ߛߌ߯ߙߌ߲߫ ߘߊ߲ߘߊߛߏߓߊ ߣߐ߬ ߡߏ߬ߛߏ ߘߏ߫ ߟߋ߬ ߟߊߛߐ߬ߘߐ߲߬ ߠߊ߫߸ ߊ߬ ߡߊߘߌߣߌ߲ߣߍ߲ߓߊ ߦߴߊ߬ ߘߌ߫߸ ߝߊߦߌߘߊ߫ ߡߏ߬ߛߏ ߣߌ߲߬ ߓߟߏߡߍ߲ߛߍ߲ ߠߎ߬ ߓߍ߯ ߕߍ߰ߣߍ߲ ߠߋ߬ ߊ߬ ߟߊ߫߸ ߦߏ߫ ߡߐ߰ ߓߟߏߡߍ߲ߛߍ߲ ߓߊ߯ ߕߍ߰ ߟߊ߫ ߡߎ߬ߙߎ ߟߊ߫߸ ߞߵߊ߲ ߓߏ߲߬ߓߏ ߝߣߊ߫ ߕߍ߰ ߞߊ߬ ߛߋ߫ ߞߟߏ ߡߊ߬߸ ߞߊ߬ ߞߊ߲ ߝߣߊ߫ ߞߍ߫ ߏ߬ ߢߊ߫ ߞߋߟߋ߲߫ ߔߋ߫ ߡߊ߬߸ ߘߊ߲ߘߊߟߌߟߊ ߟߎ߬ ߞߊ߬ ߘߊ߲ߘߊߟߌ ߟߎ߬ ߜߵߊ߬ ߟߊ߫߸ ߖߐ߲߰ߛߴߊ߬ ߘߴߊ߬ ߟߊ߫ ߞߍ߲ߘߍߦߊ ߡߊߛߐ߬ߘߐ߲߬ ߞߊߟߌߦߊ߫ ߘߐ߫ ߢߊ߫ ߡߍ߲ ߡߊ߬.
ߘߊ߲ߘߊߟߌ ߞߎ߲߬ߝߟߐ ߟߎ߬ ߞߍߣߍ߲ ߞߐߝߍ߬߸ ߡߏ߬ߛߏ ߝߟߐ߫ ߘߊ߫ ߞߎߡߊ ߘߊߡߌ߬ߣߊ߬ ߟߊ߫߸ ߓߊߏ߬߸ ߊ߬ ߦߋ߫ ߛߋ߫ ߟߊ߫ ߘߊ߲ߘߊߛߏ ߟߊ߫ ߕߎ߬ߡߊ ߡߍ߲߸ ߏ߬ ߞߵߊ߬ ߛߐ߬ߘߐ߲߫ ߠߋ߬ ߊ߬ ߕߍ߫ ߞߎߡߊ߫ ߟߊ߫، ߢߊߢߌߣߌ߲ ߠߎ߬ ߞߵߊ߬ ߦߌ߬ߘߊ߫߸ ߞߏ߫ ߡߐ߰ ߜߘߍ߫ ߛߌ߫ ߣߐ߬ ߕߍ߫ ߡߏ߬ߛߏ ߞߊ߲߬ ߣߌ߲߬߸ ߝߏ߫ ߊ߬ ߖߍ߬ߘߍ ߝߘߎߞߍ߸ ߞߊ߬ߕߎ߲߯߸ ߊ߬ ߣߴߊ߬ ߗߍ߬ ߟߋ߬ ߓߌ߬ߟߊ߬ߣߍ߲߫ ߢߐ߲߮ ߠߊ߫، ߡߏ߬ߛߏ ߟߊ߫ ߞߎߡߊ߫ ߘߐ߫߸ ߊ߬ ߣߴߊ߬ ߗߍ߬ ߓߌ߬ߟߊ߬ߣߍ߲߫ ߢߐ߲߯ ߠߊ߫ ߜߋߟߋ߲ߜߋߟߋ߲߫ ߞߏ ߟߋ߬ ߘߐ߫߸ ߊ߬ ߕߌ߯ߕߌ߯ ߟߥߊߟߌߟߊ߲ ߡߍ߲ ߕߐ߯ ߞߏ߫ <<ߕߌߞߑߕߐߞ>> ߗߍ߭ ߣߐ߬ ߏ߬ ߟߋ߬ ߦߋ߫ ߟߊ߫ ߡߏ߬ߛߏ ߟߊ߫ ߜߋߟߋ߲ߜߋߟߋ߲ ߞߣߐ߫.
