ߒ ߘߌ߫ ߛߐ߰ ߒ ߢߣߊߓߊ߯ߦߊ ߡߊ߬ ߞߣߊ߬ߕߏ߫ ߞߎߡߊ ߕߊ߬ ߟߊ߫ ، ߒߠߋ ߕߐ߯ ߟߋ߬ ߝߊ߲߬ߛߊ߲߫ ߛߟߏ߬ߡߊ߯ߣߊ߫ ߞߐ߲ߘߍ߫ ߸ ߒ ߧߋ߫ ߝߎߣߎ߲ߞߋ߫ ߥߊߟߌߘߊߕߌ߮ ߟߋ߬ ߘߌ߫ ߒߞߏ ߘߐ߫ ߸ ߝߊ߲߬ߛߊ߲߬ ߠߊ߫ ߞߙߊߟߌߘߊ ߗߋߕߌ߮ ߟߋ߬ ߸ ߞߊ߬ߕߎ߲߯ ߒ ߡߊߟߐ߲ߣߍ߲߫ ߛߞߎ߬ߦߊ߬ߟߌ ߘߐ߫ ߒߞߏߡߐ߮ ߟߎ߬ ߓߟߏ߫ ߞߏߛߓߍ߫.
ߕߎ߬ߢߊ ߦߋ߫ ߡߍ߲ ߘߌ߫ ߸ ߒߞߏ߫ ߞߊߙߊ߲ߠߊ ߓߍ߯ ߥߘߋ߬ߥߘߋ߬ߟߌ߬ߟߊ ߟߋ߬ ߘߌ߫((ߞߏ߫ ߘߐߡߙߌߟߊ ߟߎ߫ ߞߊ߬ߣߌ߲߬)) ߸ ߊ߬ ߞߊ߬ߙߊ߲߬ߘߋ߲ ߠߎ߬ ߟߊߣߍ߲߫ ߊ߬ ߞߊ߬ߙߊ߲߬ߡߐ߮ ߟߎ߫ ߞߊ߲߬ ، ߒߞߏ߫ ߞߊߙߊ߲ߠߊ ߟߎ߫ ߖߍ߬ߘߍ ߛߋ߫ ߕߍ߫ ߏ߬ ߘߐ߫ ߸ ߊ߰ ߟߋ߬ ߦߏ߫ ߒߞߏ ߣߌ߫ ߥߘߋ߬ߥߘߋ߬ߟߌ ߛߌ ߟߋ߬ ߓߙߎ߬ߞߎ߬ ߟߊ߫ ߢߐ߲߮ ߝߍ߬ ߞߋߟߋ߲ߘߌ߫ ߞߊ߬ߦߌ߯ ߊ߬ ߞߊ߬ߙߊ߲ ߘߊߡߌ߬ߣߊ߬ߕߐ߬ߟߊ ߞߊ߬ߙߊ߲߬ߘߋ߲ ߓߟߏ߫. ߊߟߊ߫ ߘߏ߲߬ ߞߊ߲߫ ߞߎ߬ߙߊ߬ߣߊ ߘߐ߫ ߞߏ߫ (ߡߍ߲ ߓߊ߯ ߛߐ߫ ߥߘߋ߬ߥߘߋ߬ߟߌ ߘߐ߫ ߸ ߒ߬ߓߊ߬ ߞߏ߫ ߏ߬ ߕߌ߰ ߓߘߊ߫ ߛߐ߫ ߤߙߊ߫ ߛߌߦߊߡߊ߲ߓߊ߫ ߟߊ߫)، ߡߐ߰ ߟߎ߫ ߓߘߊ߫ ߞߎ߲߬ߠߊ߬ߘߌߦߊ߫ ߏ߬ ߘߐ߫ ߸ ߥߘߋ߬ߥߘߋ߬ߟߌ ߦߋ߫ ߡߍ߲ ߠߎ߬ ߟߊ߫ ߞߊ߬ߙߊ߲ ߡߊ߲߬ߝߋ߲ ߘߌ߫. ߒߞߏ ߟߞߊ߬ߙߊ߲߬ߠߌ߲߬ߠߊ ߟߎ߬ ߣߌ߫ ߗߋ߫ ߦߙߐ߫ ߣߌ߲߬ ߠߊ߫ ߓߎߦߌ߯.
