ߢߣߊߕߊߟߌ߫ ߞߎߘߊ߫ ߕߎ߬ߡߊ߬ߘߊ ߓߘߊ߫ ߝߐ߬ ߖߌ߬ߣߍ߬ ߞߣߐ߫ ߌߞߐ߫، ߞߊ߬ߕߎ߲߯߸ ߟߊ߬ߕߍ߰ߦߊ߫ ߟߋ߬ ߞߊ߬ߙߊ߲߬ߣߍ߲߫ ߓߌ߬ ߛߎ ߢߌ߲߬ ߘߐ߫ ߂߀߂߆ ߞߏ߲ߓߌߕߌ߮ ߕߟߋ߬ ߁߂߸ ߖߌ߬ߣߍ߫ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߡߍ߲ ߞߟߊ߬ߣߐ߬ߦߊ߬ߣߍ߲߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫߸ ߞߊ߬ ߢߣߊߕߊߟߌ߫ ߝߌ߬ߟߊ߫ ߕߎ߬ߡߊ߬ߘߊ ߝߐ߫ ߞߵߊ߬ ߟߊߕߍ߰߸ ߕߌ߲߬ߞߎߘߎ߲ ߕߊ ߣߌ߫ ߞߊ߲߬ߜߍ߬ߘߊ ߕߊ.

ߢߐ߲߯ߓߍ߲߫ ߝߟߐ ߡߍ߲ ߘߐߛߘߊߣߍ߲߫߸ ߏ߬ ߟߋ ߂߀߂߆ ߣߍߣߍߓߊ ߕߋ߬ߟߋ߫ ߂߉ ߘߌ߫، ߏ߬ ߟߏ߲ ߠߋ߬߸ ߕߌ߲߬ߞߎߘߎ߲ ߞߏߟߊߕߍ߮ ߟߎ߬ ߘߌ߫ ߛߎߥߊ߲ߘߌ߫ ߖߡߊ߬ߣߊ ߝߊ߲߭ ߓߍ߯ ߘߐ߫߸ ߞߵߏ߬ ߟߊ߫ ߞߐߣߊߞߙߌ߫ ߛߏߞߣߐߟߊ ߖߍ߬ߘߍ ߞߊ߲߬.

ߞߊ߲ߠߊߘߌ߫ ߞߍߣߍ߲߫ ߟߏ߲߫ ߝߌߟߊߣߊ߲ ߡߍ߲ ߝߣߊ߫ ߘߐ߫߸ ߏ߬ ߟߋ ߂߀߂߆ ߞߏߟߌ߲ߞߏߟߌ߲ ߕߋ߬ߟߋ߫ ߂߀ ߘߌ߫، ߕߌ߲߬ߞߎߘߎ߲ ߕߊ ߞߐߝߍ߬ ߞߎ߲߬ߢߐ߲߯ ߛߓߊ߬߸ ߞߊ߲߬ߜߍ߬ߘߊ ߛߌ߲߬ߝߏ߲ ߠߎ߬ ߝߣߊ߫ ߘߌ߫ ߛߎߥߊ߲ߘߌ߫߸ ߞߵߏ߬ ߞߍ߫ ߛߌ߰ߞߊ߲ ߞߣߐ߫ ߞߎߡߊ ߟߊߓߊ߬ߕߏ߬ߣߍ߲ ߘߌ߫.

ߞߊ߲ߕߌ߮ ߟߊ߫ ߟߊ߬ߕߍ߰ߦߊ ߣߌ߲߬ ߞߣߐ߫߸ ߞߏ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߣߌ߫ ߞߕߌߖߌ߲ ߛߊ߲ߘߐߕߊ ߟߊ߫ ߓߍ߲߬ߘߐ ߞߐߝߍ߬ ߂߀߂߆ ߞߏ߲ߓߌߕߌ߮ ߕߟߋ߬ ߈ ߡߊ߬߸ ߏ߬ ߞߐ ߟߋ߬ ߞߍߣߍ߲߫ ߕߎ߬ߡߊ߬ߘߊ ߢߌ߲߬ ߠߎ߬ ߟߊߕߍ߱ ߘߌ߫.

