ߛߌ߬ߣߌ߲߬ߟߏ߲ ߡߍ߲ ߕߊ߬ߡߌ߲߬ߣߍ߲߫ ߣߌ߲߬ ߂߀߂߆ ߞߏ߲ߓߌߕߌ߮ ߕߟߋ߬ ߁߆߸ ߡߊ߬ߛߎ߬ߓߊ߬ ߞߏ ߘߏ߫ ߟߋ߬ ߕߍ߰ߣߍ߲߫ ߘߎߕߑߘߌ߫ ߘߎ߰ߣߍ߲ ߞߣߐ߫߸ ߒߜ߭ߐߦߌ߬ ߞߊ߬ߝߏ߬ߙߋ߲ ߞߣߐ߫، ߡߏ߬ߛߏ ߛߊ߲߬ ߄߃ ߘߏ߫ ߟߋ߬ ߛߐ߰ߣߍ߲߫ ߡߎ߬ߙߎ ߟߊ߫ ߺ ߊ߬ ߘߛߌ ߘߐ߫߸ ߞߵߊ߬ ߓߐ߬ߣߐ߫ ߊ߬ ߣߌ ߘߐ߫، ߊ߬ ߖߍ߬ߘߍ ߛߐ߬ߘߐ߲߬ ߘߋ߲߫ ߛߊ߲߭ ߂߃ ߟߋ߬ ߡߊߝߌ߲߬ߣߍ߲߫ ߣߌ߲߬ ߞߏ ߘߐ߫߸ ߞߏ߫ ߏ߬ ߟߋ ߣߐ߬ ߘߌ߫ ߞߍ߫ ߊ߬ ߛߐ߰ ߟߊ߫ ߞߵߊ߬ ߝߊ߰.

ߘߋ߲ߡߛߏ ߣߌ߲߬ ߕߎ߲߬ ߓߘߊ߫ ߝߘߎ߫، ߞߊ߬ ߓߍ߲߬ ߊ߬ ߤߊ߲ߞߟߌ ߟߊ߫ ߝߍ߬ ߛߐߘߐ߲ ߡߊ߬ ߛߊ߫߸ ߊ߬ ߟߊߛߊ߬ߦߌ߲߬ ߘߴߊ߬ ߝߊ߬ ߓߘߊ ߡߎߣߎ߲߬، ߒ߬ߓߊ߬߸ ߊ߬ ߕߏߣߍ߲߫ ߏ߬ ߟߋ ߛߌ ߘߐ߫ ߦߋ߲߬ ߣߌ߲߬߸ ߤߊ߲߯ ߊ߬ ߞߊ߬ ߡߎ߬ߙߎ ߕߊ߬ ߞߵߊ߬ ߣߊ߫ ߛߐ߰ ߊ߬ ߘߛߌ ߘߐ߫، ߏ߬ ߡߊߘߌߡߌ߲ߣߍ߲߫ ߏ߬ ߟߋ ߘߐ߫ ߞߏߖߎ߯ߦߊ߫߸ ߞߊ߬ ߖߋ߬ߟߌ߬ ߛߌߦߊߡߊ߲߫ ߓߐ߫ ߊ߬ ߘߐ߫߸ ߝߏ߫ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫ ߡߎ߬ߕߎ߲߬߸ ߞߵߏ߬ ߟߊߓߊ߲߫ ߛߊ߬ߦߊ ߡߊ߬، ߊ߬ ߛߊ߬ ߘߊ߫ ߛߌߟߊ߫ ߟߊ߫ ߟߋ߬ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߋ߫ ߥߊ ߞߊ߲߬ ߊ߬ ߘߌ߫ ߘߊ߲ߘߊߛߏ ߟߊ߫ ߓߊ߲ߓߋߦߌ߫.

ߏ߬ ߟߋ ߞߍ߫ ߘߊ߫ ߓߊ߲ߓߋߦߌ߫ ߞߟߍ߬ߡߐ߮ ߟߎ߬ ߟߊߟߐ߲ߠߌ߲߫ ߢߊ ߘߌ߫߸ ߏ߬ ߟߎ߬ ߝߣߊ߫ ߓߘߊ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫߸ ߞߵߊ߬ ߞߏ ߕߊ߬ߡߌ߲߬ ߢߊ ߢߊߢߌߣߌ߲߫ ߞߵߊ߬ ߟߐ߲߫.

ߕߋ߲߭ߕߋ߲߭ ߣߌ߲߬ ߞߏ߬ߣߌ߲ ߘߐ߫߸ ߝߐ߫ ߢߊ߫ ߞߋߟߋ߲ ߡߍ߲ ߦߴߊ ߟߊ߫ ߡߎߣߎ߲߬߸ ߏ߬ ߟߋ ߝߟߍ߫ ߣߌ߲߬.