ߒ߬ߞߊ߬ ߸ ߡߍ߲ ߠߎ߫ ߘߏ߲߬ߣߍ߲߫ ߒߞߏ߫ ߞߊߙߊ߲ ߘߐ߫ ، ߒߞߏ ߛߣߌߦߋߟߊ ߟߎ߬ ߣߴߊ߬ ߞߊ߬ߙߊ߲߬ߡߐ߰ߓߊ ߟߎ߬ ߘߊߘߐߖߊ߬ ߞߊ߲ߡߊ߬ ߸ ߊ߬ ߣߴߊ߬ ߝߎߣߎ߲ߞߋ߫ ߥߟߌ߬ߕߐ߬ߟߊ ߟߎ߬ ߞߟߊߓߎ ߡߊ߰ߦߊ߬ ߞߊ߲ߡߊ߬ ، ߏ߬ ߟߎ߫ ߟߋ߬ ߕߍ߫ ߥߘߋ߬ߥߘߋ߬ߟߌ ߡߊ߲߬ߝߋ߲ ߛߐ߬ߘߐ߲߬ ߠߊ߫ ߞߵߊ߬ ߞߍ߫ ߊ߬ߟߎ߬ ߟߊ߫ ߞߊ߬ߙߊ߲ ߞߌߣߌ߲߫ ߜߍ ߟߊ߫ ، ߣߴߊ߬ߟߎ߬ ߞߎߡߊ߫ ߘߊ߫ ߌߞߘߐ߫ ߕߋ߲߬ ߸ߌ ߘߴߊ߬ ߟߐ߲߫ ߞߏ߫ ߛߎ߬ߡߊ߲ ߡߊ߫ ߟߴߊ߬ߟߎ߬ ߟߊ߫. ߓߊߏ߬߸ ߣߴߌ ߞߊ߬ ߞߊ߬ߙߊ߲ ߞߍ߫ ߣߴߌ ߡߊ߫ ߢߊߦߋߟߌ߫ ߞߍ߫ ߸ ߊ߰ ߟߋ߬ ߦߏ߫ ߌ ߡߊ߫ ߝߏߦߌ߬ ߞߍ߫. ߏ߬ ߟߎ߫ ߘߏ߲߬ ߟߊߒߡߊ ߝߐ߫ ߘߊ߫ ߞߎ߬ߙߊ߬ߣߊ ߘߐ߫ ߞߏ߫ (ߝߎߦߋ߲ ߠߎ߫ ߟߋ߬ ߓߏߓߏ ߟߎ߫ ߟߋ߬ ߞߴߊ߬ߟߎ߫ ߘߏ߲߬ ߕߍߣߊ߬ ߘߍ߲߬ߞߣߍ߬ߦߊ߬ ߟߊ߫). ߡߍ߲ ߞߊ߫ ߖߎ߯ ߊ߬ߟߎ ߟߊ߫ ߘߍ߲߬ߞߣߍ߬ߦߊ߬ߓߊߟߌߦߊ ߘߌ߫ ߒߞߏߞߏ ߡߊ߬ ߸ ߒߞߏ߫ ߞߊߙߊ߲ߠߊ ߉߉% ߸ ߡߴߊ߬ߟߎ߬ ߟߐ߲߫ ߒߞߏ߫ ߟߐ߲ߠߊ߫ ߟߎ߫ ߘߌ߫ ،ߛߐ߰ߣߊ߬ߝߙߍ߫ ߞߴߊ߬ߟߎ߬ ߘߌ߫ ߛߋ߫ ߞߏ߫ ߕߌߢߍ߫ ߟߊ߫ ߒߞߏ ߡߊ߬߸ ߞߎߡߊߕߍ߫ ߒߞߏ ߛߣߐ߬ߡߍ߬ߘߐ߬ߦߊ ߡߊ߬.
