ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߆ ߞߏ߲ߓߌߕߌ߮ ߕߟߋ߬ ߁߆߸ ߡߐ߰ ߡߊ߬ߘߏ߬ߣߌ߲߬ ߞߐ߲ߛߏ ߘߏ߫ ߟߋ߬ ߓߕߐ߫ ߕߘߍ߬ ߛߏ ߞߣߐ߫ ߞߵߊ߬ ߞߎ߲߬ߛߌ߲߫ ߓߏߙߑߘߏ߫ ߞߌ߲߬ߘߊ߬ ߞߣߐߟߊ ߟߊ߫ ߖߎߡߊ߫ ߛߊߟߌ ߞߐߝߍߟߊ ߣߌ߲߬ ߘߐ߫ ߣߊ߲߬ߝߏ߯ ߓߍ߲߬ߕߍ߲ ߞߢߊߡߊ߫ ߘߐ߫߸ ߏ߬ ߟߋ ߟߊ߬ߓߏ߬ߙߌ߬ߟߌ߬ߟߊ ߟߊ߫ ߞߐ߲߬ߛߏ ߣߐ߬ ߊ߬ ߓߟߏߡߊߓߊ߬ߟߌ߬ ߟߊ߫ ߸ ߞߊ߬ ߣߊ߬ ߕߏ߫ ߛߌߟߊ ߓߌ߬ߟߊ߬ ߟߊ߫ ߞߊ߬ ߕߊ߯ ߟߎߕߌ߮ ߘߏ߫ ߟߊ߫ ߞߏߞߏ ߝߙߊ߫ ߸ߞߊ߬ ߞߐ߲߬ߛߏ ߖߍ߬ߘߍ ߝߊ߲߬ ߛߘߍߡߊ߲߫ ߘߐߕߌߢߍ߫.
ߡߎߛߊ߫ ߞߋߕߊ߬ ߡߍ߲ ߠߊ߫ ߞߏߞߏ ߝߙߊߣߍ߲߫ ߊ߬ ߟߊ߫ ߸ ߏ߬ ߛߋ߫ ߘߊ߫ ߞߊ߬ ߘߏ߫ ߢߊߝߐ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߕߊ߬ߡߌ߲߬ ߢߊ ߞߊ߲߬.
<< ߒߠߋ ߕߐ߯ ߟߋ߬ ߡߎߛߊ߫ ߞߋߕߊ߬ ߸ ߒ ߧߋ߫ ߞߊ߲ߞߊ߲߫ ߓߏߙߑߘߏ߫ ߞߌ߲߬ߘߊ ߟߋ߬ ߟߊ߫ ߸ ߣߊ߲߬ߝߏ߯ ߓߍ߲߬ߕߍ߲ ߘߊߝߍ߬.
ߓߌ߬ ߖߎߡߊ߫ ߛߊߟߌ ߞߐ ߟߋ߬ ߘߐ߫ ߸ ߒ ߧߋ߫ ߓߐ ߞߊ߲߬ ߡߌ߬ߛߙߌ ߟߊ߫ ߞߊ߬ ߕߊ߯ ߒ ߠߊ߫ ߟߎ ߡߊ߬߸ ߒ ߞߊ߬ ߞߐ߲߬ߛߏ ߘߏ߫ ߦߋ߫ ߥߊ ߞߊ߲߬ ߒ ߢߍߝߍ߬߸ ߒ ߣߊ߬ ߘߴߊ߬ ߛߐ߬ߘߐ߲߬ ߞߐ߲߬ߛߏ ߏ߬ ߓߘߊ߫ ߒ ߠߊ߫ ߞߏߞߏ ߝߙߊ߫ ߞߊ߬ ߘߏ߲߬ ߒ ߠߊ߫ ߞߏߞߏ ߞߣߐ߫ >>