ߊ߬ ߞߍߢߊ ߟߴߏ߬ ߘߌ߫ ߞߊ߬ ߜߋߟߋ߲ߜߋߟߋ߲ ߡߌ߬ߣߊ߬ ߡߏ߬ߛߏ ߟߊ߫߸ ߊ߬ ߞߏ߬ߣߌ߲ ߘߌ߫ ߝߋ߲߫-ߋ߲-ߝߋ߲߬ ߦߴߏ߬ ߞߣߐ߫ ߦߋ߲߬ ߛߌߣߍ߲߬߸ ߊ߲ ߕߍ߫ ߞߍ߫ ߊߟߊ߫ ߘߌ߫ ߞߵߏ߬ ߟߐ߲߫، ߏ߬ ߟߋ߬ ߞߍ߫ ߘߴߊ߬ߟߋ ߝߎ߲ߘߌ߫ ߢߊ ߘߌ߫߸ ߞߊ߬ ߡߙߎ߬ߓߊ ߕߊ߬ ߛߌߣߍ߲߬߸ ߞߊ߬ ߡߏ߬ߛߏ ߡߊߕߍ߰ߕߍ߰ ߢߊ߫ ߛߎ߯ ߢߌ߲߬ ߡߊ߬߸ ߏ߬ ߟߋ߬ ߞߍ߫ ߘߊ߫ ߡߐ߱ ߟߎ߬ ߟߊߟߐ߲ߠߌ߲߫ ߢߊ ߘߌ߫߸ ߣߌ߲߬ ߞߍ߫ ߘߊ߫ ߖߌߟߋ߲߬ߜߍ߫ ߟߋ߬߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߞߣߐ߫߸ ߞߊ߲ߡߋߙߋ߲ ߞߏ߬ߣߌ߲ ߓߘߊ߫ ߛߋ߫ ߡߊ߲߬ߖߊ߲߬ߠߊ߫ ߞߟߍ߬ߡߐ߰ߘߊ ߟߊ߫߸ ߡߏ߬ߛߏ ߡߍ߲ ߣߐ߬ ߛߏ߬ߟߊ ߣߌ߲߬ ߡߊߛߐ߬ߘߐ߲߬ ߠߊ߫߸ ߊ߬ߟߋ ߕߐ߯ ߦߋ߫ <<ߡߊ߬ߟߏ߬ߓߊ߫ ߛߘߌ߬ߓߋ߫>> ߟߋ߬ ߘߌ߫.
ߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߂߈ ߢߐ߲߰ ߠߋ߬ ߘߐ߫߸ ߘߋ߲߫ ߝߌ߬ߟߊ߬߸ ߡߍ߲ ߦߴߊ߬ ߓߟߏ߫߸ ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߞߏ߫ ߕߍ߫ ߡߏ߬ߛߏ ߟߊ߫ ߝߟߐ߫߸ ߊ߬ ߦߴߊ߬ ߟߊ߫ ߞߍ߲ߘߍߦߊ ߞߊ߲߬ ߞߵߊ߬ ߡߊߛߐ߬ߘߐ߲߬، ߘߐ߬ߞߑߕߐߙ ߊߓߋ߬ߛߋ ߞߵߊ߬ ߝߐ߫ ߊ߬ ߟߊ߫ ߞߎߡߊ߫ ߟߊߓߊ߲߫ ߘߐ߫߸ ߞߏ߫ ߓߍ߯ ߦߋ߫ ߢߐ߲߮ ߠߊ߫ ߜߋߟߋ߲ߜߋߟߋ߲ ߦߋ߫ ߞߵߊ߬ ߕߏ߫ ߦߋ߲߬߸ ߜߋߟߋ߲ߜߋߟߋ߲ ߦߋ߫ ߓߟߊ߬ߥߎ߬ ߝߋ߲ ߠߋ߬ ߘߌ߫߸ ߜߋߟߋ߲ߜߋߟߋ߲ ߘߌ߫ ߛߋ߫ ߞߊ߬ ߛߏ ߕߋ߬߸ ߜߋߟߋ߲ߜߋߟߋ߲ ߘߌ߫ ߛߋ߫ ߞߊ߬ ߖߡߊ߬ߣߊ ߖߍ߬ߘߍ ߕߋ߲߬߸ ߏ߬ ߟߋ߬ ߞߍ߫ ߘߊ߫ ߘߐ߬ߞߑߕߐߙ ߊߓߋ߬ߛߋ ߟߊ߫ ߟߊ߬ߟߌ߬ߟߌ߬ ߞߊ߲߫ ߘߌ߫߸ ߞߵߊ߬ ߝߐ߫ ߡߐ߱ ߟߎ߬ ߦߋ߫.
