ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߣߊߞߐߛߣߍ ߓߊ߯ߙߊ߫ ߟߋ߬ ߘߌ߫߸ ߡߍ߲ ߘߌ߫ ߛߋ߫ ߥߙߎߞߌ ߣߌ߫ ߛߓߊ߬ߕߌ ߟߊߘߏ߲߬ ߠߊ߫ ߖߡߊ߬ߣߊ ߞߣߐ߫߸ ߞߎߡߊߕߍ߫ ߛߏ ߡߊ߬، ߓߊ߬ߙߌ߬߸ ߛߋߒߕߊ߲ߧߊ ߡߊ߬߸ ߊ߬ ߣߌ߫ ߣߊߞߐ߫ ߓߊ߯ߙߊ ߟߐ߲ߠߌ߲ ߠߊ߫ ߘߛߍ ߡߊ߬߸ ߒ߬ ߣߊߡߛߏ ߟߎ߬ ߦߋ߫ ߘߏ߲߬ ߠߴߊ߬ ߘߐ߫ ߟߋ߬߸ ߛߴߊ߬ߟߎ߬ ߞߊߣߵߊ߬ߟߎ߫ ߛߌ߰ ߊ߬ߟߎ߫ ߖߍ߬ߘߍ߫ ߡߊ߬߸ ߊ߬ ߣߌ߫ ߛߴߊ߬ߟߎ߬ ߟߊ߫ ߣߊ߫ ߡߌߛߍ߲߫ ߞߏ ߟߎ߬ ߘߌ߫ ߣߐ߰ߦߴߊ߬ߟߎ߫ ߡߊ߬ ߢߊ ߡߍ߲ ߡߊ߬، ߊ߲ ߛߋ߫ ߘߊ߫ ߤߊߥߊ߬ ߘߎ߲ߓߎߦߊ߫ ߡߊ߬߸ ߊ߬ߟߋ ߡߍ߲ ߓߘߊ߫ ߛߊ߲ߖߌ߫ ߕߊ߲߫ ߣߌ߫ ߞߐ߫ ߞߍ߫ ߣߊߞߐߛߣߍ ߟߊ߫ ߞߎ߲ߖߊ߲߫ ߛߏ ߞߣߐ߫.
ߒ߬ ߣߊߡߛߏ ߣߌ߲߬ ߞߵߊ߬ ߦߌ߬ߘߊ߬ ߞߏ߫ <<ߛߋ߫ ߟߋ߬ ߕߴߊ߲ߠߎ߬ ߦߋ߫߸ ߊ߲ ߛߊ߲ߖߌ߫ ߕߊ߲߫ ߣߌ߫ ߞߐ ߟߋ߬ ߣߊߞߐ߫ ߓߊ߯ߙߊ ߢߌ߲߬ ߞߊ߲߬ ߕߋ߲߬، ߊ߬ ߘߏ߲߬ ߦߋ߫ ߞߍ߫ ߟߴߊ߲ ߓߟߏ߫ ߖߛߎ߬ߞߟߏ ߟߋ߬ ߡߊ߬߸ ߖߐ߲߰ߛߴߊ߲ ߞߊߣߵߊ߬ ߛߌ߰ ߊ߲ ߖߍ߬ߘߍ߫ ߡߊ߬ ߢߊ ߡߍ߲ ߡߊ߬، ߣߴߏ߬ ߕߍ߫߸ ߝߋ߲߫ ߕߴߊ߬ ߘߐ߫ ߝߋߎ߫.>>
ߜߟߍ߬ߦߊ ߦߋ߫ ߓߊ߯ߙߊ ߓߍ߯ ߘߐ߫߸ ߓߊ߬ߙߌ߬ ߤߊߥߊ߬ ߘߎ߲ߓߎߦߊ߫ ߦߋ߫ ߞߊ߬ߛߌ߬ ߟߊ߫ ߓߊ߯ߙߊ߫ ߡߎߙߊ߲߫ ߞߏ ߟߋ߬ ߘߐ߫߸ ߊ߬ ߞߵߏ߬ ߟߋ ߞߟߌߟߌ߫ ߞߊ߲ߠߊ ߟߊߛߋ߫ ߞߎ߲߬ߠߊ߬ߛߌ߮ ߟߎ߫ ߡߊ߬، ߝߋ߲߫ ߛߌߦߊߡߊ߲߫ ߘߏ߲߬ ߦߋ߫ ߛߣߍ߬ ߟߴߊ߬ߟߎ߬ ߓߟߏ߫߸ ߦߏ߫ ߜߊ߲ ߣߌ߫ ߖߊ߰ߘߏ ߣߌ߫ ߞߓߐ߬ߓߞߐ߸ ߞߵߏ߬ ߟߊ߫ ߛߙߊ ߣߌ߫ ߣߊߞߐ߫ ߘߐ߫ ߝߋ߲߫ ߛߌߦߊߡߊ߲߫ ߠߎ߫ ߞߊ߲߬، ߣߊߞߐ߫ ߘߐ߫ ߝߋ߲ ߡߍ߲ ߠߎ߬ ߘߏ߲߬ ߡߊߘߊ߲߫ ߞߊ߲߫ ߏ߬ ߘߌ߫߸ ߒ߬ ߣߊߡߛߏ ߣߌ߲߬ ߞߊ߲߫ ߞߏ߫ ߊ߬ߟߎ߬ ߕߴߏ߬ ߟߎ߫ ߝߙߋ߬ ߟߊ߫ ߛߐ߲߬ߞߐ߬ ߟߊ߫߸ ߡߍ߲ ߘߌ߫ ߛߋ߫ ߡߐ߰ ߓߐ߫ ߟߊ߫ ߣߐ߯ ߘߐ߫، ߓߊߏ߬߸ <<ߛߐ߲߬ߞߐ߬ ߕߴߊ߬ߟߎ߬ ߟߊ߫، ߊ߬ ߘߏ߫ ߟߎ߫ ߦߋ߫ ߝߙߋ߬ ߟߊ߫ ߗߡߍ߬ ߟߏ߯ߟߎ߫، ߊ߲ ߧߴߊ߬ ߡߊ߬ ߟߋ߬ ߘߐߙߐ߲߫߸ ߓߊߏ߬ ߊ߬ ߓߟߏߞߊ߬ ߢߊ߫ ߕߍ߫.>>
ߘߡߊߞߊߛߟߌߓߊ ߡߍ߲ ߞߏ߬ߣߌ߲ ߦߴߊ߬ߟߎ߬ ߓߟߏ߫߸ ߏ߬ ߟߋ ߓߊ߯ߙߊ߫ ߡߎߙߊ߲߫ ߞߏ ߘߌ߫߸ ߡߍ߲ ߦߴߊ߬ߟߎ߬ ߘߛߍ߫ ߟߊ߫ ߞߏ߫ ߛߌߦߊߡߊ߲߫ ߞߍ߫ ߟߊ߫.
ߒ߬ ߣߊߡߛߏ ߢߌ߲߬ ߠߎ߫ ߞߊ߬ߛߌ߬ ߞߊ߲ ߘߏ߫ ߟߋ߬ ߝߣߊ߫ ߦߋ߫ ߤߊߞߟߌ߫ ߡߞߊߝߏ߫ ߞߏ ߘߌ߫߸ ߖߐ߲߰ߛߴߊ߬ߟߎ߬ ߘߌ߫ ߛߋ߫ ߕߐ߬ߣߐ߫ ߛߐ߬ߘߐ߲߬ ߠߴߊ߬ߟߎ߬ ߟߊ߫ ߣߊߞߐ߫ ߓߊ߯ߙߊ ߟߊ߫ ߢߊ ߡߍ߲ ߡߊ߬، ߓߊߏ߬ <<ߣߌ߫ ߟߐ߲ߠߌ߲ ߕߍ߫߸ ߞߏ߫ ߛߌ߫ ߟߋ߬ ߕߴߛߋ߫ ߣߐ߰ߦߊ߬ ߟߊ߫، ߕߐ߬ߣߐ ߛߐ߬ߘߐ߲ ߣߊߞߐ߫ ߓߊ߯ߙߊ ߣߌ߲߬ ߘߐ߫ ߊ߬ ߟߐ߲ߓߊߟߌߦߊ ߞߊ߲߬߸ ߏ߬ ߦߋ߫ ߛߌ߬ߓߏ ߟߋ߬ ߘߌ߫.>> ߤߊߥߊ߬ ߟߋ߬ ߞߊ߲߫ ߕߋ߲߬.
ߏ߬ ߘߐ߫߸ ߣߌ߫ ߣߊߞߐߛߣߍ ߞߍߢߊ߫ ߓߘߍ ߟߎ߬ ߛߋ߫ ߘߊ߫ ߞߍ߫ ߟߊ߫ ߞߊ߬ߙߊ߲߬ ߝߋ߲ ߘߌ߫ ߒ߬ ߠߊ߫ ߘߎ߰ߣߍ߲ ߠߎ߬ ߞߣߐ߫߸ ߞߊ߬ ߒ߬ ߣߊߡߛߏ ߟߎ߬ ߤߊ߲ߞߟߌ ߡߊߞߊ߬ߝߏ߬ ߓߊ߯ߙߊ ߞߍߢߊ ߟߎ߬ ߘߐ߫߸ ߊ߬ ߛߌߦߊߡߊ߲ ߘߐ߫ ߊ߬ ߘߌ߫ ߘߏ߫ ߓߐ߫ ߘߐ߱ ߟߊ߫߸ ߞߊ߬ ߥߙߎߞߌ߫ ߓߟߏߕߍ߰ߓߊߟߌ ߜߘߌߛߌ߰߸ ߏ߬ ߡߍ߲ ߞߍߕߐ߫ ߣߐ߰ߦߊ ߛߌߟߊ ߛߊ߫ ߟߊ߫ ߖߡߊ߬ߣߊ ߞߣߐ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
