߖߌ߬ߣߍ߬ ߞߣߐ߫߸ ߊ߬ ߣߌ߫ ߡߣߊ ߛߎ߯ ߺ ߎ ߺ ߛߎ߯ ߦߋ߫ ߟߊߓߊ߰ߙߊ߬ ߞߏ߬ ߞߋߟߋ߲ ߘߌ߫، ߒ߬ߓߊ߬߸ ߞߎ߲߬ߠߊ߬ߛߌ߮ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ ߞߎߡߊ߫ ߞߊ߲ ߕߍ߫ ߝߘߊ߫ ߘߌ߫ ߥߍ߫، ߏ߬ ߞߏߛߐ߲߬߸ ߊ߬ߟߎ߬ ߓߘߊ߫ ߛߊ߬ߦߌ߲߬ ߞߎߡߊ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߡߍ߲ ߠߎ߬ ߦߋ߫ ߖߌ߫ ߡߌ߲߬ߕߊ ߟߊߘߊ߲߫ ߠߊ߫ ߞߵߊ߬ ߞߍ߫ ߡߣߊߣߍ߲ ߘߐ߫߸ ߞߏ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߘߌ߬ߢߍ߬߸ ߏ߬ ߟߎ߬ ߘߌ߫ ߛߋ߫ ߓߊ߯ߙߊ߫ ߟߊ߫ ߞߊߙߏ߫ ߥߐ߯ߙߐ߫ ߞߣߐ߫߸ ߞߊ߬ ߖߌ ߞߍ߫ ߡߣߊߣߍ߲ ߘߐ߫ ߞߵߊ߬ ߘߌ߫ ߡߐ߱ ߟߎ߫ ߡߊ߬.

ߟߊ߬ߛߋ߬ߟߌ ߢߌ߲߬ ߞߍ߫ ߘߊ߫ ߓߌ߬ ߞߎߣߎ߲ߟߏ߲ ߢߌ߲߬ ߠߋ߬ ߡߊ߬߸ ߞߊ߬ ߝߘߊ߫ ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߮ ߟߊ߫߸ ߝߊ߭ߦߊ߬ ߝߊ߬ߙߊ߲߬ߛߎߥߊ ߓߙߎߣߏ߫߸ ߡߍ߲ ߟߊ߬ߛߋ߬ߟߌ ߞߊ߬ߙߊ߲߬ ߘߴߊ߬ ߓߟߏ߫ ߝߊ߬ߛߏ ߖߌ߬ߦߊ߲߬ߛߏ߬ߓߊ ߟߊ߫.

ߊߟߎ߫ ߦߴߊ߬ ߟߐ߲߫߸ ߖߌ߫ ߞߏ ߕߎ߲߬ ߓߘߊ߫ ߜߟߍ߬ߦߊ ߘߊߡߌ߬ߣߊ߸ ߞߵߏ߬ ߞߎ߲߭ ߞߍ߫ ߛߐ߲߬ߞߐ ߦߍ߬ߟߍ ߘߌ߫، ߝߏ߫ ߊ߬ ߞߏ ߕߎ߲߬ ߓߘߊ߫ ߞߍ߫ ߤߊߡߌ߲ ߘߌ߫ ߘߊ߬ߡߊ߲߬ߘߊ ߟߎ߬ ߟߊ߫ ߞߏߛߓߍ߫، ߒ߬ߓߊ߬߸ ߞߊ߲ߕߌ߮ ߓߘߴߊ߬ ߢߊ ߡߊߖߌ߰ ߖߡߊ߬ߣߊߙ߬ߘߋ߲ ߠߎ߬ ߟߊ߫ ߛߍ߱ ߏ߬ ߞߘߐ߫߸ ߞߊ߬ ߞߏߘߐߣߐ߯ߦߊ߫ ߞߍ߫߸ ߖߐ߲߰ߛߊ߫ ߓߟߏߘߐߓߍ߲ ߠߎ߬ ߘߌ߫ ߞߍ߫، ߓߊߏ߬߸ ߖߌ߫ ߓߊ߯ߙߟߊ ߟߎ߬ ߝߣߊ߫ ߕߎ߲߬ ߓߘߴߊ߬ߟߎ߬ ߡߊߞߊ߬ߛߌ߫ ߟߋ߬ ߞߎ߲߬ߠߊߛߌ߮ ߦߋ߫߸ ߞߏ߫ ߊ߬ߟߎ ߦߋ߫ ߘߌ߬ߢߍ߬ ߞߊ߬ ߥߊ߯ߕߌ߫ ߘߴߊ߬ߟߎ߫ ߡߊ߬ߟ ߊ߬ߟߎ߬ ߦߴߊ߬ߟߎ߬ ߘߐߓߍ߲߬߸ ߞߊ߬ ߡߣߊߘߎ߲߫ ߠߊߘߊ߲߫ ߦߙߐ ߟߎ߬ ߛߌ߰ ߛߋ߲߬ߠߊ߫.