ߣߴߏ߬ ߕߍ߫߸ ߞߊ߲ߕߌ߯ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߞߍ߫ ߘߊ߫ ߢߊ ߡߍ߲߸ ߏ߬ ߟߎ߬ ߞߍ߫ ߘߊ߫ ߢߐ߲߯ ߝߍ߬ ߟߋ߬߸ ߟߏ߲߫ ߞߋߟߋ߲߫، ߘߐ ߢߌ߲߬ ߠߎ߫ ߟߋ߬ ߓߐߣߍ߲߫ ߢߐ߲߮ ߡߊ߬߸ ߊ߬ߟߎ߬ ߕߍ ߘߏ߲߬ ߡߊ߫ ߖߊ߲߰ߧߊ߬.

ߕߍ߰ߡߊ ߡߍ߲ ߝߣߊ߫ ߦߴߊ߬ ߘߐ߫߸ ߖߡߊ߬ߣߊ߬ߘߋ߲ ߓߍ߯ ߟߋ߬ ߞߊ߬ ߢߣߊߕߊߟߌ߫ ߕߊ߬ߡߌ߲߬ߣߍ߲ ߠߎ߬ ߞߍ߫ ߢߐ߲߯ ߝߍ߬، ߓߊ߬ߙߌ߬߸ ߣߌ߲߬ߛߋ߲߬ ߕߊ ߣߌ߲߬ ߘߐ߫߸ ߞߊ߬ߝߏ߬ߙߋ߲ ߞߣߐ߫ ߡߐ߮ ߟߎ߫ ߟߋ߬ ߞߍߕߐ߫ ߕߌ߲߬ߞߎߘߎ߲ ߞߏߟߊߕߍ߮ ߟߎ߬ ߛߎߥߊ߲ߘߌ߫ ߟߊ߫، ߡߍ߲ ߘߏ߲߬ ߟߐ߬ߣߍ߲߫ ߞߊ߲߬ߜߍ ߟߎ߬ ߟߊ߫ ߞߏ ߡߊ߬߸ ߛߎߥߊ߲ߘߟߌߟߊ ߟߎ߫ ߟߋ߬ ߟߊߘߍ߬ߕߐ߫ ߏ߬ ߘߐ߫߸ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬߸ ߕߌ߲߬ߞߎߘߎ߲ ߞߏߟߊߕߍ߮ ߟߎ߬߸ ߏ߬ ߟߎ߫ ߟߋ߬ ߝߙߊ߬ߕߐ߫ ߢߐ߲߯ ߞߊ߲߬߸ ߏ߬ ߟߎ߬ ߘߌ߫ ߘߍ߬ ߞߊ߬ ߞߊ߲߬ߜߍ߬ߘߊ ߘߏ߲߬ߞߏ ߟߎ߬ ߛߎߥߊ߲ߘߌ߫، ߏ߬ ߟߎ߬ ߟߊ߫ ߛߎߥߊ߲ߘߟߌ ߘߐ߫߸ ߊ߬ߟߎ߬ ߦߋ߫ ߞߊ߲߬ߜߍ ߛߓߊߢߐ߲߯ ߝߌ߬ߟߊ ߟߋ߬ ߛߎߥߊ߲ߘߌ߫ ߟߊ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߖߍ߬ߘߍ ߟߋ߬ ߞߍߕߐ߫ ߊ߬ ߕߐ߬ ߛߓߊߢߐ߲߯ ߞߋߟߋ߲ ߛߎߥߊ߲ߘߌ߫ ߟߊ߫.

ߏ߬ ߘߐ߫߸ ߖߌ߬ߣߍ߬ ߘߝߊߕߐ߫ ߟߋ߬ ߛߌ߰ߞߊ߲ ߞߎߡߊ ߟߎ߬ ߘߐ߫ ߣߌ߲߬ ߦߏ߫ ߘߎ߬ߣߎ߲߬ߘߐ߲߬ߠߊ߫، ߞߊ߬ߕߎ߲߯߸ ߡߍ߲ ߠߎ߬ ߘߐ߱ߘߏ߲߬ߣߍ߲߫ ߢߣߊߕߊߟߌ ߞߏߢߊ ߟߎ߬ ߟߊ߫߸ ߏ߬ ߟߎ߬ ߘߌ߫ ߣߌ߲߬ ߞߏ ߓߍ߯ ߞߎ߲߭ߝߊ߰ ߞߊ߬ ߞߐ߲߰ ߂߀߂߆ ߓߊ߲ ߢߍ߫.