ߒ ߓߘߊ߫ ߛߋ߫ ߞߎߡߊ ߞߎ߲߭ ߖߍ߬ߘߍߖߍ߬ߘߍ ߡߊ߫:
߁- ߞߏ߫ ߡߊ߲߬ߘߋ߲߫ ߞߵߊ߬ ߟߊߘߤߊ߬ ߸ ߣߌ߫ ߗߍ߬ߦߊ߬ ߖߊ߲ߞߊߙߏ ߞߊ߬ ߗߍ߭ ߡߌ߬ߣߊ߫ ߊ߬ ߘߏ߲߬ ߡߊ߫ ߛߋ߫ ߘߊ߲ߘߊ߫ ߟߊ߫ ، ߞߏ߫ ߗߍ߭ ߦߋ߫ ߊ߬ ߡߏ߬ߛߏ ߟߊߕߊ߬ߡߌ߲߫ ߊ߬ ߘߐ߯ߞߍ߫ ߡߊ߬ ߛߎ ߘߐ߫ ߜߎ߲߬ߘߎ߬ ߘߐ߬ ߸ ߞߊ߬ ߕߏ߫ ߞߘߐ߬ߞߍ߫ ߡߛߏ߬ߦߊ ߟߊ߫ ߕߋ߬ߟߋ ߘߐ߫ ߸ ߣߌ߫ ߘߋ߲ ߛߐ߬ߘߐ߲߬ ߘߊ߫ ߞߘߐ߬ߞߍ߬ߡߊ߲ ߠߋ߬ ߕߊ߫ ߦߋ߫ ߘߋ߲ ߘߌ߫، ߓߊߏ߬ ߸ ߏ߬ ߟߋ ߟߊ߫ ߜߍߘߐ߫-ߡߛߏ ߦߋ߫ ߓߍ߯ ߞߊ߬ ߡߍ߲ ߟߐ߲߫.
ߊ߰ ߞߍ߫ ߟߊ߫ ߞߎߡߊ߫ ߣߌ߲߬ ߝߐߓߊ߮ ߞߣߐ߫ ߟߋ߬ ߗߐ߫ ߸ ߞߏ߫ ߣߌ߲߬ ߦߋ߫ ߞߏ߫ ߡߊߢߊߢߌ߲߲ߣߍ߲߫ ߣߌ߫ ߞߏ߫ ߡߊߡߊ߬ߟߏ߬ߦߊ߬ߣߍ߲߫ ߠߋ߬ ߘߌ߫ ߡߐ߰ߦߊ ߞߣߐ߫ ߸ ߞߏ߫ ߓߊߏ߬ ߛߌ߬ߟߡߊ߬ߦߊ ߡߊ߫ ߓߍ߲߬ ߊ߬ ߡߊ߬ ߢߍ߹ ߒ߬ߓߊ߬ ߢߌ߬ߣߌ߲߬ߞߊ߬ߟߌ ߘߏ߫ ߟߎ߫ ߦߋ߫ ߒ ߓߟߏ߫ ߞߵߊ߬ ߟߐ߬ ߊ߬ ߕߌ߱ ߡߊ߬ :
߁߭- ߦߊ߯ߟߊ߫ ߸ ߣߌ߫ ߖߊ߲߬ߞߊ߬ߙߏ߬ߕߐ ߏ߬ ߞߵߊ߬ ߡߛߏ߬ ߘߋ߲ߕߌ߮ ߏ߬ ߝߘߎߛߊ߬ ، ߞߴߊ߬ ߓߍ߲߬ ߟߊ߬ߦߙߊ߬ߓߟߌ߬ ߖߊ߲ߞߊߙߏ ߏ߬ ߡߊ߬߸ ߦߊ߯ߟߊ߫ ߡߏ߬ߛߏ ߏ߬ ߟߊߕߐ߲ߣߍ߲߫ ߗߍ߭ ߘߐ߯ߞߍ߫ ߞߋߟߋ߲ ߏ߬ ߡߊ߬ ߝߘߎ ߘߌ߬ ߓߊ߬؟
߂߲- ߗߍ߭ ߞߍ ߞߵߊ߬ ߡߛߏ߬ ߘߋ߲ߕߌ߮ ߸ ߏ߬ ߟߊߕߊ߬ߡߌ߲߬ ߊ߬ ߘߐ߯ߞߍ߫ ߡߊ߬ ߝߘߎ ߛߊ߬ߙߌ߬ߦߊ ߘߏ߫ ߞߣߐߡߊ߬ ߜߎ߲߬ߘߎ߬ ߘߐ߫ ߸ ߏ߬ ߟߋ ߞߊ߫ ߢߌ߲߬ ߓߊ߰ ߡߏ߬ߛߏ ߝߘߎ ߦߋ߫ ߛߊ߬߸ ߞߵߊ߬ ߘߋ߲ߣߍ߲ ߠߎ߬ ߕߏ߫ ߊ߬ ߞߐ߫ ߞߌ߬ߣߌ߬ߞߌߣߌ߲ ߘߐ߫ ߟߎ ߞߣߐ߫؟
߃߲- ߗߍ߭ ߞߍ ߞߵߊ߬ ߡߛߏ߬ ߘߋ߲ߕߌ߮ ߸ ߏ߬ ߟߊߕߊ߬ߡߌ߲߫ ߊ߬ ߘߐ߯ߞߍ߫ ߡߊ߬ ߝߘߎ ߛߊ߬ߙߌ߬ߦߊ ߘߏ߫ ߞߣߐߡߊ߬ ߜߎ߲߬ߘߎ߬ ߘߐ߫ ߸ ߏ߬ ߟߋ ߞߊ߫ ߝߌ߬ߛߊ߫ ߓߊ߰ ߡߏ߬ߛߏ ߦߋ߫ ߕߏ߫ ߛߊ߲߬ ߦߙߌߞߊ߫ ߘߋ߲ߠߊߡߐ߫ ߓߏ߲ߠߊߛߌߓߊߟߌߦߊ ߘߐ߫ ߸ ߞߊ߬ ߞߊ߬ߣߌ߲ ߘߊߡߌ߬ߣߊ߫ ߊ߬ ߓߟߏ߫ ߝߍ߬ ߛߏ ߞߣߐ߫ ؟
߄߲ - ߊ߰ ߒ ߢߣߊ߫ ߦߏ߫ ߝߘߎ ߦߋ߫ ߓߍ߲߬ߒ߬ߞߊ߲߬ߡߊ ߟߋ߬ ߘߌ߫ ߸ ߡߏ߬ߛߏ ߘߏ߫ ߣߌ߫ ߗߍ߭ ߘߏ߫ ߟߊ߫ ߘߌ߬ߢߍ ߢߐ߲߮ ߢߍ߫ ߸ ߡߌ߬ߙߌ߲߬ߘߌ ߟߊ߫ ߞߎ߬ߙߎ߲߬ߘߎ߬ ߡߊߟߐ߲ߣߍ߲ ߘߏ߫ ߟߎ߫ ߞߣߐߡߊ߬߸ ߦߊ߯ߟߊ߫ ߊߙߊߓߎ ߟߎ߫ ߣߊ߬ ߘߊ߫ ߞߏ߫ ߜߘߍ ߟߋ߬ ߟߊߘߏ߲߬ ߠߊ߫ ߒ߬ ߠߊ߫ ߝߘߎ ߟߎ߬ ߘߐ߫ ߦߊ߲߬ ߓߘߍ߬ߦߊ ߘߐ߫ ߸ ߡߍ߲ ߕߎ߲߬ ߕߍ߫ ߊ߬ ߘߐ߫ ߞߘߐ߬ߡߊ߲߬ ؟
߅߲- ߗߍ߭ ߞߍ ߞߵߊ߬ ߡߏ߬ߛߏ ߟߊߕߊ߬ߡߌ߲߫ ߊ߬ ߘߐ߯ߞߍ߫ ߡߊ߬ ߜߎ߲߬ߘߎ߬ ߘߐ߫ ߸ ߊ߬ ߟߊ߫ ߟߎ ߕߋ߭ ߡߊߕߊ߲߬ߞߊ߬ ߞߊ߬ ߞߊ߲ߡߊ߬߸ ߓߍ߲߬ߒ߬ߡߊ߬ߞߊ߲ ߘߏ߫ ߞߣߐߡߊ߬ ߸ ߡߍ߲ ߓߍ߲߬ߣߍ߲߫ ߊ߲ ߠߊ߫ ߡߊ߲߬ߘߋ߲߫ ߛߌ߰ߞߊ߲ ߡߊ߬ ߸ ߏ߬ ߦߋ߫ ߡߎ߲߬ ߕߌߢߍ߫ ߟߊ߫ ߡߐ߰ߦߊ ߡߊ߬ ؟ ߣߴߌ ߘߏ߲߬ ߞߊ߲߫ ߞߍ߫ ߘߊ߫ ߛߌ߬ߟߡߊ߬ߦߊ ߡߊ߬ ߸ ߊ߬ ߦߋ߫ ߡߎ߲߬ ߕߌߢߍ߫ ߟߊ߫ ߏ߬ ߝߣߊ߫ ߘߐ߫ ؟ ߞߵߊ߬ ߕߍ߬ߘߍ߫ ߘߏ߲߬ ߛߌ߬ߟߡߊ߬ߦߊ ߞߊ߬ ߝߘߎ߫ ߞߘߎߣߍ߲ ߠߊߘߌ߬ߢߍ߫ ߞߟߍ߬ߘߋ߲ ߠߎ߬ ߢߍ߫ ߞߎ߲߭ ߡߍ߲ ߠߊ߫ ߖߐ߫ ߸ ߡߊ߲߬ߘߋ߲ ߠߎ߬ ߝߣߊ߫ ߞߊ߬ ߞߍߢߊ߫ ߣߌ߲߬ ߠߊߘߌ߬ߢߍ߫ ߡߏ߬ߛߏ ߟߎ߬ ߢߍ߫ ߕߋ߲߬ ߠߋ߬. ߊ߬ߟߋ߬ ߗߍ߬ߞߏ߬ ߞߐ߯ߟߐ߫ ߞߋߟߋ߲߫ ߠߋ߬ ߡߊߕߊ߲߬ߞߊ߬ ߞߊ߲ߡߊ߬.
߅߲ - ߌ ߦߴߊ߬ ߟߐ߲߫ ߸ ߒ߬ ߓߋ߲ߓߊ ߟߎ߫ ߞߊ߬ ߝߘߎ ߟߊߥߟߌ߬ ߛߎ߬ߕߎߙߊ ߟߋ߬ ߡߊ߬، ߊ߬ߟߎ߬ ߡߴߊ߬ ߟߊߥߌ߬ߟߌ߫ ߟߋ߰ߓߎ ߡߊ߬ ߸ ߡߍ߲ ߠߎ߬ ߦߋ߫ ߞߍߢߊ ߣߌ߲߬ ߠߊߕߐ߲߫ ߠߊ߫ ߸ ߏ߬ ߟߎ߫ ߦߴߊ߬ ߝߍ߬ ߟߋ߬ ߓߊ߬߸ ߛߏ ߣߌ߫ ߓߏ߬ߟߏ߲߬ߘߊ ߣߌ߫ ߟߎ ߓߍ߯ ߦߋ߫ ߞߍ߫ ߊ߬ ߞߊ߬ߟߊߡߊ߬ ߞߏ߫ ߗߍ߬ ߞߊ߬ߘߌ߬ߛߊ߬ ߕߍ߫ ߗߍ߬ߦߊ߬ ߘߐ߫ ߸ ߏ߬ ߟߋ ߞߏߛߐ߲߬ ߸ ߊ߬ ߓߘߴߊ߬ ߡߏ߬ߛߏ ߝߘߎߛߊ߬ ߥߟߴߊ߬ ߡߏ߬ߛߏ ߓߘߴߊ߬ ߓߊ߲߬ ߊ߬ ߘߐ߫؟
ߏ߬ ߞߐ߫ ߸ ߌ ߦߋ߫ ߊ߬ ߟߐ߲߫ ߊ߲ ߓߘߊ ߦߊ߲߬ ، ߝߘߎ ߕߘߍ߬ ߞߍ߫ ߟߊ߫ ߟߎ ߟߋ߬ ߡߊ߬ ߥߟߊ߫ ߓߏ߬ߟߏ߲߬ߘߊ ߸ ߊ߬ ߕߎ߲߬ ߕߍ߫ ߞߍ߫ ߟߊ߫ ߡߐ߰ ߞߋߟߋ߲߫ ߡߊ߬ ߝߋߎ߫ ، ߏ߬ ߟߋ ߞߏߛߐ߲߬ ߘߋ߲߫ ߞߋߟߋ߲ ߠߊ߫ ߝߘߎ ߜߟߍ߬ߡߊ߲߫ ߕߍ߬ߘߍ߫ ߡߊ߲߬ߘߋ߲߬ ߞߏߛߓߍ߫ ߸ ߞߊ߬ ߓߍ߲߬ ߡߎ߲߬ ߡߊ߬، ߣߌ߫ ߞߏ ߞߊ߬ ߗߍ߭ ߛߐ߬ߘߐ߲߬ ߟߏ߲ ߡߊ߬ ، ߡߏ߬ߛߏ ߟߊ߫ ߛߌߣߌ߲߫ ߞߍߕߐ߫ ߘߌ߬؟ ߒ߬ ߓߋ߲ߓߊ ߟߎ߫ ߞߊ߬ ߊ߲ ߠߊ߫ ߝߘߎ ߟߎ߫ ߥߘߋ߬ߥߘߋ߬ߦߊ߫ ߏ߬ ߟߋ ߘߐ߫߸ ߞߊ߬ ߓߌ߬ ߣߌ߫ ߛߌߣߌ߲߫ ߓߍ߯ ߝߙߋߞߋ ߝߎߟߋ߲߫ ߊ߬ ߘߐ߫ ߸ ߡߍ߲ ߟߐ߬ߕߐ߫ ߝߘߎ ߞߐ߫ ߥߊ߲߬ߖߊ߲ ߣߌ߫ ߝߛߏ߬ߝߛߊ ߡߊ߬.
ߌ ߦߴߊ߬ ߟߐ߲߫ ߝߣߊ߫ ߞߏ߫ ߡߊ߲߬ߘߋ߲߬ ߠߊ߫ ߡߐ߰ߦߊ ߥߘߋ߬ߥߘߋ߬ߦߊ ߞߊ߫ ߓߏ߲߬ ߞߏ߫ ߌ ߦߋ߫ ߊ߬ ߛߎߡߊ߲߫ ߡߌ߬ߙߌ߲߬ߘߌ߬ ߜߘߍ ߕߊ ߡߊ߬ ، ߌ ߘߴߊ߬ ߦߋ߫ ߏ߬ ߛߊ߲ߘߐ߫ ߔߏ߲߯.
ߞߎߡߊ߫ ߟߊߓߊ߲߫ ߘߐ߫ : ߣߴߌ ߦߴߊ߬ ߝߍ߬ ߞߊ߬ ߡߊ߲߬ߘߋ߲߫ ߞߎ߬ߙߎ߲߬ߘߎ ߡߊߞߕߌ߫ ߦߴߊ߬ ߡߊߞߕߌ߫ ߞߴߊ߬ ߓߍ߲߬ ߊ߬ ߟߊ߬ߢߌߣߌ߲ ߟߊ߫ ߢߎ߬ߡߊ߬ߦߊ ߣߴߊ߬ ߟߊ߫ ߞߏߙߏ߲ߧߊ ߡߊ߬ ߸ ߞߵߊ߬ ߓߍ߲߬ ߡߐ߰ߦߊ ߡߊ߬، ߓߊ߬ߙߌ߬ ߣߴߌ ߞߵߊ߬ ߡߊߞߕߌ߫ ߞߵߊ߬ ߓߍ߲߬ ߘߌ߯ߣߊ ߘߏ߫ ߞߎ߲߬ߕߋߟߋ߲ ߡߊ߬ ߡߐ߰ߦߊ ߕߐ߯ ߘߐ߫. ߣߴߊߟߎ߫ ߥߊ߫ ߘߊ߫ ߡߐ߰ߦߊ ߞߕߌߖߌ߲ ߠߊ߫߸ ߏ߬ ߟߎ߬ ߦߋ߫ ߊ߬ ߥߘߋ߬ߥߘߋ߬ߦߊ ߘߴߌ ߡߊ߬߸ ߞߵߊ߬ ߓߍ߲߬ ߡߐ߰ߦߊ ߡߊ߬، ߌ ߘߌ߫ ߓߐ߫ ߦߋ߲߬ ߞߌߛߐ߫߸ ߞߵߌ ߟߊ߫ ߘߌ߯ߣߊ ߟߊߡߊ߬ߟߏ߬ߦߊ߬، ߏ߬ ߓߊ߯ ߞߍ߫ ߌ ߘߌ߫ ߡߐ߱ ߟߎ߬ ߢߊߘߏ߲߬ ߘߌ߯ߣߊ ߏ߬ ߟߊ߫.