ߞߐ߲߬ߛߏ ߟߊ߫ ߞߏߞߏ ߞߣߐ߫ ߘߏ߲ߣߌ߲ ߣߌ߲߬ ߞߣߐߡߊ߬߸ ߡߎߛߊ߫ ߞߋߕߊ߬ ߞߵߊ߬ ߦߌ߬ߘߊ߬ ߞߏ߫߸ߊ߬ ߣߐ߬ ߞߐ߲߬ߛߏ ߣߐ߭ ߦߋ߫ ߟߴߊ߬ ߟߊ߫ ߞߏߞߏ ߡߊ߬߸ ߊ߬ ߟߊ߫ ߞߐߙߍ ߟߋ߬ ߟߊ߫ ߞߏ ߖߐ߬ߘߐ ߛߌ߰ ߟߴߊ߬ ߞߣߊ߫߸ ߞߊ߬ ߣߊ߬ ߕߏ߫ ߟߊ߬ߓߏ߬ߙߌ߬ߟߌ߬ߟߊ ߖߍ߬ߘߍ ߟߌ߬ߤߟߊ ߡߊߢߌ߬ߣߌ߲߬ߞߊ߬ ߟߊ߫ :
<<ߒ ߣߐ߬ ߊ߬ ߦߋ߫ ߟߊ߫ ߒ ߠߊ߫ ߞߏߞߏ ߓߘߊ߫ ߝߙߊ߫߸ ߏ߬ ߞߍ ߒߠߋ ߖߍ߬ߘߍ ߤߊߡߌ߲߫ ߘߊ߫ ߒ ߘߋ߲ ߠߎ߬ ߟߋ߬ ߘߌ߫ ߛߍߣߍ߲߬،ߓߊ߬ߙߌ߬ ߞߏ ߡߊ߫ ߏ߬ ߟߎ߬ ߛߌ߫ ߛߐ߬ߘߐ߲߬ ߖߎ߯ߡߊ߲߫ ߓߟߏߡߊ߬ ߸ߒ ߞߊ߬ ߟߊ߬ߓߏ߬ߙߌ߬ߟߌ߬ߟߊ ߟߌ߬ߤߟߊ ߡߊߢߌ߬ߣߌ߲߬ߞߊ߫، ߊ߬ߟߎ߬ ߞߊ߲߫ ߒ ߡߊ߬ ߞߏ߫ ߊ߬ ߓߘߊ߫ ߓߐ߫>>
ߟߎߕߌ߮ ߣߐ߬ ߊ߬ ߦߋ߫ ߟߊ߫ ߖߎ߯ߡߊ߲߫ ߛߌ߫ ߡߊ߫ ߛߋ߫ ߊ߬ ߟߊ߫ ߞߐߙߍ ߡߐ߰ ߛߌ߫ ߡߊ߬߸ ߊ߬ ߞߵߌ ߞߎ߲߬ ߛߌ߫ ߕߐ߲ߓߟߏߡߊߛߏ ߟߋ߬ ߟߊ߫ ߌߞߘߐ߫ :
<<ߊ߬ ߝߐߣߍ߲߫ ߒ ߧߋ߫ ߞߏ߫ ߟߊ߬ߓߏ߬ߙߌ߬ߟߌ߬ߟߊ ߓߘߊ߫ ߓߐ߫، ߒ ߥߊ߫ ߘߊ߫ ߛߋ߫ ߕߐ߲ߓߟߏߡߊߛߏ ߟߊ߫ ߡߍ߲ ߠߎ߬ ߘߐ߱ߘߏ߲߬ߣߍ߲߬ ߛߌߟߊ߫ ߞߏ ߟߊ߫߸ߒߠߋ ߣߌ߫ ߕߐ߲ߓߟߏߡߊ ߏ߬ ߟߎ߬ ߦߋ߫ ߛߋ߫ ߟߊ߫ ߟߎ߬ ߡߊ߬ ߸ ߊ߲ ߣߊ߬ ߘߊ߫ ߟߊ߬ߓߏ߬ߙߌ߬ߟߊ ߕߘߍ߬ ߟߎ ߡߊ߬ ߸ ߕߐ߲ߓߟߏߡߊ߫ ߝߣߊ߫ ߞߵߏ߬ ߟߋ߬ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫ ߞߊ߬ ߢߌ߬ߣߌ߲߬ߞߊ߬ߟߌ ߘߏ߫ ߟߎ߫ ߞߍ߫ ߟߊ߬ߓߏ߬ߙߌ߬ߟߌ߬ߟߊ ߞߎ߲߬، ߏ߬ ߞߐߝߍ߬ ߢߌ߬ߣߌ߲߬ߞߊ߬ߟߌ ߘߊߞߎ߲ ߛߋ߫ ߘߊ߫ ߒߠߋ ߖߍ߬ߘߍ ߝߣߊ߫ ߡߊ߬ ߸ ߒ ߞߵߊ߬ ߦߌ߬ߘߊ߬ ߞߏ߫ ߡߐ߰ ߛߌ߫ ߡߊ߫ ߡߊߘߌߡߌ߲߫، ߡߐ߰ ߘߏ߲߬ ߡߊ߫ ߝߊ߰߸ߒ ߞߐ߬ߣߌ߲߬ ߠߊ߫ ߞߏߞߏ ߘߐߕߌߢߍߣߍ߲ ߠߋ߬ >>
ߡߎߛߊ߫ ߞߋߕߊ߬ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߞߎ߲߬ߘߏ߲ ߘߐ߫ ߞߏ߫ ߸ ߊ߬ ߟߊ߫ ߞߏߞߏ ߓߍߣߊ߬ ߘߐߓߍ߲߬ ߞߵߊ߬ ߞߍ߫ ߊ߬ ߢߊ ߡߊ߬:
<< ߕߐ߲ߓߟߏߡߊ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫߸ ߊ߲ ߧߋ߫ ߥߊ߫ ߢߐ߲߮ ߓߍ߲߬ ߕߐ߲ߓߟߏߡߊߛߏ ߟߊ߫ ߸ ߞߊ߬ ߥߊ߫ ߞߐ߲߬ߛߏ ߖߍ߬ߘߍ ߝߣߊ߫ ߘߌ߫ ߦߋ߲߬߸ߞߏ߫ ߣߌ߫ ߞߐ߲߬ߛߏ ߛߋ߫ ߘߴߊ߬ߟߎ߬ ߓߟߏ߫ ߦߋ߲߬߸ ߊ߬ߟߎ߬ ߘߌߣߊ߬ ߒ ߠߊ߫ ߞߏߞߏ ߘߐߓߍ߲߬ ߸ ߞߏߢߊ ߕߐ߭ ߘߌ߫ ߕߏ߫ ߕߐ߲ߓߟߏߡߊ ߟߎ߬ ߣߌ߫ ߟߊ߬ߓߏ߬ߙߌ߬ߟߌ߬ߟߊ ߖߍ߬ߘߍ ߕߍ߫ ߛߍߣߍ߲߬>>
ߓߊߘߋ߲߫ ߓߘߍ ߟߎ߬߸ ߊ߲ ߧߋ߫ ߟߌ߬ߤߟߊ ߣߌ߲߬ ߞߌ߬ߦߊ ߞߊ߲߬ ߊߟߎ߫ ߡߊ߬ ߕߎ߬ߡߊ ߡߍ߲ ߠߊ߫ ߣߌ߲߬ ߸ ߊ߲ ߡߊ߫ ߛߋ߫ ߝߟߐ߫ ߞߊ߬ ߞߐ߲߬ߛߏ߬ ߓߏ߬ߙߌ߬ߟߊ ߖߍ߬ߘߍ ߡߊߛߐ߬ߘߐ߲߬ ߸ߣߌ߫ ߡߍ߲ ߠߎ߬ ߣߊ߬ ߘߊ߫ ߓߐ߫ ߊ߬ ߘߐ߫ ߸ ߊ߲ ߓߍߣߵߏ߬ ߟߊߛߴߊߟߎ߫ ߡߊ߬ ߒ߬ ߠߊ߫ ߟߌ߬ߤߟߊ߫ ߣߊ߬ߕߐ ߟߎ߬ ߘߐ߫.