ߞߎ߲߬ߠߊ߬ߛߌ߮ ߞߊ߲߫ ߞߏ߫ ߊ߬ߟߎ߬ ߦߋ߫ ߣߌ߲߬ ߞߍ߫ ߟߊ߫ ߞߵߊ߬ ߟߊߥߌ߬ߟߌ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߍ߲ߘߍߦߊ ߤߊߡߌ߲ ߠߋ߬ ߡߊ߬߸ ߛߊ߫ ߓߍ߯ ߘߌ߫ ߖߌ߫ ߛߊߣߌ߲ߡߊ߲ ߡߌ߲߬߸ ߊ߬ ߣߌ߫ ߛߴߊ߬ߟߎ߬ ߘߌ߫ ߛߋ߫ ߛߐ߲߬ߞߐ߬ ߞߏ ߝߣߊ߫ ߡߊߣߐ߬ ߟߊ߫ ߢߊ ߡߍ߲ ߡߊ߬.

ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߊߙߏ߫ ߥߐ߯ߙߐ ߓߘߊ߫ ߝߐ߫ ߝߛߊߦߌ߫߸ ߞߏ߬ߣߌ߲߬ ߖߌ߫ ߡߣߊߣߍ߲߫ ߠߊߘߊ߲ ߞߍߕߐ߫ ߛߙߊߕߌ ߘߏ߫ ߟߎ߫ ߟߋ߬ ߞߊ߲߬ ߘߋ߬، ߊ߬ߟߎ߬ ߞߊ߲߫ ߝߣߊ߫߸ ߞߏ߫ ߖߌ߫ ߡߣߊߣߍ߲߫ ߞߏ ߟߋ߬ ߞߋߟߋ߲߫ ߠߊߘߌ߬ߢߍ߬ߣߍ߲߬߸ ߡߣߊ ߕߐ߭ ߏ߬ ߟߎ߬ ߡߊ߫ ߟߊߘߌ߬ߢߍ߫ ߘߋ߬.

ߞߵߊߟߎ߫ ߦߟߌߓߌ߬ߟߊ߬߸ ߂߀߂߄ ߕߎߟߊߝߌ߲ ߂߁ ߠߋ߬ ߡߊ߬߸ ߞߎ߲߬ߠߊ߬ߛߌ߮ ߞߊ߬ ߛߊ߲߭ ߝߌ߬ߟߊ߬ ߘߌ߫ ߘߊ߫ ߖߌ߫ ߟߊߘߊ߲ߠߊ ߟߎ߫ ߡߊ߬߸ ߤߊ߲߯ ߞߵߏ߬ ߛߊ߲߭ ߝߌ߬ߟߊ ߘߝߊ߫ ߕߎߟߊߝߌ߲߫ ߕߊ߬ߡߌ߲߬ߣߍ߲ ߕߋ߬ߟߋ߫ ߂߀ ߡߊ߬، ߐ߲߬ߤߐ߲߫߸ ߛߊ߲߭ ߝߌ߬ߟߊ ߡߊ߫ ߞߏ ߡߍ߲ ߘߊ߲ߘߊ߫߸ ߞߊߙߏ߫ ߥߐ߯ߙߐ ߘߴߏ߬ ߘߊ߲ߘߊ߫ ߓߊ߬؟

ߞߎ߲߬ߠߊ߬ߛߌ߮ ߞߏ߬ߣߌ߲ ߞߊ߲߫߸ ߞߏ߫ ߡߍ߲ ߠߎ߬ ߦߋ߫ ߟߊߘߊ߲ ߞߍ߫ ߟߊ߫߸ ߊ߬ߟߎ߬ ߦߴߊ߬ߟߎ ߖߌߖߊ߬߸ ߞߊ߬ ߛߋ߫ ߡߣߊ߫ ߟߎ߫ ߟߊߘߊ߲߫ ߠߊ߫߸ ߡߍ߲ ߠߎ߬ ߘߌ߫ ߕߏ߬ߟߌ߬ ߘߌߦߊ߫߸ ߊ߬ ߣߌ߫ ߡߣߊ ߟߎ߫ ߖߍ߬ߘߍ ߘߌ߫ ߛߋ߫ ߢߡߊߦߟߍ߬ߡߊ߲߬ ߠߊ߫ ߦߙߐ ߡߍ߲ ߠߎ߬ ߘߐ߫߸ ߞߊ߬ ߕߐ߬ߣߐ ߛߐ߬ߘߐ߲߫ ߊ߬ ߟߊ߫.

ߊ߬ߟߎ߬ ߓߘߊ߫ ߥߛߊ߬ߓߊ߰ߦߊ ߘߏ߫ ߟߊߘߊ߲߫ ߞߏߕߌ߯ߘߊ ߟߎ߬ ߣߌ߫ ߢߐ߲߯ ߕߍ߫߸ ߞߏߕߌ߯ ߝߟߐ ߟߋ߬ ߓߌ߬ߟߊ߬ߣߍ߲߫ ߞߏ߫ ߊ߬  ߦߴߊ߬ ߖߊ߲߬ߕߏ߫ ߏ߬ ߘߐ߫.