ߞߊ߬ߕߎ߲߯ ߸ ߊ߲ ߧߋ߫ ߊ߬ ߟߐ߲߫ ߝߣߊ߫ ߞߏ߫ ߤߊ߲߯ ߕߋ߲߬ ߛߌ߬ߟߡߊ߬ߦߊ ߞߕߌ ߟߎ߬ ߦߋ߫ ߡߊߦߟߍ߬ߡߊ߲߬ ߠߊ߫ ߸ߞߵߊ߬ ߓߍ߲߬ ߛߌ߬ߟߡߊ߬ߦߊ߫ ߘߌ߯ߣߊ ߟߊ߫ ߟߊ߬ߢߌߣߌ߲ ߠߎ߫ ߡߊ߬. ߛߌ߬ߟߡߊ߬ߦߊ ߞߏߘߐߛߘߌߘߊ ߡߍ߲ ߦߋ߫ ߖߌߘߊ߲߬ ߸ ߣߌ߫ ߞ. ߞߕߎߓߎ߫ ߦߋ߫ ߊ߬ ߢߍߡߐ߯ߦߊ ߟߊ߫، ߏ߬ ߟߊߓߊ߯ߙߊ ߟߋ߬ ߞߊ߬ ߛߌ߬ߟߡߊ߬ߦߊ ߞߕߌ ߟߎ߬ ߟߊߓߍ߲߬ ߘߎߢߊ߫ ߓߌ߲߭ߕߊ ߞߏ ߟߎ߫ ߡߊ߬. ߏ߬ ߦߋ߫ ߊ߬ ߦߌ߬ߘߊ߬ ߟߊ߫ ߟߋ߬߸ ߤߊߟߌ߬ ߣߌ߫ ߛߌ߬ߟߡߊ߬ߦߊ ߘߝߊߣߍ߲߫ ߞߍ߫ ߘߊ߫ ߸ ߒ߬ߞߵߊ߬ ߞߕߌ ߟߎ߫ ߥߘߋ߬ߥߘߋ߬ߦߊ ߞߴߊ߬ ߓߍ߲߬ ߓߌ߬ ߞߏ ߟߎ߫ ߡߊ߬ ߸ ߏ߬ ߦߋ߫ ߛߋ߲ߛߋߘߋ߲ ߠߋ߬ ߘߌ߫. ߏ߬ ߘߏ߲߬ ߓߊ߯ ߞߍ߫ ߌߞߘߐ߫ ߕߋ߲߬ ߸ ߘߏ߫ ߝߙߊ߬ߣߍ߲߫ ߓߍ߯ ߟߋ߬ ߸ ߊ߬ ߛߊ߬ߙߌ߬ߦߊ ߟߎ߫ ߞߊ߲߬ ߏ߬ ߘߌ߫.
ߒ߬ߓߊ߬ ߸ ߣߌ߲߬ ߠߋ߬ ߞߏߛߐ߲߬ ߊ߰ ߝߐ߫ ߟߊ߫ ߞߏ߫ : ߛߊ߬ߙߌ߬ߦߊ ߟߎ߬ ߓߍ߯ ߦߋ߫ ߟߢߊ߬ߟߌ ߟߋ߬ ߘߊߞߘߐ߫ ߞߴߊ߬ ߓߍ߲߬ ߕߎ߬ߡߊ ߣߌ߫ ߞߍߢߊ ߟߎ߫ ߡߊ߬ ߘߎߢߊߘߐߕߍ߮ ߞߎ߲߬ߕߊ߮ ߞߘߐ߫.
ߊߟߎ߫ ߣߌ߫ ߖߐ߫ ߸ ߊߟߎ߫ ߣߌ߫ ߘߐ߬ߞߊ߬ߙߊ߲߬ߠߌ߲߬.
